FloraWoody's Profile

生記出名老飯店懷舊菜！今日帶著媽媽及外國回來的姐姐一起來吃了外間已經很難找到的懷舊菜，包括煎釀鯪魚,蝦多士,焗魚腸,金錢雞,蝦子柚皮再加一個燉湯。食物不是太驚艷，因為兒時媽咪實在煮得太好味！但反而我想講是這裡的員工服務好好！！！並不是什麼老飯店服務差，我們不是熟客，沒有叫什麼貴價食物，但員工好有禮，介紹食物我們，稱好食可以再來，試唔到太多餸下次可以再來，員工亦主動替我們拍照！一家人食到開心飯最緊要！值得表讚！…Read More

今日賠老人家往黃大仙，早一天於黃大仙富臨訂了一乳豬及雞一隻中午12點取，一早來到酒樓打算先飲茶，這裡的取位方法非常有趣，服務員先後比兩張枱我地，行到入去都已經有人坐咗，要個老人家行來行去，最後服務員請坐枱沒票人客離開！飲完茶十二點埋單兼去櫃檯要求取乳豬，當時收銀叫我企旁邊等，等咗十分鐘後再問收銀，收銀完全唔理，走去一位事後經查問才知姓陳穿西裝的男（部長？)，回覆：等陣拎緊出嚟！再等咗十分鐘再追問同一位部長，我稱有老人家在門口等緊，可否幫我再追一追，佢竟然望也不望我話隻乳豬燒緊，燒完會拎出嚟㗎喇，就轉身行咗去！當時已經開始火滾，隻乳豬係一早一日訂，有乜可能現在燒緊，再過多五分鐘實在忍唔住再追這位部長問佢話乳豬燒緊，咁要燒幾耐我要究竟要等幾耐，佢竟然答我：我唔知喎，唔係我燒，我唔知要燒幾耐等幾耐！一個顧客畀咗錢消費，得到咁嘅服務態度回答，乜嘢人都火滾啦！實在忍唔住要問佢名同一定要投訴！今時今日香港就係有呢啲咁嘅服務員，令到香港飲食業點解咁差！…Read More

大閘蟹宴包三隻大閘蟹，第一隻有少少異味，感覺有鹼水味，亦都有和朋友確認過，大家第一隻都係唔精神，第二第三隻就合格，似乎有鋪排過！另外小菜方面都係蒜蓉包窩夫飯+1湯匙蟹粉，老實說沒有蟹味，而且感覺很揸流攤，飯加蟹粉是凍的，朋友非常不滿，但侍應亦有即刻換掉，再來D飯仍然是凍，蟹粉就連匙羹好熱，好似叮返熱咁。(圖中飯並無食過，每人送來份量就是這個)侍應服務中規中矩地方寬敞，但係食物非常普通感覺沒有誠意，應該不會再次幫襯！…Read More

嬲到爆！今日11 45落order叫咗兩個餐，番茄牛肉飯同乾炒牛河，1211可取！十二點去到收銀姐姐幫我問廚房話單未有，都正常時間未到！(果時都未話order有問題)！等到1213再追，收銀姐姐竟然答我廚房話冇牛肉，叫我改單！冇病呀，半個鐘頭前落單你冇牛肉唔講，等咗半個鐘頭應該要攞嘅時候你先開始同我整張單話冇牛肉？！你點做生意呀！你咁忙唔好接單啦！改完單畫盡快整，最後要再等半個鐘！畀你去任何餐廳落order等半個鐘先至話畀你聽你剛才叫嘅食物冇曬，叫你再改你興唔興！改完個星洲炒米仲要得啲色水冇呢味道勁差！…Read More