LeeHo1697's Profile

同朋友慶祝生日想食好啲，又交通方便，就試吓呢間。藜麥水果沙律：好普通，去馬莎都買到嘅質素八爪魚腸+薯仔小食：D八爪魚腸唔太鮮味，反而個薯仔就幾好食。青口cream sauce ：好食，青口都滑，同夠鮮，反而個sauce 就濃D三個人食唔夠點多個帶子墨魚汁意粉：帶仔都係大，但冇乜味，意粉太冧。麻麻甜品：兩個脆脆薄片加雪糕：普通。得個甜字檸檬撻就有D味，但唔係出色反而cocktail 就夠酒，一杯Bellini 桃味夠，mojito 都可以。好鐘意咁多薄荷葉。…Read More

上星期同今個星期都去咗野火上星期午飯時間，full full 地，經理好好人俾我一個坐卡坐。點咗蝦+海鮮飯套餐。 套餐會有麵包小食：好好味，有咸香味。主菜：一上到枱，已經聞到燒蝦嘅香味，引人食欲。個汁係好濃嘅蝦汁，要用好多蝦膏先做到呢個效果。個蝦燒得啱啱好，外香內軟，少少生，又彈牙新鮮。個蛋索晒啲汁，好香蛋味又有蝦味。飯入面有小帶子同魷魚，都好鮮。小蕃茄同西蘭花都燒過，帶燒烤香味，調和下個濃汁。杯冷泡 early Gary 好香呀，非常好飲。今個禮拜，叫雞飯，個雞一樣個燒烤香味好出。外皮焦香，啲肉好多汁，好鮮味，係有D咸，但食完，口入面係有一種甜味／鮮味。好正叫雞，就一夜夫妻，120蚊。蝦就百五左右。…Read More

過年度度都冇開，見到佢哋咁勤力就試吓。Menu 有撈就試吓。四寶撈，粗麵，已經撈好，每條麵都上汁，而且上得好均勻，碗底一滴汁都冇，麵身好乾爽。如果你鍾意多汁，可能🤔要佢另外俾。我自己都鍾意，不過多少少汁可能我更鍾意。片頭一舊，好食但正常嘢。 黑椒牛丸，好好，丸多汁，而且黑椒好多，真係食到細細碎粒。白魚蛋反而正常嘢。最好食係雲吞，蝦有鮮味，雲吞皮已經糊糊地，但勝在味道好。牛腩都正常唔太黐牙，但未算好腍。呢種麵一定要辣椒油，佢哋聲稱自己制，辣度正常，但少咗潮式辣椒油香味。一般啦。…Read More

胡同，Aqua 一齊搬咗嚟 H Zentre。 當然身為港人，中式菜一定唔會係首選。今次都係我第一次到訪。 當然係因為有朋友請客。 感激帶我食貴野。一到門口，好遊客feel，一排紅燈籠高高掛。 放disco 歌，都幾大聲，想靜靜雞傾計要諗過先。當然係因為有bar 可以食飯前飲杯嘢。但我冇飲，直接入座。朋友已經準備好餸菜，仲有份private menu 附圖。松露鮑魚同聖子，鮑魚都鮮，聖子就太熟。 蝦，好食，外脆內爽，有鮮味。龍躉就蒸太熟，可能怕鬼佬感得咁生嘅。片皮鴨，好北京樓，皮脆肉有D韌，水準之上，但無鮑魚咁驚喜。叉燒好正，正梅頭，有梅頭獨有嘅根，好正。小菜好好味：四季豆同魚湯菜苗。雪糕好特別，但唔係好好味。 麻辣慕絲，真係有麻辣，得意。 包子豆漿都係雪糕，食唔出濃豆味，好淡。反而芝麻雪糕好味好濃芝麻味。請客一定好，自己朋友食飯就⋯⋯睇你自己荷包！…Read More

鰂魚涌太古坊真係餐廳一級戰區。 今日local 啲，三哥。上完堂已經兩點幾，要食啲嘢，又唔想食到嘔。 食米線。三哥呢個套餐，真係乜都有，需然乜都係得兩舊，但真係好適合有選擇困難症人羣。餸都係任選。當然要加$。 但小食有白肉同雞亦呀。 白肉個汁好惹味，而且都係好多蒜頭。雞亦就差啲，有啲亁柴。不過仲可以叫凍檸茶。 四十幾，唔係平，不過一次過食晒想食嘅嘢，OK。我中頭獎，當日停電，點完就要馬上俾$。 姐姐唔該前唔該後。 姐姐主管又醒目。 令人滿意嘅一間店。…Read More

每年聖誕Starbucks 都會出吓應節飲品，今年都出咗三個口味。 #gingerbread latte 都係冇薑味 但唔係咁甜，幾好。 peppermint mocha 就甜好多，薄荷味一般啦。 toffee latte 都係奶味十足，上面D脆脆溶咗之後好甜。飲Starbucks 真係唔係飲咖啡，飲一個閒，一個氣氛。佢一定唔會俾到一杯令人眼前一亮嘅咖啡，但會係一杯唔錯嘅飲品。Starbucks 仲send 問卷調查：只問呢間店，服務如可⋯⋯…Read More

仍然好味。好耐冇食@沙爹王 今日見到白咖喱公司：仍然叫白咖喱豬扒飯，仍然係滿滿香茅同椰漿味加少少辣，個汁真係好味。豬扒應該翻炸：好香油香。唯二缺點，豬扒落鬆肉粉太多，冇豬鮮味，甚至係冇味。口感好鬆，有一塊甚至好似魚腐咁，其二：D椰菜，臭臭地。唔落好過。 叫多個蟹蓋。冇乜蟹肉，但有蝦肉。呢個就普通啦。咖啡都可以。唔差喎。唔太苦，係我鍾意嘅。呢間店，樓頂高都算舒服（少人的話）少東好有心，仲有周邊產品。 文青布袋，T shirt⋯⋯…Read More

主菜難食，仲要每人四百幾幾，唔值。大家唔好去。今個禮拜四 12月19日星期四 ，約咗朋友去興祝生日同預祝聖誕節。見評論都有二百幾個：讚，覺得應該唔伏。點咗set dinner ， appetizer 青口，同湯都好。點知一上主菜： 豬肩同另一朋友叫嘅 rib eye steak ⋯⋯豬肩以為生生哋，就無咁鞋，點知好鞋，無乜味，生嘅部份仲切唔開。好難食。好多根。朋友嘅肉眼，mid ware ：佢話：好鞋，根本咬唔開⋯⋯…Read More