神秘食評人's Profile

檳城滷水原蹄飯，基本上不是「原蹄」，只可以說是原蹄的一部份，而且大部份都係肥豬肉多，淡淡肥膏。另外，追加$22有兩個串燒，但只可以選擇豬肉及雞肉，不能選牛肉。但係這個串燒好似蔗渣一樣，啲肉完全是乾爭爭，而且好細粒，應該可以說係沙嗲肉粒串燒，是我食過最難吃的串燒。這個海南雞飯最好的就係冇骨適合老人家吃。$95是包含一個細肉骨茶，跟一個小小菜（但這個菜超細碟，基本上係用豉油碟裝的，而且啲菜好生，吾係好熟）。肉骨茶的湯比較濃郁，但肉骨茶入邊有雲耳及粟米條，有一點奇怪。喇沙湯麵，豬頸肉很大碟，但係沒有感到有炭燒的味道，完全冇乜味道，一般一般。整體上應該係海南雞及肉骨茶比較合格。…Read More

我今天嘗試了餃子駅——這個地方很乾淨，食物也可以接受，所以至少值得嘗試一次。我點了京式炸醬拌麵，但醬裡有很多肥豬肉，看到都唔想再食🤢 ，見到都唔想食，大打折扣，未見過炸醬麵咁多肥豬🤢，簡直淡淡肥豬肉。我還嘗試了蟹后蟹粉豬肉餃——它們是按訂單蒸的，半透明的皮和豐盛的餡料看起來非常吸引人。 但裡面沒有多少蟹粉蟹，味道也不出眾，不建議order，而且價格較貴，不值這個價錢。相反，吃番普通的韮菜豬肉餃會好得多。…Read More

網上網紅的太安樓牛雜舖店，今天經過特別買了一個細牛雜試吓，價錢$55、中牛雜價錢$60、大牛雜價錢$60，可以支付寶或現金支付。環境一般，大家也知道喺太安樓食嘢多數係街邊小食，多數人都係外賣。味道方面，牛雜味道好，不過與其他牛雜舖也一樣，沒有特別驚喜，份量很少，牛雜切得很細件，底部大部份也是白蘿蔔，價錢偏貴，坦白說不值這個價錢。人試我試，試過一次就夠，應該不會再回購。如果$55 這個價錢，可能買一個牛雜麵食會比較抵食。…Read More

朋友介紹這一間很出名，所以特別揸車去購買來試一試，但價錢偏貴，$112 牛筋丸一斤大約只有32粒，平均 $3.5一粒。但係我食過最好食嘅牛筋丸。另外，購買了半斤普通墨魚丸，$34 墨魚丸半斤有16粒， 平均 $2.2一粒，味道冇乜特別，只係冇乜彈牙，墨魚味不厚。另外，購買了魚扎一盒 $50，完全唔好食，冇味道，老闆說可以放2-3日，但盒上沒有註明生產日期，何時到期，見佢喺雪櫃攞出嚟。我不會再購買，不建議購買。…Read More

此店的兩餸飯，跟初初開店至今，質素真的越來越差，特別係那個韭菜豬肉餅，次次叫這一個餸，那個豬肉餅中間都「未熟透」，吃落口的時候感覺有啲粉末狀態，就是未熟透的豬肉。另外，叫了一個節瓜粉絲，那些節瓜有「苦澀」味道，估計應該是使用差劣的節瓜烹調，真係未食過節瓜是苦澀苦，食物質素，差！而且，這舖頭的兩餸飯份量越來越少，更加唔抵食。以後，也唔會再幫襯。…Read More

今日試吓小西灣藍灣廣場大快活藍灣大快活早餐，那兩條牛肉腸粉（見附圖）😣與雪條一樣咁堅硬😆。食落口好似食緊塑膠一樣。都未食過咁難食嘅腸粉。原則上應該唔可以叫做腸粉。食緊塑膠物料一樣。大快活啲食品質素真係越嚟越差。👎🏻👎🏻前兩日吃了另一個早餐，要求滑蛋要更改為「熟炒蛋」，但分店的廚房每次都「將滑蛋反轉擺放扮熟炒蛋」（見附圖），今次已經是第三次，客人不吃滑蛋，主要原因是因為怕吃半生熟雞蛋，會感染感染沙門氏桿菌。但每次本人order 「熟炒蛋」，但此店的廚房為了方便自己，行為實在不老實，「將滑蛋反轉擺放扮熟炒蛋」。👎🏻👎🏻…Read More

此店服務態度較差，兩個人坐低，店員不會主動攞水過嚟俾你，叫佢俾杯水，仲要淨係俾一杯。今時今日咁嘅服務態度，唔知道冇人幫襯，網上 評分咁低分其實真係有原因。整體上，啲燒鵝非常韌，非常失望的一餐，店員服務態度又差，食物又冇水準，重點係食完之後，非常口渴，味精極重，飲咗1公升水都非常口渴，我以後都吾會再幫襯，簡直係嘥錢，而且食完，非常口渴，攞嚟辛苦。餐廳環境一般，有一部冷氣機滴水，啲水滴到周圍都係，環境衛生一般。…Read More

這間茶餐廳一直未試過，今日特別叫了一個下午茶試吓，瑞士汁乾炒牛河 $48，外賣要加兩蚊。味道可以，但牛肉咬唔開，好韌！瑞士汁乾炒牛河份量較少，攞起個外賣袋都覺得輕飄飄，如果整體價錢$50嘅話就唔係好值。如果一個男仕來說，估計需要吃至少三盒，才可以說飽肚。另外，杯奶茶是失敗之作，茶味不足，太多花奶。茶餐廳杯奶茶最緊要，完全做唔到茶餐廳風味，杯奶茶很淡味道，茶味不足。我應該唔會再幫襯了。而且份量太少食唔飽，就唔會再幫襯了…Read More

今天到杏花邨名苑飲茶，質素真的越來越差，叫了燒腩仔米線，那一碟燒腩仔，一攞起那一件燒腩仔，已經自動斷開三件，散修修，肥膏仲多過肉，又細件。嗰個米線簡直完全無味，白烚米線。是我人生裏面食過最難食、最差的的燒腩仔米線。…Read More

本人購買牛腩河走蔥熱奶茶，但樓面啲阿姐搞到錯晒，給我的是牛腩河多蔥跟咖啡。目測只有我一個購買外賣，咁都可以搞錯，錯到離晒大譜！非常不專業，可以說樓面啲阿姐是但給你一碗。大家小心。…Read More

魚生質素高，但價錢較貴，環境很好，但勁排隊，很浪費時間，叫了芝士蛋，上枱的時候食物不夠熱，只是暖，好明顯食物是預先煮好的，之後翻熱，收那麼貴但啲食物根本不夠熱。另外叫了饅魚飯，很好味，但勁細碗，又貴，仍有改善空間。…Read More

昨晚在這餐廳用膳，叫了他們的出名名菜，荷葉蒸肉餅，其實只是一般，因為肉餅內很多肥肉，太肥膩，不像食評中所說得那麼好吃。而且，三個人只叫了四個餸，但成$480找數，而且要加一服務費，但食物只是一般像茶餐廳質數，不會再幫襯。…Read More