jasonmakhotin's Profile

作為一個打邊爐嘅擁躉，周不時就會搵新地點去食打邊爐，有時惹味嘅雞煲更加係首選。今日呢我嚟到美林邨，唔好以為呢度係屋村就冇嘢食呀，其實呢而家佢啲冬菇亭嘅餐廳都有好嘅雞煲食。今日就嚟到呢一間餐廳去食佢嗰個雞煲串燒．火鍋放題套餐。價錢係＄198一位，一至兩個人呢就包半隻雞煲，串燒每人四串，而打邊爐呢就任食。嘢飲都係任飲添。佢個雞煲一上到嚟呢其實已經好香，望落呢個色比其他舖頭較為淡，以為佢會冇乜味啦，點知有驚喜喎！其實啲雞嘅全部都好入味，而且個汁整得好香，唔係好難但係呢夠曬麻，啲雞肉又好嫩，就算係雞胸肉都唔會柴皮，超級好食，一舊接一舊冇停過。🤪之後呢食完雞煲，佢就可以揀湯底打邊爐，今次呢我就揀咗個醉雞鍋。最貴鍋呢就分開雞同埋湯底上嘅，見到呢佢藥材湯底呢都幾夠色，都幾足料添！雞呢都好香酒味，迫不及待就將佢哋一齊煲起啦。飲咗一啖湯頭，都真係好香花雕味，唔會太過鹹，有少少酒甜，好開胃㗎。火鍋配料都好多種選擇，淨係牛肉都有三款，分別係安格斯肩胛牛肉、安格斯牛板腱同美國極上牛頸脊，同埋仲有西班牙豬梅肉片同酒釀雞件叫添！而一般嘅火鍋配料例如芋絲、午餐肉、腸仔、韭菜餃、唔同嘅丸類、炸魚皮、響鈴等，應有盡有。最後就食埋佢啲串燒，調味做得好好，唔會過鹹，但又有淡淡的孜然香，厚切牛舌同醬燒好味加分！今餐真係食得好飽！…Read More

因為已經夏天啦，為咗有一個好嘅身材去去沙灘或者戶外活動，係時候要食得健康啲，低卡路里，keep fit haha荃灣呢一間舖呢雖然唔係好大，但係個setting好似去咗快餐店咁樣，喺櫃面就有得望入邊有咩材料。而且佢呢係有free tasting嘅，你可以試咗味之後先揀多一種材料，幾好㗎 。我就叫咗一個DIY嘅飯。慢煮天多利雞啲雞胸肉好嫩，但個汁都唔係好辣，都幾惹味，撈飯一流。經典三文魚夠晒新鮮，又夠凍，麻油味都好香，成件事好清新。薑汁松阪豬味道好似糖醋排骨咁樣，啲豬肉好脆口，都幾好味。一碗飯入邊有三種味道，撈埋一齊個感覺都幾特別，又唔會唔夾，而且我嗌左彩虹配菜，有紅椒、黃椒同青瓜，成件事都好清新。而且我加咗$25升級左一個套餐，佢包括有溫泉蛋、昆布湯同黑糖布甸。溫泉蛋撈落個飯到好好味，勁滑。昆布湯就不過不失啦。黑糖布甸甜甜地，好Q彈。至於我朋友就叫左個giant’s bowl，有牛油果、青瓜、兩色椒、三文魚同吞拿魚，加上佢配左烏冬做個base。個汁有少少辣，10分好味，又有昆布係入面，感覺10分健康，重點係牛油果撈勻一齊食令到成件事都好match。總括而言又健康又好味😋…Read More

放工好攰，約咗人一齊做運動，又未夠時間，所以呢就去咗附近搵食泰國菜食，天氣咁熱食泰國菜就啱啦！行吓行吓喺商場對面俾我見到一間泰國菜館咁我就行咗過去入去坐低啦。門口都有好靚嘅泰國擺設，入邊嘅裝修都充滿着泰國風味，牆上面有好多大笨象同埋泰國嘅民族畫，都幾靚。今日我哋兩個人呢就嗌咗一個泰式拼盤、泰式香茅燒雞半隻、泰式明路烏頭，同埋冼菠蘿海鮮炒飯。泰式拼盤呢就有炸蝦餅丶炸魚餅、串燒雞兩串同埋春卷。個蝦餅同魚餅呢都炸得好脆，出到嚟仲係熱辣辣㗎，咬落去呢爭啲俾佢辣親個咀。春卷呢就脆卜卜，夠晒香口。串燒雞配落去啲沙嗲汁到一流！勁香花生味又唔會話好鹹。泰式香茅燒雞呢就皮脆肉滑，雞胸肉都唔會好柴皮。燒到啱啱好，唔會話燶到黑。而且價錢相當知抵食，$98半隻咋！泰式明爐烏頭呢就好甜，肉質鮮嫩，酸酸甜甜好開胃，真係想食完再食。最後個菠蘿炒飯呢好夠鑊氣，有半個菠蘿裝住，色香味俱全，啲菠蘿仲好甜添。總括而言呢間野好食。…Read More

以前要食正宗嘅印度野呢就一定係去重慶大廈搵，但你知啦重慶大廈其實有時花多眼亂都唔知邊間好食，咁岩比我而家喺佐敦搵到一間舖頭仔，叫做小印度餐廳，就心郁郁想入去食啦。入邊面積唔係好大，但係個感覺好溫馨，燈光好足，坐得都幾舒服唔會覺得好黑媽媽，乾淨企理。餐牌有中文英文唔會唔識叫野食，雞羊牛海鮮一應俱全甚至素食餐牌都有。一叫完嘢食侍應就送上一個脆餅加一兜薄荷醬，脆餅好薄好脆，有少少辣，加埋個薄荷醬會酸酸地，有浸薄荷牙膏味，幾得意㗎。咖喱角好大嚿，入邊下一啲雜豆啦薯仔啦，好好食呀。隔離嗰個紅色嘅係係雞肉嚟嘅，加左啲檸檬汁落去，酸酸辣辣咁，好惹味。之後佢一想就上咗兩碗野，我用咗10秒時間先分到邊一個係咖喱，邊一個係燜黃扁豆。咖喱冇我想像中咁辣，香料好重，配搭埋d印度黃飯，一流啊！雞肉好軟熟，唔會柴皮。至於燜黃扁豆就唔好以為佢顏色好重會好重口味，其實係相對清淡的一味。個甜品真係太甜，我食唔到落去。總括嚟講，呢間印度餐廳唔錯，可以嚟食下。…Read More

喺屋企附近冇乜好嘢食，要行好耐好耐好耐先去到呢一間餐廳，但係我依然會行好遠下你呢間餐廳食，因為佢真係好高質好正。呢一間嘅裝修好工業風，因為佢喺工廠大廈入邊囉,完全唔覺得佢係台灣野黎，不過呢佢會播住一啲台灣嘅歌，都幾有台灣feel嘅。我最鍾意食嘅就係佢個紅燒牛肉麵，我湯底好濃郁，但係又唔係好油膩好清爽，帶着淡淡的辣味，刺激啊！啲牛好淋好鮮嫩，唔會好柴皮，而且好入味，有花椒八角味。佢啲髯鬚雞都好出色㗎，揸得好趣口，又香，又唔會好鹹，食完會想再食。一句講晒好好味😋…Read More

阿媽話想去尖沙咀食飯，搵咗間北歐餐廳，我見到個Menu已經覺得好伏，環境又好昏暗，即刻喺OpenRice搵一間比較高質嘅餐廳，費事食完比老母鬧。見呢間幾好評又係良心小店，最後決定食呢間，因為阿媽好耐冇食西餐。去到夜晚六點啱啱好開門，得一台客，我同老母即刻衝入去，坐咗一個近窗台嘅位置，好開心呀冇誇張我哋研究Menu都研究咗20分鐘，唔知道散嗌好定係叫套餐好，因為太多嘢都想試喇。最後都係決定叫套餐，多啲嘢事呀嘛！食前菜之前佢會比一碟有幾款嘅麵包，好貼心嘅係啲麵包仲係熱㗎。前菜係鮑魚沙律，冇諗過係咁match，鮑魚好鮮甜。主菜有黑松露薯仔粉，因為唔知係乜黎嘅就帶黎試吓，食落又幾得意喎一嚿嚿個口感好正，不過就有少少重口味。另一個主菜係強烈推介嘅羊架，燒得啱啱好好嫩滑，唔會柴皮，又唔會有陣臭味，大家去食一定要嗌！！！甜品好有驚喜因為有好得意嘅畫同心思嘅字係上面，食完即刻好窩心，總括而言今日係好開心嘅一餐…Read More

同朋友一齊做完占，好肚餓好肚餓好肚餓，重要嘅要講三次，所以即刻同佢跑左去附近嘅米線店，食返碗雲南米線。我同朋友都好嘴刁嘅，唔係所有米線都會食㗎，呢一間係我哋最鍾意嘅米線餐廳之一，雲貴香。我同佢最鍾意食小鍋米線，會嗌辣，有時會轉做紅薯粉，佢個湯底好出色，非常好味，望落去紅卜卜但係其實唔會食唔到。佢啲米線餸都好多嘢揀㗎，最鍾意食鴨腎，佢唔會太硬亦唔會太柴皮，岩岩好。仲有佢個豬扒都好出色炸得啱啱好唔會太乾。…Read More

呢一間餐廳我成日都食，因為呢其實我就住喺餐廳樓上。餐廳係好普通嘅一間茶餐廳，但係呢就充滿着回憶。事關我朝早早餐、午餐、下午茶、晚餐，都可以喺呢度解決到。呢度嘅早餐呢其實相對上都幾平㗎，一碗麵+1個多士再加一個奄列加埋凍飲都係收$34，平過出邊好多㗎。我最鍾意食嘅係佢個沙嗲牛肉通粉，通粉係有坑紋嘅通粉唔會好林，沙嗲牛肉都好夠汁，所以撈埋一齊食呢真係淡淡沙嗲味好正！而且我最鍾意佢嘅西多士，唔會油淋淋，又熱辣辣，最重點係佢好多花生醬，所以呢好好食😋佢呢度啲焗飯都幾唔錯㗎，最鍾意食個雞扒焗飯，係蕃茄汁配雞扒，好夠汁雞扒好淋，炒飯底又好食😋…Read More

男朋友生日，同佢慶祝，因為好掛住日本嘅燒海產，所以呢就嚟咗呢度食飯。一日到餐廳已經覺得好似去咗日本食飯啦，啲裝修好靚，全部都係一啲好日式嘅牆子，單張、海報啦，而且好多海產嘅資訊勁似去咗啲海產市場！首先磯燒海鮮真係好新鮮，落到枱呢全部都勁生狂，郁吓郁吓，尤其是嗰啲鮑魚好大隻呀！職員呢會幫手燒海鮮，基本上呢全部有人服務，唔需要自己燒，包保唔會燒到燶晒，所以好好味！你睇吓隻魷魚幾大隻其實啲刺身都好新鮮好肥美好甜好好食😋超級推介食呢一個芝士魚蛋，食咗幾個啊我呢一疊糖楊魷魚都係一流，好脆好熱辣辣，唔會林啤啤…Read More

今日去咗一間高級日本餐廳食飯，其實個景真係無敵，望住維港個天又好靚。一坐低其實服務好好，攞起個餐牌，嘩！個價錢都唔平喎。但係呢好彩有海港城嘅優惠券，所以高級一次啦。叫咗一個天婦羅雜錦拼盤，炸得好脆，而天婦羅粉唔會好厚，個蟹鉗都幾厚肉。個蔬菜餅超級脆口好味道。呢一個銀雪魚雞白湯泡飯有驚喜，雞白湯好濃郁好滑好甜，加埋個銀雪魚同泡菜一齊食超好味呀！清酒煮蜆就好普通唔值得食咁貴呢一到嘅串燒呢我覺得價錢合理而且品質好好唔會燒到燶晒可以再食再食到再食…Read More

今日我地好齊人，一家大細好失魂，為左療癒痛苦的心靈，決定去食soûl food 雞煲。呢間雞煲立於旺角，位置極方便，係地鐵站exit b 行一陣就到，岩曬一家大細去。呢間雞煲同打邊爐一樣有醬汁，任君選擇，不過留意係要加錢嘅，如果唔用就岀聲啦。評論下啲雞煲啦，好好食呀！我叫左BB辣嘅辣酒花螺雞煲，雞味好出，唔會好鹹，好滑唔柴皮，個辣亦岩岩好，唔會食唔到。啲花螺呢就普通咗啲，鮮味夠嘅。我比較鍾意嘅配料，就係芫荽，但係其實洋蔥都好正。到之後打邊爐，好多野選擇，目不暇給，我就叫左個滑嘟嘟，即係蟹子墨魚滑、蝦滑同埋鯪魚滑三拼，菜菜籃、竹笙、手打牛丸等等，食到好飽！大檸樂夠曬凍同夠氣，大大杯，超岩食雞煲！要食雞煲記得過嚟啦！…Read More

人大左健康左，但每個月都忍唔到去食老麥。麥當勞由細到大都食架啦，不過呢，最鐘意食嘅都係脆香雞翼😆😆 脆香雞翼一盒會有4隻，一直都諗唔明點解會咁細隻，但又好方便攞上手食，外皮好脆，又唔會油淋淋，帶有少少微辣，雞翼入面都無柴皮，係肉汁鮮嫩的。4隻真心唔夠，如果有9件雞翼餐堂食就好。而家新出嘅麥炸雞其實就係脆辣雞翼嘅大份版，又真係俾佢做到，外脆內軟，肉質勁爆汁，香口，會食唔停。而家去親麥當勞都會食，你唔係唔食啊？…Read More

I usually go here for dinner with my friends as this restaurant provided a very good and chill vibes for drinks and chatting. Need Not to mention that the food here is wonderful. I love to sit outdoor as the views of Tsim Sha Tsui can be seen while u r chatting!!! The sweet potato chips here is very crunchy and yummy. It is not too oily which it is sweet in taste. U could not stop yourself from eating. Trust me. The cheese is so smooth and rich In taste while the tomato is so fresh. The mix and match of them is perfect. I particularly love the sauce on its top. Even tho I love this restaurant, but This pasta is so-so in general. …Read More

平時我都好大食，所以從來都對tea set冇乜興趣,但係我今日竟然會食呢一間，原因係佢有discount🤤 而家只要去Klook book位，就可以低過400港元食呢度嘅tea set, 真係好抵！餐廳嘅地理位置優越，位於香港嘅半山區麥當勞道，雖然遠咗啲但係絕對超值，佢可以望到港島嘅景色，望住黎tea, 人生一大享受🤤好多好多嘅甜品，有鹹有甜。漢堡包味道唔錯，唔會太乾身。個人黎講最喜愛個芒果拿破侖，夠曬脆，吉士又唔會太多，芒果甜，一流喔！馬卡龍就太甜，我不嬲都唔係好鐘意。…Read More

今日好想食碗熱辣辣嘅湯麵或者烏冬，所以係觀塘度尋尋覓覓，揾到呢間慢煮屋，見到個餐牌，好有好多麵食，所以就坐低左。餐廳上面都有好多選擇，主食有豚肉丼、蕎麥麵，仲可以轉烏冬添，所以我就叫左個慢煮火炙牛腹扒烏冬。烏冬上面有隻好靚嘅溏心蛋，仲有少少流心，好正啊！而最最最重點嘅就係牛腹扒，粉紅色的肉，唔會太生唔會過熟，配合埋佢上面嘅醬汁，味道好好，肉質鮮嫩多汁，大力推介。烏冬熱辣辣，完全係我心水。會再黎食！…Read More