hohoar's Profile

旺角開左新甜品主打梳芙厘班戟, 放工要即刻去食!點左梳芙厘班戟+芝麻cream cheese+芒果cream cheese因為係即叫即做, 真係好平所以真係都唔少人,等左一個鐘,不過食梳芙厘班戟要等又係正常嘅梳芙厘班戟入口即溶,蛋味好香濃,芝麻cream cheese芝麻味夠哂+芒果cream cheese清爽,完全係滿足哂所有味覺蝴蝶係食得嘅個人認為做得仲好味過日本大排長籠2個鐘果間以後想食梳芙厘班戟唔駛再捱貴野好正…Read More

大學同學聚會，搞手話要尋找我們的青春歲月，特別搵左間讀書時候大家窮到燶時會去食嘅「任食燒烤」！雖然我唔係食家，但對食都有少少要求架...我。最緊要大家開心繼續吹水啫～偶然二百幾蚊任食狂叫狂燒，都幾過引！ 有6張食物紙，有前菜，小食，牛，豬，海鮮，野菜任君選擇！ 至於質素，呢個價錢係合格的，但牛就唔好寄予厚望。眼睛食是可以的、吸晴的，但口感就大部份鞋到咬唔開，我都係以前菜同蔬菜填包肚仔。好like佢兜牛油煮迷你蕃薯仔，食左十幾粒！而海解就強差人意！墨魚仔燒完咬唔開。一年一次大班良朋共聚，食物其次，開心歡聚呢度絕對俾到你，但限時2小時。…Read More

貴族甜品芒果雙丸（芋丸、小丸子）食左隔離d味精野後口乾到叫救命，要食番d水果解毒！ 餐單裡面食物好多選擇，中式由燉品至懷舊糖水都有。為左解味精毒，我是但叫左個凍嘅芒果甜品。 好香嘅呂宋芒果，碗底有芒果沙冰，第一次凍食芋圓同埋小丸子，好有咬口，同熱食完全係兩樣野！食完總算解到味精毒。…Read More

拜讀了無數食評後，決定老遠黎到大角咀支持小店....無錯！我係抱住歡喜去食車品品的... 淨魯肉餃（8只）$47餐牌話用什麼什麼上等名貴材料造，真心唔覺有咩分別，咬開皮厚、饀料味淡而少，唯獨係蝦子味香，所以果刻味覺滿足左，而感觀卻被騙。 招徠大雜麵 $59全蛋麵底：正常全蛋麵，無特別豉油皇大腸：肉質ok，但偏咸裡面嘅蘿蔔味好澀口，芋絲、紅腸、海帶、牛柏葉、魚片、雞翼尖，真心好一般！湯底咸到口乾，好味精！如果以車仔麵黎講，真係好一般貨色。 辣菜甫，應該用豆豉炒過嘅辣菜甫，但得個辣字，豆豉味唔香。最後我係帶住失望及委屈離開，原因係有位戴眼鏡束髻店主定店員？放低碗大雜麵時，.....對話如下： 店：麵上面黑色粒野唔係醬汁，係送嘅食物我：咁請問佢係咩黎呢？店：你唔敢食就唔好問！我：........（駛唔駛咁串？）咁你攞走粒野店：係手打墨魚丸，係香港做唔係大陸做我繼續專心食野，粒講到咁勁嘅墨魚丸啖味，唔覺有咩特，咪又係工場大量生產果d野，好味都話抵俾你彈碗麵又大，咪同朋友share啦，佢又走埋黎話：店：碗麵嘅湯唔係預你一碗麵兩個人食架！我：（我當時真係想爆佢！）咁大碗麵又叫左個餃，你唔係想一個人食哂呀？你唔想人share食物可以設最低消費！唔知以為你係什麼名物食店！你多人排隊只係你隻$48蚊鮑魚滿足到香港人平同抵心態，你估你d野真係好好食咩？話過唔會再幫襯！…Read More

隨變雞煲呢個名聽左起碼3年，今日終於有緣份食啦。 （半隻雞）雞煲小辣中麻：湯底係麻，青麻味好出好香，雞肉唔同一般雞煲濃味，味淡身，靠個湯底攞味。有別於一般雞煲先炒到濃再加水打邊爐，呢度係一開始已經係烚湯。雞肉質一般帶點鞋，皮都烚到稔哂，我反而覺得炒果d惹味d，至少d雞唔會狂煲而變得鞋口。 麻辣金錢肚$38: 雞煲未食得前醫肚小食，但味精味幾強 新鮮有膏鵝腸，始終係以前未有中央屠宰前d新鮮鵝腸新鮮好味d 脆骨腩，係真脆口帶鮮甜呢度有一樣野好，就係食物可以逐份叫，可以食多d種類。…Read More

當食野係享受嘅時候，就要俾自己食得靚、食得賞心悅目、食得值...特別係工作大壓力嘅時候又無地方可以宣洩，食好野就係我減壓嘅方法。水月餐單轉左新食物，就黎啦。 海膽吞拿魚腩蓉脆米餅，好鐘意佢塊有蠔味嘅葉！你以為自己食緊生蠔，其實係食緊法國蠔葉。極度甘甜嘅鮮海膽，呢一刻，開始忘記今日受嘅委屈。 蟶子皇配黑醋魚子，凍食蟶子皇，連埋酸酸味嘅黑醋魚子及旁邊嘅噴噴調味，非常鮮甜，好玩又好食。 64°C溫泉蛋配意大利穀物·菠菜片，個賣相好靚！有d驚為天人，看似平凡，其實裡面幾種材料加埋一齊食非常有層次，從口感至味覺上都係好有深度，根本就唔係溫泉蛋咁簡單。 鮮溫室粟米濃湯·腐皮，呢個湯個名非常平平無奇，但飲第一啖果陣我有少少嬲！原來由細到大阿媽煲俾我飲嘅粟米湯味道係咁假....心裡倒抽一口涼氣！原來新鮮粟米煲嘅湯係咁香甜，香甜中又帶點清爽，每一啖都吸引你追住飲，連埋腐皮一齊食出奇地吸引！令我依家寫緊食評都忘記唔到呢種味道。 亞熱帶泡泡，主菜前一個得意位，清味蕾同朋友share主菜食，一肉一海鮮大家份量平衡哂。 北海道黑毛豬配八珍山渣汁，豬味香、肉質好有口感，好食。 香煎北海道新鮮帶子配蜜糖豉油汁，彈牙鮮甜，不可多得。 D.I.Y.窩夫，份子料理甜品，新派演繹！有得食有得玩，令我地好難忘。黎之前我係預左食完會令自己開心番，結果都係如我所料-->好開心。開心店主尊重食物、開心喺度食野受重視，見到老闆娘笑容滿面為每位客人詳細介紹食物，同埋熱情款待，氣氛好好，喺呢一晚，開心能忘記煩憂嘅工作，盡情享受食物。期待下次再享受。…Read More

近年食素已經變得普及&年輕化，係響應環保或健康身體都好，有時候清心寡慾都唔錯！聽講九龍灣有一間素食店係由台灣佛光山寺院開，既然台灣佛教咁流行，相信佢地嘅味道都應該會唔錯。 入到去嘅感覺同其他素食店好唔同，唔會好佛教，好causal嘅感覺。 一張點菜紙寫哂所有食物，好窩心係套餐果欄，飯有多或少俾你選擇，聽店員講，係寺院方面希望人人可以食得溫飽，所以你想要多d飯都會照俾你，而選擇少飯係店方唔想大家浪費食物。 套餐：咖哩素魚扒飯+炸鹹酥雞+湯$53 咖哩素魚扒飯，咖哩味好香，唔係印度咖哩果種，似馬來西亞果種味，唔辣，味道好中道，而塊素魚味道同質感都好特別，佢有7成魚嘅口感，當然無魚嘅味道，但作為一塊假魚，佢已經好合格。裡面嘅薯仔炆得夠稔，整體上係好味。 炸鹹酥，炸得好香口，味道亦好吸引，雖然係d麵筋類素製品，但調味後好吸引。 湯，係粟米紅蘿蔔豆湯，煲得好老火，好香濃。無左肉味嘅香濃老火湯反而保留到食物嘅原汁原味，比有肉嘅還來得自然舒坦。 最鐘意係食唔到佢地有味精，全個套餐嘅味道好家的感覺，從店員嘅熱情款待到食物質素，完全無商業味道。一定會再黎試其他食物。…Read More

每年公司一次大會都要去呢區，但由於人生路不熟又肚餓，是但搵間快餐醫肚先！ 細雲吞麵，先飲啖湯，好香蝦籽味！但果種味道香得黎唔實在。呢個價錢$30蚊連飲品係合格，但相比傳統老店始終有好大距離，睇你想要咩。 咸肉糭，材料豐富，綠豆、蛋黃、肥豬油樣樣齊，$18蚊算抵食！熱檸檬茶，檸檬三塊算厚，但杯茶無咩檸檬味，茶味淡。整體黎講$48蚊係好抵食，以呢個價錢嘅表現係對比其他連鎖食店出色。…Read More

呢排復活節假日食夜食，想搵碗粥食吓清熱氣，可惜無蠔豉豬骨粥，唯有蠔豉粉腸啦... 蠔豉粉腸粥$38粥底夠綿，唔覺有味精，粉腸夠稔，唔會要咬好耐，蠔豉香而帶鮮，整體表現好平衡，感覺好清熱feel 油炸鬼$8油炸鬼稔哂，如果係香脆就完美了魚蛋$6 個辣醬汁完全係深水埗街邊車仔檔個味，辣又香，追住個味食！細細粒香魚味嘅魚蛋！正！ 鮮八爪魚$10 鮮嫩八爪魚，有旺角肥姐9成功力，至少唔駛大排長籠同人迫再一次光顧小店有「不帶希望去，但有驚喜走」嘅開心！支持小店！…Read More

黎得深水埗一定要食綠林甜品，去得綠林就一定要食中式甜品！適逢一年一度栗子露上市，唔可以放過！ 生磨栗子粒露 $28，成碗好豐富嘅大大細細栗子，非常足料，補腎岩哂！ 馬來西亞咋喳$18，亦係非常足料！芋頭好香稔、鷹咀豆又係我大愛，所有豆加埋口感都一樣，好正！整體表現從來都無令過我失望，難怪男女老少都咁鐘意黎！支持小店！…Read More

陸地最強豬油渣麵！深水埗出名豬油渣麵？其實土瓜灣有間係贏哂幾條街！稱得上好味嘅豬油渣係炸到乾脆，沾上湯後係軟化少少，食到佢嘅香，再帶半脆狀態。麵係彈牙，辣菜甫係成碗麵嘅靈魂，亦係麵嘅藥引。 留意佢係星期日休息啊。支持用心小店，可能美味只能從有heart小店中尋找..... …Read More

沙薑雞腳（第一碟），沙薑味夠，雞腳入味亦稔！ 椒鹽九肚魚，正宗外脆內嫩！入口化哂。 蝦醬牛肉通菜，牛肉偏咸，菜老有渣。 豉椒炒鵝腸，鵝腸質感似橡筋，配菜洋蔥青椒反而夠香口好食 豉油皇炒麵，夠獲氣，但又係偏咸而且帶甜味，似係落錯糖。 Encore 沙薑雞腳（第二碟），同第一碟完全係兩回事！呢碟白烚咁款！無味，又硬又實！店員話賣哂，因為新加要炆先稔...我話咁你明知新加，又未稔又未入味你仲俾人食？佢走左去...宵夜就算吧啦，唔好有要求...…Read More

上次黎好似係三年前，最近見有朋友去完讚左幾下，就去重溫味道先 羊肉水餃（10隻）$50對比湯麵嘅羊味，佢係味羶及淡，又無肉汁....無左以前熱辣辣入口新鮮羊味香果種感覺 羊肉搶湯麵 $45份量認真十足！麵質彈牙，羊肉煮得剛剛好，湯底充滿羊味之餘唔會羶。 鐵板蔥爆羊肉 $85呢碟係失望的。幻想係好有獲氣之餘京蔥會香口，但全部欠奉！羊無羊味，京蔥有渣，調味偏咸.. 乾扁四季豆四季豆入口似烚林左再炸完兜兩兜！完全唔係果種炒到乾身及香口感覺。質感層次係：咸，林，油，多渣...由於啖啖渣，不能再繼續食落去～幾年前曾經係我一星期黎3-4晚嘅飯堂，如今卻令人強差人意，希望下一次可以食番回憶嘅味道啦。…Read More

食完晚餐食埋甜品就完美！朋友知我鐘意食酒釀小丸子，食過尖沙咀The One嘅南小館係難得無酸味，所以今晚兜個大圈都要去。 酒釀丸子 $22好難得食到酒釀丸子無帶酸味，呢個甜品水準保持得好好 椰香紅棗糕 $28成嚿都係一件倒模製成品，質感似橡膠，口感有橡筋感覺，要慢慢咬先咬得細，相比用多棗造嘅就天與地分別。極懷疑有無紅棗成份喺裡面！椰汁味淡、棗味似香精造出黎多d... 細沙南瓜糰 $28裡面紅豆蓉尚算合格，但南瓜皮雖油但偏乾硬，欠缺質感其實好多香港人唔介意俾多少少食好d,我地想食真食物多d....依家普遍都係食個食物名，自己再幻想口感同味道。期待下次再食酒釀小丸子…Read More

國金軒- 尖沙咀美麗華 近排中左好多個伏，係時候要去食番d穩陣野！這裡是曾經的飯堂，都半年無黎過，依然係保持水準。 脆皮燒腩仔，腩仔皮脆肉嫩，完全唔油膩蜜餞义燒皇，义燒肉香亦嫩，肉質彈牙有質感桂花糖脆鱔球，外脆內嫩，甜香恰度好處 黑松露蟹籽元貝皇，元貝雖然唔係話好鮮甜，但其他蟹籽將佢鮮味層次提升左。 椰皇竹笙燉鮮鮑，椰香四溢！鮑魚稔亦鮮，竹笙吸哂椰香湯後入口感覺五臟六腑都滋潤哂！ 棗皇糕，非常足料！難得嘅糕！絕對唔係坊間似膠果種添加味嘅彈彈糕，放落碟度即時睇到佢痴住嘅棗蓉。從味道至口感都做得非常全面！ 蛋白燉鮮奶，香、滑、味濃～口感細膩，碗底有荔枝果肉，將食燉蛋嘅飽滯感完全化解哂！非常滿意嘅一餐。食到好味心情真係好正！期待再次食。…Read More