io156's Profile

食物水準差, 明爐魚未食到一半就冇火, 完全冇檸酸味. 脆肉炒菜唔係脆肉, 係韌肉.食物未到就上贈送凍糕甜品, 食過陣熱哂. 好似餵飽你就算快D走, 真係唔明仲咁多人排隊幫襯.…Read More

今日諗住中午1點去食下齋, 黃大仙冇乜選擇, 呢間舖頭都已經經過幾次, 所以試一試.入去冇人帶位, 問過阿姐嗰度坐唔坐得佢已經唔理你, 答又唔答人, 跟住行到埋張吉枱度問隔離買緊單個阿姐, 好晦氣話坐啦. 坐低之後一直都冇人理, 其他員工望到都唔會過嚟理你, 等咗好耐,跟住阿姐經過, 我問佢係咪已經收, 佢只會啤住你. 可憐, 做一間素食餐廳食齋嘅搞成咁咁多怨氣, 嗚呼哀哉！ 跟住我哋都唔食喇走喇, 仲同嗰個阿姐大大聲講拜拜！ 希望佢哋能夠淨化心靈！…Read More

睇得出廚師好有心思於每度菜式, 包括配搭, 擺設. 可惜是主打生蠔同海胆質量一般, 生蠔無乜海水味, 海胆無乜味, 好似應有的味道被雪實哂. House Wine 幾好, 有心機棟過. 見Cocktail List 都有好多款可選擇. 另外洗手間衛生都幾好！ …Read More

路過紅磡，本來想找回舊式冰室食豉油豬扒飯，但去到已經結業，另一間舖裝修緊。之後在隔兩個舖位，見到間小舖有海南雞食，價錢又平，便試下。正，雞又滑，飯又香又唔太油，最緊要係飯內有小蒜吊味，重要砌心形㖭，反映出好有心。最緊要嘅珠油(黑甜豉油)都有，普通平價餐通常都冇提供。加杯仙草奶茶，大大杯都係$8。抵下次買原隻雞返去試下，仲有一系列小食，雞亦尖(口水，勁辣，沙姜)，手拍青瓜，木耳……好彩冇去D連鎖餐廳食埋D……………Read More

一肚氣！同朋友去飲茶，張單有5蚊捐款同茶位用信用咭係冇得折，得食物有折，明白，唔緊要，但張單唔清楚，咁咪去問囉。 問個黑衫(經理掛)唔知唔想解釋定唔識解釋，跟住帶我地去收銀，收銀用計算機同你計，話原價加一…，我知原價加一，但你話捐款同茶位冇折咪得囉，跟住又話俾張單你慢慢睇又話電腦出單，(如果你係每抬，每張單，每樣食物，每個折扣都用手計我就服你，不過相信佢唔會)我咪話緊係電腦出啦，唔通你續樣打咩。跟住隔離有個夥計仲多口，佢話係囉，攞張單返去慢慢睇，我…！…Read More

一個人食午餐，全場第二位客人，被安排坐走廊边2人檯仔，OK，無問題。冇幾耐，佢哋居然安排另一位一個人的客人搭我柱檯，但裏面有大把吉位，而且D檯是可移動組合的，使唔使搭張檯仔呀，我哋兩個客都奇怪，我咪話唔使搭呀？那人便被安排到另一張。冇幾耐又有另一人，又係咁，今次係另外個客要求坐入面。到我差不多時仲攪笑，有一家3人坐緊張長檯，但可分為2人及4人的，這家人坐在4人檯位置。有另一家3人，佢哋居然叫人搭檯坐埋一齊，但裏面有幾張吉檯喎，我見到都得啖笑。食物一般！…Read More

路經土瓜灣諗住同個女食小小嘢，入了這間白眼舖，叫小籠包，蒸餃，牛肉餅，個不知是太子定伙記，聽後企係度問我係咁多嗱，跟住一路行去櫃位一路用佢隻白眼啤住我，再將手上張單掉到櫃位枱面，同櫃位那女人講了句，跟住個櫃位女人就話下午冇呢D嘢食喎，你覺得呢？那對狛眼真係勁。有時D舖頭摺埋唔好淨係怪人加租啦！…Read More

因有小朋友, 問個黑衫部長魽魚有乜整法, 佢照指住菜牌兩副相話得呢兩種整法, 分別炒同焗, 但差唔多一樣. 咁問佢有無其仔魚無乜骨, 佢話桂花, 正確的, 仲有無其他, 佢話魚緊有骨架啦. 吹到啤啤聲. 咁算啦, 叫住其他餸食住先啦. 叫左一個啫啫蝦醬芥蘭煲, 黑色鑊仔, 應該啫啫聲好熱, 點知無聲, 無煙, 無蝦醬味, 暖的. 立即問經理攞碟蝦醬, 經理都醒目, 立即攞入廚房做過先ok. 當經理攞碟新芥蘭出嚟時想加單要碟黃骨魚, 點知無貨, 唔緊要, 咁佢介紹左冧哥魚, 豉汁蒸, 半條, 好呀咪試吓. 7點44分入單, 8點34分都未到, 足足50分鐘. 唔等喇, 成拾人標晒火, 我即該埋單走人. 衫都著埋, 條魚先到, 咁當然焗我地食埋先啦. 魚肉滑, 無味, $20兩, 半條約$198, 食完背脊骨落. 送流沙包, 食唔落, 彈走. 出到門口見佢九龍灣舖攞米芝蓮推介, 米芝蓮都係信唔過. …Read More

去咗黃埔睇戲, 朋友話想食韓燒, 但又唔想食自助餐咁難食, 唸過去尖沙咀, 又要塔車, 咁好原來黃埔有間韓國餐廳, 咪試吓. 四個人, 叫咗個滿園拼盤, 肉類海鮮每樣有啲, 再叫咗無醃過嘅牛肋骨, 牛利,五花腩,韓國生菜 炒韓國粉絲, 海鮮蔥餅. 好飽.前菜有6款, 問個侍應可唔可換, 佢話可以, 原來有成10幾款.都OK,拼盤可接受, 燒大蝦好鮮:)牛肋骨一流, 原來無醃嘅靚肉係好食過醃咗嘅牛利, 五花腩用生菜包嚟食, 加啲蒜片同麵豉醬都幾好食:)係海鮮蔥餅海鮮唔夠多:)食完後發覺唔記得食可鍋飯, 見人食啲飯焦, 流哂口水, 下次再食.…Read More

超抵食, 同朋友再到此餐廳聚會, 原來佢地有新嘢,10 月開始有個叫生蠔半自助晚餐, $320, Parma Ham, Salad Bar, 燒鵝肝, 3款即開生蠔任食, 大盤有6款選擇, 其中有龍蝦拼羊扒, 鵝肝牛柳, 意大利海鮮飯, 甜品任食, 包茶啡. 我加咗$60仲有餐酒任飲, 食蠔飲白酒, 一流生蠔散叫都最少$30隻, 食佢10隻都$300, 仲要即開, 仲有大盤, 抵食…Read More

為咗方面生日個人, 便聽同事講去咗沙田帝都酒店的新餐廳City Art Restaurant. 都幾難搵, 要係側邊的商業中心上一層. 入到去有好多卡位, 去有私人空間. 佢地做緊海鮮推廣, 有法國膏蟹, 青口, 海鮮盤. 因為4個人叫了一個海鮮盤. 超抵食, 有膏蟹, 阿拉斯加蟹腳, 青口,翡翠螺, 虎蝦, $388抵到爛. 朋友話出面食要成$800-900. 跟住每人叫了一個湯及主菜. 我叫的龍蝦湯簡直一流, 未飲過咁好飲嘅龍蝦湯, $100唔駛. 香煎鱸魚好滑, 好似食緊雪魚. 最利害係佢地的同事對食物同酒嘅配搭都好認識. 我地因為無聽經理嘅意見, 叫咗支酸度較高嘅白酒. 後來經理聽到我地話醱, 便另外每人送了一杯佢推介嘅白酒, 當堂令啲海鮮錦上添花. 真利害.我地之前訂咗一個一磅蛋糕, 叫佢地預備生日牌同蠋, 佢地原來唔用普通蠟燭, 用好難吹得熄又有火花個種, 我朋友吹好來都唔熄, 十分有趣, 令當晚氣氛十分開心. …Read More