grace.lsy1's Profile

提早食聖誕餐，睇食評唔錯，同小朋友睇完燈飾就嚟食。Book位的時候，職員已問有冇小朋友，我話有兩個，果然有準備，來到見到已放好兩張小朋友櫈連兩套小朋友餐具。店內有三分一店面都是放玩具、街機、小朋友書、boardgames。枱與枱之間好闊落，小朋友周圍跑唔會撞親。7個人食，食物種類不算多，肉類選擇較少，薄餅、意大利飯、意粉就各有幾種可以揀。嘢飲就比較多，有多種Fruit punch。食物味道算唔錯，質素似Pizza Hut咁差不多。尖沙咀親子餐廳嚟講，晚市不算貴，7個人包括2個小朋友人均120元。小朋友邊玩邊食，玩到唔想走。總括而言，係親子好去處。…Read More

想食韓燒但想要平民價，又真係畀我搵到有呢嘢，$93成人午市120分鐘任食，免加一，好吸引，就去試下，整體係滿意又抵食的一餐。下午12：50左右去到，不用等，大把位。我主要食韓燒，肉類算係基本有齊，牛柳、肥牛、豬柳、豬扒、鴨胸、雞翼、肉丸、蔬菜，應有嘅大致都有。當然，呢個價錢，不能要求和牛、極品牛乜乜乜，但純粹想食韓燒，又想坐得耐，呢度係滿足到。肉類都係醃好的，肉質都算鮮美。值得推介佢提供了十幾、二十款醬、調味料在自助吧可供使用，要來配搭燒烤很一流。嘢飲都算多，除了汽水，有五花茶、檸水、柑桔、煎茶，另有雪糕。任食120分鐘，每人$93免加一，真係大滿足。…Read More

午市12：30食飯，人唔多，不用等位。點了泰辣雞搥、金邊粉、豬手，味道不錯，挺正宗，份量也足。雞搥加了泰式酸辣醬，這個我喜歡。每個餐$69包冷熱飲，旺角彌敦道泰國菜而言，已經算實惠。海南雞、豬手比較快上菜，但炸物、炒物比較慢，有改善空間。整體滿意，會再光顧！…Read More