laick0's Profile

因為隔離中國銀行櫃員機多人排隊，所以入左去大家樂hea下先，喺呢度單點左一杯紅豆冰，價錢$18。因為有「炸雞髀·紅豆冰」兒時情意結，我成日去大家樂飲紅豆冰，但呢間分店飲品開得真係麻麻。紅豆冰味道好淡，水吧落好多冰俾人，走d冰後，杯嘢淨返一半多d，而且紅豆係偏硬的。呢度沖嘢飲沖得唔好，天水圍大家樂分店黎講，銀座同埋天慈就好得多，呢間分店唯一好處係等候時間比較短!TMI, 紅豆冰堂食同外賣個杯，容量望落差一截，都係堂飲好。…Read More

喺度嗌一杯香芋奶茶，唔記得exactly係咪呢個名，總之$25果杯，哇難飲到，佢係杯底有芋頭粒嘅奶茶，味道芋頭還芋頭，奶茶還奶茶，完全唔啦更，飲左一半丟左，勁嘥，但夾硬飲又對唔住自己!伏!之後仲有一杯綠茶鮮奶茶$29，喺元朗廣場果間分店嗌過熱嘅7分糖，味道非常淡，今次喺呢間分店即刻醒目，嗌凍飲全糖，終於有返味，原來淡唔淡味係全靠全糖(?) 我真係唔識仲有遇過職員好冇禮貌，問佢嘢完全唔so你，好似我透明咁，雙方企喺度靜左十幾秒，望都唔望你，又唔係手頭上做緊嘢，我真係以為佢耳仔有問題，正想重覆問題之際，佢問返後面個同事。頂 唔識答都可以叫人等陣，唔出聲又唔望人係咩事。…Read More

教完班自己一個，其實口渴多過肚餓。入咗去呢間嘢，原來冇下午茶，所以嗌咗個牛肉麵午餐。食物名不符實個餐要加$5先有凍嘢飲，咁我嗌咗「鮮檸愛玉」，阿姐回我：凍檸茶下話？或者係我對「愛玉」有誤解？張帳單係寫「鮮檸愛玉」，阿姐講同埋真實嚟到，完完全全係一杯港式凍檸茶，不論係顏色&味道。製作好Hea碗牛肉麵唔夠熱，麵底硬完全唔入味，菜好生，紅蘿蔔好生，睇圖。所有嘢放埋一齊但各自有各自嘅味道😂，似係各樣嘢白烚淋湯上，早知喺對面食車仔麵😂。職員怠惰且滋擾最令人唔舒服係嗰一男一女嘅細路侍應，全程係店內用普通話嘻鬧玩樂，互相係咁"我操我操"，濃烈羅湖味。星期日店內有大有細，空間又窄，個個聽住佢哋大聲玩，知唔知自己係返緊工？衞生有待改善仲有店內衞生係咪可以再注意下，佢用個紙杯裝白砂糖，d人唔知咩事將d垃圾丟入個紙杯度，樓面侍應幫手清下啦，淨係顧住嬉戲。P.S間嘢淨係收現金…Read More

雖然屋企人已經煮左飯，但一個人遊街心情悶，想食mcdonalds提振一下自己。所以去左銀座呢間分店嗌左個細薯條!for your information, 細薯條$8，中薯條$14.5，大薯條$18。(細個食開5蚊細薯條，嗚嗚嗚…)例牌野，買乜都好，執餐職員只會俾一包ketchup，一定要問佢俾多2包。薯條只有微熱，需要改善，(定係因為冬天天氣寒冷？)份量方面，有d分店會多d，真係幫你塞爆果種，呢度份量ok。天水圍m記，都係中意黎呢間，夠開揚。…Read More

買咗一個「大甲芋泥QQ Mochi $42」嚟試。佢上面d cream屬於街市餅鋪嘅質素，你去糧油雜貨鋪買最平果隻whipping cream，打出黎就係呢個texture，有整開甜品嘅人應該明我講乜😂。芋頭味死甜，味道廉價，係用嚟哄幼稚園小朋友果種細路甜味。蛋糕體偏乾且硬身，不鬆軟。連最難出錯嘅餅底都好難食，益益地咁。成件餅不論口感、味道都好劣，放喺街市賣五十蚊三件我可能會幫襯嘅，會買俾小朋友食😅，可以憑賣相呃細路。大人茶聚或散水餅呢間真係不了。…Read More

KFC呢類大型連鎖fast food shop，d嘢食都係咁㗎啦，中央拎貨，返到來都係負責炸俾d客，只要唔係炸得衰，食物質素、味道都係咁上下，冇乜好講。我喺元朗廣場呢間分店度，換左kfc app入面嘅葡撻同埋薯蓉!我覺得呢間d員工服務態度幾好，我去開食其實好多時都有唔同面孔嘅職員，呢d快餐店人手都係換來換去，😂，可能係經理好，工作環境好 服務態度自然ok。遇過態度最衰最趕客嘅係天水圍天耀商場分店😂😅。…Read More

喺呢度買咗個「芝士焗肉醬意粉」，外賣拎返屋企食，返到屋企一打開，睇見盒嘢嘅面頭已經覺得好燶，一叉落去，原來個意粉成個底都係燶㗎囉。買外賣返屋企都係想貪方便啫，唔洗煮，求其快趣搞掂一餐，但個意粉燶到我要逐段挑返出黎，佢唔同你飯類焗燶，粉麵類燶係幾咁麻煩，每條麵都有部分食得部分唔食得= = (下面幅圖只係挑咗一部分出嚟)真係好q煩，其實個餐係好明顯焗到過哂鐘，要超時幾多先可以搞到成個底黑哂，焗果個冇理由唔知囉，咁都賣俾人，唔係呀化？？…Read More

我食嘅係麥當勞早晨珍寶套餐外賣，啲嘢質素愈來愈差，份量愈來愈少，價錢愈來愈貴。好耐冇食啦，佢而家轉左包裝盒，由膠刀膠叉轉左做木製餐具。個珍寶套餐，個份量而家都食唔飽人喇，乜q都縮水嘛，快餐嘢都唔係旨望你製作有幾認真、幾精美，但垃圾食物都要有個譜掛，個炒蛋又乾又柴，真係攞你命，未擺入口都已經覺得唔會好食。擺到入口，冇味的，係放啲black pepper食埋佢，隔離塊朱柳一樣柴。以前細個食麥當勞早餐不知幾開心，又豐富，而家太差了。…Read More

旅發局派果個乜乜乜海岸線coupon，俾市民去指定餐廳換個餐堂食，張coupon deadline去到十一月三十日，即係今日，見到網上討論區d人推呢間，話cp值高d 起碼食得飽，所以去咗呢度食。七點半去到要喺出面排隊等位，果時附近啲餐廳得呢間要排，不過都唔係等左好耐，門口員工放人入果時問"有冇coupon"，個個都答有，有個仲話要換三張，原來個個都係嚟食旅發局個免費餐，笑死。坐底scan左code，先嚟杯雞尾酒，個正餐就等得比較耐，隔離左右都換左枱人，都係食旅發局個餐🤣。個麵唔係想像中嘅彈牙，只係偏硬嘅麵。湯底太甜。整體如網上討論區介紹所講，食得飽人。職員態度ok，入座有效率，玩埋今日海岸線last day，佢哋應該唔洗咁忙啦。…Read More

所謂牛肉飯，三片肥牛，白飯一大碗。以為自己五窮六絕。啲嘢愈來愈縮水，好耐冇食，今日發覺而家碗飯係兩溝米，唔係全珍珠米嚟，原來度數已經度到咁盡。最終靠牛肉汁撈飯爬埋碗飯，癲。總括評價如下···味道：肥牛味。環境：環境幾好呀，因為冇乜人幫襯，唔洗同人迫陪人嘈。可惜我嗌外賣。服務：唔夠人手。我去果陣得一個阿姐一腳踢，畢飯畢餸連水吧，d嘢飲已經預先斟好哂一杯杯喺度，拎到返歸都凍哂。衞生：見唔到有咩問題。抵食：你見人流就知唔抵食啦。差唔多錢，想食肉去右邊KFC，想食澱粉質去左邊三哥。…Read More