UU8001's Profile

嗰頭多舊鋪，而呢間響油麻地區都算係老店。佢自稱係沙茶牛肉而唔係沙嗲牛肉，即管又試吓。碗麵上枱，賣相幾好，濃汁睇落正路。和開D汁，夾起一塊牛肉入口，咦喂，腩邊嚟既喂😂 再睇多睇，其他都係不同形狀有牛肉片又牛腩粒似乎係雜燴嚟。既然佢講係沙茶牛肉，就當然唔期望食到有沙嗲味。沙茶醬汁味都算濃，咸香略有大地魚味，收貨。…Read More

星期日晨早要搵間岩feel食早餐既都唔係易。見呢間人頭湧湧接近坐滿而且早餐先係36蚊，即管入去試下標準早餐沙嗲牛麵炒蛋多士熱奶茶少奶，碗麵上枱一睇，湯都幾多油喎。沙爹牛汁和開，夾起一塊牛肉入口，鹹味辣味甜味沙嗲味都有，而且均勻唔太搶。牛肉偏爽口亦有口感，不過當然又係受惠於鬆肉粉嘅功力。麵身偏硬口唔淋，再一次食唔到比較鍾意嘅滑身麵。成碗麵整體算係中上品，唔算曳啦。炒蛋捲埋非常之厚底，不過多士就放得太耐已經淋咗…Read More

呢個舖位前身係由細食到大嘅蘭香園，所以一踏入呢個舖位迎面感覺係無限唏噓。標準早餐沙嗲牛麵炒蛋多士熱奶茶少奶，碗麵上枱第一感覺係，嘩，做乜咁多湯呀？！沙爹牛汁和開基本上已經係淡曬，牛肉觀感係碎牛，不過夾起，咦？都尚算完整喎。入口軟硬適中有咬勁，亦都有辣味不過沙嗲味就真係少，可能都係因為太多湯啦。麵身偏硬唔淋，鍾意爽麵嘅朋友應該會like.成碗麵整體算係中品，要湯嘅比例少番先可以食到佢沙牛既真面目。炒蛋多士份量非常之足, 呢個要不過個奶茶嘅茶味就比較淡…Read More

沙牛餐肉麵，汁濃，不過和湯後味淡晒只係淨番咸味同少少辣味。牛肉係滑既，但食得出係重醃料所致。餐肉係厚切，不過好淋，一般。麵係大光麵，一貫高質奶茶入口重茶味，呢個要讚總評：食既係舊邨街坊人情味，而唔係碗麵嘅味…Read More

既然係咖啡屋，杯嘢飲理論上係主角少奶既熱鴦入口，茶味啡味平分秋色，奶味亦唔會太搶，再加埋微微既酸口味，絕對係舊式冰室既味道！沙牛麵無咩沙嗲味，更莫講花生味，剩低既係些少甜咸味。不過牛肉爽有勁，唔係普通鬆肉粉貨色，呢個要👍麵係頂好既好味麵，食起身有種類似伊麵既硬感環境唔係其他即食麵既感覺。二道菜腸蛋無特別正常發揮，略嫌條腸比較淋。整體評分：飲品 - 8/10主食（沙牛麵）- 6/10二道菜 - 5/10環境 - 6/10氣氛 - 9/10 （懷舊村檔）…Read More

見佐敦白加士街麥文大排長龍，即管行過隔離兩鋪~麥奀試吓。麵上檯，擺法正常。先試湯，扎實大地魚味，清，無雜味，濃淡亦剛好。夾起麵入口，爽口，軟硬岩好，一定唔係手工竹昇麵質感，但亦比一般工場貨高質好多。食得出係新鮮麵嚟。爬開麵見雲吞響底，細粒全蝦雲吞係麥奀特色。入口咬開，皮滑，蝦肉的確十分彈牙爽口，味亦夠，但口底胡椒粉味重，似乎佢可能落多咗少少。最後一試韭黃，生熟剛好亦重味，再一次係新鮮嘅感覺。嚴測簡評：整體穩陣, 亦看得出細微位既功架。加上呢碗45蚊碗細蓉有比正宗細蓉略多既份量，其實響而家呢個市道可以話係抵食。…Read More

凍凍地，放工行過牛頭角，心血來潮去食碗雙併麵/餃子。自從宜安街天園執咗之後，都無咩心機響附近搵有咩可以替代。樂園又經常食，而且出品尚佳，好難響區內搵到比佢好。今次響天園舊位對面見門口餐牌有咁平既麵店/餃子？即管試吓咩料。雙併：牛腩雲吞麵（走青）淨食：潮式韮菜餃（走青）雙併麵先上檯，見係瘦腩，心當堂打個突驚唔係瘦腩係鞋腩。先飲啖湯，正常唔算咸，花椒八角香料味亦唔算重。不過不失之中品。夾起麵，一陣梘水味撲出，心諗唔係下話，咁快就XX出局？好在入口就反而唔多覺有梘水味，麵身亦算爽口，OK.腩係普通切腩，雖然瘦，但入口唔算鞋，反而仲有些少爽口感覺，呢度有驚喜。再到雲吞，噢，我咁大個人第一次見扁既雲吞。咬開，得一細堆肉，蝦呢？好似欠逢。到碗餃放上檯，見餃型都尚算飽滿，的確有雲吞麵店水餃既感覺。再飲啖湯，普通雞粉/肉骨粉開水，呢度就完全無特別。夾起餃入口，都算滑，咬開一睇，餡反而唔多，韮菜含量亦少，唯一可取係唔咸，料亦食得出係新鮮既。間中夾雜一條木耳絲，咁既配搭真係第一次見。整體感覺似係屋企自己包嗰啲咁樣。:)總結：腩麵先係32, 雙併加8蚊即係40. 碗餃5隻盛惠30，埋單總共70, 我只可以話，不過不失，對得住呢個價錢。…Read More

收工路過入嚟食早餐，嚟份經典沙牛麵餐睇下係咩樣先... 二道揀咗餐炒蛋嘢飲熱奶茶。奶茶正常不過無乜茶味，得個奶字二道上檯見係油多呢個就要加分。餐肉正常不過炒蛋明明係奄列式做法應該係要濕濕地仲有蛋漿先叫好，佢呢份就略嫌太乾啦，完全冇咗炒蛋嘅精髓。主角沙牛麵上檯，個賣相真心嘩一聲，乜得D沙牛好似鋪咗一層明膠咁樣嘅。賣相係靚，影出嚟效果都好靚。先將沙牛撈晒落啲湯度，汁可以整濃啲湯，呢樣可讚叉起D麵，掛到汁，唔錯唔錯。不過一送入口，咦？沙牛應有既香味花生味辣味完全欠奉！純粹得番D咸味麵身就軟硬適中，正常。再食一塊牛肉，嘩，應該似係用多咗鬆肉粉醃，直頭有D梅既感覺。整體評價：睇就好睇，食落就好一般。…Read More

餃子控再度上身, 今次係深水埗區內呼聲幾高既餃子店。嚴測：上海雲吞（白菜豬肉餃）+ 西洋菜餃雙併 （各四粒）外賣加一蚊，分湯就再加多一蚊😏開蓋，因為分湯，餃已痴埋一舊。OK，正常操作落湯再慢慢撥番開佢哋唔好整爛。不過一見到湯上面既浮油，就知係味精搞作。試一啖湯，果然係不節不扣既味精湯！除咗仲有些少胡椒味之外，基本上無咩特別飲到既味道。先試白菜豬肉餃。拎起，餃型飽滿，一啖咬開，個皮係滑！滑！滑！😊 餡料正常，有淡淡既白菜味，醃料調味剛好不太濃。再試西洋菜豬肉餃。一樣餃型飽滿，個皮都一樣係滑！雖然西洋菜唔係時令蔬菜，但餡料都有西洋菜味，而調味亦都剛好，有屋企餃作既味道👍整體：餃子4/5, 湯底 0/5簡評：餃子唔錯，湯底零分，但性價比一流，行過可以一試。…Read More

今次係咁岩路經太子呢個餃子小店雲集既地方，所以餃子控即時上身，隨機搵間店試下先。測試照舊係外賣自取，揀比較大路唔錯得去邊既款式。菜心豬肉湯餃，10隻湯底：粉葛鯪魚豬骨濃湯開蓋~ 嘩，分湯係外賣基本操作吧 咁樣樣浸法仲得了既..佢地呢款餃子係長身有摺紋，餃身飽滿，夾起都感覺到有D份量。咬一口，皮唔算厚，但有些少糊口，可能因為浸得太耐，算數。餡料唔算多，菜心有少少梗口，肉醃料唔覺重，整體係算淡口，成隻一啖入口都唔覺太heavy。湯底，可能要提供埋呢類“飲得既湯底”係響太子區開檔既入場劵，所以呢間都有。飲一啖湯，甜到呢.... 但係濃湯寶既嗰種人工甜，而唔係大量新鮮材料煲出嚟既嗰種開湯甜。所以，都係當兼力下算啦。整體：5/10 簡評：唔太好亦唔太差，行過又肚空空既，一試無妨。:)…Read More

見係完全翻新嘅熟食市場, 即管坐低試下早餐, 理論上應該都唔會錯得去邊。早餐b)沙爹牛麵+二道菜選煎雙蛋+熱奶茶沙爹牛個汁濃, 少少甜但係完全唔覺有花生味亦無咩辣味 😰, 而且碗麵嘅湯實在太多, 一撈開個汁就直頭稀曬 👋牛肉應該都係用鬆肉粉醃, 都滑同爽口既叫做。麵底唔係大光麵而係另一種比較硬身有些少似伊麵 (sor睇唔到貨盒牌子), 的確大打折扣。奶茶正常, 但茶味並不是太濃。總括來講, 佐敦區32蚊嘅早餐只能夠講係對得住個價錢。…Read More