紫旋's Profile

行過九龍城，知道公和因為重建一早執左，以前都知呢度有間都係做荳品，有豆漿賣，口痕買左一樽細黑豆豆漿回家同屋企人分享，盛惠17元，點知打開蓋一聞已經有陣煲燶左嘅鑊底味，試左一啖仔成個口都有陣燶味，好難飲，即使超市賣嘅預先包裝黑豆豆漿都無呢種燶味，上網查過有燶味嘅豆漿係製造過程中出左問題，店舖需要做好品質檢查，當然最後成樽倒哂:(:(…Read More

上網睇過介紹，Baker 係 LUBUDS 集團第一間精品手工麵包店，同集團嘅餐廳一睇就知係行中高級路線，呢個集團揀得開烘焙店，估計水準應該有返咁上下，所以今次經過太古城就買左佢嘅招牌牛角酥試下 牛角酥包裝得好靚，因為係下晝嘅時間買，夜晚食時有烘返熱，即使係返熱都好鬆脆，見到牛角酥有好多層，好怕有啲牛角酥食到成口油，但呢款完全無呢個問題，真係好好食 值得推介大家試下順帶一提，店員都好好禮貌，聽聞千層蛋撻都好正，下次有機會再試 …Read More

黎到裕民坊附近，有好多唔同菜式嘅小店，喺openrice揀左間比較多好評嘅拉麵店試下，試下係咪真係咁正去到大概夜晚7點半，都八成滿座嘅，餐單已經放左喺枱面，坐底後立即圈想食乜就得，叫左濃湯真。叉燒拉麵同小蝦干醬油湯丸京拉麵，小蝦干醬油湯係期間限定，要加$12，另外再加左餃子同白桃梳打，餃子一碟有5隻。拉麵好快就黎到，兩碗麵都攞盤好靚，見到都食指大動首先講濃湯真。叉燒拉麵，真。叉燒唔錯，幾淋唔太多脂肪，麵有咬口幾彈牙，係一般水準嘅叉燒拉麵，唔係話唔好食但真係無乜亮點，而小蝦干醬油湯丸京拉麵，湯底係好濃郁蝦味，亦都真係有小蝦干，叉燒比起真。叉燒係無咁嫩滑，都係一般水準，無一試難忘嘅感覺。餃子個人覺得唔好食比較油，朋友就覺得okay。總結呢度嘅拉麵係有水準，但未去到好驚豔。喺觀塘搵日本拉麵嘅朋友不妨黎呢到一試:)…Read More

有野做過黎港島呢面，搵左間酒樓食下點心先出發，發現呢間鋿晶館評價唔錯，就決定試下呢間，位置都幾近上環港鐵站，行一陣就到，門口有電車路。地下係攞位同電梯大堂，感覺係比較舊式嘅酒樓，由於當日係星期六，都要等一陣位。終於有位，上到去都真係好多人，比較多嘅係上年紀嘅人士黎飲茶。點心都幾多選擇，叫左叉燒腸、牛肉球、蒸鮮魷、燒賣、蛋散同燉椰皇，其中比較特別嘅係煎糯米雞，依家好少酒樓會有呢款食物，唔知係咪因為無乜人食定工序繁多？全部點心都好食，喺上環食到呢個質素都的確唔錯，值得黎呢間酒樓一試…Read More

近排想食威靈頓牛柳，朋友又就黎生日，咁就搵下有咩好餐廳選擇，搵搵下就搵到呢間，地點喺旺角可以openrice訂枱，訂枱仲可以有個生日蛋糕優惠，有得食又可以慶祝生日去到銀城都幾易搵，呢間餐廳隔離原來有間日本野，希望下次有機會試下。餐廳環境幾好，安排左卡位畀我同朋友，坐底睇完Menu驚叫威靈頓牛柳會食唔哂，所以決定叫2個set dinner就剛剛好Set dinner有餐湯、沙律、主菜同飲品，亦有餐包供應，餐湯沙律餐包都係一般餐廳嘅正常水準，而2個set dinner分別係：大蝦配香草牛柳炭烤安格斯肉眼2樣都叫左5成熟，食物黎到枱面時唔係好熱，只可以話係暖，味道方面，香草牛柳比較好食，肉質非常美味，入口有溶化嘅感覺，係好食嘅而安格斯肉眼就有好大條根，肉質較韌同埋有啲乾，對比下就無香草牛柳咁好食。一路食緊嗰陣開始人多，由入座時得幾枱客變成全場滿座，就變到有啲嘈，有好多人嘅傾計講嘢聲，如果追求安靜環境嘅呢度未必啱。食哂主餐後就叫餐廳上埋個蛋糕，係梳乎喱小蛋糕，雖然唔係好大個，但有得影下相慶祝下都幾開心另外餐廳同層嘅男洗手間及女洗手間都有啲污糟，如無必要盡量可以唔去。…Read More

之前已經幫襯過幾次，趁有家人生日就一早喺網上落定order，喺社交媒體見到最近有期間限定嘅日本赤肉蜜瓜味，亦有新推出嘅泰式奶茶味同玫瑰荔枝味，爭扎左一陣子最後決定order日本赤肉蜜瓜味，預先揀定日子攞蛋糕，非常方便 當天攞蛋糕流程好順暢，店員亦都非常有禮貌，值得一讚今次訂左 20 cm，最大嘅size ，一開蛋糕盒已經聞到好香嘅蜜瓜味，蛋糕好好食，質地好軟熟，蜜瓜都好甜，大人同小朋友都好鍾意，好快就清哂 由於係期間限定，希望下年再有呢款蛋糕啦…Read More

近排睇網上媒體嘅報導，知道Mega Box 會有一間日系家品店首次進駐香港，所以特登過去Mega Box 行下，順便試下呢個Ikea嘅雪糕行完家品店已經夜晚6點，去食晚飯前都要先試下呢個雪糕，就係「泰式奶茶新地配迷你斑蘭雞蛋仔」，場內唔係太多人，但見到廚房都一早整定哂雞蛋仔，放哂入雪糕杯，有個爐烘熱住，一見到已經擔心雞蛋仔會好淋拎上手雞蛋仔係微暖，第一啖梗係試雪糕先，個人覺得奶味重過茶味，茶味唔係好食到，反而之前擔心嘅斑蘭雞蛋仔就非常好食，係脆口兼有餡，唔係食空氣，雖然斑蘭味唔係話特別濃，但就有味過個雪糕，估唔到本身係想食雪糕，但係就意外發現到雞蛋仔仲比較好味添！好可惜無得單買雞蛋仔…Read More

本身同家人想去沙田翠園飲下午茶，點知去到發現圍左板話裝修到11月下旬，所以轉去隔離食新裝修後嘅北京樓，睇下有無咩大分別。新裝修開揚過之前，間隔、餐具都靚左好多，環境算幾好 同家人叫左幾個點心同飯試下，有蝦餃、叉燒腸、菠蘿酥焗餐包、黑糖馬拉糕及瑤柱蛋白炒飯，叉燒腸，餐包都係普通味道，無乜特別，不過不失。蛋白炒飯份量同味道都係一般水準。其中蝦餃同馬拉糕落單後40分鐘都未有，所以追單，追單後有馬粒糕黎，份量係好細件，個籠已經唔係大，食落無黑糖味 :(唔係幾好食。由於蝦餃追極單都無，所以專登搵到左個黑衫經理級嘅男人追單，呢個時候已經係落單後50分鐘，但男經理話：「廚房依家好混亂，廚房有單就有單，無左單就無架啦，無就幫你取消囉」聽到後同家人都有啲驚訝，新裝修後硬件應該升級左，相信應該比之前更好，但竟然聽到經理呢個答覆 雖然蝦餃最後終於有得食，蝦餃內嘅蝦雖然大隻但整體味道好淡，而呢度點心價錢唔係話好平，一間集團式嘅酒樓竟然會咁答個客，覺得服務好差，加上經常無侍應幫手沖水，次次都要等好耐先有侍應幫手沖水，下午2點05分入座，3點15分已經問仲加唔加單，感覺好想摧你走，一定唔會再幫襯，貼錢買難受 臨走前去洗手間，由於酒樓已經熄左主要嘅燈，已經好暗，第一次黎呢度洗手間所以出黎嗰陣行錯路去錯左廚房嗰面，即刻俾個西裝經理喝住，當堂嚇一嚇，行錯左姐，使唔使咁惡呀？:(:(:(唔使錢都唔會再黎…Read More

知道圍方新開，約埋朋友去襯下墟，行到夜晚六半都決定食埋晚飯先走，行左陣就搵到呢間話海南雞飯攞獎嘅餐廳，因為同朋友都幾鍾意食海南雞飯，就決定試下攞獎嘅味道，攞飛後要等成廿幾個號碼，等位都等左成個鐘，所以都幾期待終於入座，立即叫左兩個海南雞飯，每個盛惠$138，兩個飯都加左$10轉雞脾落單後坐左陣就有得食，黎到後都即食，即刻覺得好失望，唔知點解可以話係招牌菜同攞過獎，只可以講係呢個價錢嘅正常水準，賣相好似好正咁架，餐廳燈光暗暗地，用左木色餐盆上菜，令到黃油雞皮擺上枱時份外顯得閃令令，但一夾起就知雞肉嘅份量得好少，就咁睇相望落去好似好多舊雞，實際係雞肉嘅厚度係同塊雞皮一樣咁厚，有好多塊雞皮甚至仲厚過舊肉，唔好忘記係已經加錢轉左雞脾，唔知無加錢嘅仲有幾多雞肉食而味道方面，醬汁正常，雞就當然比起快餐店嘅係有多啲雞味，但完全唔驚豔，飯份量又少，望落隻碗好似好大但其實份量好少，食完都唔飽，食剩左好多雞皮，好厚同好肥，鍾意食雞皮嘅人就應該非常鍾意食呢度嘅海南雞飯，但就唔係咁啱我地總結黎講，味道同份量都性價比好低，食完完全唔知點解會攞獎，所以有得揀之下都唔會再幫襯…Read More

間唔中都會黎幫襯，食左好幾年，今次去食樓面轉哂啲老少少嘅阿嬸，短頭髮個阿姐同班後生樓面唔見哂，之前班樓面都唔係咁做生意，依家樓面啲阿嬸態度就非常差，有學生妹坐錯位即刻被阿嬸大聲話，其實好小事，唔需要咁差態度又有客唔識用QR code落單，一味叫個客㩒㩒㩒，無話可以幫手落單，以前幫襯班樓面見到啲老人家唔識用QR code都會即刻幫忙人手落單，唔知點解依家變成咁食左半個鐘多啲，其實食物質素都係差唔多，但成餐飯都聽住啲阿嬸鬧人聲兼黑口黑面，真係好辛苦，中午食個飯都係想抖下，但見到班阿嬸都無哂胃口，短期唔會再去…Read More

與家人一行4人到此餐廳晚餐，見到唔少好評，都有啲期望，點知好失望叫左2個2人餐，每個餐都包2份前菜+主食+飲品，唔需要加錢嘅飲品只有汽水，我地都叫左可樂，味道正常。前菜都無乜問題，但主食開始出事，叫左個蟶子意粉(呢個意粉仲要額外加30元)，啲蟶子好細舊，食落又多沙同好腥，隔離枱叫左呢個意粉都有同樣問題，最後都有退返畀餐廳。另外叫左個大蝦蕃茄意粉(需要額外加30元)，意粉味道好怪，有啲酸之餘，同行家人食到有腥味大蝦明顯係雪藏貨，無乜蝦味，只有煙三文魚意粉較正常，但味道都係好一般。2人餐1個盛惠$488，叫左2個加埋服務費要$1156，但唔知食左啲乜🤮🤮唔會再食呢間餐廳😓…Read More

睇食評見到好多人都話好食，於是同屋企人喺平日中午時分黎到，想試下係咪真係咁正。要等成廿幾張枱，大概等左40分鐘先入座，但有限時75分鐘，並唔適合想傾計慢慢嘆點心嘅顧客。點心落左單後都喺正常速度上菜，叫左呢啲：第一叉燒薑䓤撈麵聽聞呢度叉燒好食，就叫左黎試，對於女士黎講，叉燒太大舊，有啲位好燶，整體一般，可能期望太高，撈麵反而幾好食蝦餃比一般好，但未至於好好食千層糕都係正常水準煎糯米雞呢樣本身好有期望，因為唔係好多酒樓有做呢款點心，但真係唔好食，好乾好硬，餡都唔好食，食淨成一半鵪鶉蛋燒賣正常水準，幾好豬潤腸粉豬潤有騷味，腸粉非常滑蒸魚雲值得一讚，材料足而且夠入味，非常好食陳皮豆沙煎餅喜出望外，好重陳皮味，香口好好食埋單加埋3人茶錢要五百幾蚊，食物並唔係樣樣都咁好食，天氣熱等位都內，加上有限時，唔會特登再去幫襯。…Read More

為左慶祝姨媽同媽媽的生日, 就提議不如食次自助餐啦,之前食過花月庭都唔錯, 決定再去...由於今日係星期五, 照計就應該無左 $238 食兩個鐘個優惠,咁o岩我地有新地會會員卡, 所以都有 $ 238/ 2hours 的優惠.. 一行七人訂左七點半, 早左去, 七點四已經去到,入到去坐底即刻去拎野食...呢期做緊"日""韓"海洋promote..."日"方面都係個d野, 刺身+壽司都唔錯... 幾新鮮:) 冷盤就ok啦, 長腳蟹東風螺青口老虎蝦係一般水準, 不能期望太高:) 天婦羅炸蝦都ok 好鍾意個熱葷日式炒烏冬, 個味幾好呀!!!而"韓"式眼見得幾樣...可能食少左...:) 泡菜炒飯ok 人蔘雞湯飲到個味係花旗蔘黎, 亦見到一片片花旗蔘................再講講其他啦... pancake一般, 好就好在係新鮮整 湯粉面一般, 普通車仔面咁 熱葷都係普通, 蒸魚片皮鴨只屬一般 胡椒豬肚湯不錯, 味幾濃 龍蝦不錯, 好多人排隊拎 火焰雪山一般 (有兩場 - 20:00/ 21:15) 蛋糕只係一般, 只覺得藍莓芝士餅可以再添食 格仔餅都係有人新鮮整, 熱食幾好味 朱古力香蕉cone見仁見智, 唔嫌"漏"就會覺得好食 葡撻唔好食 棉花糖即整, 一枝枝咁, 小朋友一定鍾意 飲品方面有專人幫你"針" 朱古力/ 白朱古力噴泉唔錯, 小朋友會鍾意 涷椰汁西米露無咩味... 爸爸話熱紅豆沙好有陳皮味! 水果都ok, 幾甜 haagen dazs 成晚都幾種味出過, 朱古力/o云尼拿/曲奇/咖啡 眼見無咩人食雀巢雪糕/阿波羅雪條但無咩人幫手加水...食到好口渴...坐到十點都無人黎吹我地走, 我地橫掂都食到飽就埋單唔知係咪因為係星期五, 所以無人提我地已經夠鐘總結黎講係普通自助餐,唔係特別好食同特別抵食,成家人都覺得係一般水準,以呢個價錢係應該食到這質素的食物... :)…Read More