KaJai's Profile

今次真係食到一肚氣! 叫左春卷撈檬，豬頸肉飯，檸茶。 檸茶自動走甜都算啦，豬頸肉飯叫左走青又無走青，重點係豬頸肉得六片而且紙甘薄，連我六歲既女都吾夠食。向過兩位侍應投訴，都話係廚房set 出黎，耍左我就走，"廚房 set 出黎" 連小朋友都吾夠食, 甘即係有問題啦，又話豬扒同豬頸肉成本吾同，又話男人都係食同一個份量，連個經理都係一模一樣同一個覆法，回應客人嘅投訴反而千篇一律，我諗以前都比客投訴過吾少. 我請佢叫廚房大佬出黎同我傾，最後經理有補返幾塊比小朋友。唔係錢嘅問題! 係勞鬼氣! .... 絕對無下次。…Read More

豚肉係幾好味!不過唔係DUM DUM 聲囉!同北海道十勝豚肉都差一段距離!最重要係唔能夠慢慢食!..一入去個Waitress就話: 你七點前要交台啦(@6:08pm), 有無問題?落單後又話要等10-15min, gum米得返半個鐘?見隔離2個人食完頭一輪想加單, 個Waitress又講:你地得四個字! OK? (-_-...)再隔離4人台加單,個Waitress又望下隻錶!..(-_-...)一個趕趕趕的晚餐,食物質數有幾好都無用,我決定永不回頭!.....(-_-...)…Read More

試左珀麗灣一間泰國餐廳,抵食大碟又好食,加上無敵海景,實在是一大樂事!$38 Set Lunch 有廿幾三十款,好好味!包一罐汽水! 仲免加一.不過 Set Lunch & 免加一只限Weekdays. $12 蒜容包P.S. 坐出面會有好多蚊滋,友人給蚊滋咬了十二躂,最後體貼的老闆送上蚊怕水,不過可惜是我們要走的時候! 實在是和蚊怕水相逢恨晚! …Read More

同老公慶祝情人節, 見呢派品味咖啡甘 Hit, 都想找一個地方嘆咖啡. 上黎Open Rice見到呢間有 Latte Art 咖啡 既Cafe, 即有衝動來嘆下!呢間 Cafe 確係晤錯,可以坐係到幾個鐘, Hea 到爆! 地方就有D難温, 大家記住見到玉葉甜品就見到架拉!老公叫左杯Latte+Peppermint, 老闆娘話未整過熱飲. 事後大家都覺得此配搭Cold Drink會好飲Ｄ. 除此之外, 有好多唔同味道Caramel, Hazelnut 比人揀, 大家可以Tailor Made自己既咖啡!我個杯Mocha味道都吾錯, 好滑, 朱古力味可以再重Ｄ. 不過見到隻甘趣致既熊仔真係晤捨得飲. 食物方面只得笑面蛋包反同All day Breadfast, 味道都OK!佢地呢到又有Free Wi-Fi提供, 幾方便! 唯一美中不足就係無Menu, 老闆娘, 快D整返果啦! 等人多D選擇嗎!過左一個愉快又Hea 既情人節! Cheers!…Read More