ChaCha ya's Profile

隔左幾個月先得閒寫食評🤣情人節去左呢間開左好耐嘅扒房，裝修上係經典美式扒房，有種回到8/90年代嘅氣氛，啱哂約會😏。1. 餐包普普通通，得牛油比你，牛油冇特別調味🤔。不過都好貼心，有用餐巾包住😗。2. 蟹餅係我食過咁多間扒房最好食，佢個蟹味非常濃郁，夠熱夠脆，裏面嘅蟹肉非常細嫩，份量我覺得比其他扒房更加大，非常推介！😛👍🏻👍🏻👍🏻3. 我哋點咗Rib-eye（5成）同sirloin （3成）😼。兩者牛味非常濃郁，平時食開rib eye都會覺得比較細嫩，但呢次sirloin 反而嫩滑過rib eye🤔，雖然有可能關熟度事，但我覺得明顯肉質優勝過rib eye，而且油脂上居然都更肥美，因此我會推介食sirloin♥️。調味上兩者黑椒同鹽嘅比例適中，記得問侍應拎mustard~ 食到後面可以解一解膩總結：性價比偏高，唔會玩花俏野，適合想品嚐牛扒原味嘅人😋…Read More

餐廳到訪日期：2021／4／22自己對呢個餐廳幾期待，畢竟Open rice扒房嚟講佢好評比例係頭幾名，同埋價錢上都較可以接受，所以就1星期前book定啦！「訂位／入坐方面」訂位個時問可唔可有窗邊位，佢話安排下未必有，我都ok嘅畢竟呢啲野餐廳有時都難做。🥺奇怪嘅係當我真係去到counter啦，佢同我講可以安排到窗邊位，叫我去bar台坐下先，執緊枱。咁我當然覺得正啦，但佢帶我入去坐又比左個中心位我喎，我同女朋友都心唸吓？！前一秒話安排左而家又冇嘅？？🤔🤣（說好的窗邊呢🥲）「食物質素」我同女朋友嗌左2個dinner set，其中一份＋400蚊filet 轉 ribeye😚》餐包講左個餐前包先，超大個，大到根本無可能食到一半，連個waiter 都話唔好食哂建議打包🤣。味道上幾香蒜味，外脆內軟，佢個牛油係滑到難以置信❤但就欠左一啲特色，總體嚟講幾滿意》龍蝦湯Appetizer有得揀沙律同龍蝦湯。呢份龍蝦湯認真麻麻，雖然鹹淡適中，但冇咩龍蝦鮮味外，佢加左啲酒落去，飲落有酒精味外亦變苦左，龍蝦肉有一大舊，但咬落老，有筋。我女朋友飲左一半就放棄左。》Filet mignon (6oz )and lobster tailFilet 方面理論上medium rare係最好，但女朋友唔食太生嗌左meidum比佢，肉質上都仲keep到嫩👍👍，肉味尚可接受，但都建議餐廳可能加上啲醬汁例如經典又簡單嘅peppercorn sauce，因為filet真係幾少就咁單食🤔（公認肉味最淡部位）。不過整體都唔錯嘅，份量對女性嚟講都夠。lobster tail冇咩彈冇咩讚，簡單龍蝦味，彈牙，份量都夠。》Ribeye and scallopRibeye非常出色😚😚🤪❤，肉質香嫩，外面焦脆，肉質超多，夾雜一啲啲肥肉，下面啲油帶有鹹香，份量超大，2個人都夠哂食！只能講非常滿意！如果到到Ribeye 都做得咁好我寧願食美國prime 好過和牛🤣🤣超多肉汁OMG！！！！Scallop 就一般啦，個貝係煎得唔錯但外邊個bacon 真係多舊魚，硬到死😩，隔離有個甜酸醬可以中和下個油膩感又幾好。》side dish 薯條唔錯，幾香濃cheese 同松露味👍❤，份量多到可以4人食🤪🤣🤣炒mushrooms 就還好，食返個原味咁，不過不失》甜品揀左 焦糖布丁 同 心太軟，份量又係超大但冇咩驚豔。🤔焦糖布丁個焦糖居然係唔脆。。🐒味道就還好，雲尼嗱味都突出嘅。心太軟就。。。外層太厚太乾😩，朱古力流心唔明顯，唔太熱，濃度適中👍。「服務」staff都好好笑容😚😚招呼幾好！影相技術就。。。唉，自己影算。。[結論]埋單2個人2100＄（加左2杯野飲）價錢上都ok，單叫牛扒呢個質素對得住價錢。呢到係食扒必到地方，如果你對香港嘅扒房已經絕望，呢到可以挽回你嘅信心🤤🤤。但就其他菜式嚟講，餐廳真係要改善下啦！🤣👍，總體嚟講都值得嚟！…Read More

小弟向來極好酸辣粉，每個星期2，3次走唔甩，除左旺角旦王稱霸九龍，我敢講呢間川亭嘅酸辣粉港島第一唔過份。每次係附近返工都一定食！👍👍酸，咸，香，辣個平衡做得非常好，湯底夠香唔會太油，而且望落「乾淨」，你係會想飲埋🤣。中粗紅薯粉食落好煙韌，肉碎，榨菜加粉連埋一淡湯，食酸辣粉可以食到好似米線甘咁過癮。🤤🤤佢個口水雞都勁正，肉嫩雞皮爽彈，配埋佢啲口水醬真係好食到傻🤤🤤不過間店就真係好細下，晏就一定爆人，想食建議下就2點30後嚟可能會好啲🤣🤔…Read More