heison95921的個人專頁

呢度既可能係坑口最好食既酸菜魚首先$55有飯好湯有熱飲 呢個價錢就咁望落覺得差唔多啦出面啲茶記都差唔多價錢 仲可能貴多幾蚊但佢個酸菜魚真係色香味俱全湯底黎講做到金黃色（可以走辣的 不過我無食過）就咁飲都覺得係適服的 送飯更加係一流一碗入面有海量既魚片 食晒成碗飯（一啖魚配一匙羹飯）都仲係有魚淨仲有萵筍、木耳等材料呢個價錢真係無得輸唯一可惜係我想轉米線 但要加成$10 偏貴但都想搵次試下另外再想講其他野食都好大份私心推薦蔥油雞 調味會偏甜 配上蔥油同大大份既雞 都只係$50 真係好抵食出面仲有好多咪錶位泊車 真係對揸車人士黎講係福音…查看更多

一點半入座 有一半空位落單等左15分鐘都無得食後面啲人都遲黎先上岸都算入正題叫左豬扒豬頸肉米線加蘿蔔叫兩餸加蘿蔔係平過直接叫三餸叫左滕椒湯底 但係個湯底係冇味佢叫香煎豬頸肉，但係啲豬頸肉係浸晒落碗湯度香茅豬扒表面落晒粉，但係好似冇煎過一樣，表面係滑捋捋唔講以為係搵清水滾熟佢左佢就算以上既肉都係淡味叫左杯凍朱 都係好淡味總括而言 無比較無傷害以前都叫唔錯 但依家真係做得越黎越差唔會再幫襯 食譚仔都無咁嬲呢啲餐廳好快就會被市場淘汰…查看更多

見新開諗住去試下一開始都唔知呢間係咩黎一去到見到menu 每杯都會寫蛋白質含量好少飲品鋪會咁寫再問下原來每杯都會加protein powder叫左杯紅豆鮮奶茶 有得再揀紅/綠/烏龍3隻茶底飲落都唔會特別飲得出有無加protein powder 唔講既都會以為同普通奶茶無分別不過略嫌茶味唔夠可以再戰…查看更多

星期日晚同女朋友2食晚飯，早一個星期左右經OpenRice book左晚上7:30入到去環境係幾靚，唔似係呢個價位既環境。坐低後侍應都好快手比左2杯水，我地各自叫左1個set dinner之後好快就上左麵包 總共三舊麵包2個人share食完2舊麵包後，前菜已經到左，我叫左海鮮千層酥，味道還好，但酥皮切唔到落底，蝦亦有少少overcooked食完前菜，等左5分鐘左右亦上埋主菜，我同女朋友亦各叫左個hand made pasta 味道豐富，亦相當不錯。食到咁上下大概8:30，主菜食左一半，侍應就過黎落餐茶，食完主菜後亦隨後問需唔需要甜品，因為我同女朋友本身都唔係好肚餓，食完主菜後都有啲滯所以都無加到。過左5分鐘後，侍應就直接拎左張單過黎埋單，但我地都無叫埋單，成件事由落餐茶開始就已經感覺不良，好似想趕人走咁。我唔清楚佢之後仲有無booking, 但當晚餐廳都係8-9成滿。最後就9點左加就離開餐廳而佢地應該係10點打烊。事後女朋友亦同我講返，原來隔離4人枱埋單時，侍應有邀請食客到OpenRice留食評，並提供9折。但我地2個就無受到邀請，唔知同我地無叫甜品有無關係🥲本身都覺得餐廳既環境同食物質素都唔錯，下次可以同朋友食都無問題，但有以上既經歷後，可能我就唔會考慮了。…查看更多

係佢開業無幾耐食過一次，事隔幾個月，係星期六下晝再同女朋友去食晏晝。我地係walk in，3點鐘唔需要等就行左入去，係bar枱有位既情況下，我地被安排坐左係入面非bar枱既位置。一坐低就聽到隔離枱話等左好耐，無幾耐佢地亦都上左食物，但食完都急急腳走左，相信都真係等左幾耐。我同女朋友聽完都有晒心理準備。我同女朋友各自叫左2個自選十件壽司既set，店員提供左2張紙比我地各自落單。惡夢就係落單後開始，首先上既就係沙律，都正正常常。但之後等左起碼15-20分鐘先上菜，我同女朋友都各自上左5件壽司，但係女朋友果碟就有出錯，本身佢叫左2件帆立貝壽司同1件池魚壽司，但黎左1件帆立貝壽司同2件池魚壽司。我地見佢一輪都上咁耐，都費事同佢地講，怕只會等更耐，因為已經好肚餓，所以都照食。我地好快食完，店員亦好快收左碟。隔左陣，佢就上左薑同wasabi。雖然壽司入面本身已經有wasabi，我唔太熟個程序，但覺得食完5件先比個wasabi我地有啲奇怪。而且隻碟都幾多崩位。如是者，我地又等左15-20分鐘，終於等到第二輪壽司上菜。今次就到我果碟出錯，本身叫左1件松葉蟹軍艦同埋1件蟹膏蟹肉軍艦，但最後黎左2件松葉蟹軍艦。我地又係好快食完，佢都好快上左麵豉湯，但估唔到連麵豉湯都有伏。入面既豆類製品都未熟透，成個體驗真係好唔舒服。食既過程見到有人遲過我地黎坐左去bar枱度，佢地既食物都係比我地早到，懷疑坐非bar枱係會被冷落😥無下次了…查看更多