cheuk lam's Profile

由開店一直幫襯，由質素好好開始，無來好一段長時間，過來太古坊順便來吃個早餐，點知真係被呢碗所謂的招牌蕃茄餐肉通粉嚇了一跳。價錢加了不是問題，最大問題是味道差了很多，午餐肉少到一個地步，嚴重不乎合商品說明條例，你們今天的這個劣質出品，是想說明香港的飲食業，就是已經淪陷到這個地步嗎？對他徹底失望，又一間食肆沒有可以再回頭吃了。…Read More

難得週日同老公到銅鑼灣逛逛街，想選一間未去過的餐廳，講真在登龍街其實有不少選擇，只是我一廂情願想試這間，食過之後我都無話可說，真係來一次都嫌多。週日中午時間只有幾枱客，看過餐牌之後，還是吃散叫，價錢會相宜一點，但真係一分錢一分貨，我只可以話真係好港式嘅韓食。從來未吃過泡菜是咁難食，配菜全部無味，定食的牛肉又鞋又乾，泡菜豬肉鍋無鮮味無肉味，晤知想點，草草食過就埋單走，全場噤冷清，原來不是無原因的。…Read More

家人喺帝苑餅店中環IFC Pop Store訂咗呢個雜果拿破崙，首先去搵呢間位置乙，已經非常困難，因為地點不起眼，沒有招牌，指示又不清晰，見不需要過尖沙咀取，不妨一試。我們選擇下午5:00取餅，夜晚飯後8:00食，很久未吃過他的拿破崙，記憶中十分脆口甜度適中，這是五六年前的事，今日食返大大退步得好緊要!!!!!首先吉士好甜，第二酥皮淋晒，成個餅實實不鬆脆，呢個蛋糕$488沒想過咁有水準嘅出品，竟然可以退步咗咁多，只吃了半個就棄掉了 ! 相信以後不會再幫襯了。…Read More

今朝去佐敦買嘢，順便食早餐。第一次幫襯坐低不夠十秒鐘，阿姐語氣強硬問： 食乜嘢？ 我話等等睇緊，十秒之後同一個阿姐再用強硬語氣問： 食乜嘢？……我話唔使急睇埋先，然後佢企喺你面前，望住你睇餐牌。落咗單幾分鐘，送來一杯奶茶，再等咗十分鐘，見煮嘢食阿哥冇嘢做，覺得不對勁，我開口追單，阿姐木無表情話就快有，最荒謬嘅竟然㕑房話收唔到單，原來部收單機無紙!!! 放紙後，一連串彈出十幾張單，果位阿哥立即動手煮麵，但已經不分先後次序，我最早到的竟然再等多八分鐘，先俾返碗麵同埋炒蛋我，杯奶茶已經凍晒。呢d出品及服務，真係浪費時間及金錢，幫襯一次都嫌多。成班阿姐互相指責對方，場面非常醜陋，我都已經成肚火。香港飲食業界質素，只有繼續下滑。…Read More

進店被一位年輕店員隨便帶到一張好細的二人枱，我問另一個店員，想坐對面的四人卡位，對方說是四人枱的….隔離好多空枱又話唔開住，總之就係唔想滿足我呢個小小嘅要求，但好快已經又被其他人客坐。我現場目測坐四人卡位的都正是兩個人吧！下一秒有兩個人客，被另一店員帶到我原先想坐的卡位!!!!再問店員為何會這樣，對方的解釋根本是九晤答八! 我坐了很久都無人來，又未給我QR code成班店員都無經驗，十分趕客。我們二人首次來幫襯，已經有很差的觀感，亦不會再去，食完呢餐未返到屋企已經成口味精及十分口喝今時今日的服務態度，是重要過食物，人客來是享受美食，不是被你們去隨便擺佈。…Read More

流心開心果撻～ 被他的賣相吸引，特登來買個現場食，店員把這個撻翻熱，酥皮脆是理所當然的。餡料係就夠晒流，流到成個碟都係，都唔緊要，視覺上有綠色，但好可惜，食唔到預期中好濃嘅開心果味，應該係話，食唔到明顯開心果味，只係綠色液體係咁流，個人覺得名過於實，不會回購。至於杯咖啡，正常發揮。…Read More

所有包的賣相，其實不太吸引，一個吞拿魚包$10.50價錢可接受，好奇心下買左一個食。首先包質有點乾，有點空氣包感都算，吞拿魚餡勁腥味，乾淨淨的吞拿魚配幾粒粟米，食左一半要送往垃圾桶了，實在難接受，個口好腥好腥。想不到點解可以有這樣的出品。…Read More

滿心期待第一次到餐廳食午餐，來到才知道價錢提升了，同時自助式頭盤亦不是如Openrice介紹噤多款式。Anyway每位$488加一收費，不包飲品及甜品，的確一點也不平宜，但盡地試一次吧。整體食物一般，牛扒無味亦無任何伴汁，我倆額外點了一份Tiramisu（$108）及兩杯咖啡，看賣相已經覺得有點中伏，吃一口就感覺真的伏了。完全沒有任何做Tiramisu應有的marscarpone cheese成份，只是一塊浸了酒的薄蛋糕片，唧滿輕飄飄的咖啡忌廉，就是這樣就索價$108？ 經理解釋係非一般的做法喎，特登做到這樣的，因為免得人客吃到甜品會太飽太膩…….呢個解釋我個人不能接受，未免太不付負責吧! Anyway不須要推介給朋友，也不會再去。…Read More

這間餐廳環境是十分不錯，生日曾經來吃過晚餐。明白呢個區分，價錢相對要提高，意思是基本上大部份食物，包括飲品都需要另外加錢，分開兩張Menu有輕食$188/ set 有brunch set $288.週日早上十一點入座，只有一枱客，我們點了一客brunch set及一客輕食（烤雞及自選兩款沙律）西裝男經理全程態度十分冷酷，頭盤我選了牛他他（+$30）及主菜蜆肉辣肉腸意粉。 他無端端跟我說我要的是牛漢堡，其實我從來未跟他說過，或查詢過這個口味。輕食方面只是查詢一下，他的語氣及態度顯示十分不耐煩。知道這是Simplylife餐廳的高級版，每一樣嘢都要收費，包括水，無問題的，但經理沒有詢問我們是否需要水，吃着麵包乾哽，唯有查詢junior的女侍應, 原來有tap water供應的,不過我還是點了一杯冰果茶。埋單我也不想再對住經理的面口，我通知小職員埋單，行經出口跟經理擦身而過，他呆呆的目光看着，也沒有最基本的thank you及笑容。不想看他的面口及這個服務態度，可以在入門口位買食物，旁邊提供空間食用。…Read More

今日淨係想食意粉，見有位就order咗個lunch set。等候時間耐都算，嚟到食物質素非常之差，冇賣相冇味道，呢碟名為carbonara煙肉忌廉芝士意粉，真係食咗幾啖就要放棄，意粉唔夠熱，淡而無味，煙肉唔知去晒邊，餐湯微暖，成件事就是中了一個伏，為免影響自己心情，立即起身走人，再轉場食過。…Read More

標榜用蜜蘆卡蜜糖做，完全因為呢件卷蛋被吸引入店，上碟的確有賣相有擺盤，可惜整件蛋糕係急凍的，硬實的忌廉，完全食晤到有任何味道，包括蛋香忌廉香或者蜜糖味，十分失望。…Read More

首次嚟用餐，環境及服務不錯，brunch menu四道菜中，不少食物須要另外加錢，頭盤帶子賣相及味道無驚喜，帶子亦細細的。Haliburt味道一般，反而和牛三文治牛味幾濃。唯一最期待嘅甜品，無得選擇，今日係什麼八角花椒馬德蓮蛋糕，賣相已經不太討好，最難接受的係綠色嘅sauce,估佢晤到係花椒八角味，嘩......明白㕑師想攪新意思，但晤係個個識欣賞，星期日重噤多人用餐，倒不如正正經經來個creme brulee。今日嘅甜品係敗筆所在。…Read More

下午茶餐，點了越式牛脷飯，送來的飯就夠晒多，但可憐兩小塊牛脷還要切成幾小塊，而且淡而無味，白烚一樣，無汁無味，連咸味都無，何來越式？！？！真係好差！一送來就知中伏，如果可以的話，我寧願起身就走，當無入過嚟！…Read More

知道最新進場銅鑼灣，為黑松露opera而嚟嘅我，買左合共三件蛋糕，就噤睇價錢當然好有期望。由其是opera，每件更加多獨立盒盛載，格外顯得高貴，但最實際嘅當然係件蛋糕嘅質素。Opera - 不如期望中嘅黑松露濃郁，只係淡淡穩約食到，其質感較輕，沒有想像中果份驚喜！焦糖杏仁 - 被賣相吸引，可惜整件蛋糕又乾又硬，杏仁粒有點冧左，內藏果粒蛋白脆餅也不脆，完全食不到它要香滑感覺。棋盤蛋糕 - 店員話係黑，白朱古力慕絲，可惜完全無期望中嘅朱古力香味，只有甜味而帶點實，非常失望，呢個價錢，真係還有好多更加好嘅選擇，真係名過於實。…Read More

當晚看完烟花，經過此地已由這間名為甜屋取代了大良八記，哦們二人點了三款甜品，先是松露朱古力餅，賣相很不錯，見餅底是有曲奇底是傳統酒店餅廚的做法，鬆脆但全無牛油香味，朱古力蛋糕質感很散，無辦法用叉去盛著，味道算是濃但不夠滑。第二是芒果白朱古力奶凍，芒果新鮮，奶凍部份也是不夠滑，朱古力的味道未能發揮出來，有待改善。三是紅豆沙，紅豆煲得未夠火候，豆只是諗但不是綿，感覺是未夠時間煲，但好在是少甜。:(…Read More