or#ta67056506's Profile

OT收工晏咗，本來想食shake shack，但諗諗下都係食mos會輕盈啲，大概7點半嚟到都幾少人，前排上網見到個壽喜燒漢堡好似幾得意咁就試下啦！收到個下我嚇親，牛肉呢？原來因為隻蛋太大，其他配料跌曬去後面。都唔緊要，我手動擺翻好先食。擺個陣我已經摸到隻蛋係超凍，其他料食個陣都係會跌，我大概食咗半個麵包配水煮蛋（無味）。食完隻蛋，我得返啲生菜洋蔥配一小塊牛肉，可能因為隻蛋好凍，上面結咗一粒粒油脂。壽喜燒嘅精髓係蛋汁，我見有啲網友隻蛋會有汁，而我個隻係熟蛋，可能無汁嘅關係，超級鹹！出啲奇趣新產品的確可以引人去試，但呢啲咁失敗嘅產品只會趕客！雖然呢餐真係好輕盈，但我下次都係食返其他啦！…Read More

喺海港城行到攰，咁啱有位就入咗試吓新嘢朋友好喜歡松露，而我本身其實麻麻。餐包上咗3款，味道都幾特別，反而2種醬較為一般，松露海鹽牛油味道較淡。主菜我的是墨魚汁意粉，少少辣十分惹味，飲品是bee my honey，加入了松露，飲用時會聞到松露的香氣，十分特別。最喜愛的是甜品松露芝士球，雖然一開始漏單，但很快補上，濃厚的芝士味，和朋友一人一粒不會膩。現在能用海海城coupon十分化算，2人埋單半價咁濟，快樂的一個晚上！…Read More

上網見到好多食評推薦，同朋友收工就腳揀咗食佢，大概7點鐘門口有幾個人等位，我哋大概等15分鐘左右就入到去。但我同朋友都覺得如果入之前望過裏面，我哋應該唔會食佢，4人枱對半分開2枱，但隔板較細，會望到對面，張櫈拉開小小又會撞到後面，稍為肥少少都坐唔落。我叫咗辛辣湯海鮮烏冬，有2隻大大嘅蜆，味道正常嘅帶子同蟹柳，2隻蝦肉霉霉哋同一隻非常腥嘅蠔仔。友人嘅魚介湯牛肉烏冬就正正常常。店員非常友善有禮拜，但亦有好多坐得舒服，食物品質差唔多嘅選擇，應該不會再有下次。…Read More

朋友食過覺得唔錯，我哋book咗星期六中午一齊食，上到去第一個感覺係地方好細，我哋坐吧枱最側邊，斜後面大概一個身位嘅距離已經喺廁所，一邊食一邊總係覺得有異味(心理作用居多)。坐低落完單就上咗一小盒日本椰菜，可以清一清炸串嘅油膩感，係非常貼心嘅安排！我同朋友要咗2個炸串午餐set，每樣嘢上之前都會介紹唔同嘅食法，好佩服員工們嘅記性，哈哈。午餐都無乜特別，同朋友一邊傾一邊食，相都無影到，見個炸富士蘋果好得意咁，另外加點咗但令人好失望一拎上手塊炸衣就裂開咗，因為蘋果加熱會出水，未擺入口已經成舊解體，而且加熱後好酸，都係食返普通蘋果好過。值得一提係吧枱望住個開放式廚房，入面有好多員工整唔同嘅嘢，咁啱見到有同事除口罩飲水，面對住佢嘅我都除口罩食緊野，疫情期間都有啲心慌慌，理解真係無乜地方，員工們都好慘。整體嘅性價比唔高，未必會再去。…Read More

喺東薈城食過，印象中都唔錯，今日一個人經過就去獨食啦~上次食過嘅炸菇實在太驚艷，所以今次一樣要咗個天丼，但成品同另一間鋪差好遠。個餐一嚟到啲天婦羅已經唔係好熱，亦都淋淋哋唔夠脆口，第一件當然食咗我期待已久嘅炸菇先，唔夠熱又軟淋淋，索曬啲油搞到非常油膩，令人好失望整體好一般食到好濟。尤其係個天婦羅蝦，隻蝦好硬，入口係一大舊軟淋淋嘅粉，咬多2下就係隻好老嘅蝦個隻粉粉哋嘅口感。見到呢到咁多劣評都唔係無原因，如果大家想試去其他分店可能會開心啲。…Read More

去迪士尼玩到筋疲力盡，再入東涌諗住是但食啲嘢就走，見到佢喺OpenRice評價唔錯又唔使排隊，就揀佢啦，點知一試就有驚喜入座俾咗個杯仔入面有黑豆，但係如果麥茶係凍唔係熱嘅就好啦，同同行朋友兩個都攰又細食，大家都叫咗個天丼，所以無得比較。所有天婦羅都炸得好熱，醬汁唔會過鹹又好惹味，個炸菇菇係全場最佳，好似食緊肉咁但又更加鮮味多汁！反而蝦就炸得有啲老啦～食個陣唔覺得油，但食完都有少少濟，雖然可以單點天婦羅，但都係食到都唔夠先再加單啦整體唔錯，有機會都想再嚟食過！…Read More