louielouie's Profile

店名「日月星辰」。位於工廠區，石排站行去工廠大廈嗰邊地舖。落樓梯，入到店舖，差啲以為自己去錯地方。似工廠食堂既裝修。😅我係因為佢係食台式食物，所以我先過嚟，所以一下子唔能夠將眼前景象同台灣融合。自己搵個位坐低，打開餐牌。一道道的台式食物名稱進入眼簾。因為係第一餐所以隨意叫。 當食物上到枱面嘅時候就知道gg了，太多了吧。🙈👍雙層起司蛋餅$28跟餐+$25：薯條&百香果茉莉花茶👍招牌鹽酥雞$25真係好大碟。👍原味台灣腸$25店舖開11:00am-10:00pm…Read More

其實係第二次幫襯。第一次，同朋友坐低飲。熱嘅Americano。飲落其實真係好一般。溫度過熱，入口燙口。講明坐低飲，係咪應該調節一下呢，我喺出面其他咖啡店飲我未試過會係燙口。豆偏酸，明白嘅個人口味未必個個都覺得酸。第二次，同事請，買一送一，外賣熱flat white 返上office 飲。可能大家對於flat white 及latte 既定義有些小分別。所以決定無下次。其實無比較無傷害，佢同同埸既 pret a 、太平洋咖啡，都已經有點距離。我都唔拎鐵行里間咖啡店作比較了。…Read More

拎外賣既時候，幾位阿姨都叫我地多多支持。無咗夜晚堂食真係頂唔順。😢。寫呢個食評前一日，機緣巧合下，見到泰之味嘅ig寫咗告急，請多多支持告急。✔肉碎生菜包小辣惹味，生菜新鮮。✔燒豬頸肉唔乾，點埋汁好滋味。✔泰式脆炸軟殼蟹外賣都仲脆既，堂食應該不得了✔泰式拼盤（ 春卷、蝦餅、魚餅、香葉包雞）✔紅酒燴雞翼有驚喜，甜甜地。✔咖哩炒蝦咖哩好惹味。係開邊蝦既。✔香茅炒蜆✔馬拉盞炒通菜✔泰式烤羊架✔芒果糯米飯x2一句總結：全部都好好食😋😋食咁多野，外賣85折，940蚊咋。仲有咩要求？？…Read More

早餐，最好係食番個爽彈又有咬口嘅通粉，咁先係good morning。一般茶餐廳嘅早餐通粉會係淥定先，然後有客叫就落湯再出餐。如果，跟我嘅習慣先食煎蛋多士，之後先再食個通粉，一定會腍哂。但我相信呢度一定唔係！因為通粉上檯後，再影埋相，再食埋煎蛋多士，再食通粉，都仲係爽彈的啊。我呢個早餐B1火腿通粉+多士，自選煎雙太陽蛋都只係28蚊！抵到喊。佢啲通粉仲要有坑紋㗎。識食一定係食有紋既通粉。衛生程度高。我入座嘅時候，姐姐仲會再抹多次檯。…Read More

假日的中上環區，部份食店會休息。永樂餃子店，我記得假日都會開的。下午3點，望入店內只得3名顧客。😕反而隔離的諸勝堂，店內接近坐滿。記得要分散投資啊。店外貼住「 本餐廳已登記做飲食界選民」店內牆身餐牌都有連豬貼紙。俾錢時，趁人小小，問叔叔以前係唔係喺鰂魚涌開舖。叔叔話係呀。👍🏻。 鮮肉香菇粟米餃 麵花膠淮山豬骨湯配重慶酸辣醬餃子一共五粒，大大粒，足料到粟米跌出黎。麵，份量多。花膠淮山豬骨湯，香濃而不膩。撈開個重慶酸辣醬，唔咸惹味，辣味算是小小辣。43蚊飽到我晚餐唔洗食。。…Read More

上網得知小店告急，拿拿聲帶埋阿姨去幫襯食好西。入到店舖，得3,4枱。慘。真係要多啲幫襯先得。首先我要講多次呢一個係下午茶餐，份量大到我以為係午餐。今晚又慳返餐。✔胡椒豬肚湯米線配雞扒，加多隻煎蛋* 個胡椒豬肚湯一放上枱面已經聞到味。飲咗第一啖湯就覺得不得了。如果冬天飲一定仲開心。滿滿胡椒辛辣味在口中。✔牛肉漢堡包配薯條。* 牛肉漢堡厚身，有肉汁，個包有焗過，包面既芝麻香，而且脆面。薯條脆口，個心食極都熱既。有落場時間：下午5點到6點。講一講。有個阿姨短頭髮既，小小染金既，超友善，好好人。…Read More

✔和風脆皮海鮮腸：外面係滑而薄既腸粉皮，裡面脆口， 豉油另上，讚，因為我食豉油個嘴會腫🤦‍♀️。✔黑白芝麻蝦多士：外面有黑白芝麻既脆香， 特別係一件多士左右隻角係好脆，脆到有聲。裡面係新鮮蝦肉，無胡椒粉。✔鹹蛋流沙心心：用刀叉切開，流心就衝出黎。✔鵪鶉蛋燒賣： 蝦膠及豬肉包裹住鵪鶉蛋。香煎菜肉包：一般正常野。點心，一致地唔重口味，不咸，無味精。信我，呢方面我身體很誠實。服務，收碟快，又有禮貌。👍🏻星期日休息，勿摸門釘。**鹹蛋流沙心心，早餐都有得食**早啲食，可以用全日去消化。今晚又減肥失敗……殘念😔…Read More

2019年已知道呢間coffee shop，喺公司附近，亦到食過，但覺得小貴，不過質素及份量取勝。窮都要繼續支持小店！ 👍🏻自選全日早餐$110✔沙律菜: 滿滿的菜，不冰冷，鮮嫩。✔芝麻貝果: 烘過，表面脆脆的，香口的。✔忌廉芝士+士多啤梨醬： 忌廉芝士，士多啤梨醬皆可以厚厚的搽落貝果超好吃，但都有剩。✔牛油果：一整個熟透的牛油果，有軟綿綿的口感啊。✔炒蛋：炒得嫩滑，有蛋味。配 有拉花的Flat white☕…Read More

我消費。我選擇。支持小店。喺兆麟行到過黎龍門居幫襯。早餐鮮茄雞扒米通配奶油吐司熱咖啡碗米通勁大碗，勁多。下次會叫小啲。雞扒又厚又大塊，我覺得好似雞脾咁大。蕃茄有3大舊，又唔酸，好新鮮咁。我用我隻手做咗個比較。食咗3分2已經好飽，堅持到最後，食哂整碗。望住奶油吐司，叫自己繼續好不努力食埋佢，勁厚。OMG。抬頭望到前面寫住“ 價錢貼地 街坊口味 糧尾打救你 low price your flavour save 9 u before u end“😂 我就明白了一切。50蚊，飽到你死。…Read More

落開元朗，梗係要幫襯小店！我喺千色店嗰邊行過雞鳳悠街嗰邊，唔係好熟路，搵咗一陣。買嗰陣，見到個凍櫃有好多野揀。最後揀咗以下2樣。芒果雪媚娘 15蚊第一口咬到的是糯米皮，軟軟的。因為雪凍咗，就好似冰皮月餅咁，細軟又涼涼地。然後咬到厚厚的cream，有淡芒果味。一層鮮芒果，有芒果的甜味。蛋糕鬆軟。一件切開4份，都未能一下放哂入口。幾大件。芒果糯米滋 12蚊3粒煙韌的糯米皮，鮮香甜美的芒果。因為喺雪櫃拎出黎，冰冰涼涼。…Read More

2月14日，2隻單身狗，收工食食食。✔Bbq醬燒豬肋骨配薯蓉：$128👍🏻豬肋骨：咁大舊骨唔多，啖啖肉，而且啲肉好淋。Bbq醬惹味。👍🏻薯蓉：讚，有煎過，香口。👍🏻配菜：翠玉瓜三椒粒全部係煎過，唔係烚。✔卡邦尼意粉：$108👍🏻有好多煙肉片磨菇，上碟唔覺，摷底就好多。👍🏻卡邦尼醬包裹住每一條意粉，不得了。✔餐湯：粟米湯。每啖湯都有粟米蓉，有小小黑椒粒。甜甜地又小小辣。好味。沙律：正常沙律，菜係爽口既。CP值高，可以再去！…Read More

話說我要去旺中做facial，點知早咗成個幾鐘到。唯有喺朗豪坊hea。見時間尚早，不如搵個地方食啲野。 忽然醒起呢間合發茶餐廳喺附近。因為我好小食呢類下午茶，我睇咗好一陣子餐牌。最後揀咗，芝士西多士。其實佢仲有蛋白西多士，落完單後先發現仲有芝士火腿西多士。芝士西多士一放上枱，就係普通西多士既樣子。中間切咗一下，諗住擺靚啲影張相，點知啲芝士就流出嚟。影完相，就繼續切啦。啲芝士唔孤寒喎， 唔只得中間有，勁貼邊。每一啖西多都有芝士。 總結，我覺得幾好。…Read More

一個人食咩好呢？於是入良景市集行個圈。就見到“金上海“，都好，輕食一下。買了招牌爆汁生煎包及招牌三鮮鍋貼。因為環保想用小一個膠兜，老細話唔好，唔想壓爆啲生煎包喎。招牌爆汁生煎包包底煎得都算脆，輕輕咬一口，望下有幾多汁先，嘩，都滿滿的。食第二件生煎包，咬一口，啜哂啲汁，然後咬一啖肉。嗯…個別生煎包有啲厚皮。基本上4件都好味。招牌三鮮鍋貼煎得一面，小小脆既，不過可以再脆啲。入面個餡唔係好食到有啲咩，不過夠大舊，又夠肉汁。食到最尾一件，無啦啦噴汁。以為8件野係輕食，點知仲飽。…Read More

從網上得知，富健開了新食店， 有靚湯同埋健康麵條，而且開得早，所以bookmark咗。是日早起，因此步行十五分鐘過黎尋覓小店。 因為我唔係住呢度，所以要搵。原來小店藏於 眼鏡舖，雲川百味，佳寶，轉入去條巷仔。歐陸早餐：招牌豬扒，炒蛋，火腿，薯餅，粟米及蒜蓉牛油厚多士。由於我落單後，發現個餐有午餐肉，所以改咗做火腿。真係唔好意思。招牌豬扒： 雖然薄薄地，但係真係好鬆化， 唔使點用力切，同埋佢聲稱用鮮榨果汁醃製，所以真係有種甜甜地嘅味，隱約有香茅味。 在於唔太好豬扒的我，都覺得可以再嚟試佢其他豬扒嘅料理。炒蛋：睇份量應該都係一隻蛋來的， 味道上冇特別，相信冇加鹽。 對我來說已經叫好， 因為我唔鍾意食蛋落鹽。火腿： 都冇乜特別，佢嗰種鹹味似金妹牌火腿。薯餅：炸得鬆脆， 冇油益味。粟米： 普通烚熟。蒜蓉牛油厚多士：蒜蓉唔孤寒，整塊都有，而且烘得好鬆脆，唔燶。整體：招牌豬排可再食p.s 黃店。立場明確。任何學生免費飲湯。不招待某行業人士。…Read More

星期五晚上，一個人收工。習慣一個人食野。想食辣野，驅寒氣。又醒起附近有四川店。由中環街市行到上環街市呢邊，試下呢間野。🌶中辣水煮牛肉麵一上枱，試下個湯底。香，辣，小咸，唔太油膩，都叫吸引。好怕一口油既感覺，佢就無既。牛肉，大概有10塊8塊，size算係一口一塊，唔會太碎。不過個別有一兩舊有啲韌。麵既質地，都幾好，唔會太淋，唔會太硬。麵既份量，對女仔可能多咗啲啲。有小小配菜，娃娃菜同黑木耳。呢啲索汁後惹味。可以試多次大辣或撈麵類，應該會再惹味啲。…Read More