nonobobo的個人專頁

空間感十足，坐得舒適 菜式嘅名字改得有趣又有心思睇menu 已經覺得chill 🔅無骨半半炸雞$228叫咗「很想去濟州的柑橘炸雞」配「思考人生的甜辣炸雞」。炸雞外脆內嫩，柑橘醬味甜甜地，味道清新。後者甜甜辣辣，相對惹味 🔅玫瑰醬八爪魚豬五花意粉 $96韓式玫瑰醬係番茄醬混合奶油醬，再加辣椒醬，所以整體帶有少少辣。配料八爪魚彈牙，薄切的豬五花爽口，混合少辣醬汁味道唔錯 🔅拉出一絲絲芝士排骨鍋$238排骨煮得好軟腍、呢度菜記得趁熱食咁至可以用芝士將排骨同飯團重重包住 🔅比初戀還要甜的蜜瓜窩夫$132蜜瓜清爽多汁，中間嘅忌廉都係蜜瓜味道而窩夫貫徹個名，鬆軟得嚟甜度高 依家9月份逄星期一至四做緊飲品推廣，折扣優惠會根據天文台 app 當日最高氣溫。35°C或以上有 65 折、32-34°C 有 67 折，而31°C或以下就有 68 折。即係當日越熱，飲品就越抵飲‼️ …查看更多

坐正bar枱，望住壽師師傅準備各枱訂單眼睛享受之餘，順便參考下邊款係熱門菜式跟風叫咗幾款，以海膽、鵝肝、拖羅為主題豪氣又鮮甜，成餐飯真係大滿足 🔅海膽拖羅蓉千層脆脆🔅焦糖鵝肝和牛千層脆脆入口即溶，油脂香氣係口入面湧出尤其焦糖鵝肝燒得外脆內軟用天婦羅紫菜隔住，酥脆口感又平衡一下 🔅金酒杯將海膽、吞拿魚蓉、松葉蟹肉同三文魚籽一匙羹一匙羹咁放到紫菜上面慢慢歎，奢華享受，推介 🔅燒爆膏四頭巨型虎蝦蝦膏鹹香十足，炙燒過後更加香口惹味 🔅金龍珠海膽吞拿魚蓉卷當中包含店家自家醃漬嘅蛋黃，口感綿密有溏心蛋感覺，味道特別 🔅滿丼。海膽鵝肝三文魚籽飯配料澎湃，海膽同三文魚籽份量好慷慨每啖都可以擁有極致鮮味，大滿足 🔅自家製雞皮蝦🔅厚燒牛舌心🔅黑豚五花腩🔅西班牙豬肋條幾款串燒燒得焦香，當中嘅雞皮蝦係廚師親手捲整雞皮油香，蝦肉彈牙，口感特別 …查看更多

偶然都想豪少少叫咗日本黑毛和牛A4+ 120分鐘吃到飽套餐 首先奉上海鮮拼盤，入面有生蠔、鮑魚、扇貝同鱔片款款新鮮，尤其鱔片，肉質彈牙，口感爽脆呢個套餐肉類選擇最豐富，又可以任食鮑魚今期主題係「炎夏椰樂祭」好多款小食、飲品都加入椰子好有夏天清涼感覺不過重點目標係日本黑毛和牛A4+同埋伊比利亞黑毛豬梅肉 兩款肉口感味道一流，大滿足而且可以任點吃到飽，真心抵食🔅日本黑毛和牛A4+片片帶有雪花，油花分布輕輕涮後，入口即溶軟滑又滿有牛脂香味🔅伊比利亞黑毛豬梅肉油花分布均勻，入口嫩滑柔軟就算唔覺意涮耐咗少少依然豬肉油香同肉汁十足，令人回味至於湯底，就揀咗鴛鴦鍋，一邊辣一邊清其中一邊係期間限定嘅喇沙椰爺仲夏鍋椰香喇沙味濃， 少少辣，入面仲有鮮蝦豆卜另一邊就清清地，雪白御鮮豆腐鍋但其實當中放埋三文魚肉，帶出陣陣鮮甜依家仲有「知識就是折扣」優惠活動獎品就根據答中題目數量而定全中5題，下次惠顧吃到飽套餐就可享全單八五折啲問題其實都有少少挑戰性，不妨玩下笑下測試下自己嘅知識 …查看更多

轉角嘅小餐館，近期有free flow 牛扒套餐好啱牛魔王，不過小編又想食吓其他 就跟隨店員友善嘅推介，果然無介紹錯🔅美國安格斯牛板腱扒 $138Medium嘅烤牛板腱，吸引嘅網紋面層香烤，切開中心呈現粉紅色牛味濃郁，5成熟肉嫩又保持嚼勁伴碟有粗薯條，又有沙律，份量十足🔅香草烤澳洲羊後膝 （2人份量）$248慢煮12小時，肉質嫩滑淡淡嘅羊臊味，食後慢慢湧現要讚骨同肉好容易切開，食得方便伴碟嘅忌廉薯蓉亦好綿滑香口🔅黑松露蝦多士 $68酥脆多士，中層食得岀有原隻蝦肉…查看更多

難得放半日假要好好享受平日先有嘅下午茶呢度每張枱都會有個啤啤熊怕你悶，陪你飲飲食食…………..…………..…………..…………..🔅Lotus海鹽焦糖疏乎厘 $72本身鐘意Lotus餅但係食食吓又覺少少單調可能本身唔係果醬不過souffle pancake 保持到水準無落果醬反而可以食到pancake原味有蛋香亦有空氣感加埋一杯拉花Cafe Latte，大滿足 ………………………..…………..…………..…查看更多

日式昭和風格，啡紅木裝飾少少奢華感嘅吊燈同掛鐘略暗燈光，懷舊感十足🔅日式咖喱牛肋肉烏冬 $132選擇咗穩陣嘅刨芝士做topping然後店員會拎住大芝士係面前刨，眼睛先享受烏冬滑溜，沾滿醬汁，牛肋肉煮得好腍而加咗芝士嘅咖喱汁香濃帶微辣 🔅若葉香氣蛋包飯 $136蛋包飯配上牛油果，口感鬆軟滑嫩炒飯混合咗味素，爽口又香口配搭嘅忌廉芝士汁，質地味道濃稠🔅蔥油香菜唐揚炸雞 $118炸雞外脆內嫩，保持到肉汁特別在於蔥油帶點港式風味，好香口🔅初夏清甜蜜瓜刨冰 $82蜜瓜甜甜，每口刨冰再加入蜜瓜味糖冰涼感十足，補水又解暑…查看更多

室內滿座，被安排坐係門外悠閒風格嘅木系座位意外發現，呢排座位打卡比坐室內更好睇 🔅Salmon Pesto Fettuccine $178三文魚柳煎烤過後，魚皮同邊位變得香脆醬汁充足，入口滑順，青草味唔算好重唔好被佢嘅綠色嚇怕😆🔅Pull Pork Lasagna Roll $158千層麵面層完全被芝士包圍住，非常香濃又邪惡而中間係慢煮手撕豬肉，因為夾住酸椰菜同蕃茄汁食起上嚟唔會好膩 🔅Pull Pork Onion Rings $82洋蔥圈配搭慢煮手撕豬肉，加入芝士醬同埋蕃茄莎莎感覺如果分開食，洋蔥圈嘅外酥內軟會更加明顯 🔅Cheesecake Waffle House $126屋仔造型好得意， 屋頂係一塊脆卜卜嘅焦糖配搭住酸酸嘅檸檬醬，而作為屋仔嘅窩夫焗得酥脆兩片窩夫之間又夾住芝士蛋糕，入口好綿滑…查看更多

冰室門外有一塊仿效舊戲棚嘅霓虹燈店內有傳統酒樓嘅龍鳳雕刻 當晚全場滿座，熱熱鬧鬧，忙忙碌碌港式茶餐廳嘅風味 💕 🔅花膠雞阿媽足料雞湯米線 $72雞湯味道濃郁 ，除咗雞件入面有兩大片花膠，爽口滑順好足料，想像得到滿滿嘅骨膠原 🔅芝心蝦多士配酸辣米線 $58蝦多士炸得金黃，即使上枱後都放咗一陣一切開，芝心依然慢慢流出配返酸酸辣辣嘅米線，又會無咁膩 🔅滑蛋粒粒蟹肉飯$72蟹肉份量多，而且無切絲，口感更完整加上醬油，海鮮咸香味更出 🔅增肌蔥油手斯雞250g $48餐牌話有65g蛋白質，應該係gym友之選雞肉都幾嫩滑，雞皮爽口，原來想外賣一份但未到last order已經賣晒，好受歡迎 …查看更多

餐廳內牆看似平凡，睇真原來係由網球堆砌出嚟店員話係用咗成千個網球，啱晒打卡🥎知道佢係HeySoNuts同Once You Go Craft攜手合作即刻點返杯Tap Beer試試 🔅韓風甜麵醬煙豬腩肉比薩 $132🔅升級火山熔岩芝士 +$42大大粒嘅煙豬腩肉微微焦香，好香口最大特色係個熔岩火山芝士，加錢升級後就會係長方形嘅pizza上，得到多一個小山仔切開後，出現芝士大傾瀉，超越拉絲感覺🔅手工啤酒汁煮青口配佛卡夏包 $168青口鮮甜，份量都算多，佛卡夏包香脆點上湯汁，再加粒車厘茄，又係另一種味道🔅秘製沙嗲醬雞串窩夫三文治 $118雞串啖啖肉，少少辣，花生味道幾香濃至於窩夫，蛋香味再多啲啲就更好🔅Brewdog Hazy Jane (HH) $52🔅士多啤梨奶昔 $60前者花果味出，清新，苦澀味少後者成杯都係士多啤梨香味，賣相亦好吸引…查看更多

多次到訪，最近知道餐廳有慶生配套只要預先安排的話，就有畫碟服務 (+$35)揀定公仔，就可以擁有超精緻嘅公仔伴碟 店員仲會幫手影即影即有留念所以就揀嚟呢度慶祝生日眼見當晚基本每枱都係慶生活動🔅蘭王蛋松露煙腩卡邦尼QQ捲捲意粉 $158捲捲意粉係今期大熱餐廳新推，亦係每日限量口感比一般意粉更Q彈有咬口而流心蘭王蛋混合煙腩肉鹹香十足，比平常卡邦尼無咁膩🔅北海道帶子海膽意大利飯 $228海膽醬汁濃郁，帶子彈牙鮮甜加上入口爆出甜香魚油嘅三文魚子每啖飯都有滿滿嘅海鮮味道🔅滋味小食併盤 $138熱辣辣上碟，有齊芝士醬薯條、炸雞粒吉列魚手指同埋吉列廣島蠔🔅杜拜朱古力奶蓋巴斯克軟心蛋糕 (半份) $118入面係非常香濃嘅朱古力軟心，甜度十足而面層撤上開心果碎粒同奶蓋，加上士多啤梨啱啱好平衡少少甜度…查看更多

喜歡佢呢度嘅燈罩係羽毛球同足球襯晒啟德體育園主題落地玻璃仲可以望到運動場景觀開揚又提醒小編食飽要做運動🔅Salmon taco $88脆口嘅Taco入面有烤三文魚粒粒混合牛油果醬、蕃茄莎莎同酸忌廉份份足料又清新🔅Scallop Tagliatelle $168海膽忌廉汁出色，味道濃郁手工闊麵掛滿汁，滿口海膽鮮味燒帶子香甜彈牙，配搭黑魚籽亦好特別🔅Pork Rib Benedict Waffle $159原本都擔心rib有骨會難處理但其實煙燻豬仔骨軟腍，骨肉好易分得開混合流心benedict同燒烤醬配上香脆可口嘅窩夫，味道豐富🔅Matcha Cream Pancake $122souffle pancake濕潤但空氣感十足切開入面竟然係流心抹茶醬，有驚喜旁邊附上紅豆同蕨餅，好有日式感…查看更多

呢度提供90/120分鐘任食套餐兩者價錢其實差少少，所以就叫咗120分鐘 - 澳洲200日榖飼牛火鍋餐 ($349)有成100款配料可以點，包括榖飼牛、澳洲和牛同海鮮另外仲有台式小食、前菜，例如台灣鴨血、地瓜條同埋自助區，多款蔬菜、丸類、炸魚皮、麵食同生果飲品區亦包括生啤同埋手調飲品都係任飲呢度採用一人一鍋，各自揀鐘意嘅湯底 我咃揀咗QQ 骨膠原 同埋 燻鰹魚 做湯底前者充滿豬骨香味，後者日式感重又特別而每枱仲放好咗一大樽湯底，隨時加湯，夠晒方便私心推介🔅澳洲200日榖飼牛、澳洲純和牛建議涮10-12秒即可，牛味濃郁🔅青花椒長牛舌牛舌軟嫩，加上青花椒有少少麻感🔅丹麥梅花肉涮10-12秒，入口軟嫩幼滑🔅超級生蠔新鮮而且係限量，坐低就好入單喇🔅榴槤炸波波熱辣辣，榴槤餡味夠濃🔅養生•桃膠銀耳羹糖水唔會好甜，滋潤養生到底…查看更多

雖然係落地大玻璃，但夜晚經過會望唔清餐廳感覺好神秘，其實入面燈光充足，而且樓底夠高成日低頭玩電話嘅朋友，不妨抬頭望望🫶🔅合桃南瓜雜菜沙律配柚子橙汁 $108除左合桃，入面仲有紅卜卜嘅石榴，酸酸甜甜加上柚子橙汁，整體清新又食得健康🔅自家製煙燻豬腩配黑啤意大利飯 $138豬腩肉入口帶煙燻香氣，面頭帶點焦香醬汁香濃creamy，飯面擻上粒粒青蘋果肉微微中和，又可以繼續食🔅蘆筍帶子墨汁意粉 $129帶子煎香，意粉好掛汁，口感al dente食完咀仔必變墨黑😂🔅黑芝麻醬窩夫配香草雪糕 (全份) $104原來窩夫本身就混合咗芝麻，再倒上黑芝麻醬滿滿嘅芝麻香味充滿係口入面，除咗vanilla雪糕旁邊仲配上芝麻mousse 同吉士醬，都好多選擇🔅百利甜酒朱古力咖啡 $65🔅桂花菠蘿咖啡 $56前者濃香順滑，第一口奶油綿香後者清香，淡淡桂花香…查看更多

好掛住台灣嘅臭臭鍋，就嚟呢度解下口癮餐廳位於地庫，地方寬闊， 整潔又夠光猛卡位亦坐得舒服💕🔅台灣本味麻辣鴨血鍋 $138湯底充滿麻辣香味，非常惹味鍋入面嘅配料好豐富，除咗鴨血仲有蜂巢豆腐、魚皮餃、米血糕等再配搭西班牙豬肉片，特別一提芋頭貢丸小編第一次食，有芋粒係入面，口感好特別👍🔅雙重芝士牛奶鍋 $148睇住車打芝士慢慢溶化，湯底變得白雪雪湯底帶有芝士奶香，但飲落其實唔會好膩加錢轉配安格斯牛肉片，點上半熟雞蛋配料同樣豐富，更加入芝士丸，幾重芝士風味😋🔅木魚炸豆腐 $40佢係外炸內軟嘅豆腐，再淋上帶甜嘅醬汁😆🔅鹽酥小拼盤 $56拼盤已經包括鹽酥雞、脆薯同埋花枝丸撒上梅子粉嘅炸物，酸酸地好開胃🫶…查看更多

由宋王臺站行去餐廳都算近餐廳人氣十足，建議大家都預先book枱小編為住佢嘅甜品而去亦留意到每一枱都真係必叫窩夫或者疏乎厘🔅白酒煮活蜆配蒜蓉包 $138蜆肉鮮甜脹卜卜，大大隻🔅羊肉醬炒貓耳朵意粉 $148貓耳朵煙靭，細細粒啱啱好兜住啲羊肉醬一齊咬呢道菜帶有羊嘅羶香味，仲伴有粒粒芝士比較少餐廳會有類似菜式，食羊嘅不妨試吓💕🔅手撕豬漢堡配薯條 $132麵包面層帶有麥香，爆餡嘅手撕豬肉混合咗濃郁又甜甜地嘅醬汁口感鬆軟又juicy，亦都好飽肚😚🔅Tiramisu日式疏乎厘班戟 $104疏乎厘pancake入口軟綿綿又輕盈上面就係tiramisu奶油同手指餅然後再自行淋上香噴噴嘅咖啡可以一次過食晒兩款甜品，大滿足😍…查看更多