Tibbiebie's Profile

x 無限一向我都好少會俾咁差既負評，呢次真係好唔掂🤯我連影食物相📸️既意欲都無...首先，我 book 左 7pm，話 Facebook 俾 like 就送生蠔，點知去到就已經話送晒🤷🏻‍♀️好，算然後，去自助吧拎野食，除左哈密瓜 & 豉油雞翼係有味之外，無野係有味道。特別一提，個泰式鳳爪加左汁都無味道🤦🏽‍♀️好，算之後，用微信落單叫野食，電子化環保唔係唔好，而係嘟個QR code 嘟左 10 幾次先入到去落單，係咪好有問題呢？仲要成功落左單都唔代表真係有野食，漏單唔緊要，我去追單，侍應竟然答我：你地再落單就得嫁喇。再落單都唔緊要，但最後只有一部分野食真係有黎，而有一部份野食真係無黎，究竟係根本無呢樣野食吖？定係個落單系統有問題？真係無人知🤷🏻‍♀️好，算刺身，無一款係新鮮，無一款係有味道。壽司，同樣無一款有魚生既係新鮮，完全唔明白點解之前會有食評話佢啲飯同紫菜既質感好夾🤮好，算熟食，鍋物係熱，其他都係暖，除左燒菠蘿值得再叫多次之外，其他都可以唔洗再食🤢好，算服務態度都無特別，只係侍應成日都跌野。環境係幾好，對住個海，但啲燈咁光，點望都反晒光，完全浪費左個海景🤦🏽‍♀️好，算，總結我 係 唔 會 再 黎 食 ！都 唔 會 推 介 俾 人 ！唔 建 議 去 俾 機 會 試 ！三人行，每人$316，食咁既質數，我寧願食爭鮮都無咁嬲！如果可以俾 0 分，我一定會俾！…Read More

自問小妹對芝士一d都唔瘋狂，唔討厭，亦唔會無芝士不歡，對芝士不凍不熱啦。但今次食過呢度既芝士熱狗之後，真係令我著左迷因為趕時間，要食個快飯，於是朋友推介左呢間又方便又快捷又好好食既熱狗站，今次真係無介紹錯我自己就叫左個套餐，包括有熱狗x1、小食x1、飲品x1如果唔中意叫套餐，想散叫亦得!有好多款唔同口味任你揀，一定有一款岩心水第一次食就當然食d普通野啦 咁先試得出係咪真正好味!所以就叫左個雙囍狗 + 薯條 + 一罐飲品雙囍狗呢個熱狗同一般既唔同，因為佢係有2條腸! 所以就叫雙囍熱狗入面有茄汁，上面有一層厚厚既芝士，再加左幾塊菠蘿，未食就咁望都已經覺得好吸引睇下佢d芝士!!! 真係不得了!由於有2條腸，所以無返咁上下大個口都幾難一啖咬落去一咬落去，全個口都充滿濃濃既芝士! 腸仔皮好脆! 加上菠蘿一齊食感覺好清新同埋好juicy!雖然咁多芝士，但食完個熱狗一d都唔頂胃!直得一推!!薯條如果好中意芝士既朋友，薯條都可以加芝士只要加錢就可以了! 由於小妹唔太好芝士，所以就叫左個普通薯條試試。份量適中，食落好脆，好重薯味! 我鍾意呢種薯條!!其實食完熱狗同薯條都已經好足夠，不過為食既緣故，試左朋友既「笑薯餅」。笑薯餅呢個係一個笑哈哈形既薯餅，所以叫笑薯餅，但因為加左芝士淋左上面，睇唔到個「笑」樣加左芝士既薯餅真係唔同d!感覺上無咁熱氣之餘，仲令味道單調既薯餅變得更豐富。推!!由對芝士一般般，變到著左迷，其實真係無誇張!要食芝士好易，但食到配搭岩而合心水既就不易，直得一試喔!…Read More

天氣凍冰冰，又夜媽媽，打邊爐最適合不過由於小妹唔太熟銅鑼灣，所以都搵左一段時間先到..聽聞謙記都幾full 下，所以醒目既朋友仔一早就已經book左位，一入到去就叫得野食!岩岩一坐低，湯底都未睇到有咩，侍應們就已經放左一盤配料俾我地，果然快手!配料選擇唔算多，但一般需要既都有。之後每人仲有一碟小小前菜。最後湯底叫左番茄&麻辣，本身個麻辣係有好多麻籽，但我同朋友都怕會好辣，所以飛走晒d麻籽走。不過，食食下，覺得太無味..侍應姐姐都幾好，二話不說就俾左碗野我地添辣只可惜，加左都唔辣... 只係味道濃味左...蕃茄湯底都唔錯wor!好有鮮甜蕃茄味，讚我地唔算好餓，所以叫得唔多野食最值得一推係肥牛同墨魚滑! 真係值得一試!我地只係叫左個本地普通肥牛，但肉質出奇地嫩滑，完全估佢唔到!唔好睇個墨魚滑白雪雪，咩都無咁，但其實好彈牙，而且仲有墨魚粒，真材實料!其他食物都唔錯，味道ok，份量適中，選擇都多元化。打邊爐又點小得飲啤酒!呢度有1000ml 罐裝 Asahi ，而且價錢尚算合理整體黎講都唔錯，但食物價錢略為偏貴。不過坐得都幾舒服，因為張枱夠大，可以多d空間放野食如果夜收工，想打個邊爐，又想食下嫩滑肥牛，呢度都可以一試…Read More

大年初二，我同朋友咁岩都唔洗拜年，就出黎搵食啦! 由於朋友係一個紫薯迷，所以就特登走左入黎旺角搵 coffee jobs!店舖位於廣華街，一d 都唔難搵，行行下轉角就到。呢度算係遠離鬧市區，所以周圍都比較寧靜。估唔到，原來旺角都會搵到忙裡偷閑既地方 店內環境唔錯，簡單整齊，配上木製枱櫈，俾人有種舒服自然既感覺。 可能新年期間，個個去晒拜年，所以一去到就有位lu! happy 望一望餐牌，價錢尚算合理，食物方面除左有沙律、意粉、小食、湯等等，呢d 一般coffee shop 都有既種類可以選擇外，呢度仲有三款唔同口味既burger， 同埋有分男女尊屬既all day breakfast，真係總有一款岩你口味! 飲品方面，基本上一般 classic coffee 都有齊，但唯一有d 失望係咁岩無晒朱古力，所以無緣試一試 banana mocha  最後我地每人叫左一個主菜、一杯野飲，同埋甜品。煙肉忌廉肩意粉賣相不錯，份量合宜，上面配上溫泉蛋，店員上菜時特意提醒將溫泉蛋攪拌後再享用，味道會更佳，非常貼心呢 攪拌之後，顏色變得淡黃，味道就好似蛋黃醬。但個人認為忌廉味太重，改加上本身已經有既芝士粉，令成個意粉變得太膩 檸香帶子意大利粉忌廉醬適中，不太膩口；帶子肉質一般，若煎一煎帶子表面，口感會更佳；帶子& 意粉也沒有檸香味，如果檸味重少少會更貼合菜式。黑松露菌蘑菇意大利飯咁多個主菜中，意大利飯比較最好。無論賣相、口感、味道、份量都適中，不過不失。Caramel Steam Milk見到隔離枱叫左杯 steam milk，上面有層厚厚既泡好得意，所以叫左杯試下!焦糖同奶混合埋一齊味道不甜不膩，而且焦糖味唔算好濃，唔會搶走奶味 Cappuccino通常傳統既咖啡，都係最有質數保證  結果真係如我所料，味道不錯，咖啡味適中Caramel Latte個人比較喜歡咖啡味重一些，所以焦糖味減少一些會更好。紫薯芝士酥皮撻呢個真係有驚喜! 首先，酥皮夠脆，夠鬆化。紫薯蓉同芝士好夾，食完唔會太膩太頂胃。加上紫薯蓉入面真係有紫薯粒，令口感有層次，非常好 如加糖霜賣相會更吸引。芝士酥皮撻酥皮同樣都係好脆、好鬆化。但芝士味一般，無特別，若果想食酥皮鬆化既芝士撻，都可以試一試整體黎講，都算唔錯，如果係旺角行街行到攰，又想揾個寧靜舒適既地方休息一下，可以選擇黎呢度 不過食物質數有待改善...下次再黎既話，應該只會飲杯咖啡，享受一下休息既時間。…Read More

一直都有聽人講話呢間cafe好正，所以見有時間，就同朋友黎試下究竟有幾正!上到去，只係望個門口已經好吸引，成個牆身都用唔同顏色既粉筆寫滿晒字同圖案（內容應該同咖啡有關）。入面放左好多有關咖啡既擺設、書、咖啡用品等等，再配上柔和既音樂，成個氣氛已經出左黎!第一次食就叫d大路d既野食試下先 芝味無窮厚切三文治入面芝士份量好充足，鍾意芝士既朋友一定不可錯過!麵包烘得岩岩好! 真係可以話係外脆內軟面頭加左甜甜既蜜糖，口感非常豐富薯仔牛肉批批邊好脆，雖然底有小小燶，但都接受到。入面係薯蓉，夾雜有d薯仔粒，令口感有d層次。牛肉味道岩岩好，唔會太鹹。加上薯仔同牛肉既份量適中，所以都唔錯Mocha飲品方面，依然都係選擇大路既 Mocha 味道同大眾既Mocha差不多，但咖啡味係比較濃dd配上一塊朱古力 & Oreo，令朱古力味可以更濃! 岩晒鍾意朱古力味重d既朋友。最後，不得不提cafe所用既餐紙! 真係好靚同d餐具又好配合，令食客好自然有種舒服既感覺。整體黎講，呢度真係一個令人忙裡偷閒既好地方，難怪個個都話正! …Read More

今次係我第一次食甜品放題! 之前見到團購$78可以任食1.5小時，所以就買左黎試下 因為預先book左位，所以一入到去就可以直接叫野食 甜品種類都算多，有凍有熱，有中式西式，總會搵到你想食既一款。雖然係叫「放題」，但有部分甜品每人只限每款叫一份，我地一行三人，限叫款式就食左:心太軟可配兩球雪糕，心太軟唔太流心，味道一般比利時窩夫窩夫軟身，易入口，配上吉士醬，味道不錯白雪黃金卷外皮好滑! 又大又甜既芒果肉，加上上層係芒果沙冰，口感一流!之後再叫多2款凍甜品:宇治金時沙冰味道不錯，喜歡「奶+綠茶」既朋友可以試試，紅豆好甜，適合配上丸子一齊品嚐。傾城之戀奶凍有濃濃朱古力味! 口感好滑! 出奇好味!食完凍甜品，就試下食熱!酒釀桂花雙丸酒味唔太重，配上桂花味道變得清新，但丸子數量比較小 百花蜜燉柿貝蘋果味道清甜，感覺好滋潤，冬天食最好!合桃糊同各大既合桃糊差不多，如果合桃味可以重小小會更好。木瓜雪耳糖水味道比較甜，木瓜夠淋，都幾足料糖不甩面層糖不甩配料味道岩岩好，唔太甜。丸子入面係芝麻味，可能係熱食既緣故，d芝麻仲好流心最後我地三個人總共食左10款甜品整體黎講，以呢個價錢可以食到咁多款唔同既甜品，真係抵食!如果你係鍾意食甜品、而又想樣樣都試d，建議你搵多d人一齊食甜品放題，咁就可以滿足你既要求…Read More