riceblythe's Profile

次次來襯Gogomall 覓食, 必然首選馬拉公公。無他，皆因佢嘅美食色香味俱全，仲要好有性價比今次叫咗香茅豬扒煎蛋飯配椰香白咖哩汁$44，再加兩隻南乳雞翼$16，餐飲美祿$10。另外又叫咗個椰香白咖哩湯摻摻配豬頸肉$50，餐飲桔仔話梅冰$12。香茅豬扒煎蛋飯配椰香白咖哩汁份量都唔少，一如既往，個汁好惹味，豬扒又香又腍，一舊接一舊，好快ko 晒。南乳雞翼炸到好香脆，我囝連骨都lun 埋椰香白咖哩湯摻摻配豬頸肉睇見個擺盆都覺得原來摻摻即係油麵加米粉？我從來都唔知道啲豬頸肉好腍好入味，個湯底好濃郁，豆卜索埋個湯底，好好食食完啲辣野飲埋杯桔仔話梅冰真係超級解渴見到啲人話佢個咖央好好食，等我下次來Gogomall 再試下…Read More

今日係Gogomall 食完lunch, 牙痕想食甜品，就去咗呢度嘅人氣甜品店＜芝士烘＞買咗兩件佢哋嘅招牌芝士蛋糕-超滑法式蒸芝士餅＆開心果巴斯克芝士蛋糕超滑法式蒸芝士餅個造型好可愛、好吸睛，我囝問我如果老鼠見到件餅會唔會偷食個餅底硬硬地、甜甜地好特別，啲芝士好濃郁，芝士咸香味重，覺得佢係落足料呢期開心果大熱，我又湊下熱鬧叫咗開心果味嘅巴斯克芝士蛋糕。件蛋糕好creamy, 每啖都食到開心果味，加埋側邊啲脆口開心果，簡直就是唔怪之得見到好多人買開心果味一次過自隊兩件cheese cake 真係飽到上心口，但呢種感覺好療癒下次要再試下其他口味的蛋糕…Read More

在何福堂剪完頭髮，就在附近搵食。經過見到呢間酸辣川有得吃熱拌紅薯粉，就入去試下啦聽講舖頭由兩公婆主理，老闆娘好斯文有禮舖頭窗明几淨，都算十分乾淨，睇得出很用心經營點野食係自己手寫點餐紙，我點了小辣豬扒、肥牛、蘿蔔熱拌紅薯粉，凍檸茶，盛惠$55。隔咗幾分鐘，飲品同食物都相繼送到碗紅薯粉好大碗，豬扒同肥牛份量好多，整碗粉有很多配料，包括炸醬、花生、酸菜、芽菜、芫荽、蔥花、韭菜。豬扒煮得好腍好入味，肥牛好吃，蘿蔔好甜冇渣，加埋好多的配料，十分飽足的一餐下次剪完頭髮再來吃…Read More

本人是芒果控，夏天無芒果不歡。芒果都就黎水尾，見到鮮芋仙仲有芒果冰供應，拿拿聲試咗先。今日阿囝返咗學，得我自己一個，就試下個迷你芒果白玉冰先啦！一上檯，個賣相真心差咗啲，個雪糕球筆到咁肉酸，岩岩巉巉，唔圓淨，同個圖有好大出入。話就話迷你，但份量一啲都唔迷你，不過係講緊啲刨冰。成碗野，入面大部分都係刨冰，啲刨冰唔夠碎，粒粒都好大粒。啲芒果同白玉都偏少，加上大舊冰粒，整體口感麻麻。試過一次就算，下次都係食返仙草芋圓果啲好了。…Read More

今日lunch經過孖寶去骨海南雞，之前聽人講話呢間啲雞唔錯，所以入去試下。點咗個海南雞飯套餐$65，包一碟生菜同雞腳湯，凍飲要另加$6， 即$71埋單。上菜上得幾快，幾分鐘就上晒全部嘢。個雞湯飲到有南瓜，好濃郁，隻雞腳啲腳甲未剪，睇到都唔開胃，所以冇吃。海南雞飯啲雞份量算多，佢仲俾咗隻脾我，但啲雞唔夠嫩滑，其中有幾件雞仲食到有骨，好一般。個飯好黃，但冇乜味，名過其實。啲嘢食麻麻都算，仲要越食越熱，好似冇開冷氣咁，我食到彪標晒汗，我後面檯的女士都同店員講話好熱。總括來說，試一次就夠。…Read More

屯門剛開咗姚姚酸菜魚，今日趁佢十一點半開門即入去試佢個lunch set。佢有三款lunch set, 其中兩款$88，另外一款商務套餐$168。由於我想食酸菜魚，焗住要揀$168 果個set。我叫咗姚姚酸菜魚（配白飯），附送麻辣牛展，包爆打青瓜檸檬茶及三色冰粉。我叫咗少辣的酸菜魚，十多分鐘便送上。魚肉香滑，沒有骨。味道正常，不會太辣。附送的小食麻辣牛展只有兩小片，不夠喉。爆打青瓜檸檬茶係唔甜的，幾大杯，能解解辣。但不知道為什麼三色冰粉跟酸菜魚一起上，吃完酸菜魚再吃冰粉，冰粉已不夠凍了，建議大家叫店員後上。總括來說，這個酸菜魚商務套餐不過不失，不過性價比低。 對我來說，試一次就夠了。…Read More

一早要去同親戚慶生，早上八點幾好多餅店都未有蛋糕賣， Paper Stone 竟然有我睇見佢個榛子朱古力蛋糕（$188）好正咁款，即刻扑鎚買。店員問我洗唔洗加$18要個生日牌，我以為可以寫名，點知佢話寫名要等30分鐘， 我趕時間更係唔啦!但佢話佢哋寫定咗啲牌，可以睇下啱唔啱。佢有成十個左右俾我揀，我見都畫得幾靚，所以就加咗錢要其中一個個榛子朱古力蛋糕好厚實，好rich， 朱古力超濃，個餅底又脆卜卜，真係超好味，好驚喜我覺得好食過所有連鎖餅店的朱古力蛋糕，價錢亦唔貴下次有家人或朋友生日要買蛋糕，我一定會再幫襯Paper Stone…Read More

搬咗入來屯門足足十年，久仰雲川大名，但從未幫襯過。前天看到有位YouTuber 又介紹雲川，促使我要去雲川搵食我選了最近V city 的分店， 地點在貝爾特酒店地下，從V City 走過來約五分鐘路程，十分方便我是十一時多到步的， 專登避開中午時段的人流。一入店內， 姐姐便好好招呼我隨便坐， 並著我用qr code 落單我點了大家都極力推介的豬頸肉及腐皮蝦卷紅薯粉， 湯底我選了鮮魚湯， 配熱利賓納。約數分鐘， 姐姐便把熱飲及紅薯粉端上豬頸肉果然名不虛傳， 醃得入味，煎得香口，份量也頗多。腐皮蝦卷不過不失， 味道還可。本人第一次吃紅薯粉， 煙煙韌韌，很掛湯，不錯不錯。鮮魚湯帶點薑的辣味，鮮甜美味，我差不多把整碗魚湯喝掉本來還想試椒鹽雞雞軟骨，但真是眼闊肚窄，飲埋杯利賓納，真係飽到不行了!還是下次有機會再試吧…Read More

之前已見屯門開咗天丼，今日lunch 的起心肝去試下天丼環境不錯，檯與檯之間空位較多，不會予人焗促之感一坐下，待應便給我端上一杯麥茶:)用手機QR code 落單， 我點了天婦羅定食烏冬（豚骨白湯）不消幾分鐘， 職員就將定食送上天婦羅賣相不錯，有兩隻黑虎蝦、蟹柳、茄子、蓮藕和四季豆，烏冬份量頗多先試下個湯底，好濃郁的豬骨湯，很鮮甜可口，烏冬既滑身又煙韌。我是一啖烏冬一啖湯，最後只飲剩少少湯底天婦羅味道正常，黑虎蝦都幾大隻，頗有蝦味這頓午餐吃得十分飽足，本來想試下天丼的甜品，但我真的吃不下了，唯有留待下次吧…Read More

前幾日阿囝放學後，同佢行去Gogomall food court搵食。果度啲位唔係好多， 但平日lunch time 都唔算太多人， 好快都搵到張檯。咁啱張檯係馬拉公公附近， 我就睇下佢有冇野啱阿囝食。阿囝睇完個餐牌， 話想食吉列豬扒， 但見佢啲吉豬都係咖喱， 唔知小朋友食唔食到， 我就問老闆娘意見。老闆娘話如果小朋友食， 建議食白咖喱， 冇咁辣，甜甜地，易入口。所以我哋就聽老闆娘建議叫左白咖喱吉豬飯，凍美綠，然後再叫多個白咖喱無骨海南雞摻摻，凍檸水俾自己。等左十幾分鐘便有得拎，個賣相都好得，老闆娘仲好貼心的話只淋左少少咖喱汁係上面， 唔夠再自己加。阿囝食左一啖就話好味，話唔辣，吉豬一舊駁一舊咁食，好快食晒啲豬扒。啲飯好多， 食唔晒， 下次要叫少飯先得。我果個無骨海南雞摻摻，真係做到無骨(除左舊雞翼)，D雞好嫩滑，白咖喱湯底好入味，唔辣。摻摻索晒個湯底啲汁， 好正!我好快就K.O. 左佢！之後我search openrice, 原來馬拉公公係屯門好出名，有好多好評，下次再來試其他野。…Read More

上兩個月見佢圍晒板話開「芋見好圓」，芋圓控的我真係滿心期待，咁啱今日路經此店立即買碗來試下。「芋見好圓」隔離店係老虎堂，見佢D員工兩邊舖走，咁即係姊妹店啦!我買咗個外賣仙草3號（芋圓芋頭紅豆）黑糖刨冰底來試試。我見果個著住老虎堂Tee 的員工係度整個刨冰，佢冇戴手套， 隻手掂晒D 刨冰:(佢寫到明係黑糖刨冰底，但我見佢只係用d 普通冰黎刨， 唔見有黑糖我返屋企要15 分鐘路程， 返到屋企打開個蓋， 發覺唔太似我叫的仙草3號， 完全搵唔到芋頭的踪影， 亦唔覺呢個刨冰有黑糖成份。刨冰上面d 料我覺得味道ok, 但果舊刨冰硬到成舊石頭咁，我食完晒其他配料，舊刨冰都未溶化。 今日酷熱天氣警告生效， 我係條街行咗咁耐先返到屋企，佢都可以唔溶，真係犀利。$45真心覺得唔值，我唔會返兜，我都係去鮮x仙排隊好過。…Read More

身為潮州人的我，品嚐潮州月餅無數，係香港可以買到，最新鮮、最好食、最正宗的潮州月餅，必定是曾記。我地屋企，每年中秋都必定要買返幾盒曾記潮州月餅過節。曾記月餅有三種味道：黑豆沙、芋泥、綠豆蓉。我最鍾意芋泥，好有芋頭香。黑豆沙就好少見，夠特別。綠豆蓉好清甜，同個酥皮好夾。曾記個酥皮做得好好，好新鮮鬆脆，一d 都唔覺油膩。呢盒月餅4 個盛惠$220，4 個都可以任選口味，我覺得超值。我仲買左幾盒送俾親朋戚友，個個都話曾記d潮州月餅冇得彈！…Read More

南記又有新分店，今次開係油麻地，早幾日經過，即刻去食返個cp 值高既下午茶先！呢間新店裝修設計特別，店內十分光猛，座位寬敞，坐得十分舒適。我揀左下午茶A餐，招牌河+細豆漿($29), 超抵！招牌河有2 條春卷，2 粒牛丸，2 塊魚片，味道一如以往，都係咁正！！特別係春卷，正到冇朋友，次次去南記，都係為左春卷而來！雖然係下午茶，碗粉都好大碗，食完真係超飽，加埋杯豆漿，為我呢個下午劃上一個完美的句號！下次一定再來！…Read More

今天下午茶時段，我去了新開張位於屯門中央廣場的Lorway Coffee & Bakery吃個tea。從屯門泳池輕鐵站行去，只是2 分鐘路程。從豐景園輕鐵站行去，也只不過是3 分鐘左右。Cafe的裝修簡潔明亮，大玻璃窗透光度十足，內裏有棵大樹做點綴，給人一種舒適的感覺。Cafe應該是歡迎寵物，因為我看見鄰座有2 隻狗狗。餐牌食物款式不多，飲品要另外購買，不用加一。Cafe是自助點餐模式，客人先自行找座位，然後自行點餐付款。之後店員會將食物飲品奉上，但餐具需自取。我點了煙三文魚蛋沙律牛角包配沙律($58) 及熱朱古力($45) 。煙三文魚蛋沙律牛角包味道不錯，但個包是凍的。沙律份量比較少，味道ok。熱朱古力應該是dark chocolate, 味道正常。下次再試下他們的All Day Breakfast 或 bagel. …Read More

早前知道安定開左間Canadian Pizza，今日專登行去買一件返屋企做晚餐。40蚊一件，好大件，有好多款選擇，我揀左件辣肉腸。店員問我洗唔洗翻熱，我話唔洗，因為我打算今晚用焗爐翻熱。佢又問我洗唔洗幫我cut開2 件，我話：好呀！佢地用個三角形盒裝住件pizza, 個盒好fit 件pizza！到左晚餐時間，用焗爐焗左幾分鐘，香味撲鼻，個批底食落去好脆口，d cheese多到拉絲，辣肉腸好味，我囝好鍾意食，可以返兜，下次試下其他味。…Read More