朱古力脆脆's Profile

一大班人最好食放題/韓燒..星期六晚大概18:30去到果度..個阿姐本身好熱情問我地幾多位..因為未齊人既關系..問佢可唔可以訂位..但佢一見我地問野就即刻black面係度睇電話紙(正常)~佢話因為星期六所以滿哂冇得訂..仲話之後會愈來愈多人...一陣冇得入座~fine,18:30入座..有人提醒食到20:30..對佢都冇咩期待...因為價錢較低...開始食啦...衛生情況頗差,有客人用一隻夾夾哂所有食物....之後再放返去唔係原本果樣食物度...職員見到直行直過...有夾餅機...不過整一次等好久..如果係星期5,6日呢d時間...我諗到你走都未食到...除非你一開始就食呢樣啦...雪糕機附近都幾多水...因為果日係坐房..經過拎野食同野飲果時都幾怕會跌到...同樣係冇職員理+冇放個牌小心地滑之類...因為d職員好似好唔夠人手咁...但又唔多覺眼佢地去左邊...?最後...明明話食到20:30...咁佢20:15黎話埋左單先...好正常啦...但20:20一找左錢就催我地走..."你地差唔多就離開啦,因為呢度有人book左房.."20:25 有個人走黎熄左我地個火..."其實時間都差唔多架啦..唔該你地........"我地話:我地食埋d野就走...(因為有d已經燒好左,你冇理由唔食埋佢)跟住佢即刻black面行開左....其實一開始已經話食到20:30架啦...點解一埋單就催人走呢?我比較注重服務,雖然佢價錢算ok....但無論價錢高低,我覺得做飲食業係唔應該有d咁既服務態度...ps: d座位同"木台"好多油...好似冇清潔咁... 坐房入面地下有塊膠,好多黑媽媽既野... 本身佢係痴住係張"木台"度...但佢會甩落黎... 唔小心隻腳會痴到好多黑色一達達既膠..............................…Read More

飯後一定唔少得甜品, 經常幫襯呢間yogurt,不過無為佢寫過食評,今次真係要寫一寫啦~因為次次黎親d姐姐仔都好好服務,每次都問你需唔需要試食,又會建議你邊隻比較酸邊隻無咁酸,始終呢d野普通人真係唔係好清楚~我每次既最愛一定係落好多焦糖醬同朱古力醬after yogurt打底~然後落餅碎同朱古力餅碎~最後落少少彩虹糖~完成!想有多d咬口既人可以試下...因為咁樣比較經濟而且好有咬口...事關生果比較重磅同埋唔太新鮮(感覺上,因為有d見到佢地出哂水:( )店員服務態度都ok~你唔想咁貴可以去磅一磅先,佢都提醒你而家要幾錢, 有時有d人整污糟左/d料跌左出黎,佢都會好快抺返乾淨! 唔錯係舖位細左d..如果人多果時真係好迫同埋會係轉角位度會撞到~…Read More

叫左2個set lunch, 同埋散叫左一d招牌小食..以為只係一般粉飯,但佢比一般炒飯多料一d..而且味道真係好正,幾樣料都好夾味!呢個麵都好有驚喜,就咁睇好似好少咁...但其實佢d闊條麵好粗身,而且好有咬口同埋好乾爽! 正!佢同炒飯一樣上面會加左d小蝦米(?) 我清楚果d叫咩@_@只係知道上海野/潮州野一定會加既料:)撈埋一齊就會將好清淡既麵既鮮味帶出黎,呢樣野真係唔可以少!好正,入面d湯都幾熱..食果時要小心d~不過等一陣再食可以一啖一隻,好好味:] 皮好薄..所以夾上黎果時要好小心..唔係會好易爛~~ 呢個又係一個必揀之選!唯一缺點就係個底比較油少少...但味道一流~!春卷...麻麻地...普通左d~好有桂花味,係我食過咁多間最有桂花味既桂花糕!面門服務都可以,地方都幾乾淨,可能只係中午時間同埋閒日無咩人...服務態度合格!環境基本上都好整潔, 上菜時間都唔錯..唔會一次過黎哂所有野...差唔多每樣食到一半就會黎下一樣...…Read More

一向都係ikea既fans,最近舊地重遊去ikea cafe行一轉...叫左都幾多野食..有雞翼,肉丸配意粉,薯條,任飲汽水肉丸無論黎幾多次都覺得好好食...薯條都唔錯..仲要係厚薯條...唔會炸得好O隆...不過就冇咩味...中意可以就咁食..好清淡~自助式既買野有時會大排長龍@_@不過都好快就通返...有時會唔好意思諗野食諗咁耐...D CASHER都幾機械式, 無好無唔好...環境都可以...不過係遇左會嘈D同埋多小朋友走黎走去...我覺得最正既一樣係佢CAFE有用返IKEA既傢具同食具...同CAFE個IMAGE好MATCH, 令人一見到就知係IKEA既CAFE..兼且就算你唔係睇緊傢具你都有機會座佢既椅子...感受果種舒適感~同埋應該係叫任何2碟野會送免費汽水一杯!…Read More

一去到就有阿姐招呼我地坐低...而且好快有人問我地食咩...不過都係第1次黎...之前食開對街果間...發現開始無咩新意...所以先黎呢間試一下點知真係有新發現...呢間d水果好新鮮...而且仲唔係用罐頭水果!!食完我地仲坐左成個幾鐘...呢度真係一個一班人傾計吹水既好地方:)雖然menu選擇唔多,不過勝在好食!…Read More

上星期日同友人一起去試下呢間人氣高企既餐廳...我地叫左農夫咖哩豬柳包同一客芝腿治...2杯涷咖啡=]首先個包...相信其他人都作出過好多評論=]所以我都唔講太多了xd...重點係d豬柳真係好林!好入味...個包反而係有點陪襯既角色..哈哈而芝腿治就普普通通~過得去...涷咖啡果然係如大家所講...好香~正!而且有人拎埋過黎! 對於果度咁既環境~算係勁好服務...(我覺得)總括黎講真係唔錯! =] 哈哈...值得一食!話時話間野真係幾辟下...如果第1次去又唔熟路真係有點困難...哈:)…Read More

18-03-08這天與友人一同逛街...食中午飯既時候~去左上次冇去既燉奶佬..好有茶餐廳既FEELING...一入到去就有人招呼"埋便坐.."我地揀左卡位...一坐低睇左好耐餐單~朋友叫人點野...有個見習既行過黎...不過係同我地後邊個經理(應該係)講野...之後我望住個經理..個經理就啤住個見習..話:你放低野..幫人地點左餐先啦!跟住好搞笑~個見習就好唔願意咁行過黎幫我地點..又呆呆地咁..我地問佢:咩係石斑?佢竟然呆左差唔多1分鐘都答唔到-,-"之後我就話..係咪魚丫~佢就話係囉..應該係..我都唔知比咩反應佢好...點左之後等左5分鐘...好快上左野飲&餐~仲要好熱的!超正..好耐未係出面食野有咁熱既野食...叫左個豬排意粉..唔錯!係一般茶餐廳既風格(大件夾抵食-V-)但杯野飲(涷奶茶)就好差-,-"完全唔知咩味..唔識形容...間野都唔算好黑(燈光)..不過地下同台就好似好污糟咁..因為好油既感覺..同埋..地下有D黑色不知名既物體-,-我都唔想講...但我行入去果時踩到-_-"卡位SOFA都爛哂~食野期間好靜..無咩特別既一間餐廳=]俾錢免加一...都算係唔錯既選擇!…Read More

13-4-08 12點半左右...同個朋友去屯門行街順便食野...本身諗住去燉奶佬..不過見到入面好似咁黑咁...就去左隔離果間椰林閣..(睇落去都靚D-,-)估唔到咁就出事-_-"真係好後悔...首先我地係門口等左2分鐘都係冇人招呼~我個朋友等到唔耐煩直接入去...入到去唔知點解WAITER都冇個架WO...有就直行直過...望都唔望下你...咁我地就搵左個卡位坐低啦...正想行埋去果時...有個WAITER就話"坐卡位啦~隨便坐.."(我心諗:洗你講...都行緊去坐啦!)之後坐低左好快有人俾MUEN我地..不過又好快行開咩都冇講...淨係俾左一張午市特價既MUEN我地-,-咩意思? 好有睇唔起我地既感覺...之後我朋友問佢佢先拎其他黎...跟住又發生果種情況~舉手無人理-,-個個都好似好忙咁..但淨係見佢地行黎行去架咋WO!!之後終於點餐..我地叫左餐,餐飲...佢冇問我地飲咩湯..我同朋友係度傾計..佢就拎湯過黎.."羅宋湯邊位?"我即刻黑面:"冇人問我地飲咩湯WO"個WAITER好似同你懶熟咁.."咁..講啦~快D講飲咩湯啦"我就玩野要忌廉湯等佢行多次-V-"湯黎左...好難飲-,-成陣奶味個面又多油..我飲左啖就放開左..冇人收~一開始我地冇人招呼~但我地一坐低左之後等緊野食黎果時..D WAITER就係咁望住我地..唔知佢地望乜..我又同朋友傾計...其實一直都聽到好似有班師奶係度講野咁..突然間有人大笑..係好大聲..成間野得佢地笑~咁我就同朋友講:"間野好似幾好氣氛咁,點知有班師奶係度.."朋友就話:"咩丫..係D WAITER~係你後面食緊飯.."我呆左...因為我背住佢地...即刻反感-,-好反感..你話其他客人就算啦..連D WAITER食完飯都係度有講有笑~又唔去招呼人!?真好笑~原來呢個就係"忙"既原因..餐黎左~我叫左咩雜腸意粉...見到個賣相幾好..但好似有少少"隆"味..點知..真係隆左!仲要係好咸...所謂既腸只係一片紅腸切細粒(洗唔洗咁慳!?)真係食乜都冇味~餐飲照舊係涷奶茶~紅茶+超多沙糖..係咁多!買單果時叫人又係好難叫~都唔知佢地忙乜野?間餐廳大既話就請多幾個人啦..唉~但收錢找錢又好快...呢餐真係好唔抵!咁既服務咁既野食..唉!PS:歡迎光臨~多謝光顧..最基本都冇-,-我入到去真係一句都冇聽過~…Read More

23-2-08 中午時候同朋友去左食呢間扒王之王..之前睇過之前食家既食評...發現d扒唔多受好評,so都冇試..係出面睇真係唔知佢有冇開門...黑媽媽咁..門口個接待位又冇人企係度..一行到門口有個女waiter招呼我地..但入面既waiter同經理全部坐哂係度..歡迎光臨都冇句..真係好冇禮貌!一坐低~唔知係咪日光日白..一d都feel唔到有情調既存在..之前點餐啦!首先試下其他唔太貴既野...我點左:咖哩魚柳意粉,朋友點左咖哩豬扒意粉其實一睇覺得好奇怪既組合..咖哩+魚柳...可能我之前未食過掛...點左之後就黎餐包同餐湯~感覺唔錯..味道都唔差!開始有d期待個意粉~一黎..失望! 意粉乾真真...不過魚柳幾好味...咖哩對我黎講太辣啦!辣到如果同埋魚柳一齊食..魚柳會冇咩味..之後叫野飲..奶茶甜左少少~不過都係廿令30蚊~唔可以要求咁多!食野果時好似係度偷野食咁..(因為太黑了!)整體黎講有幾個女waiter幾好態度...有個染左頭髮既就態度麻麻..仲有d串串地既感覺...不過好似d人都好唔耐煩咁..我地叫野或者問野未等我地講完就走開..都唔知做乜-_-"太概係咁..都算唔錯既~咁既價錢!不過扒就可能唔會試呢間..要試都去其他分店試...總括:呢間分店去完1次冇第2次!…Read More

果日經過見到呢間店...覺得幾得意..第1次試=]淨係飲左杯朱古力咖啡...個人係朱古力愛好者..對朱古力陣味好敏感...好明顯呢杯冇咩朱古力味..不過都幾好飲既~有少少苦苦的感覺..買野果時個女WAITER幾好=]見我眼望望唔出聲主動問我想要咩..感覺幾好=]未試過D CAKE..下次去應該會試..因為果時岩岩食完LUNCH~太飽冇試到..哈哈..…Read More

我同個fd星期6去食既~之前係網上睇食評講到好差咁...但其實又唔係wo...我地坐回轉位可能我地果時早市啦..(岩岩開門)冇咩人...個waiter仲幾好禮貌添~不過d野食就真係唔得啦...D飯真係一夾就鬆...雖然係早市..有D野又好似放左好耐咁!我唔食生野..但見到都唔想SO-_-"但叫佢即刻整果D味道都算唔錯...不過有服務搭夠都算唔錯...真係唔似網上D人講到咁差@@定係全間店得佢一個咁好服務態度?價錢我覺得麻麻...去果度食野不如去百佳買盒SUSHI仲抵食!可能仲好味添-_-"今次食過一次唔會去第二次@@…Read More