Phyllisng830's Profile

一句講晒Lunch time過嚟叫外賣預咗食凍嘢姐姐淨係掛住上菜俾現場食客外賣出晒喺枱面十個八個攤開晒係都唔pack問收銀姐姐就叫我等pack但係完全冇任何一個姐姐係諗住掂嗰啲外賣嘅直到要同佢嘈啊究竟係食熱嘢定凍嘢先至死死地氣pack繁忙時間我明嘅但係係咪真係買外賣就等於無限等？最弊唔係個嘢食未準備好只係啲姐唔肯幫你生返埋個嘢食蓋拎住個外賣明明係焗飯只係感覺到微溫難道買外賣係為咗返屋企叮翻熱佢？？？…Read More

平時好少出Post..就算出都係發洩居多🤭不過今次係想讚吓間餐廳..銅鑼灣樓上鋪小店Fine Dining..價錢屬於中高不過食材新鮮而且廚師手藝高水準所以成件事係合理嘅..個人最鍾意嘅係佢哋嘅海膽布甸配鰤魚他他..海膽布甸嘅海膽味好出色好鮮甜而質地係非常之順滑嘅布甸..成件事Woa到我..同面頭嘅鰤魚他他同埋三文魚籽一齊放入口簡直係畫龍點睛..另外仲有鹹蛋黃蟹腳都係一絕..鹹蛋黃炸過薄薄一層唔會覺得油膩但係味道好濃郁..最估唔到係同鮮甜嘅蟹腳係咁合襯嘅..然後其他菜式全部都係高水準演繹..另外一個重點係serve我哋嘅侍應妹妹非常之有heart..除咗帶微笑咁樣同我哋詳細介紹每一個dishes之外仲有細心留意我哋食嘢嘅進度..雖每一個項目食完直至另一個上枱中間都有少少空間俾我哋飲啖Cocktail傾兩句偈..成件事係非常之休閒非常之法國餐..講多無謂比相大家睇🤭…Read More

純粹想講..雖則明白book位落訂金係想保障返餐廳唔會太多no show..但係訂金五百蚊一位有啲貴..平時好好食嘅omakase都係訂金三百蚊一位..餐廳係咪可以考慮一下..善意提議…Read More

我唔知味道如何..淨係知道我1.45pm開始排隊..2.45pm都未開門..一係Openrice老點..一係老闆冇時間觀念..Any肥.. black listed..你全日好空閒嘅可以去試吓自己腳骨力..🤷🏻‍♀️…Read More