bubulover_1's Profile

之前食開嘅甜品店執左，又想食甜品，就黎左呢間試一試。喺置樂咖哩屋隔離。店內位置都幾迫，只有好細嘅走廊，有時仲要坐喺店門口啲摺枱，相對冇咁舒服。:(叫左個紫薯窩夫，因為我本身對紫薯冇咩特別興趣，所以好唔好食就冇得比咩評價，不過唔太甜。個窩夫反而令人喜出望外，外面脆入面軟，配雪糕食一流！個窩夫仲好暖，同凍野一齊食真係好好食仲要讚一讚個多啦A夢，雖然我連續兩次黎都係佢，但係畫得好靚！唔知有冇得指定畫咩卡通公仔呢…Read More

咁岩今日喺馬鞍山放工，近近地搭車去大圍食近期好hit嘅搵食市集。地點就喺大圍站A出口，過條馬路就到。去之前搵好哂資料，睇食評過呢間啊萊啊萊啲海車南雞飯好好食，一去到即係叫左，等3分鐘左右就有得食。$52晚餐包一個小食同湯，今日小食係咩抹菜大菜糕，唔好食，不過佢唔係重點。湯係中式湯，唔係泰式果啲清清甜甜嘅湯，不過幾好飲。重點係個海南雞飯，油飯幾好味，偏淡，食落冇咁heavy；海南雞係雞脾（可能咁岩我果份係，或者佢係份份都用雞脾，呢層唔知），啲雞好滑，煮得岩岩好，皮薄，一啲都唔油。總括黎講，係會再食嘅鋪頭…Read More