soca0509's Profile

平時經常幫襯，一定因為食物唔錯，雖然未去到驚為天人，但算做有點誠意。不過服務態度真係好好好差，員工粗聲粗氣已屬正常。前兩日去食，行落樓下坐，下面一位女職員問幾多位，我話兩位，突然背後傳來一把好大的聲音說＂10位＂。原來係另一位扎辮女職員叫囂，呢兩位女職員及一位男職員玩得不亦樂乎。當中一位女職員仲語帶相關說＂吓～你未投訴攞！＂之後傳來一片笑聲。 勁！真係冇放客人在眼內。香港今時今日，仲有呢啲服務態度嘅咩？…Read More

雜果窩夫：D窩夫凍嘅，好似整咗一段時間龍眼豆腐花：唔知點解有好多碎冰粒在內，凍到離曬譜 OMG龍眼肉又完全無味，豆腐花仲係碎碎的。芒果豆腐花：又係碎碎豆腐花，D芒果醬過多芒果涼粉：涼粉變咗西米露，之後後補涼粉只有豉油碟size大，都好孤寒喎楊枝甘露：＂傑＂得濟…Read More

第一次幫襯呢間，已經令我好勞氣，好耐未試過咁樣😡😡 事緣係上星期日lunch time，行過見到呢間新餐廳，打算幫襯下，入到去，入面有幾台客，但氣氛好靜，無乜人講嘢，感覺好奇怪，好似有D唔對路。不過已經坐低咗，就叫咗2個set lunch。叫完餐後，我老公行咗出去買D嘢，我就一個人坐喺度等佢。然後我就聽到有一個類似waiter定經理嘅中年男人問落單嘅waitress 點解寫兩個餐？個waitress就話其中一個客行咗出去。個男人就幾大聲好串話＂早講啦！鬼知佢行開咗咩？＂幾無禮貎。我已經開始黑黑地面。(心諗)吓！係咪要同你交代？🙄之後上餐包，我問嗰中年男人要D牛油，佢話＂乜乜包係唔駛牛油，係就咁食㗎喎，但你要都得嘅⋯＂因為佢講得快，聽唔清楚乜嘢包，原來佢話薯仔包。我真係唔識，轉頭佢掉低D牛油(唔係輕輕放低)。不過好戲在後頭，呢個中年男人行埋去同個waitress 講＂個薯仔包唔駛擦牛油，D人都唔識，乜乜乜乜…＂，語氣仲好似恥笑咁，聲音都幾大，連隔離枱D食客都聽到(其實全間餐廳都聽到) ，我立即火起😡😡😡 駛唔駛咁吖？離譜！！我已經想鬧人，但個男人行咗入去裡面。我等埋我老公返嚟打算走。呢個時候，見到門口有幾個客行入嚟，個waitress 問人有無訂位，個客話無，但個waitress 毫無反應，又無安排攞飛等位定係點，個客唔知點好，行咗出去，又行返入嚟，再問無訂位可唔可以等位？(其實仲有D吉枱，況且唔係乜嘢高級餐廳，lunch也要訂位？隔離台個客人同我對望咗一下，大家都覺得好搞笑囉)😒到呢一刻，我已經無晒胃口，完全食唔落，一啖都無食到就走。覺得呢間野不知所謂！搞衰香港飲食業，無諗住點樣招待客人，就不如唔好搞啦。D客隨便俾你話㗎咩？招呼咁差，老細真係請錯人倒米(如果嗰個中年男人就係老細仲死，遲早都關門)。扮高檔，說話目中無人，搵鬼食，無下次👎🏻👎🏻👎🏻 …Read More