yy1216's Profile

今日去左食午餐，但體驗真係好差因為知道佢限餐時間係一小時，坐低已經盡快落單，但我叫牛肉麵等左半個鐘先黎，然後佢都係要1個鐘內就催我走。呢樣都算，最過分係侍應上菜個陣係單手傳個餐，差少少就瀉，太危險，今次成個體驗都好差，希望會有改善！…Read More

尋晚因為係V Walk睇戲，商場既野都唔岩食，所以搵左附近既餐廳幫襯，呢間估唔到有驚喜，可以再黎，因為員工/唔知係咪老細啲態度都好好，而且可能唔多人，我同男朋友2個人都可以坐卡位，而且呢度可以叫小菜 比係出面食小菜既係平啲，大約$60-70就可以包一碗飯同湯同野飲，選擇都好多菜式，味道都中規中矩，佢既服務態度都已經值得再幫襯，環境方面裝修都唔錯，有種懷舊既味道。雖然味道方面真係唔算好好，但以呢個價錢係可以接受，份量都ok…Read More

今晚約左朋友食飯，揀佢都係因為明就明，但係經歷唔好。首先，雖然舖頭真係唔多食客但係waiter大部分時間都係禁緊手提電話，觀感麻麻，而且我比我朋友早到，我仲等緊我朋友個陣，店員話可以比張卡位我，一般店員都會話幫手拎水，但呢間店員就欠缺主動。第二，我同朋友叫左個set dinner,埋單計埋加一都553，因為其中一樣小食要左好似牛柳粒係要加錢，但係每個菜式我都覺得味道普通，名不符實。第三，今日出面都比較熱，但餐廳環境都比較熱，雖然頭頂係有冷氣，但係感覺唔到冷氣。所以綜合左價錢同食物質素各方面，都唔會再去啦，都唔係好明點解會有咁多正評。…Read More

呢晚朋友介紹左呢間餐廳，果然有水準😃可能因為閒日，所以即日book都book到。聽朋友講平時都多人。我訂左1930，但1910左右到，雖然我地未齊人，但餐廳都比我地入座等。坐低之後，餐廳職員會走埋黎推介有咩食，同埋有拎搓手液比我地消毒雙手，服務都幾窩心。因為我地有5個人，叫左都好多野食，有個大蝦濃湯扁意粉，burger同埋炸雞都好好味，有驚喜。其實都有叫佢既扒餐，但扒反而對我黎講冇咁有驚喜，但都ok。價錢方面都屬於中上。…Read More

之前睇雜誌發現左呢間自助燒吧，不過覺得晚市放題都貴，所以下晝黎試下，價錢之外亦都比雜誌講到唔會食到件衫成陣味吸引左，（平時燒烤/打邊爐一定件衫同埋啲頭髮都會成陣油煙味）不過一去到已經係門口聞到好大陣味，到最後食完啲衫都係有味既，唯一話岩既係冇油煙。 因為未試過呢種燒烤，都唔係好識操作，職員都唔係即時教點用，所以係自己摸索，食物都幾好食，但除左知係豬牛雞羊就唔知係咩黎，如果有埋名會好啲。除左烤既食物，仲有啲熟食，試下個蠔同埋通菜，蠔麻麻地，通菜大份但啲菜比較老。如果再幫襯都只會下晝黎，一定唔會夜晚黎食，夜晚食唔抵。我諗最鐘意係坐位闊落，唔似其他餐廳會好逼，但唔肯定晚市係咪一樣。…Read More

除夕夜晚上冇訂到枱，打電話book小火焰，職員話booking已經滿左，但可以walk in,好彩都算早黎，7點左右到都可以即刻入座，不過限時1.5個鐘。除夕夜都可以唔駛等位岩哂我🙈食物價錢中等，唔算好貴但又唔係平，味道都ok,叫左個泡菜牛肉炒粉絲，烤紫菜卷，蝦餅同埋半份香辣炸雞，個炒粉絲同蝦餅都幾好食，係個粉絲食落會比較油。個炸雞寫明係小辣但我覺得好辣，但個汁係惹味既。總括黎講，平時未必會食，但如果節日當慶祝下都會再黎既。…Read More

因為呢間係大埔新開，見未食過所以平安夜去試下，諗住佢同goobne 個啲差唔多，點知咁既價錢，我寧願去食goobne. 我叫左個雙味炸雞（有骨），一個明太子蛋捲，一個牛肉炒飯，兩杯野飲，兩個人盛惠500！事後睇返唔知點解佢服務貴唔止加1，搵笨！除左個炸雞，牛肉炒飯同個蛋都冇味，呢個價錢值得食到更好，一定唔會再食啦！…Read More

呢晚約左朋友食飯，因為同朋友好耐冇見，所以突登揀一間可以慢慢傾計既餐廳，諗住傾餐飽，點知真係極度失望！雖然餐牌有寫繁忙時間用餐時間係2小時，但冇諗過餐廳係我地用餐時間到左2小時（因為我地夜晚7點鐘到，到9點出面冇人等位而餐廳入面都仲有吉位）就暗地將我地頭頂上面既冷氣較到好凍，隔左一陣就甚至埋黎收我地啲食物（當時我地既紅菜頭長通粉同埋炸薯條未食完），侍應問：仲要唔要架？當時我就答要薯條呀，但係冇諗到佢聽完都仲收走埋餐具，雖然薯條可以徒手食，但我感覺佢地係想逼我地走！真係好過份，一定唔會再黎幫襯！！食物冇咩驚喜，我地叫左紅菜頭意粉，薯條，兩杯飲品，有咁*特別*既服務態度，肯定唔會再去！…Read More

今日黎旺角試下一間係Facebook 見到有link推介既餐廳，環境好光猛，始終新裝修所以都算靚既。但係食物真係貴得黎又唔得:(同朋友一人揀一個菜式我揀左個南瓜蟹肉意大利飯 心諗係價錢最貴成$88個個應該實冇死啦 點知食落覺得 點解硬到好似食生米咁 完全唔似risotto既口感 好失望 朋友揀既黑松露薯條就正正常常 冇咩特別 雖然係即炸但真係等左好耐另外再各自叫左壺花茶 洋甘菊同蜜桃 只係用茶包開 冇咩特別 總括黎講，呢間試一次就算…Read More

之前有次行過試過外賣壽司返屋企都幾好食，今日有時間就同男朋友一齊去試下堂食啦，去到已經有位坐，而且環境都唔錯，餐牌有好多選擇，壽司，手卷，卷物，拉麵，都有好多種類，而且價錢公道，我地試左個叉燒拉麵，雖然賣相普通，但食落有驚喜，個湯底同叉燒都幾好食海膽手卷比想像中平，味道都幾好😋😋壽司質素都有返咁上下吉列蝦卷，可能因為即叫即整，所以食落都好脆，幾有口感不過呢間舖提供既wasabi都幾攻鼻，真係食到標眼水整體黎講，今次物有所值，會再幫襯…Read More

同朋友約左星期四晚食打邊爐，揀左呢間係因為我地食1830用openrice book可以有7折。去到因為時間尚早，未有好多客人既關係，所以有卡位坐，但啲梳化櫈都甩哂皮...因為可以揀兩個湯底，所以我同朋友揀左蕃茄同甜豉油，一直對蕃茄湯底都有信心，但呢間做得麻麻，甜豉油反而好味啲食物既種類都ok，丸都有龍蝦丸同蟹子丸反而甜品係要自己舀既雪糕，而又唔知點解我見有好多雜物放左係上面所以就冇食到，我朋友去左睇返黎就話見到個樣都唔太吸引所以今晚整體係不過不失…Read More