caleb12345's Profile

今次來到無book位，但人唔多，環境亦好清新舒服。同朋友叫咗一個北海道和豚配坎飯。來到好賣相已經好吸引好想食！但我想講，我覺得最好食嘅唔係個豬鞍，而係啲燴雜菜同個坎飯！個配菜味道非常好，有啲香烤嘅味，其中一粒係類似菇嘅物體，一咬落去好juicy，超級好食！個豬鞍稍為唔夠嫩，但係個汁好香蒜蓉味，搭救咗唔少！另外叫咗一個煙三文魚牛油果溫泉蛋酸種麵包。來到賣相依然好得！食完係覺得成個菜式好平衡，啲汁，溫泉蛋同個麵包，三文魚同牛油果好夾，食落有唔同嘅口感，好好食。最後加$18叫咗個朱古力撻，係凍食的。個撻好好食，本身以為係熱嘅脆撻，但係凍食都好唔錯，雖然個撻皮係淋的，但都好好食，配埋個甜味苦味balance得啱啱好嘅朱古力，成件事無得輸！總之好好食，雖然少少貴，但覺得好值得一試！兩個人埋單都要$300！…Read More

已經食過4-5次，第一次寫食評。通常你揀任何食品都會有前菜，湯，甜品。作為好鍾意食前菜嘅我簡直係為我而設。今次我叫咗天婦羅冷麵。前菜有wasabi菠菜，柚子蓮藕同埋芝士竹輪。全部都好好食！另外有個好靚嘅麵豉湯，裡面有切得好有心思嘅豆腐🤤來到主菜，天婦羅！呢度嘅天婦羅好好食，好足料，有冬菇，蓮藕，秋葵，蝦，蕃薯，印象中每樣都有兩舊，所以係超級足夠！夠晒飽🤤冷面就正常冷面，好味嘅！甜品每次都唔同，今次係厥餅，都唔錯的，未去到超好食。跟住野飲，雖然有時啲人鍾意叫一款雲朵嘅野飲，係有一舊棉花糖，但個人覺得無咩特別唔太實際，亦好甜無咩興趣食。所以我每次去都係叫奶蓋類嘅野飲，綠茶同水蜜桃奶蓋都係好好飲，個人推薦要試！…Read More

好味好味🤤個炸雞食到尾凍咗都仲好好食仲脆痴線！然後個汁超好食！佢係有啲似沙律醬咁但比沙律醬lite。我平時都麻麻沙律醬，但呢個真心唔錯，加埋少少檸檬汁成件事更加清新易入口，正。份量就唔洗講，圖都見到，非常夠！話說個店員見到我地食剩餸，問我地要唔要飯先知原來可以加飯的（鼓勵大家真係唔夠食先加飯，唔係一陣就大家都冇得食XD仲有另一個重點，就係個前菜！！！話說我係一個超鍾意食前菜嘅人呢個前菜我比90分！！！好好食佢應該係有啲薯仔切咗細細條，然後有啲肉，唔係好知係咩肉，但成件事最好味係！個！汁！嘩個汁真係好味到好想食多碟的好香，我淨係食得出有麻油味，跟住因為太enioy所以無諗🤣跟住叫咗杯薄荷朱古力泡沫咖啡，但問我加唔加cream，我二話不說叫咗加 ！但下一秒發覺死啦，cappuccino再加crean咪好「漏」，大鑊~但最終無事，仲好好飲，甜度對我來講剛剛好☺️薄荷味個人覺得可以再多少少少少，但已經好好飲了環境都好舒服，咁啱無咩人，啱晒傾偈慢慢食不過如果繁忙時間就末必可以坐咁耐啦🤫😝…Read More