lc09's Profile

一行四人去左銅鑼灣牛一食日式火鍋放題，好彩等左一陣就有枱,門口入座時已經要order食牛嘅級別同湯底。 今次我地點左$168 湯底就加$16要鴛鴦湯(清酒牛蒡雞湯及韓風泡菜湯)。牛一響應環保，每張枱都會有幾隻用嚟攞食物嘅碟，為環保出一分力，GOOD。員工放低湯後我地就出左去攞其他配料，當中包括有丸、菜、腸仔、麵及烏冬(有幾款選擇)，種類比其他公司較多。由於牛肉於即叫即切，所以每次都要搵員工落單，但速度都尚算快，唔洗等好耐就有。牛肉肉質幼嫩，好有牛肉味，肥瘦平均。甜品有自製雪糕及乳酪，Toppings都有成十幾款，睇見都開心。食飽之後加埋杯雪糕(可以選擇脆皮筒或杯仔)，今餐飯好滿足!以$168嘅價錢，食到咁嘅質數，就算只係嚟食牛都抵呀!…Read More

日本食物絕對係香港人最愛，我都唔例外，今次選擇旺角雅蘭一寿司。雅蘭中心裝修完，一寿司終於可以用返正門出入 (之前係旁邊寫字樓出入)，而且方便好多唔洗再係個LIFT位到等咁迫。今次去人唔算太多，等左一陣就有位，ORDER咗幾款壽司、刺身、卷物及熱食。三文魚壽司-我嘅至愛，嘩…好味! 軟殼蟹手卷 –軟殼蟹好脆不油，但可能我放左一陣先食，所以紫菜淋左少少 芒果三文魚卷 - 三文魚配酸甜芒果，兩者味道十分夾  King Kong卷 – 能一次過食晒幾種口味，格外鮮味黑松露蒸蛋 - 清甜味濃 飲品有雙生兒優惠買一送一, 好抵呀! 其實開咗業喇多件嚟講，都可以KEEP到咁嘅水準經已不錯。…Read More

同男朋友係朗豪坊行完街，本來想去食Monster Sushi點知去到鬼咁多人，見到對面有Buffet食又好似唔係太多人等位咪去睇睇囉，見到傳單寫$198+10%一位，(咁岩今日係星期五Weekend $228位)一心以平平地試下囉嘅心態入去。入到去環境好優雅，座位又寬敞，侍應安排咗我哋坐出面，嘩好有天幕下的戀人feel呀，好浪漫。唔知係唔係因為外邊商場唔夠冷氣嘅關係，男友話越坐越熱, 有點破壞咗個美景。食物方面，第一時間梗係去攞生蠔，大大隻，好鮮甜，仲有長腳蟹﹑青口及蝦。其他還有新鮮又好肥美的三文魚刺身及不同款式的壽司。值得一提嘅係，好好味。不得不提既當然係好多愛食自助餐嘅朋友都會喜歡的燒牛肉，熟度適中，不太生不太熟，配汁可選黑椒或燒汁。熱食區種類都有很多，有湯﹑豬手﹑炒雜菇等等，但因為掛住食冇影相。甜品有大約6款，cheese cake, chocolate mousse, 水果撻等精緻味美。咁嘅價錢有咁嘅質數，既飽肚又滿足，對著咁優美的環境嘆美食，一樂也。…Read More

由於之前係佢地度擺酒，佢地送左個ClubDining既會籍比我，幾好呀飲茶有7折優惠，所以帶埋屋企人黎試下大舞臺既點心先…肥燶叉燒:上網睇到話要訂如果唔係會冇，好彩我訂左o者咁我地先有得食..上菜時用紙袋裝住，食落口肉質好juicy，燒得略焦好惹味。XO炒腸粉: 少少辣，咸香脆金銀蒜蒸鮮魷: 鮮魷夠新鮮，蒸得軟身易咬開，蒜蓉味濃，賣相夠特別雞球大包: 亞爸話同佢細個時同亞爺去食既好相似，好味，不過食完都飽晒因為好大個古法馬拉糕: 糕身鬆軟，甜味適中，冇牙既都食到食之前有睇過其他comment話服務唔係咁好，但我又覺得服務態度好好d員工都好親切，希望佢地之後會keep到啦!…Read More

一直以為德藝會只有婚宴, 原來仲有晚飯食家... 入面的服務員態度非常親切, 食物水準一流西施海皇泡飯服務員會先幫我地煮熱泡飯, 然後把炒米通放下湯，入口有脆卜卜的口感，索埋湯汁既精華，嘩..又過癮又好味霸王雞入口好重雞味，肥美又滑，肉質尚算鮮甜芒果布丁好好味.. …Read More