Cliff1107's Profile

今日諗住嚟食個下午茶，淨係叫個炸薯條餐都等女25分鐘。成15分鐘先上到一杯嘢飲，一直問佢，一直話整緊，極誇張。成班人完全就係悠閒人生，完全無諗過要整你嘅餐。餐廳5個客人都無，可以催嚟催去都唔整。我去百佳買個薯仔，削好再炸埋都快過你。食下午茶原因係肚餓，但可以等咁耐以為去咗隔離法國餐廳，雖然隔離餐廳可能快過佢。強烈建議肚餓或者等唔到25分鐘以上嘅人都唔好嚟食。因為佢哋真係好慢，又唔係特別好食，仲有一副唔理你嘅樣。…Read More

雖然鋪頭有d細間，大概20人左右，要稍為等一等先入到去。所以食晚時間要自己預住。入到去環境吊滿左好多字卡，寫低唔少嘅打氣詞句，食落都特別開心。而且充滿左日式嘅壁紙，好有氣氛。傳統嘅燒肉都係用上呢個爐，雖然比起一大個爐燒係要燒耐d，但一邊同朋友傾下計慢慢燒先係精粹。跟住嗌左個10片和牛同10片吉列牛，本身跟餐有飯同湯，所以兩個人食都完全夠飽。如果細食的話甚至可能有多。因為佢有分兩個set，10片同15片，所以好肚餓先好嗌。大概成個餐份量就係咁本身我係一個喜愛吃半生半熟的人，但基於疫情的關係，始於全熟先安全xd 但吉列牛全熟加上醬料，配埋有紫菜木魚粉的飯反而仲好食！相反和牛充滿油香，入口即化，燒香後岩岩好。所以就真係唔好燒到熟，會有爛開的。而且服務態度好好，亦都會提妳有半價優惠。…Read More

見到網上話出名，當然要嚟試下。但十分失望！先講腸粉，層皮厚到完全唔想食，如果唔係隻蝦大d，會以為係某牌子嘅急凍叮叮點心。食左兩三啖就唔想食層皮，直接食隻蝦就算。失望！跟住到炸物。炸大腸超乾食，加上脂肪位唔夠，食落好鞋，一d都唔爽口，就好似食緊一個舊舊乾哂嘅皮。炸鯪魚球就無咁乾，但係無鯪魚味，而且個汁亦提唔到鮮味，淨食又唔好味，又唔能夠撈飯食…牛肉份量少，而且個汁太重味精，一個字講哂：咸！唯一值得食嘅就真係粥，白粥都有輕微嘅鮮雞味，可能真係只適合叫粥食……Read More

有朋友話想試下，咁大概6點幾嚟到。個logo都搶眼易認。裝潢好日式，有一種優閒嘅感覺，適合幾個人嚟聚會，係傾下計好地方亦有刺身枱，保證新鮮切俾你食。擺設都好精緻，我尤其鐘意呢個簡約風格嘅杯。先嚟左個蒲燒鰻魚帆立貝盛，鰻魚量多，無碎骨，嫩滑，軟身，但未算肥美。鰻魚汁亦好提味。新鮮雞蛋整玉子燒，充滿蛋味，加鰻魚食，一流！帆立貝就得一舊，有點失望，但肉質彈口，唔會難咬。而且飯係真正嘅日本壽司飯，正！另外又叫左個四重火焰盛。一嚟到三文魚就好吸引，相當肥美，燒完仲好香口，食落去有重三文魚油味左口魚裙邊好爽口，送飯唔錯。蟹棒就相對短左d，但食得出係日本蟹柳。帶子就無咩燒到，可能怕會太燶，但入口爽。店員亦好貼心俾個小碗裝住d餸，可以先食啖飯，或者同人share仼添柴魚飯素，撈飯正每個人都係100多d，食物質素絕對抵食。…Read More

差唔多9點半嚟到，所以都無咩人，而店員亦好好態度招呼。可能一次落得太多茶粉，有點濃不過好香茶味。分別叫左一個竹輪烏冬同太極面，竹輪烏冬湯底仍然保持水準，十分濃郁，忍唔住飲哂太極面就比較乾，加少少湯去食就好好多。炸蝦卷相當脆口，每次必點之選！炙燒明太子三文魚上面d明太子非常好食，為三文魚嘅鮮甜點綴。玉子壽司就比較乾身，魷魚亦都唔夠新鮮，有點失望。北寄貝沙律壽司則沙津味偏重。至於炸大蝦天婦羅就真係好大，足足有一部電話咁長，相當脆口，不過炸粉太厚，是為敗筆。最後必點的軟榖蟹手卷，軟殼蟹外脆內軟，加上沙律醬，perfect match！ 不過軟殼蟹好似比上次細左。…Read More

一入到去，最吸引就係呢個夜景，俯瞰整條彌敦道，情侶或聚會嘅好地方！而且一入到嚟店員就好主動招呼，仲攞定調味料俾你揀大致上有呢10種調味料，而我就揀左芝麻醬，味道夠濃，而其他配料如蒜頭，同葱花等都見新鮮。揀左個辣酒花螺雞煲（半隻），叫左小辣。對於我呢d唔係好食得辣嘅人嚟講算可以接受。由落單到上菜大約都等左10幾分鐘，相信係即刻整所以需時較耐。因為嚟到已經係熟哂，所以可以即刻食雞肉好入味，會食到好輕微酒味，仼何人都能接受程度。店員都好細心提供竹籤嚟整螺肉出嚟。螺肉份量都好多，有接近15粒。打邊又點可以無牛肉。今次揀左頂級雪花肥牛，擺盤都幾靚。至於食落去就唔算太嫩口，不過都夠牛肉味。油麥菜新鮮，四色丸全人手製作，個人覺得蝦丸最好食。黑墨魚丸同墨魚丸食落去就無咩大分別，墨魚味以墨魚丸濃少少，牛肉丸係無筋，食落爽口。最後多叫炸大腸。怕熱氣可以先放落湯裏，食落去相當爽口，最好味係個醬汁，酸酸甜甜，相當開胃。最後埋單差唔多800，有少少貴，但環境搭夠，而且臨走時見到特定時段有半價，不妨一去…Read More

第一次試食刈包，見有紫薯味咁特別，所以試下。其實係無咩紫薯味，不過顏色幾好睇，而且個包夠熱同軟；但夾住個塊雞扒有點乾食，但都好食的。火腿銀針粉湯底較清，有少許雞湯味。銀針粉跟刈包在平常餐廳少見，未試過不妨一試…Read More

位置在地鐵站附近，十分方便。店内整齊潔淨，只可惜要自助倒水，有點麻煩。先叫左個雞絲豬頸肉濛粉，湯底濃郁，份量亦唔細。（只不過忍唔住先食左幾啖）豬勁肉爽口，雞絲則略嫌鞋口。另外點左炸豬扒同雞翼，雞翼岩岩炸起，相甞脆口，又唔會太油膩。至於豬扒就乾食d，放落湯河食會好食d。最後就係咖喱牛腩飯，咖喱相當香，食落唔辣，相信人人都可以接受到。但牛腩大概只有四舊，薯仔亦都太大舊，有點難咬。但咖喱汁配紅米飯好有咬口，飯亦夠熱，掂！…Read More

聽講拆咗個片皮鴨區， 所以嚟諗住試下有咩改變，點知仲失望。刺身唔太新鮮，而且份量經常攞錯，往往最多人想食嘅蝦刺身都係最少，其他嘅就攞多兩三件嚟…唔知想點…羊架唔夠熟，食落去仲有血。燒比目魚太乾身， 好彩有啲沙律醬中和下，（沙律醬幾好味）。 芝士年糕攞出嚟已經淋曬，除了天婦羅係脆口。壽司方面不過不失，始終係放題質素，不能要求太高。我覺得最過份係，明明只係叫咗五隻蝦， 結果嚟咗一堆。 唔知佢係咪計埋刺身嘅份量畀我……:(玄米茶雪糕幾特別。 但無左貴價雪糕仼食有點失望…今次嘅經歷最唔開心係轉成咗電子落單， 45分截單，喺正45分落單就話無， 結果話冇辦法，想食多個牛肉鍋都唔得。無言。…Read More

一開始見到碗麵都嚇親， 成碗面被紫菜覆蓋住，賣相減五十分！但紫菜幾爽口，唔會太淋。燒雞翼擦滿蜜糖，絕配，加分！打開紫菜見到3粒魚皮餃，覺得有點少，唔夠喉。湯底濃郁，應該同雲吞麵同一隻湯底。但魚皮餃亦太細粒，有點失望。…Read More

粟米餃，唔油膩，粟米份量好足， 但當中有啲肉難咬，。但食厭左韭菜或豬肉餃，值得一試。台灣面線，湯底濃稠，如果平時無食開，會覺得有d奇怪。但份量算細，三四啖就食完。茉香綠茶甜度適中，套餐都係加兩蚊，絕對比豆漿好飲。…Read More

呢度最出名嘅就係任添肉骨茶。嚟到呢度當然要一試。味道唔算好濃烈，所以正常人都能接受。而且當妳想添肉骨茶嘅時候，揮手叫服務員，亦好快嚟到幫妳添。呢個叫大滲，湯底亦係肉骨茶。跟住又叫咗個招牌老鼠粉，48蚊。 我認為味道偏鹹咗少少，但炸乾嘅豆腐卜幾特別，相當脆口。分量嚟講一個就唔夠飽，但同人分享食係唔錯嘅選擇。（一轉眼大家都搶住嚟食）（ 茶杯亦相當精緻）跟住呢個就係怡保雞絲河粉， 湯底味道適中， 魚蛋幾彈口，蝦亦爽口。相對上雞絲就好似畀人搶曬focus，份量唔太多。 玻璃生菜唔會煮得太淋，爽口。怡保芽菜雞，有d鹹， 要撈白飯嚟食。雞肉偏鞋，此菜最為失望。最後多叫一個xo蘿蔔糕，未見特別。大概4人為350左右，價錢唔算貴，有機會路過可再食…Read More

本身係諗住當下午茶食，冇諗到佢份量都唔細，講緊係雪糕嘅size。佢有超過十種口味，咁我就揀左自己最鍾意嘅曲奇味。 唔能夠講得上細滑，貌似巢雀嘅質素。對比起平時就咁食格仔餅加牛油煉奶，雪糕係一個唔錯嘅選擇。…Read More

第一次嚟食牛角嘅午餐，揀咗82蚊嘅套餐嚟。 分量就有以下咁多。食材都幾新鮮， 但分量嚟講算少，未必夠飽。 影漏左沙律，細細一碗，但奇怪是在燒肉期間才奉上。因為見飯枱上面無提供油，所以 我都係直接將肉放上去燒，但就會形成好痴個網。火力夠強，唔使兩三分鐘就熟。 豬頸肉食落去都好爽，燒落去亦唔會太油膩。牛肋肉就冇想像中咁嫩口，牛肉味亦唔突出。燒肉汁方面，味道偏淡，所以都唔會搶咗食材嘅味道。大約兩點嚟食，輪候時間十分鐘內，而且價錢在此區不算貴，值得再嚟。…Read More

呢個下午茶餐只係廿幾蚊，仲要連凍飲。外賣自取翻到屋企食大概半個鐘内，塊魚柳依然好脆，因為係即叫即整。包入面有少量生菜同一塊蕃茄，加上沙律醬，食落去有清新嘅感覺。至於塊魚柳我個人認為太乾，無沙律醬嘅部分有d難入口。當然最誇張嘅係個size，足足有兩個廁紙筒咁長。正常人食落都夠飽，細食嘅人仲可以分嚟當晚餐食。至於杯凍奶茶就略嫌苦澀咗少少，相信係茶底煮耐左。不過，下午茶嚟講，又平又夠飽，仲要好食，呢間真係性價比最高…Read More