Look Look's Profile

同事介紹第一次食，估唔到價錢不算貴，5個人叫了7款菜式味道同賣相不錯，味道又好又足料。聚餐又多一個選擇了!1.) 意大利飯好有咬口。2.) 墨魚麵食完成咀黑哂，D汁好滑，不過較淡口。3.) 咸豬手外皮夠脆，但肉質卻出奇地唔"鞋"口，值得推介。4.) 焗雜菌，雖然唔夠味，但清清哋也好味。5.) XO醬炒雜菜(無相)，其實賣相同焗雜菌基本上無分別，但因用XO醬炒，較濃味。6.) 芝士薯條肉汁好味，薯條炸得剛剛好。7.) 烤餅好彈口，佢個汁都好配合個餅。**另我有朋友推介呢度D咖啡，因我無飲所以唔知係咪真係OK，但跟餐嘅湯就唔得了!…Read More

同屋企人平日間中都去食晚飯，因為平日無乜人唔使點等位，，仲有車位泊!但大時大節就要預早訂枱，真係好Full。最喜歡食佢o地嘅燒味同埋梅子鴨，佢D乳豬好味過隔離間所謂乳豬出名嘅酒樓多多聲，而梅子鴨一定要預早一日訂，梅子鴨好味不在講，佢個底層仲有好正嘅芋頭~真係超正!另外佢o地其他小菜都好抵食又好味!仲有一樣係唔好睇間嘢殘殘舊舊，其實入面有一幅藝術品，係藝術家Carrie Chau畫比老闆嘅油畫，真係有錢都買唔到。…Read More

食過幾次呢間雞蛋仔真係唔錯，食過原味和朱古力，始終原味最好食，不過一定要係佢老闆整o個D雞蛋仔先夠味、夠脆有口感，其他員工整都唔算好差，只係無佢老闆整得咁好味o者!…Read More

有時在元朗想不到吃甚麼，腦中就會想起學記，食了多年依舊沒很舒適的坐位也沒有冷氣，但舊有的味道依然Keep住多年，雖然湯底本人覺得不算很出色但牛什很入味，麵也不錯，最重要每次一定要加多支可樂，一碗麵已很滿足!…Read More

間中都會去永年食麵，一直都唔覺得有問題，但今日卻感受到何謂其他食家評價所講"態度有問題"，排o左半粒鐘，埋到去叫餸，其實我反應都唔慢，o個位高瘦男人已經串串貢講o野，我已經唔想理佢，點知佢一輪咀講o野(即係有佢講無人講o個種)，真係好煩我只係想買碗麵o者!我講o左句"好煩，o拿o拿聲啦"，o個刻佢個口好似開o左摩打咁係咁反擊"煩咩o者!係你食之嘛，又唔係我，我又唔趕時間，係你....下刪一推無謂對白"，心諗費事同佢講，點知無啦啦隔離有個客叫佢送粒魚蛋，佢講完一輪o野之後，同我講"o拿，橫掂送開我送"粒"比你，仲唔多謝我，多謝人先得o架".....o個刻其實我好想爆粗，我買碗麵又要比你煩又要比你串，仲要比錢，掉轉頭你自己無啦啦比粒魚蛋我仲要我講多謝，條友係咪傻乜o左，我真係好克制，o個刻起我同自己講自己就算係元朗人，呢間o野幾歷史悠久，有幾好味都唔會再o黎食，老實講其實佢好味主要係D嘢落勁多味精，因食完會好口喝，但都真係唔差，不過仲之一句"貼錢買難受"嘅唔好攪我，食完都真係想嘔返出o黎!想去食嘅各位，幫襯無比人串係好彩，比人串係正常，人家唔憂無生意做，真係吹佢唔漲!…Read More

行開o個頭見新開加上門面幾乾淨入去試下，估唔到幾好味!起碼好味過B仔同滿記之後都再幫襯過幾次，佢o既西米紅豆冰、花鵰雞翼尖、心太軟(呢款要等較耐)都係不錯選擇，但焦糖焗蛋白我覺得一般!…Read More

朋友Book 7pm，我同另一位朋友已經叫準時到，諗住等埋朋友先落order，點知個老闆娘問我o地朋友到未?因為9pm要交枱，驚我o地d食物出唔到，我忍唔住講句"離9pm仲有2粒鐘，咁都趕唔切?"，個老闆娘話因為出餸比較慢，咁我o地咪望下個餐牌先，點知隔o左都唔知有無10mis，佢又再催問我d朋友o黎未?我再答佢一次o黎緊，佢好爆咁答我"我知，你3個字前都係咁講"，我同我個fd真係比佢攪到有d燥，不過都知佢係想做多轉生意o者!咪由佢囉!我o地就點o左一樣先，d朋友差唔多到哂我o地先再落order，到大概8pm，有個fd想order魚，點知個侍應話"因為廚房而家好忙，所以整唔切條魚，叫我o地轉叫另一款菜.....，我朋友都忍唔住問"有咩可以落?"，我覺得你又想做生意，但又要連交枱叫食物都要限時，呢間餐廳食物係不錯，但點好食都好，咁o既服務真係講乜都無用，如果有興趣食o既朋友，我見議平日可能好點，因為我有2個fd之前都食過呢間，覺得服務ok，但唔知係咪當日太多人所以咁差!…Read More