pretty ma eating's Profile

由於來自星加坡的朋友來港，想體驗香港飲茶文化，選了位於荃灣地鐵站附近、南豐中心的百好名宴酒樓。來之前在網上看了一些食評，好壞參半，所以都不敢抱太大期望。一進來，環境寬敞、夠光猛、冷氣充足，點心種類多元化，早市更有優惠，非常抵食！推介：魚肉釀茄子、炒米粉、鮮竹卷、燒賣、叉燒包朋友一家都吃得很開心，令他們在香港留下美好嘅回憶，係一次很好的體驗*如果唔想同人逼搭lift,可以選擇搭南豐中心商廈果邊嘅酒樓專用lift,快好多😄…Read More

欣賞呢間餐廳一直都收平民價錢，提供高質素食物！荃灣中染大廈呢間店，一到午餐同晚餐時段，必定爆滿，門口有好多人等位。原因除咗平同好食，員工服務態度都好好。午市叫一個扒餐都只係三十幾蚊（大快x 早餐都唔止啦！）再加$16就有沙律🥗+湯+飯）呢個係沙律🥗個忌廉湯都不錯！兩條腸+厚切雞扒+薯塊粟米😃😃，雞扒雖然厚，但一d都唔「鞋」，好嫩滑，味道都正👍🏻👍🏻加$9就有個中華沙律，超抵呀！總括黎講，非常抵食啊！👍🏻👍🏻🎉🎉…Read More

已經去過幾間Greyhound 不同的分店，位於圓方呢間無論理境同食物水準都係最好，而服務態度都算ok (可能服務員太忙，有點應接不暇嘅感覺，但忙中亦能保持禮貌嘅） 今次第二次黎到呢間分店，客人比上次多好多，員工都好忙，但上菜效率非常高，每道菜都好有特色，味道一流！首先就叫咗個「泰式青木瓜沙律」，味道好清新，加上有新鮮水果：車厘茄、提子、雪梨.....配搭，令整個沙律生色不少！再黎呢個就係我每次必食之選「泰式三文魚刺身」，由泰式生蝦換咗三文魚刺身，簡直係絕配！一定要試！呢個係唔記得咗個名，哈哈！但用生菜包著黎食，都好正！呢個係炸雞塊，外脆內軟，雞肉非常嫩滑，又不會太油，值得一試！蒜頭炒通菜，炒得剛剛好，不會太老亦不會太淋，味道都調得好好食！班蘭千層蛋糕，超水準！又香又滑又唔會太甜！好creamy 但又唔會好漏，令到平時唔太喜歡食甜品嘅我都勁讚！總括黎講，呢間餐廳係值得黎！…Read More

桃園係附近街坊經常幫襯的餐廳，因地方夠大、座位又多，最重要係食物嘅味道調較得幾好，份量都好多。所以好抵食架！早餐、午餐、下午茶、晚餐嘅種類都好多，中式西式都有，就咁睇餐牌嘅相，賣相已經好吸引，估唔到實物都唔會令人失望！早餐叫咗個香煎豬扒餐，再加$6多個通粉比小朋友食，份量絕對夠晒食！豬扒味道調較得啱啱好，又唔會「鞋」，仲有個蒜蓉包，超正！雖然呢個火腿通粉只係加$6，但都唔遜色，小朋友都話好好食！總括黎講，抵食！…Read More

之前經常去奧海城三期的Simply life,但上個月執咗。唯有搵其他分店啦，上網見元朗yoho都有，就book黎試下。星期一，紅日，我地book咗6:45，但搵咗好耐都搵唔到間餐廳喺邊，就打電話去問下路，接電話果個人就只能提供話喺雞地果邊，咁我地唯有再搵啦，去到原來喺電梯底，廁所旁邊。餐廳唔算多人，唔full。menu 得一張紙，另一張紙就係飲品。好少選擇。座位望上去就係長電梯，一直好多人流，食得唔係好自在。食物尚算ok，但侍應服務態度就一般。…Read More

一直有食開爽爽醉雞，但都係朋友幫手買外賣，堂食今日係第一次，之前都有黎過幾次，但都撞正休息（原本話逢星期三休息，但原來唔一定架，要睇佢門外貼住嘅休息日子先作準）今日有幸撞到開門，梗係要入去食啦！我叫咗個醉雞米，店員問要冰鮮雞（$38）定新鮮雞（$50），我諗應該新鮮會好味d嘅，就叫新鮮雞+一支菊花茶（$1x) 一食落口，雞的確滑，但酒味唔太濃，我先諗起之前朋友幫我買嘅應該係冰鮮雞，果陣食親都覺得勁入味，好香濃嘅酒味，再將醉雞汁倒係米粉做湯，超正！反而今日試嘅新鮮雞味道就唔太突出。唔知係關腌製時間事，還是關雞事呢？我下次食，一定食返冰鮮雞！…Read More

幫襯咗好多年，呢間店只做早、午市。但每個時段都爆滿，好多街坊熟客仔。早餐、午餐🥣都以西式為主。雖然係屋邨小店，但老闆都幾講究，食物賣相整得靚，味道都好美味，水準咁多年都keep到，難怪咁多人幫襯必食之選！白汁三文魚螺絲粉。白汁味道控制得剛剛好，唔會太濃亦唔會太淡，配上三文魚加香草，簡直係絕配！鍾意茄汁就一定要試呢款，豬扒已經腌製咗，好好味，加上鮮茄肉同茄醬，味道好夾，仲有個配菜都唔求其，好清甜。最後係呢杯凍薄荷朱古力，清新嘅薄荷加上朱古力，超級解渴清涼…Read More

ikea美食的確係：平、快、靚、正！每當趕時間，又唔想求其買個包食，ikea就有好多選擇，其中雞脾、hot dog一定係首選！另外，honey chicken wings 都好好味！仲有大杯裝yogurt 都不防一試，絕對唔會令人失望！不過我亦試過買肉丸食，味道較淡，再配埋個汁（個汁亦都好淡口），所以冇驚喜。仲有炸雞錘，um....比起雞脾同雞翼，炸雞錘的確係遜色咗d,外層皮太厚而唔夠脆，內裏肉質較鞋口，不過都唔算難食嘅。整體而言，大部分嘢食都不錯的！…Read More

以前一直去開尖沙咀分店食，水準一流！但經常爆滿，之後都試過旺角呢間，食物水準雖然不及尖沙咀，但都不錯的。事隔一年多，昨晚又因爲尖沙咀full booking,再次來到旺角店食晚餐。（我睇咗最近openrice comment 都話對呢間餐廳好失望，但我都諗住博一博，畢竟之前試過都ok嘅...）點知.....真係 超 級 失 望！點解可以差咗咁多？！我都係點返以前食開嘅菜式，但不論賣相、味道都係水平之下！好失望好失望！唔會再黎！…Read More