happy.tummy's Profile

夏日炎炎特別想食魚生。於是同朋友一齊去試下呢間新開嘅＜創壽司＞一睇個meun…嘩… 有好多丼揀呀掙扎左一輪後決定試#883 富田丼呢個丼非常豐富，有油甘魚、劍魚、吞拿魚、鯛魚、紅蝦、同埋三文魚籽！魚生非常新鮮,味道鮮甜!而且每一件嘅魚生都切得好厚身！咬落去肉質豐富！另外同朋友share左份sashimi!重點推介劍魚腩！！入口甘香，加上少少油脂，鮮甜肥美! 帶子連同三文魚籽一齊食，爽口又過癮！食完魚生，再飲返碗熱三文魚豆腐湯暖暖胃。…Read More

先來一客西班牙蛋餅。外表望落無咩特別，估吾到一切開d蛋汁流哂出黎！而蛋餅內嘅材料亦好足料，包括洋蔥、煙肉、薯仔，仲落左黑椒去做調味！ Main course 就點左虎蝦墨魚汁意粉。每次食親墨魚汁意粉都會食到成個嘴唇都係黑色，今次都吾例外。所以只會係d好熟嘅朋友面前點呢道菜！ 最後，甜品叫左無花果脆批。呢道甜品外相非常吸引！味道亦相當驚喜！餅底做得好薄身，而且焗得好鬆脆！無花果本身個味道甜甜地，吾算好突出，但連埋餅底同雪糕一齊食，味道真係好match!! 亦吾怕蓋過無花果嘅淡淡果香味！ 呢間樓上餐廳環境寧靜，好有情調。而食物質素同款式亦好有驚喜！必試！…Read More

同友人各點了一個牛魔王漢堡。漢堡共有5層。有芝士、牛肉漢堡、蕃茄、火箭菜、蜜糖芥末醬！當中塊牛煎到7成熟，岩岩好，吾會有血汁，但又好juicy。食完成個漢堡，食埋旁邊少少嘅沙律伴碟，即刻感覺無咁滯！ 炸魚薯條即叫即炸，好香口！薯條炸得好鬆脆，配埋佢嘅香草茄汁簡直無得頂！兩塊炸魚柳雖然無咩鮮味，但始終一分錢，一分貨。呢個價錢食到呢個份量，而且調味吾錯嘅炸魚柳，已經吾錯！ 炸魷魚穌亦相當可口！由於魷魚本身已經調好味，所以吾洗加任何醬汁已經好入味！點嘅三樣食品都好滿意！下次再去試埋其他漢堡！…Read More

呢碗龍眼冰三重奏雖然話係三重，但實質材料吾至三樣，口感亦吾至三種！有晶瑩剔透的水晶珠珠、好爽口嘅黑珍珠、好chewy嘅龍眼乾同椰果、仲有濃濃嘅龍眼味碎冰做底！！食落好清甜！就算冬天都要食！！ …Read More

今日去瑞記㗎啡食lunch!一坐低見到佢用蘇州碼子黎寫價錢，已經感受到陣陣嘅懷舊風味。 今次係第一次黎食，當然要試下佢最聞名嘅樽仔奶茶。一入口，奶茶好香、好滑，吾會過甜！加上用玻璃樽做器皿，特別又懷舊！呢碗牛肉麵加蛋，精髓就在於塊煎蛋上。成塊蛋都好厚身，咬落去好有口感，完全吾會有乾爭爭嘅感覺！而蛋邊煎得好香口，好脆！ 等左35分鐘，終於等到西多士登場！份西多煎得好鬆脆，而中間個面加左少少蛋漿去煎，食落好有層次！！ 呢35分鐘都算等得有價值！ …Read More

係上環路過見到大大粒芒果糯米糍，即刻忍吾住買返粒食！ 芒果糯米糍$12/pc芒果雖然有少少酸，吾夠甜。但個糯米皮真係好煙韌！無得輸！食完仲想食多粒！…Read More

今朝跑完10k返屋企沖個涼，再補個眠，就落去元氣食sushi補充體力 今次試左新推出嘅汁燒油甘魚！初時望上去覺得塊油甘魚咁乾身，心諗：吾通係伏⋯⋯點知原來有驚喜！d汁好正，香濃得黎又吾會cover哂油甘魚原本嘅魚鮮味！($12/pc)而灸燒牛油赤海蝦亦係我每次必食嘅items之一！牛油味超級香！海蝦又夠爽！($10/pic) 另外，我都好鍾意食元氣嘅卷物！今次就order左炸蝦卷！足料又抵食！($20/3pcs)雖然今日係星期日，但3.4點呢個鐘數通常都吾洗等位，食物又上得快！一定係weekend下午茶嘅首選！ …Read More