baconbar's Profile

Book 咗係到食晚飯，本身好期待，結果買難受。服務，味道，性價比無樣得。食得比較晏，一入去侍應唔係好理我哋，茶都無，叫第三次先上比我哋。已經得三枱客。但收走我哋食完嘅嘢又好快，基本上一食完即刻沖出嚟攞走，好趕咁。問野叫野食都係好冷淡，不過諗住食野好味就算。點知。。。叫4樣嘢，兩樣係正常嘅。但係餐牌自稱係名物嘅汁煮左口魚裙邊同廚師推介嘅海膽炒飯都炒車。左口魚超級韌，咬極唔斷，同埋又唔凍又唔熱，唔知想點。海膽炒飯就極快上，海膽苦，炒飯應該係整定。性價比方面，本身睇餐牌都知價錢但見到上菜個size 都真係。。。 特別係個左口魚裙邊。可能旺角店會好啲，但呢間真係失望。…Read More

同屋企人食晚飯，想食中菜又行到攰就去咗呢間。見啲枱分得幾開似幾好坐就入咗去。間鋪都唔多客，都有幾個侍應，但好似得一個係真係做嘢咁。 想落單冇人理，我就望住坐喺收銀嗰個阿姐再指個餐牌。佢見到之後，繼續坐係個counter,大聲叫過黎問我哋想食咩 我唯有行去佢個位到落單，好似食快餐咁。啲嘢食超快到，好一般。加上間鋪有好多蚊之仔，係咁「嬲」啲嘢食。搞到唔係好有胃口。最後！ 都係最重要！係一個餸到發現到一塊硬嘅膠片，仲要係尖角嘅。好彩冇老人家食到。成間舖頭冇一樣嘢係做得好。…Read More

個西班牙海鮮飯好濕, 食落口覺得有d苦, 頂唔順食唔落口。問餐廳d人點解會苦。 仲比佢地試返味。開頭話唔覺苦, 之後又改口話正常係咁既味已經算係淡 (意思係唔算係最苦?!) 其實之前黎過呢間餐廳一次食都唔係咁。今次真心失望。估係落saffron 落重手咗。或者係放咗係pan底燒。間餐廳好暗, 不過我地留意到佢個pan 好黑焦印, 係煮過好多次洗個好多次嘅痕跡。 唔知有無甩出黎黑焦。食唔落口。好唔好味都算。個態度真係。。。。 以後都唔會再黎。…Read More

之前經過幾次一直想試,星期六日冇得訂位,見有少少雨就嚟碰下運氣,諗住冇咁多人排隊結果都有兩三個人排隊,不過好快到我哋啦menu得兩三頁,我哋好快就鎖定咗craby craby同埋iberico benedict 仲叫多咗一杯 white latte choco blend.野食好快到, 有樣有份量。 craby 既scrambled egg 好creamy 好特別。 值得一試。 iberico 都幾好。咖啡係位位食客都讚好既當然要一試, 上既時候有一碟藍莓乾。 店員亦好用心咁解釋。總括嚟講係一間好舒服嘅餐廳, 食物咖啡好, 店員亦好親切。 …Read More

星期五晚約朋友食飯同傾去旅行嘅行程，揀咗呢間餐廳食完飯可以飲下野食甜品一路傾。間餐廳係酒店嘅一樓，細間唔夠20張枱，星期五晚大約八成滿座，我哋食緊飯嘅時候都有walk in都攞到位。不過喺酒店嘅一樓要等lift，如果撞正有旅行團到酒店就要等一陣。我自己叫咗個 prawns linguini 加杯 berry paradise，餐廳用鐵飲管，係第一次出街食飯遇到，好環保！未去之前睇setting知道啲牛扒係推介～不過意粉都好正，好食～我朋友叫咗個意大利飯，不過我覺得我嗰個好食啲甜品我哋叫咗餐廳嘅兩款Cheesecake，成餐飯都好滿足，食物份量同賣相都好好，加上餐廳侍應好好服務。…Read More