elainechoi510's Profile

有什麼是開心過收工去食好西呢?準備空腹數小時為了一餐! 大誇張了吧....不過去這間 牛たん大輔 叫上一個定食, 實情是會吃得過飽, 建議女生的話可以 share 或單點, 不叫定食。我就選了 特製照燒汁牛脷飯定食, 賣相極之吸引, 牛脷佈滿飯的表面, 少甜的照燒汁加上牛脷爽滑的口感, 不膩, 一口咬落去很正! 配菜是略帶酸味, 應該是有開胃的作用, 只可惜雜菜是生的, 未必個個接受到草青味。友人選了 特製醬汁牛脷 配 山芋蓉飯定食, 這款牛脷的口感, 我覺得似牛腩 (笑), 而且很厚切!! 有很多塊, 友人都吃不完呢。還有叫了 燒茄子, 木魚碎一點都不吝嗇, 每件茄子都有一大執, 茄子味道比較淡, 適合我不好食太咸的人士。整體來說, 食物質素不錯, 份量也對得起個價錢!! 唯一一個缺點就是餐廳內長期煙霧瀰漫, 抽氣系統應要改進, 變相用餐後衣服手袋都滿滿的牛味, 久而不散。…Read More

收工後走到灣仔的 伙伙餐廳, 可能時間日尚早, 不用等位便可入座。店內燈光較為昏暗, 每枱有個小蠟燭, 更添浪漫氣氛, 適合情侶齊齊去食鋸扒。看看餐牌, 價錢屬於中高, 但食物質素真的無可挑剔! 看食評介紹, 竟然想試試咖喱牛楠😂😂, 就被伙伴Y 以驚奇目光斜視... 大廚咖喱牛楠 $138加配 印度飛餅 $28咖喱不算太辣, 略有鹹味, 配合飛餅吃就把味道平衡, 牛楠煮得夠入味, 入口鬆化, 不錯好吃! 個人覺得汁醬的鹹味比辣味重, 可以淡一點會更好。飛餅要襯熱點咖喱汁食, 放涼後就變硬身不好吃。廚師沙律 (配千島醬) $98見餐牌上的圖片幾吸引, 實物果然很豐富, 不過沙律醬太多,哈哈! 服務態度很好, 店員都不停幫你添水, 沒有限時可以慢慢食, 聊聊天。…Read More

今日出元朗, 都知道一定熱死了, 想著要買飲料降溫, 就走到這間充滿少女風的小店, 鎮店的是下圖 Tiffany Blue 的雲尼拿味沙冰 + 雪糕, 吃下透心涼。不過我下次有機會就試試其他味軟雪糕, 沙冰太凍了, 哈哈。…Read More

收工去食甜品, 已經是全日返工的唯一動力....公司附近開了明記甜品新分店, 在網上見到上圖的窩夫就被深深吸引住!!窩夫多數用CREAM, 但這個窩夫一反傳統, 用上芒果漿, 芒果粒和珍珠。見到珍珠覺得很特別, 配合鬆軟窩夫, 香甜芒果, 十分好吃!! 份量都幾大的, 有兩個雪糕, 跟同事二人合力才吃得完!!再叫了個焦糖燉蛋, 賣相非常有趣, 烤過的棉花糖很像菇菇!!半熔的棉花糖加上燉蛋, 感覺有點甜, 可能我不太好甜吧。店內以白色作主調, 清新風格, 一改舊式甜品店的格局,主要賣西式甜品, 中式糖水就比較少, 如果想吃傳統的, 這間就未必適合了。看餐牌其他甜品賣相不錯, 有機會會再去試試呢。明記甜品銅鑼灣耀華街12號地舖…Read More