Kiane's Profile

真係嬲首先，我地係openrice訂位左7點半五位有晒email confirm但黎到個經理話無我地record叫我地等，如果訂左個台個啲人唔黎就俾個位我地，除左我地另一台都同我地一樣。咁我地等啦，但門口位置又比較細，我地問個經理，不如你打去訂左台啲客人到問下係咪黎緊，如果佢地係黎緊，唔會有台的話，我地就走，無理由企係到白等。經理就話佢地幫客人hold台十分鐘，過左十分鐘都唔出現先可以打電話，又叫我地繼續等。然後隔左陣有個著廚房衫的叔叔就叫個經理安排左我地坐先再諗辦法，當然坐低左之後訂左位個啲人又黎到，又無位俾人，又叫人地等。除左個經理重有兩個樓面，安排左我地坐又唔幫我地落單，樓面就話要經理先可以落單，但經理又處理緊啲無台的客人，係等落單的過程已經見到有兩台人走左，直頭唔食。最後我地張單係我地自己手寫完，再遞俾經理幫我地入。我地叫左：水晶肴肉 $68 正常醉雞 $68 啲肉好鞋，又硬無乜酒味乾燒蝦球 $138 百幾蚊得六隻蝦球 香酥鴨半隻 $138 依個最好食了已經蜜汁四方 $120 正常依五個送好快就上左，好快咁食完。但下面依三個就得左好耐先黎。四季豆 $78 咁樣既價錢覺得分量少左啲蟲草花翡翠苗 $78 正常招牌炒飯 $98 有蝦有帶子 最後重加多個高力豆沙，唔記得價錢。但相信係即叫即整，因為我地都等左一陣先有得食，但出黎到我覺得唔夠熱，面頭落的唔係糖霜係砂糖，整淋晒我個高力豆沙。佢豆沙係帶紅棗味，不過我覺得唔特別。重點黎，嗌埋單，我地等五個人個經理夠膽收六個人茶錢，我問佢點解，佢沒有好好語氣咁話因為我地張台開左六個位。發生咩事究竟，我話係你安排我地坐一張已經放左六個位既位置，點解重要我俾個茶錢位？佢先去改單。環境好好，裝修碗碟都好靚，但咁樣服務，咁樣食物，我俾依個價錢唔洗黎依到。嬲到連食物相都唔想影，請我都唔會再去。…Read More

很少寫食評，但今次不寫不可。老公帶我去鮨文食生日飯，我地食第二輪八點半，同我地一齊入座既重有另外5pair人，有情侶，有夫妻，有父女。邊食師傅邊介紹魚的口感味道特性，樣樣都好好食。黑松露茶碗蒸 池魚 吞拿魚 松葉蟹 蝦 帶子天婦羅 右口魚手卷，掛住食有啲已經唔記得啲名。最驚喜係師傅即場準備壽司蛋糕，啲海膽成座山咁多，共有四款不同的海膽，款款都好新鮮 好甜 濃濃的海膽味。正！最後甜品有噴左小小威士忌既蜜瓜，清甜的果香為今晚既晚餐畫上完美句號。時令的食材，師傅邊準備準和客人談笑風生，輕鬆享用一級美食，人生一大享受。今年生日好難忘，多謝老公…Read More

收工上完堂老公黎接我，邊行邊緊諗食咩，就見到串串居。裝潢簡單，以深木色同黑色為主，台唔多，四五張左右，加上閒日夜晚九幾點，店內得一店食客，好舒服。我地食左炸雞皮，鰻魚拉麵，燒韮菜（無影到相），燒燒賣，燒魚皮餃，雞翼，豬頸肉，安格斯牛肩脊，腩肉，小甜薯... 味道唔錯，基本上樣樣都夠味，不過佢地都有提供三樣醬料：泰式醬，沙爹醬，燒汁。不得不提係佢地個四色生蠔，$62。好好食，唔係擺一粒生蠔上面蠔殻重用個隻，隻蠔真係痴住個殻，我鐘意蟹肉沙律醬。62蚊4隻，4個味，好抵食最緊要係，食完我無覺得好口渴，下次會再黎！…Read More

又新街新開小鋪，今日黎潮聖。晏就三點幾黎到，前面都有幾個人等緊，不過都算快手，即叫即整，等左五分鐘左右就有喇。店主同店員都好年青，望住佢地做野完全感受到佢地既熱誠同活力！今日試左剩朱古力味，無加到其他配料，朱古力味好濃郁，唔係剩係得甜味，可可味好重，同平時食到既又唔一樣。粒粒都厚實，有口感食完真係會飽肚唔係空心。食到尾雖然唔係好脆，不過味道一流。下次再黎試抹茶味！年青人加油，支持小店！…Read More