漢堡神偷偷's Profile

今年第三年同佢過生日，上一年因為一啲事而冇同佢慶祝生日，所以今年問左身邊既甜品控，做足功課，試過兩間Cake Shop之後，再試多一次La Famille 唔同既門市買細細蛋糕，都係覺得呢一間Cream 比較輕，入口唔會話好甜膩，而且水準差唔多，都係鬆軟，同埋有小小濕潤既(好多Cake Shop你早排去食係神級好食，但下一次再去，唔一定都係好食架)，之後係網上訂購生日蛋糕。打工仔既我， Working Day 當然係會被遲放架喇，好彩人系地收2200，去到重有得拎。佢地有個保溫袋比我入住蛋糕，同埋我揾左好耐既生日牌，原來佢地有得賣(HKD20)，加2蚊就有一枝金屬色蠟燭。我訂伯爵佢地就比左一枝幾型既金色比我。Bty 佢地個金色牌影相好出，讚讚！放左係雪櫃第二日拎翻出黎比隻懶豬正式慶祝生日，有人開心到拎相機影黎影去，影左好多張先肯切蛋糕。哈哈，大人開心就好了~味道評價: 雪左一日都係好鬆軟，唔會有話乾既口感，可以始終都係有CREAM做保護會好一啲。伯爵味好出，蛋糕底都有伯爵味，不過我都係喜好之前食細細蛋糕試過既柚子味，果個蛋糕底會有D柚子碎，唔知係果內肉定果皮，勁清香，真係好fresh~!!!…Read More

早一排去過上品食過一次，自始之後就朋友提起想去打邊爐我都會話去上品。因為真係令人再三回味﹗﹗所以今次都的起心肝，將之前發IG既食評整合一下，放番上OPENRICE比大家睇下。　　果日同朋友去打個邊爐，不過係九龍城真係多左好多火鍋店，我地食幾串串燒之後就去左揾食嚕。睇左幾間打邊爐鋪頭門面都好似好麻甩，似岩一家人/大班朋友去食既火鍋鋪多D，經過上品我地盲不約而同覺得佢似高級版既火鍋鋪甘，岩我地2個人去打，哈哈，可以傾計得舒服D麻。　　好耐冇2個人出街打邊爐，平時如果我地2個想打都係伯自己買D立立雜雜番去自己整小火鍋，今日就慶起出去食，當然要D食材正既，同我地街外買唔到既食材打喇~配料呢間好多，有9宮格甘，我最愛係最簡單既豉油，唔洗加其他野。不過岩晒我隔離果個，佢落左好多唔同既配搭，話福建有隻沙茶醬好好食，佢呢到可以俾佢調得到。　　睇過餐牌，見到好多食材都可以MIX兩種，正正廿，甘數量又唔洗好多，又可以嗌多幾種食。　　我地嗌左墨魚滑喇，芝士蝦丸喇，藕餅(有墨魚滑係中間)喇，開邊牛喇，重有豬軟骨，櫻花牛，好似重有D菜同甘。　　食材配料未上枱之前，我地飲左幾啖湯底先，平時我係一定唔會飲湯，因為味精野食得多唔好，不過佢呢間主打冇味精，煲足火既湯底，就真係可以飲多兩碗喇。我地今日鍋底係養顏竹絲雞花膠湯，雖然唔係屋企媽媽煲果種漿到不得了既口感，但佢清得來係有果種鮮，而且我地後面，D花膠係煲到溶，好正！！同埋佢D雞，好多好多多，食左兩碗，準備開始之前都要撈起先，唔係就會過老麻。　　櫻花牛，墨魚滑喇，芝士蝦丸喇，藕餅，開邊牛喇，同其他野都上枱嚕。　　第一時間放左D金針落去滾，之後丸丫，滑丫都放埋落去滾陣先。我地食櫻花牛個陣，分別點左2隻汁，不過我中2似泰國風情果種。不過都係唔點最正，食到個牛既鮮味，入口D油脂真心冇得彈！！　　其實佢開邊牛更加正，因為佢個牛味好濃，我有個成日出去揾食既朋友同我講話，開邊牛先食最正，因為有咬口得來又易上汁。不過我覺得牛味堅重，同我地平時好似食西餐正扒一樣，咬落去，係肉汁出晒來，比起肥牛，我E +更中意食開邊牛！！　　墨魚滑喇，芝士蝦丸都唔洗講，我見其他人都係好推呢樣野，因為好新鮮，唔似工場貨，唔好問我點解知工場貨點分，因為我係食得多，先知點分，我係憑口感架咋。另外好多時，出面既芝士乜乜丸都好，佢都個芝士流完出來係有D鞋口，佢呢個係滑身既，冇殘餘物係口中。泰式蝦餅米炸既就食得多係85%真心蝦既，丸通常都係呃人，不過上枱係見得到佢係灰透明，自己打過蝦膠既人都會知係用蝦打出來先會有甘既樣。睇落冇加豬肉既，口感係爽既，唔會係得粉係到。幾正其實。唔知可唔可以外賣一盒蝦丸走，去人地屋企拎出來一定威威。　　藕餅真係好少可會食，不過當然今日講明係出街就要食屋企食唔到既野，甘麻煩既野一定要食下喇~每塊佢都唔會過厚，而且佢既藕餅係每塊都係甜。有時精明既媽媽煲藕湯都有機會有一兩個係冇味/冇甜，得個纖維食下，呢個係爽中有甜，正正。　　其實響鈴一向唔會輸，一定係上枱就會即冇晒，不過樣樣都非常正既時候，我地都待薄左佢。　　佢呢個有配酸汁，入口冇甘膩，不過我覺得唔加，係小左份隻味，唔關膩唔膩事，因為就甘食都唔覺好有油既感覺。不過都係中意落湯2秒多D。　　如果要總結一個推薦，一定係肉類，事關我係食肉獸，同埋，自己屋企真係揾唔到甘正既料，丫媽都唔會煲甘多個中既湯用來打邊爐。如果同其實街上既對比，我係覺得真係一分錢一分貨，係食得出佢係掂既。而且呢到個空間感好大，唔會有食完成身味甘，私隱度高，枱又大，我地兩個都係坐埋一邊，唔係我驚要大聲D，對面先聽得到。…Read More

今日一行三人去到上環食晚飯,環境唔錯,似新裝潢過既新餐廳甘側邊重有一個板,上面D相應該係D客人食完影相留念既,都幾多FAN甘啵舖頭名叫「卷福與他的朋友們」因為覺得個好特別所以專登查下點解原來係同Benedict Cumberbatch有關，難怪舖頭入面播《SHERLOCK HOLMES》啦入返正題先當日七點去到已經有好幾枱客坐係到準備食晚飯望住餐牌，都好快可以揀到自己想食啲咩我地就揀左「經典十三香秘製小龍蝦」同埋「蘿蔔米糕　我最愛的兩個男人」小龍蝦真係第一次食，唔食過都唔知原來佢係咁嘅味不過必須要先提一提就係舖頭好貼心唔單止準備左膠手套，仲準備埋濕紙巾比我地用仲要幫你分埋餐前餐後添主菜上枱喇!!!小龍蝦每隻剝開個頭都有膏食落去每隻嘅肉彈牙爽口最重要係個汁個汁用黎撈刀削麵簡直係一絕當然都要佢本身麵質好先可以掛到啲汁係上面啦另外食個個「蘿蔔米糕　我最愛的兩個男人」ROBERT AND MICHAEL其實都似蘿蔔糕食到淡淡嘅蘿蔔香味仲脆脆地,好吸引人繼續食落去哩一餐飯真係食到我好滿足呀下次同會帶埋老死,一邊食辣辣龍蝦,一邊啤啤先,諗起都正…Read More

尖沙咀海港城一帶，食肆林立，隱藏很多不同國家的美食，西餐肉食有BLT，甜品有Lady M，中菜則有美中鴨子。今天卻想品嚐一下日式風味。走到近海運大廈的地下，發現一間新開的日本料理店，於海港城站立的食店，亦有水準，所以亦無遲疑考慮便進門店。進到店內，簡單的日式裝潢，明亮的木色與燈光襯托之下，令人也精神起來。入坐之時，茶水亦同步送上。盛茶水的杯子，也令喜愛餐具同行人士亦大讚一翻。我們對時令刺身／壽司亦大有興趣，所以亦聽從餐廳經理的推薦，先點了一份有12件時令壽司的築地壽司盛。繼而再細看餐牌，前前後後點了：鰭勘薯仔沙律、燒魚餅、雜錦天付良、辣味三文魚卷、大鮪魚腩壽司及三文魚腩壽司。先來的是我們一入座便下單的築地壽司盛。芥末正常會置於壽司配料與壽司飯之間，以作除腥帶鮮之作用，不過同行人士的喜好，我亦只好自行沾上。握壽司的技術，應是各日式料理師傅的基本功，如同中國廚師的刀工一樣。大小形狀如一，而且食用時不過易鬆散。現今香港壽司店都常用機械壓成一塊飯，先不說口感，夾起時亦容易散開，口感亦同樣地令人失望。所以如若與友行聚會到放題，我亦會提議到如Umai SushiKan這類料理店。啊，又兜了一圈了。築地壽司盛有鮪魚腩，海膽軍艦，金目鯛，赤鯥，左口魚邊，牡丹蝦，池魚等等每款壽司只有一件，貴精不貴多。池魚是我的首選。因為常聽到池魚是比較難以養活，身價自然較高。池魚離開水面後，很快便會bye bye。池魚壽司入口鮮，沒有一陣魚腥的味，是因為魚的新鮮原故吧。左口魚亦是一個新嚐試。左口魚肉質彈牙，較為爽身。牡丹蝦和金鯛更令人期待後面的菜餚。本人非常推薦雜錦天付良和辣味三文魚卷。雜錦天付良有三隻蝦天付良及其他蔬菜炸物。本對天付良沒存有興趣的我，反而停不了口。因為炸漿不會太硬，適中亦是香脆，入口沒有油膩的感覺。所以不得不讚嘆一下，師傅的功力！（過了20分鐘左右再吃，亦沒有變成軟的皮，雖然沒剛上枱時的香脆，但同樣👍🏻👍🏻）辣味三文魚卷比握壽司不一樣，以芝麻爲調味，令壽司卷更香！最後再點了兩件大郁魚腩壽司作為句號。入口真的有種油香四溢！即溶之感！作為一個句號亦非常完美！…Read More

Darci by Aldou ，第一次黎到呢間餐廳，眼見門面裝潢就有咖啡店既休閒感覺。當我地入到去想放低個袋係背既時候，店員好貼心甘拎左個置物籃比我放低係地下旁邊。餐廳裡面地方雖然細，但係感覺舒適，完全有意式風格既STYLE。擺放餐具既旁邊有個玻璃小洋燭，增添唔少浪漫氣氛，好適合情侶或者三五知己一齊傾計談心。未食飯之前要飲個熱湯黎暖下個胃，個湯送到上黎既時候仲以為係罐頭粟米湯。哈哈，當然唔係啦。只係廚師將金黃色既粟米現打成濃湯，顏色亦比一般既粟米湯黎得好睇。而入口就有順滑而不失口感既味道，好味! 當然個麵包就唔係放係到甘簡單喇，將個普通麵包沾小小濃湯一齊食，成個麵包既味道升華左唔少。北海道帶子蟹籽墨汁意大利飯，對我黎請意大利飯係要花時間同心機既菜式，要做到D飯軟硬適中，仲要用墨汁包住每一粒飯，而舖係上面既帶子經過輕輕略煎，鮮嫩既口感配上飯，簡直係絕配! 讚~叫左個意粉，個名有D長，亞枝竹野菌黑松露全蛋闊麵。由上菜過黎個陣已經聞到好香菇菌類既味道，店員放低個下黑松露既味道撲鼻而黎，本身就好鐘意食野菌，加埋個淡味既闊麵簡直冇得輸，成個意粉都配合得好好。到最後個陣都仲未夠喉，叫多左個煙三文魚凱旋沙律。講下個賣相就真係好靚，用三文魚整成玫瑰花，之後沙律菜仲變成襯托玫瑰花(三文魚)既綠葉。沙律其實就冇咩特別既，只不過見到甘靚既擺設，忍唔住要為佢寫返小小野 ^^。…Read More

接女朋友放工，就去左尖沙咀行誠品，陪佢行埋化妝品都餓餓地，囡囡話去食放題，之前open rice拎過排行榜間野。搵就又5算難搵，樓下有個易拉架係到。入到去，未坐滿人，被排左係沙發位，坐得舒服既，而且冷氣非常之夠。食物放面選擇都多，持中黎講就係，平平均均，要有既都有，不過飯後甜品種類都多，雪糕雪條都有既。食物質素都ok，細件得黎又有料，放題可以食多啲唔同種類既，5會話食幾碟就飽，炙燒完之後，油香四溢，但上面既醬真係偏多。呢間上菜速度算快，而且又無漏單，除左刺身無冰盆放底之外，其實都nice nice nice。侍應姐姐笑容一流，有問必答。…Read More

　　第一次靠open rice搵到好野食，今日去左寶福山，熱辣辣一定要食雪糕，咁搵到呢間kiss the tiramisu ，大佬同我講沙田有一間，5知係咪真係正宗果間。　　你知香港人好中2抄，見你做得成功啊，抄！　　呢間真野黎既，韓國開過黎，連雪糕妹妹都韓韓地，整個陣有啲cool，不過正常既，岩既。我又唔係靚仔。　　整好之後教我話試左上面一啲就同下面撈埋食，5係就會單一口味，無咁多層次，丫妹妹你又幾高層次啵，一杯雪糕都肯咁細心教我　　認真食左一半軟雪糕，中間見到中心係實，5係m記中空雪糕，有加分，搞拌之後，餅碎加雪糕加底下既芝士成份cream非常好食。唔會過甜膩，一個人食一杯岩岩好。…Read More

　　前一個月，我開展左一個新既挑戰，挑戰中大關小關關關都令人心灰意冷，令人不禁頹廢消沈，係呢段日子中，我更想追求一樣可以令自己歡愉滿足既獎勵。　　回家既路上特意去到不論風吹雨打，天寒還是地熱亦有人山人海於門外等侯既田中壽司店，取走一份點單紙。然後默默帶走。回至家中，挑選心中最能激起舌上味蕾舞動的壽司款式。　　田中出名於壽司飯量非常足，刺身亦厚實闊長，吃後令人的滿足欲非數文字能描述得到。但能直說，田中的壽司，能令一個心灰意冷的人心中滿滿，腦海或是心底中，不再生出灰暗之想法。　　在小難關順利過渡後，兌現對自己許下之承諾。在下班回家的車途上，撥到田中的電話，點下早前決定的夢幻菜單，灸燒三文魚壽司，三文魚壽司，以及一份鰻魚壽司。　　到達元朗時，心情有點雀躍，奔向田中提取壽司，並回家慢慢享受這甜美的成果。　　由於房間中的燈光並不明亮，亦因為心中的急躁沒有好好拍下壽司的美態。下次再到田中用餐，絕對會好好拍拍放上來。　　火灸三文魚壽司油脂甘香，咀嚼時，三文魚的油脂甘香與飯的配合，令拿筷子的手不由自主地夾下一件壽司。令人真的欲罷不能。　　鰻魚壽司本來亦無感，但因為早年在堂食之中，嚐過的味道，令人情不自禁點下鰻魚壽司。　　鰻魚壽司一直被外界推崇烤熱既上枱便要立既享用，但這次因為外帶，回家需要小許時間，令鰻魚沒有堂食的綿軟口感，但因為晾了一會，魚身比較結實了一點，令看更喜歡這個鰻魚壽司。　　三文魚壽司不需我多說，大家亦能想象而知。　　吃下數份壽司後，令身心感到非常滿足，感覺每個細胞亦被治癒般，令人不禁嘴角上揚。…Read More

呢間奶雞食定食既，但真係食物係暖，5熱既，真心一句，平得黎5好食咁不如比多幾十，食好啲好過。刺身飯海鮮有腥臭味，食左一塊就真係無食欲咯，好嫌棄佢。。。重叫左個凍豆腐，超奇怪既味…Read More

抓緊夏天尾，一杯冰茶壓壓驚。今日飲珍珠奶綠，奶蓋過茶味，嘗唔到茶底既香，純粹覺得飲緊牛奶。珍珠過甜，而且外面係軟，中間硬，完全無珍珠應該既口感。感覺一次不如一次，難度飲杯野都要講運氣？…Read More

　　兩週年啦，兩年黎，女朋友冒著比人激死既危險一直陪伴我左右（我比人迫打呢句），揀左一間信得過既西餐黎渡假有特別意義既一日。　　　　大堂等侯位。餐廳室內的燈光偏暗，有細心調節室內之光暗度，在最合適光度，讓客人可以欣賞維港夜景，這亦是餐廳的最大賣點之一。　　餐包有谷麥包與白包之分，牛油亦一邊灑上小撮鹽，細心之處令人更為歡喜。我地都點左招牌蟹餅，蟹肉高達有8成，但餅就略為乾身，而且胡椒味略多左少少，蟹肉既鮮味被掩蓋，有小小失望。龍蝦味好重，不過食下食下變左有陣苦既後味。上面塊面包好香～威靈頓牛柳。第一次上枱切開蘇皮好脆，蘇皮層5會太厚，個眼見牛柳已經全熟，口感偏韌，無牛柳既香軟口感（落單要求7成），再嘗多一口已覺得太失水準。可能係廚師煎完牛柳之後，未比佢抖夠氣就包蘇皮入爐焗。招牌菜👆🏻👆🏻超級好食，肉汁多，以黑椒醃料輕輕一醃，牛味更令人欲罷不能！！但同行女友覺得調味太重，蓋過主角既味道。我地嗌左一份配菜，但下次唔會再點一份薯條，因為佢真係一座山。。。同埋鹽落得幾重手，但如果想配酒既話，應該都幾好～佢既主菜終於黎，基於前一次既教訓，今次要5成熟，一向5敢食血牛既女朋友，前所未見既滿足幸福之相享用全塊牛柳！！（但蘇皮淨好多，應該因為係薯條山既錯）最後一張夜景相，於露天場拍下希望下年可以搵間更好既餐廳一齊慶祝三週年…Read More

　　裝飾係靚，但食就。。。。。麻麻地　　　　糖醬加一罐開左大半日既汽水。點解我話開左大半日既氣水？因為一般鋪頭既特色飲品好少會用晒一罐汽水，而有淨既汽水點算？就用一個蓋蓋住個罐，等下一張單黎再用。　　扣除唔新鮮既汽水，呢杯特色飲品都算可以。　　薯條上枱係室溫既，唔通又係上一單一齊炸既？菇堡好難會整得難食，但好少漢堡肉會咁偏乾既口感，芝麻包都可以算過得去，微溫既。　　麥當勞魚柳包都好過你。如果我無食錯既話，呢間餐廳用既係龍利魚柳。入口既魚肉係鬆散，無一啲軟熟既彈性口感，醬汁少到媽媽都唔認得。10蚊個既魚柳包重好食過你。　　一個雪藏龍利魚柳既包收68蚊，下次我真係買6個魚柳包加薯條算數。　　…Read More