uwillnevereatalone's Profile

話說就嚟掛8號風球 一出土瓜灣站見到未落雨 又見到呢間居酒屋 就馬上入去試一試餐廳主打日式串燒 亦都有生啤同埋唔同嘅特飲 環境日系 適合同朋友飲嘢吹水今次先試幾款~———————————————1.大生蠔 ($48)蠔身肥美，燒後鮮甜同有微微焦香，中意食蠔既的朋友推薦一試2. 海苔鱿魚鬚($68)份量好多，兩個人完全食唔完，味道都唔錯3. 燒茄子 ($28)  牛舌心串 $68牛舌心串有驚喜。牛舌厚切，火控制得幾好，仲保持到juicy口感，完全唔韌。加埋少少檸檬汁，正!4.明太子飯糰  ($42)飯糰外皮烤得微焦，脆卜卜咁。居酒屋必吃的一道菜!5.免治雞肉軟骨串 ($68)雞肉雞軟骨比例幾好，點埋個日本蛋漿一齊食, 一流!6.檸檬特飲 ($38)酸酸甜甜，清爽解膩，非常適合搭配串燒一齊!…Read More

 端午節正日咁岩撞正跑馬又撞正馬會有優惠 就預先係網上預訂沙田馬場百勝廳 同一大大細體驗下係馬場食午餐網上預訂既話我地6人最低消費係$1725  但係其實當人做緊優惠 套餐只係200$/位所以最後係會有剩錢，逼埋你去食甜品/下午茶套餐200$一位  包1份燒味雙拼, 6個小菜(1人可揀1款),有湯, 飲品, 白飯, 同埋茶位, 每位剩係收番10$服務費 1. 燒味雙拼 我哋揀咗叉燒同埋乳豬 嚟之前做過research 馬場中菜廳嘅叉燒出名 所以就點咗叉燒 食落去叉燒係半肥瘦 好腍完全唔乾 乳豬都唔肥 皮燒得好脆 值得一試2. 是日湯    五指毛桃海底椰煲豬展湯 好足料主菜1. 麵醬豆卜斑腩煲味道足夠 但可惜骨多過肉，一煲我諗只有3-4舊斑腩, 一人都食唔到一舊2.清湯蘿蔔燉牛筋 是日驚喜! 估唔到佢燉到D牛好腍 牛味濃郁 清湯突出牛肉的原汁原味 好鮮甜! 3.黑醋小排骨:(呢個都係比較失望既一道菜 排骨比較硬, 醋味亦都唔太夠4. 金沙蝦球好香咸蛋黃味  蝦球亦夠大隻，鹹蛋黃份量足5.鹹魚雞粒豆腐煲老人家送飯一流既菜式  鹹魚味岩岩好，唔會太咸，豆腐都好滑。熱辣辣黎到! 味道很不錯6. 菠蘿咕嚕肉 呢個菠蘿咕嚕肉估唔到都幾高質，炸得脆之餘又做到完全唔硬，外脆內嫩幾正！是日甜品(海帶綠豆沙, 喳咋, 楊枝甘露, 白糖糕)每人可以點一款,  但要注意楊枝甘露好快會賣曬，記得要早D叫! 比較推薦既都係 楊枝甘露, 好好味 西柚又唔苦!  其餘都係一般水準啦最後由於我地仲有余額，所以就叫埋下午茶餐($92/Set 連野飲) + 蝦多士($68)其實都係一般既炸物，冇咩特別，更唔稱得上係好食。如果有余額，建議大家可以叫多個小菜/飯打包會更好總結: 呢個價錢可以同屋企人邊睇馬邊食中菜，不失為假日節目既好選擇。可以比你由12:30坐到完場，大家都食到飽飽先走!  …Read More