yungkayu0509's Profile

千奇唔好試，同掉咗300蚊無分別。未試過食放題食到要等嘅時間多過食嘅時間…啲刺身份量又少，每次黎2-3件，仲要有啲寫咗從來都無出現過。刺身又唔新鮮，質素同爭鮮無分別….上碟速度慢到懷疑人生，全程應該上刺身唔多過三次….熱食都唔多款揀，味道界乎普通至難食之間。食完有一種浪費自己胃嘅quota感覺😮‍💨環境等闊落，但裝修大陸味甚濃啲櫻花deco好膠如果唔知以為自己係大陸餐廳食緊...總結，呢間餐廳真係不可一，更不會再。好少寫食評，但都真係想寫黎警惕世人🥲…Read More

Book左枱慶祝朋友生日，book枱果時話食一個半鐘，最後都無趕人，比我地食到收鋪👍🏻👍🏻評分: 7/10先黎有個餅乾，估唔到個醬都幾好食，係吉烈芝士味，幾開胃。評分:7/10個沙律一心係點黎打卡，本黎預左你好睇唔好食，點知佢既蟹肉都幾好食，啲沙律菜都唔苦。份糧都唔係特別少，都多三個人當前菜食下。評分: 6.5/10個牛肉既牛肉都幾出，不過有少少唔多滑，但可能因為佢用應該用近牛屁股果部分既肉，所以食之前預左口感唔會太滑。整體都都ok，但如果一心想食口感好既牛，就直接點佢既肉眼或西冷好了6.5/10一開始比左個唔知咩汁我地，我地反映話上既唔係藍梅汁，最後店員都好好態度即刻送返碟藍梅汁比我地。肉配藍梅汁有酸甜既感覺，食上黎個口感rich左好多，好似過上面提既牛😂，唯一扣分就係如果一開始我地無要求要返個岩既汁，應該差好遠。評分:7/10反而個pizza 最有驚喜，雖然所用既配料無咩特別，但個餅整得好好，食落去好有小麥味，都唔會太硬，同配料一齊食又match返哂啲配料既味。我記得我意大利朋友話，好食既pizza 從來都唔係啲配料，係個餅底，呢句真係無講錯。成間餐廳整體環境都算大，枱同枱之間唔會太迫，朋友仔傾計都算舒適。價錢屬於每位$200-300左右，唔算話好平，不過朋友生日都可以一試。…Read More

其實因為有coupon 所以先黎食，但貪平既後果就係辛苦左自己條利因為有半價優惠，所以我地叫左一個芝士牛肉漢堡、蒜味雞翼同芝士薯條，但最後淨係個漢堡係食得落口....先上個薯條，望落見咁多芝士應該無死啦結果個芝士無咩芝士味，都唔香，得個咸字....同埋個薯條太幼同埋無咩薯味。最後我兩個人加埋都食唔到十條:(到個漢堡，食完個薯條都唔敢對漢堡有咩期望，好彩入口都算正常，個牛肉都算鬆化，但無咩牛味。整體都不過不失，好過麥記少少，但如果要我比原價$105，一定唔會。最後到個雞翼先係重點，望到個樣都知中左伏，好乾，入口基本上係無哂肉汁，得返好硬既雞皮。佢硬既程度令我好懷疑佢應該翻炸好多次.... 最最最後係佢真係好咸，我食左兩隻要飲兩杯水都仲覺得好渴應該係因為佢再炸既時候已經鎖啲味，一炸再炸就不敢相像.... 佢上碟前仲要加一大pat酸辣醬(麥當勞果隻)，真係咸得不能再咸。成餐50%off後由$217變成$108.5。抵唔抵就見人見智，如果真係要食，唯有淨係食佢既burger …Read More

呢間鋪係開張無耐就誤打誤撞食左兩次，但一直都無時間寫。呢鋪店地理位置好好，近旺角地鐵站，一出行一分鐘就到，又唔洗排隊入去。餐廳既設計簡單，不過都夠空間比每張枱自己傾計。呢度既侍應態度好好，我見請好多不同族裔既員工，個個都好好態度，呢個好值得欣賞員工同老闆。 $296兩個人食，我地兩個都食到好飽。雖然有加一服務費（之前岩岩開張好似無收🤔)  但服務都真幾好，未出聲已經密密幫你加水，上菜15分鐘就黎齊哂，所以都ok既。…Read More

韓式粉絲味道正宗，韓式壽司都好好食，個食團夠實。部隊鍋唔算好辣，唔食得辣既人都食到。仲有之前試佢既雞翼，一共有八隻，不過送上黎既時候，雞翼唔係好熱，感覺上應該唔係即叫即整，但整體味道正常。成間店既價錢都幾平，有餐前配菜算係有誠意。店職員雖然唔太識講廣東話，但都有禮貌同用簡單英文溝通。我見呢間野有join 網上外賣平台 ，下次唔想行去食，可以一試網上外賣平台 叫餐先。呢間野近旺角東站多啲，行五分鐘至十分鐘就到。…Read More