PorcerB's Profile

員工服務差，我地表明左堂食，佢地叫我地係收銀處俾左錢先再就座。佢地提供既用餐位置有8個座位，但埋邊4個位既地下係有一大灘水漬，員工眼見都有6個以上，但我地點完餐坐低左，無一個員工話我地知係坐低等野食送上，定係要出去收銀處旁既出餐區拎。最後我地等左10分鐘，眼見遠處既出餐區好似係放左我地點既野食，再問問前面既女職員我地叫左既野食係送上唻定係要自己拎，佢塊面係隔住個口罩都感覺到佢黑緊我面，佢話係要自己出去拎。之後佢地啲員工係只會自己係咁傾計，係唔會理你有客人坐係度，完全唔會同你交流，唔會同你打招呼。食物方面，壽司係整定，你叫既時候就執俾你食，放壽司個盒係無冷凍的（附圖），其間有廚房員工係備餐枱下面個雪櫃，拎左兜野出唻聞，好似睇下係咪臭左咁樣。…Read More

看了報導知道有這間新日本過江龍拉麵，今天就跟女朋友來了試試。到店後發現門外有大約10人在排隊，不過發現店面只是半滿，感覺佢地好似好在意出品，唔想大家入到去做唔切或者做得唔好咁。等左大約15分鐘我們終於可以進內就坐，三名店員沒有太多笑容或者解說下，遞上一張過膠既餐牌，枱面沒有點心紙提供俾客人點餐，同之前報導介紹既方式唔一樣，餐牌亦沒有飲品及小食選擇。在我們看看有什麼好吃之際，聽到隔離枱點餐時，店員同客人講左句：「你講冧把得啦。」去糾正客人說出拉都全名。到我地點餐既時候，我都好識做咁講冧把就算，怕攪到啲員工唔耐煩或者唔開心。自己都做服務性行業，都明白既。等左不超過10分鐘，拉麵上枱了，先試試自己點的濃厚鹽味拉麵$88，湯底暖暖地唔係熱的，味道亦只是淡淡的雞味，湯身都夠creamy既，普普通通的。飲啖水，清清味蕾，再試試女朋友點既清雞湯鹽味拉麵$78，明顯地雞味比較重少少，唔算話好多。麵身普通硬度，麵量還可以，因為湯是暖的關係，以及我坐冷氣出風位，麵身唔會話食到最尾會林身太多。聲稱是日本進口的雞肉丸及慢煮雞叉燒，丸就真係無雞味又無乜調味，叉燒就嫩滑，都有啲雞味既。成碗麵除左湯、麵、雞肉丸同埋雞叉燒，仲有生洋蔥粒同埋生蔥花。最大件事真係啲生洋蔥粒，因為是生洋蔥粒係無煮過既，應該係想上枱前用湯既熱力去等佢可以煮一煮到咁，但因為個湯係暖既，根本煮唔到啲洋蔥粒，令你食麵飲湯時會食到好生既洋蔥，生洋蔥既強烈味道，完全蓋過晒雞湯同雞叉燒嗰啲淡淡既雞味，食到個人醒左一醒。最後環境方面，客人用餐位置整潔度還算可以，但最近出餐處同收銀位既枱面，hea左一堆凌亂既餐牌同埋在收銀機面有員工個人物品包捨香煙，呢個位感覺佢地有失專業。食畢後，我同女朋友既食後感都一致，都係一般滿意，不會再來光顧了。PS. 口味既野每個人都不一樣，小弟既口味不能代表所有人，以上都只是分享小弟既食後感而已，謝謝。…Read More