msveralam93's Profile

話說尋日見卷族新出左個雞飯，諗住試試佢，點知12:30去到已經賣哂！🥲sad老細叫我可以lunch前WhatsApp落定order，咁佢就會留一盒比我～🥹所以我今日就真係預早走左去order～終於比我食到，又真係幾好味wo🤤聽老細講個飯係用雞湯煲，唔怪之得咁香啦！😳食落個雞又幾滑，不過個調味唔太重（重口味人士表示要more咸🤭），好彩佢有配搭一份秘製蔥油同海南雞醬油，加埋一齊個味就啱啱好😋不得不提既係，個蔥油幾特別，有一陣麻油香，食落咸咸地仲有少許薑蔥味，配落個雞度真係一流！👍🏻仲有！盒飯既份量都唔惹少….個盒大過我個頭….真係好飽…但係個雞湯飯實在太好食😂所以飽都忍唔住食哂🫣🤭🤭老闆加油！繼續出多啲新款菜式💪🏻（成日見佢有新野出😂）btw老細幾好人同幾好傾😂…Read More

有朋友從外地回來探望我哋，又適逢朋友就快生日，諗住搵間好餐廳可以食下下午茶又可以打下卡啦…..見到呢間餐廳咁多好評仲有靚靚下午茶食，諗都冇諗就book左，點知….不論服務定食物質素都一般般….大家千萬唔好相信d「」既數量….我地去主要係點佢既下午茶食，上左食物之後，餐具又冇碟又冇，舉手又扮睇唔到，最後唯有自己行去拎啦….食落口…..味道奇怪，雖然價錢比較平，都唔可以有太高要求…..但絕對唔可能會係由一間咁多好評既餐廳整出黎既味道…..…Read More

為左同朋友慶祝生日，特登上網搵吓又靚又有氣氛既餐廳，所以就去左BluHouse喇！環境裝修一定唔洗講，好靚呀！仲要望到維多利亞港景色，真係好正！而且座位寬敞，坐得非常舒適。不過燈光方面就真係非常有氣氛呀（因為都偏暗🤣），如果可以光番少少🤏🏻少少就夠喇！係講食物之前可以講埋個服務，服務員既態度非常好，一坐低就幫手斟水，會留意住我地既飲水/進食速度再幫手加水/上菜既～而且佢地會知道我地點左既菜式，即使唔係當事人負責落單！感覺良好～最後到食物方面，一開頭就會先比每人一片面包，我地另外3個人total叫左4款食物，分別有carbonara，pizza，yellow chicken同一碟deep fried小食。個pizza同yellow chicken非常推薦！個Pizza texture好特別，好似面包好有咬口，而隻雞就非常之嫩滑😋不是carbonara就唔太岩我口味喇，deep fried小食都一般，食一兩件就唔想再食了～最後最後，因為訂枱時有講底有朋友生日，所以BluHouse都送左一件小蛋糕比我朋友！味道唔錯絕不馬虎～…Read More

話說每次黎親屯門就會諗起九份飽🤣🤣（我真心覺得佢比起出面某d好出名既台式食店更好食😥…）次次黎食都會點佢既雞扒魯肉飯同埋豬扒飯+魯肉！雖然我平時中意食雞扒多過豬扒，但黎到九份飽就非常之推薦大家食佢既豬扒飯！！！最緊要加魯肉！！呢個配搭真係不得之了！食極唔厭之餘仲會念念不忘🤭不過因為佢既份量好足夠，次次食完一個飯都已經好飽，一直都冇機會試佢既小食🥲所以今次我就同朋友share一個紅燒牛筋腩米粉再加2款小食，QQ地瓜球同鹽酥雞！估唔到佢連d小食都咁大份🤣🤣2個人都食到勁飽！！仲要價錢平！好抵食呀！…Read More

已經係二撇雞食過無數咁多次既lunch，食極都唔會厭！好記得第一次黎食，最impress我既就係佢個養生湯底！非常夠味同清甜，飲得出真係無味精！係呢度幫襯過咁多次，當然試過好多唔同餸啦，當中最正既，除左佢既招牌花膠雞，就係沙薑雞（因為本人口味較重🤣）夠咸去送湯面食～最一般既對我黎講係個雲吞…因為味道比較清淡，如果要食佢既雲吞，我會建議直接叫個小食：紅油抄手！！紅油抄手同雲吞既分別只係在於個醬汁，其餘既都一樣，但係抄手個汁實在太正，甜甜辣辣既口水汁我至愛，十分推介～而且個重點係佢好！大！粒！食完個面再食佢已經飽到傻，而且價錢都合理！不過有一個好大好大既問題，每次去食必定排長長長長長龍… lunch比較短/同行人數多既都唔好去排喇…因為我試過要排半個鐘先有位…再唔係，就建議大家要一早12點前去排定隊（如果你係食12點嘅話）…Read More

豪隍真係食過好多次，我都算係die hard fans，由佢得一間門市食到而家開埋分店。每次去到必定會點拳頭咁大個粒既蝦餃同墨西哥叉燒包！但係好可惜，食物水準有輕微下降既趨勢🫣今日再去幫襯，我最愛既蝦餃層皮有點厚（但好彩仲係好足料，數過一粒蝦餃有4隻蝦😂），墨西哥包既質感都冇以往咁鬆軟😔加上呢間分店店面比較細，好難搵位，基本上lunch hour過左12點都唔洗諗…希望豪隍可以將個食物水準提升番啦～…Read More

食過2次午市，2次都一樣咁喜愛！湯嘅種類多得黎又夠濃味又好食！醬料雖然唔多，但係好足夠，尤其是個花椒油，唔落唔得！另外，生雞蛋係可以任拎唔嬲，用黎點牛肉食真係不得了～牛肉就每次都係食A+D果個餐，唔洗食最貴都已經好足夠！除咗牛肉，佢嘅各種熟食小食都好好味，絕不馬虎～當中我最中意食個皮蛋豆腐同個黑糖麻糬講完食物就講埋飲品啦～本身任飲既種類都唔少，但係佢竟然仲有一人一杯台式飲品我覺得呢個係一鼎最大既特色😂因為本人係重度珍珠奶茶患者，係度食嘢有得配番杯珍珠鮮奶真係覺得好幸福🤣重點佢杯台式飲品既size絕對唔係細細杯，而係平時飲開既正常size，真係好正！所以一鼎暫時係我心目中打邊爐界既number one！可惜佢分店唔多….希望一鼎愈做愈大，開多幾間分店，不過要keep住個水準wo！…Read More