littlekaku's Profile

今日父親節食飯，一早拎位但好多都要等好耐，老人家好肚餓唔舒服，見呢間無乜人排時間相對唔洗等好耐，又見做緊優惠，所以等位入去食。但見無乜人排隊，已經覺得少伏，但老人家肚餓無計。收費絕對唔算平 叫咗個B餐嚟食（佢明明係寫『主餐牌同行第二位半價』，但佢淨係得A個個先有半價！埋單見佢無寫問佢無計優惠，佢先話要叫A餐先有。可以嘅話應該係直接寫A餐半價，唔應該係寫主餐牌)嘢食種類算少 基本上都係得啲雞牛豬 加幾樣海鮮比你燒B餐係送個壽喜燒打邊爐火鍋但佢打邊爐嘅料係得肥牛 豬 獅子狗 烏冬同3款菜 無丸類咁濟佢主打係食燒肉，但燒肉汁係得枱面一樽 無其他選擇而佢主打食燒肉 佢嘅肉同行5人全部都覺得好難食啲肉有分幾種汁叫 但完全唔覺有咩分別…第一次食燒肉放題係覺得啲肉咁難食到 食咗第一轉就唔想再叫…佢係豬牛雞都唔好食仲要除咗啲肉之外係冇其他嘢有得食至於環境 佢燒肉個網係用一次食嗰啲網但係佢個爐自係好污糟 完全無清潔過咁一路飲一路警鐘係咁響 唔知係佢個防煙器問題定商場問題啦但響咗幾次 每次都15-20mins 嘈到好頭痛 又傾唔到計嘢飲種類好少慶祝父親節搞到大家都好無癮 一肚氣！埋單五個人2000幾，但唔好食真心，無下次。唯一可以讚嘅係 出餐比較快。…Read More

本身好想食韓國嘢，行完街就係openrice揾咗呢間，見啲食評唔差，所以去咗，但好後悔。（本身無打開食評，但食完好失望！覺得要評價下）一入去，職員係用擲落枱嘅方式叫我地scan code落單。（職員係其他無人嘅枱收拾，都係擲落枱嘅方式，都幾影響情緒）餐牌選擇看似好多，但其實好少，好多都好hea，有啲碟頭飯嘅feel，完全唔似係韓國嘢，只係韓國菜式加個飯比你咁單點咗個 烤牛肉紫菜包飯便當拼蛋卷 同 辣泡菜炒牛肉飯。價錢嚟講70左右，食韓國嘢係呢啲價錢，但我覺得唔係好值。烤牛肉紫菜包飯便當拼蛋卷我本身以為係紫菜包飯入面有牛肉，點知原來係就咁牛肉辣泡菜炒牛肉飯普普通通，都係就咁泡菜加牛肉，唔難食得去邊無乜韓國風味，唔係難食，但唔好食，唔會有下次同食韓國嘢係有前菜，但職員係無比到，（可能係唔記得）但要問佢，佢先有比。前菜嘅泡菜係唔好食的（蛋卷本身有2舊 食咗先記得影）…Read More