SueyTseung's Profile

呢間燒烤店位於新式街市入面，環境好乾淨，仲有冷氣，正！叫咗個外賣，服務態度都很好，全部即叫即燒🔥，等咗15分鐘左右，打包到屋企都仲熱👍，材料感覺都好新鮮，唔錯👍，再配上個汽水、啤酒，簡直一流😌🐑川味羊肉串，無騷味，肉嫩🐮極上一口牛，配上小小黑椒，牛肉味幾香🐔招牌燒雞翼，燒烤必食啊，靈魂之物😁🐔川味雞脾肉，肉嫩，很滑🥖烤芝士腸，一串有五條，足料🍄🥗燒冬菇、金菇、雞脾菇、娃娃菜、秋葵、蘆筍，全部蔬菜都特別新鮮好吃，個人特別喜歡所有菇類😋除了羊肉串小辣，其他都揀咗唔辣，喜歡辣的可以試中辣、大辣🌶️，價錢都唔貴，值得推薦👍重點係開到凌晨12點啊，週末三五知己食個燒烤，來個小聚，人生一樂也😉…Read More

時日九龍灣有約，試下人氣食店Beans！六點到 Beans，等咗約五分鐘左右入座，限時90分鐘，但我哋掛住傾計，食到超曬時，好在都無吹我哋走🤣自助落單，方便，但記住唔加小食/蛋糕的要全部禁不需要選項，如果唔係好傻，去唔到下一步🤣時日點餐👇🍄黑松露什菌意大利飯💰118🦀️黑松露軟殼蟹意大利粉 💰122🍅車厘茄馬蘇里拉芝士薄餅 💰98①跟餐➕💰28有一個薯條/沙律②跟餐免費飲品有三款（檸檬蜂蜜、咖啡、黑糖薑母茶），其他飲品跟餐可以➖💰8整體來說食物味道適中，不會太鹹，適合我口味，但相對其他同類型餐廳沒有太大的驚喜，但也不妨一試…Read More

難得同朋友去吃個早餐選了久違的溫莎，而且就腳叫了一個全餐有最愛的牛角包🥐滑蛋加火腿腸仔經典組合，不過不失搭配了奶茶🥤，茶味有點濃當天早上服務員有點少，估計疫情關係，所以落單時間要比之前耐…Read More

Menu選擇好多，選擇困難症嘅我今日果斷做到決定🤣，因為一見到距嘅芒果就兩眼發光，全家人都係芒果控，所以芒果系列肯定唔放過。🥭多芒小丸子 $45🥭多芒楊枝甘露 $45🥭多芒仙草 $42呢三款狂人推介都係勁多芒果，而且芒果好清甜，唔係加咗糖水嘅甜，係芒果本身的甜味，大愛😍楊枝甘露就係比小丸子多咗柚子，我鍾意加咗柚子更清新。小丸子好煙韌，西米好大粒，仙草好滑，搭配芒果汁同鮮奶油，唔會太甜，但份量十足，一個就夠曬飽。超煙韌豆花$42豆腐花好滑，珍珠、芋圓、小丸子都好煙韌，不同味道，不同程度的煙韌，幾特別，再加上上面一層奶蓋，整個豆花變得更香。十勝紅豆豆乳$30紅豆好軟綿，好香豆味，有點似紅豆冰的味道，但呢個豆乳味好濃，係紅豆冰嘅升級版😋❤️鋪頭好貼心配有保溫袋，所以遠小小攞返屋企都無問題👍…Read More

天后美食遍佈各大街小巷，Openrice見到呢間居酒屋好評如潮，於是今晚同朋友去試試，果真無令我失望，而且比我預期中高質，值得一推👍👍👍👍👍值得一提嘅係，服務態度很好👍，員工都好好禮貌，好細心，整個用餐過程都好舒服😌🦞芒果芝士澳洲龍蝦 $288大大舊嘅龍蝦，烤到表面焦香，內裏仍然好爽口，大大啖咁咬落去，好滿足😍，再配上香甜的芒果，上面鋪滿咸香味嘅芝士同蟹子，層次口感都好豐富👍🐟火炙左口魚邊卷 $148一碟六舊，望落幾大舊，但完全唔係好似其他鋪頭咁，全部都係飯，距飯中間包住蟹柳、青瓜同玉子，餡料好豐富，上面嘅左口魚油脂好甘香，上面再鋪上黑蟹子同醬汁，個醬汁好好味，真系回味無窮😋🍣三點刺身盛$181包含三文魚、油甘魚、劍魚腩，刺身好新鮮，全部厚切，油脂甘香🤤🍢串燒系列黑豚荔枝卷 $38原條黑豚露筍卷 $38鴛鴦翠玉瓜 $22蜜糖雞翅 $32雞腿肉（明太子）$38串燒烤得好出息，表面焦香，但肉質好嫩滑，咬落去完全無渣，特別黑豚荔枝卷，好特別的搭配，必試👍，翠玉瓜同露筍外焦內脆，中和一下肉食的油膩感，很好的搭配👍🍹士多啤梨益多多熊冰（無酒精）$68係一杯草莓沙冰，酸酸甜甜，甜味亦啱啱好，再配上得意的可樂熊仔冰，非常吸睛😍，打卡一流😁🍹蜜桃烏龍熊茶 $58清清哋嘅烏龍茶搭配香甜的蜜桃味，兩者搭配得好好，唔會互相搶味，好夾，好飲🥂…Read More

今晚約咗個葵涌嘅朋友去荃灣食嘢😁朋友提前係Sol House親和藝術book咗檯，就同距去撐檯腳😉入面環境好舒服，我哋坐係bar 檯對面，望住琳琅滿目的酒同酒杯，覺得好有情調，係適合同男朋友或者老公嚟撐檯腳的☺️，靚仔靚女waiters都好有禮貌，服務態度一流👍🥩烤美國安格斯肉眼扒$368一塊好大好厚嘅肉眼扒，我哋order咗5成熟，切開好Juice，仲有肉汁流出嚟，入口甘香，搭配埋原隻烤蒜頭、車厘茄，可以解膩👍🍝烤皇帝蝦配香辣蒜片闊蛋麵$198皇帝蝦好大隻，烤得好香😋中式辣麵就食得多，西式嘅都係第一次試，搭配埋蘑菇➕一種酸酸哋嘅應該係蔓越莓，味道竟然好夾，呢個麵我好鍾意，好好味👍🍹Passion Fruit Soda$38熱情果搭配檸檬，加上soda，味道好夾🍸Kiss $62蘋果汁➕紅莓汁➕soda撞出嚟嘅Kiss，酸酸甜甜，初戀的感覺👻…Read More

之前就留意到呢間餐廳裝修好吸引，木系工業簡約風，好適合打卡，於是同朋友book咗今晚一齊去試下。門口放咗兩張二人檯，推門入去有一個好靚嘅打卡位，一張長櫈➕一顆樹嘅背景牆，好舒服😌，入面座位好闊落，坐得比較舒適，而且服務好好，店員都好Nice👍🍳香煎法式鵝肝多士 $118鵝肝好厚身，表面煎到金黃，好靚👍鵝肝入口即溶，上面塊黃桃可以中和油膩感🍕西班牙黑毛豬無花果Pizza $208Pizza係薄脆底，加上芝士、番茄醬、黑毛豬，呢個搭配好好味，上面無花果好清甜，但唔會搶咗黑毛豬嘅味，正👍🥩炭燒美國安格斯肉眼Set dinner $358牛扒上檯好意外，因為比預期中大塊，叫咗七成熟，牛肉味好香，口腔佈滿牛油香味，我鍾意唔點醬汁就食牛肉嘅原汁原味，配菜青瓜、薯仔、秋葵都好好味😋➕餐湯有小小酸酸的番茄味，好開胃，搭配的蒜蓉包好正➕英式熱奶茶，搭配簡約茶杯，好高貴的感覺☺️➕芝士蛋糕，芝士味好濃，餅底鬆脆，唔會好膩…Read More

琴晚同屋企行完荷李活廣場，食飯時間周圍都好多人，於是兜咗去後面間敏華冰廳。食物選擇少，一心想入去食叉燒，7點就已經話無咗，呢個都唔緊要，可以叫其他。我哋都未開口話點餐，有個靚仔服務員就過離好不耐煩地同我哋講叫自己掃碼點餐。點完餐一陣過嚟同我哋講無咗叉燒，咁我叫距幫我取消，我再點其他。再過一陣距上咗杯鮮奶俾我，再一陣又上咗雙腸煎蛋多士俾我，呢d全部都係我剛才取消果個叉燒米粉跟嘅餐🤣，我同靚仔講唔係已經取消咗嗎？距有點噁咁同我講話唔係距取消，係果邊（我估應該係收銀處）話已經取消咗…..最後當然叫距全部攞走。呢個靚仔對隔離檯幾個女人➕小朋友態度更加差，距地話唔識點餐，叫距幫手點，然後距唔理距🤣，咁當然另一個啊姐頂上啦！之後唔知咩事叫個靚仔，個靚仔話距唔知，叫距地穩其他人🤣今時今日咁嘅服務態度真系唔得囉😅…Read More

大家都知道通菜街（太子段）一直都係酒吧為主，今晚行過竟然發現咗一間與眾不同的鋪頭，裏裏外外都係以紫色為主，我呢個紫色控當然唔放過要入去探個究竟啦😎入座的時候六點左右，入面已經九成滿座，剛好剩一張二人檯😆，一入門口就係一張透明吊椅，配上紫色坐墊，加上後面的裝飾，絕對係一個非常好的打卡位😌🍝蟹柳明太子意粉（$108）意粉味道不錯，上面佈滿明太子，再加上蟹柳、紫菜同木魚，呢個搭配非常好🍲帶子忌廉意大利飯（$108）呢個意大利飯煙煙韌韌，韌得黎又唔硬，口感很好，每粒飯都吸收曬忌廉的味道，好入味，帶子好香，再搭配買弧菌，好味道😋🍹蔚藍星空雪（$45）顏色吸引，味道幾特別，亦好熟悉，但一直想唔起係乜味🤣☕️桂圓紅棗茶（$38）朋友話味道唔錯，主要唔會太甜…Read More

「小憩片刻」📍紅磡崇志街29號地舖好耐無過紅磡，今日約咗朋友過去行下，夜晚順便一齊食個飯，於是周圍覓食，經過見到呢間鋪頭裝修幾吸引，係地舖位置，再加個雨棚，好似一個門前花園，好有家的感覺，所以同朋友決定入去試試，今日好餓，所以兩個人叫的份量都幾多😆🐔養生蟲草花膠雞湯米線（$78）一上檯就見到碗上面有兩大塊花膠，仲有幾塊細嘅係下面，哇….超級驚喜😍，估唔到份量咁多，首先我試咗個湯先，濃郁的花膠雞湯，無感覺到有味精，蟲草花好爽滑，雞同米線吸曬湯的精華，好味😋🥥椰子雲吞雞-半隻（雲吞3粒）（$138）原本以為同花膠雞一樣大細，點知當個靚仔放上檯嘅時間，馬上哇一生，係超級大嘅一兜，真系一大兜嘅椰子雞湯。椰子雞湯十分香甜，椰子同雞的搭配簡直絕配，湯好好飲，入面嘅雲吞好好味，而且超級多雞，基本三分之二兜湯都係我呢個湯精飲曬🤣🥒手拍青瓜（跟餐➕$6）青瓜好爽，好入味，蒜味好濃🐑烤羊肉串（$22）要咗小辣，羊肉好嫩，帶點油脂味，好香🍆烤茄子（$25）整條茄子鋪滿的蒜，配上小小辣椒粉，好野味今次又飽又滿足，同朋友飽到捧住肚走，下次再試其他😋…Read More

以前唔鍾意食龜苓膏，因為覺得出面嘅都好似涼粉最近alipay有優惠，買一送一，於是買咗幾個試下。龜苓膏同龜苓膠味道差不多，藥材味都幾濃，感覺比較真材實料，加上配備的糖漿，苦得黎又有點甘甜，食完之後個口都幾舒服，唔會話藥味一直存在。…Read More

MY BURGER經典牛肉漢堡🍔$49牛油果軟芝士烤雞堡🍔$62*薯條➕飲品（加$20）食一個就飽到嘔的感覺😂，特別雞肉堡，三塊雞肉，不過味道相對淡，都係牛肉比較好食😋薯條好食，熱辣辣好新鮮！…Read More

桃園小品 Momo Kitchen今晚無聊搭小輪過西灣河，出碼頭附近就見到呢間桃園小品，於是入去試試。避風塘艇家炒麵🌶️（💰68）炒麵好入味，配料有蝦同魷魚，見到d辣椒覺得距好辣，食落還可以接受，不過偶爾食到粒辣椒籽後勁十足，都幾辣🤣潮式蠔仔小雲耳肉碎泡飯🦪（💰60）蠔仔好鮮甜，再配合肉碎、雲耳冬菇令整個湯底好鮮甜，有小許胡椒味，但不會搶咗蠔仔的鮮味，不錯👍*飲品跟餐半價…Read More

元氣似乎成為了我同小朋友的飯堂🤣當唔知食乜嘅時候就去幫襯元氣，主要係小朋友鍾意食。🍙燒鰻牛油果手卷（💰22）小朋友每次都必點大蝦手卷，最近無咗，距唔開心添，叫咗個牛油果鰻魚手卷距試下，兩塊鰻魚➕一塊牛油果，距話幾好食。🍜牛肉烏冬（💰32）幾大塊牛肉，加上煙韌嘅烏冬，再配合埋個牛肉湯底，好味😋🍣大切三文魚腩壽司（💰10/件）三文魚腩幾新鮮，但無上次的厚，食落好juice，入口魚油味比較香濃🍣蒲燒鰻魚壽司（💰10/件）鰻魚是我的最愛，所以每次必點，無腥味，厚度唔算厚，但味道不錯👍…Read More

等小朋友翻咗學，就同媽媽裕民坊閒逛，行到11點幾餓了，附近無乜地方可以坐低食嘢，好多都未開門，就得呢間「百芳池上便當」🍱，於是入去試試！舖頭不大，但勝在幾乾淨，主要食台式牛肉麵、拌麵同便當🍱，另搭有台式飲品。點餐係自己寫紙仔的，好容易睇錯，因為用餐期間就發現唔止我剔錯，隔離台都係🤣，就連廚房都經常睇錯單，出錯嘢😂，可能因為字太細😅而且樓面職員不足，得一個人，所以比較哈碌嘢狀況。🍜百芳台灣牛肉麵（微辣💰66）➕熱珍珠奶茶（原價💰20，搭配套餐減5蚊）牛肉好多，好大舊，外加有半隻滷蛋，份量很足，所以對得起呢個價錢。因為太飽，珍珠奶茶打包翻屋企，我選了半糖，淡淡的茶味，可能放的時間長了，珍珠無咁彈牙🍜彈牙紅燒牛丸牛腩麵（轉清湯💰65）原本是要牛筋的，剔錯上一行就試咗呢個，強推牛丸，意外驚喜，好好好好彈牙，勁好食😋，好食過牛腩*麵均可選粗麵、幼面、新竹米粉，套餐原本湯底是微辣的，可轉清湯…Read More