terry0312's Profile

清炒雜菜，呢個清炒什菜炒得幾香口，同埋好惹味。芫茜魚頭豆腐湯，呢個湯裏面有條魚，咁條魚會包埋個魚頭，個魚頭同埋個魚身都有好多魚肉，啲魚肉都煮得幾滑，另外啲湯係煮到奶白色㗎，成個湯都充滿魚嘅香味。個湯會有埋啲豆腐喺裏面。另外，啲芫茜都唔少㗎鍾意食芫茜嘅朋友，呢個湯啱曬。鄉下嫩雞煨麵，呢個麵都幾大碗㗎，足夠兩個人食，碗麵嘅湯底整得唔錯，鹹鹹香香幾好食。呢間餐廳嗰啲位置坐得幾舒服，大部分都係卡位，兩個人都可以坐一張四人嘅卡位。…Read More

牛四寶麵，呢碗牛四寶麵最好食就係牛丸呀，牛丸裏面係有肉汁嘅，而且咬落去粒肉丸係彈牙㗎，牛丸係呢度嘅必食推介，牛丸裏面啲肉汁好有牛嘅香味呀。湯底係用咗牛腩汁呀，呢碗麵嘅口感呢都唔錯㗎呢碗係貴妃雞卷豬骨湯麵呢間餐廳係新裝修嘅，啲枱枱櫈櫈都比較乾淨嘅，呢間餐廳會播一啲歌，呢啲歌係流行音樂嚟嘅，都幾啱聽㗎，入到去都幾輕鬆個餐會包埋一杯嘢飲，咁我叫咗一杯鴛鴦，都沖得唔錯嘅，咖啡味都幾香濃。間餐廳用手機apps落單呀，方便快捷…Read More

脆脆鳳尾蝦多士, 呢碟蝦多士係即叫即刻炸出嚟㗎, 所以上到抬熱辣辣好脆口, 另外有啲沙律醬畀我哋, 沙律醬可以令到蝦多士更加好味呀清湯牛魔王河粉, 呢碗河粉有牛丸, 牛腩, 肥牛同埋蘿蔔, 湯底用咗清湯嘅湯底, 三款牛嘅份量都幾多嘅臘腸雞煲仔飯, 呢個煲仔飯都係即叫即刻煮出嚟嘅, 上到枱都係熱辣辣紅豆沙豆腐花, 啲紅豆好大粒, 咬落去係起沙, 紅豆質素係唔錯嘅, 呢碗紅豆沙豆腐花有熱, 有凍食, 任你選擇, 價錢都算抵食, 14蚊一碗…Read More

香煎紐西蘭羊架配蟹肉米飯餅配薄荷乳酪醬羊架有三件，羊架煎得好香口，而且肉質好淋身，證明呢個羊架食材係比較新鮮。凍綠茶配忌廉呢杯嘢飲綠茶嘅香味好香㗎，而且因為上面有好多忌廉喺度，所以飲落去會更加幼滑，而且會有奶香。法式焦糖卡士達梳乎厘班戟，呢個班戟咬落去好鬆軟呀，而且班戟有一定嘅厚度呀，所以咬落去會好有口感，醬汁方便用咗焦糖醬，甜甜地幾好食。餐廳嘅環境用咗好多乾花嚟做裝飾呀，見到有好多女仔專登來呢度食飯，打卡，影相。…Read More

胡椒滑雞米線，米線嘅湯底有胡椒味同酸菜味，由於湯底夠濃，個湯底同埋啲米粉一齊食會好好味，另外廚師放左好多芫茜，個湯底會有芫茜嘅香味。呢碗米線除咗有雞之外，亦都有好多配菜，配菜方面會有支竹，酸菜，黃芽白等等。粟米雜果沙律，食完碗米線之後，食呢個沙律清清地好健康呀，沙律裏面會有什果，粟米，蘋果番茄同埋有啲綠色嘅蔬菜，沙律醬份量足夠。華田脆脆呢間餐廳用咗懷舊嘅特色裝修風格，入到去會見到好多香港舊式嘅招牌，喺度食飯會別有一番風味。…Read More

沙爹牛肉米粉，呢個餐沙爹牛肉份量係比一般餐廳多，而且沙嗲牛肉有好多沙爹醬喺上面，所以啲沙爹牛肉係有好濃嘅沙嗲味。呢個餐會包埋兩隻煎蛋，一塊牛油多士，同埋一塊火腿。另外會包埋杯凍檸茶嘅。如果想食得健康啲，可以加十蚊有一碟蠔油西生菜。呢個豉油皇雞髀，雞髀嗰個份量係好大隻㗎，而且佢醃咗好耐，所以裏面啲雞肉豉油味都好足夠。呢間餐廳用咗懷舊嘅香港做裝修風格，所以入到去你會見到一啲懷舊嘅物品。餐廳位置，如果喺朗豪坊行過嚟大約一分鐘左右就可以到，都幾方便。…Read More

呢間餐廳嘅環境比較寬敞，枱同枱之間有一段嘅距離，所以坐喺度食飯會覺得好舒服。另外佢個樓底比較高，空間感好足夠。水泥嘅地板，再加上木系嘅枱同埋櫈，呢間餐廳係裝修上面落咗好多功夫呀。呢間餐廳好適合坐喺度食下飯，慢慢傾下計。餐廳嘅位置都好方便，喺朗豪坊行過嚟大約一分鐘左右就到。咖啡味提拉米蘇，最面嗰層係咖啡粉，然後係牛奶嘅cream，跟住最底嗰層有咖啡味嘅蛋糕，呢個提拉米蘇有三層嘅口感，味道配搭得唔錯呀。…Read More

牛三寶雲吞米線, 呢碗米線牛三寶裏面有牛腩, 牛筋, 同埋牛肚, 牛肚煮得好入味同埋夠淋身, 由於可以双拼, 双拼我就叫咗雲吞, 餛飩啲蝦肉同埋豬肉都係新鮮嘅, 咬落去幾爽口, 湯底方面由於牛腩汁師父落得比較多, 所以你每食一啖米線都有牛嘅香味魚皮餃魚蛋米線, 呢碗米線就清清地, 啲魚蛋師傅整到有少少彈牙, 湯底方面幾清甜, 同埋有少少鱼香味芥蘭配牛腩汁呢隻豆漿豆味係幾香濃, 同埋呢隻豆漿有個好處, 就係佢一支一支裝嘅, 你飲唔曬可以拎走慢慢飲…Read More

呢度啲嘢食上菜速度都幾快, 全部點心都係即叫即蒸, 大約等十分鐘左右啲點心就會陸陸續續上到枱呢度啲蝦餃同燒賣可以兩粒, 兩粒咁叫, 可以食多啲款式蝦餃裏面啲肉同埋啲蝦都幾飽滿, 絕對冇偷工減料糯米包唔係度度酒樓都有㗎, 呢個懷舊小食吾錯, 裏面啲糯米飯煙煙靭靭, 又夠飽肚楊枝甘露糕, 適合啲飲完茶食完點心, 想食下啲甜品嘅朋友, 一碟有三嚿, 份量都唔少, 足夠2个人一齊食呢間餐廳冇加一, 而且茶錢係4元一位, 所以價錢會比一般嘅酒樓平啲…Read More

西關瀨粉, 呢碗濑粉有冬菇, 有蔥同埋有啲菜譜, 湯底係比較濃沃, 濑粉同埋個湯底一齊食, 唔錯㗎呢個紅豆沙裏面嗰啲紅豆係起沙嘅, 甜度係適中, 用玻璃樽裝著, 方便飲用, 唔使用匙羹都可以豆漿, 用咗微甜配方, 適合一啲唔係咁鍾意太甜嘅朋友黑松露雞蛋, 呢個雞蛋用咗日本蛋, 落咗好多黑松露落去,所以黑松露味好出呀, 鍾意食黑松露嘅朋友啱曬煎蘿蔔糕, 蘿蔔糕會有六件, 每一件都會煎到燶燶哋, 所以會比較香口呢間餐廳每一樣食物都會用一個紙盒裝住, 比較衛生…Read More

今日放咗工之後去咗龍城冰室食午餐, 見到有個午餐c餐係茄汁鴛鴦扒意粉, 扒方面有兩塊, 一塊係豬扒, 另外一塊係雞扒, 兩塊扒都係煮得夠淋身, 比較易入口配菜方便會有紅蘿蔔同埋翠玉瓜, 茄汁方面係足夠嘅, 另外會有啲蕃茄, 啲意粉同埋兩塊扒嘅份量都唔小, 呢個餐夠飽呀呢個餐會包埋一個中式湯或者西式湯嘢飲方面都會包埋一杯熱檸茶餐廳裝修咗冇幾耐, 我見到有啲綠色嘅植物做擺設, 同埋餐廳環境都幾新淨呀, 餐廳嘅卡位都吾少, 我今日有卡位坐, 坐得比較舒服呀…Read More

燒豬頸肉配青木瓜沙律, 豬頸肉係薄切, 每一塊都會有瘦嘅肉同埋肥嘅肉, 咬落去比較易入口, 大約有十五塊另外佢會包咗個泰式沙律同埋會包咗啲青瓜同埋生菜鮮椰子沙冰呢杯沙冰都有幾香椰子味, 沙冰嗰個比例唔會好多, 所以唔會好凍, 比較易入口呀, 可以當係一個飲品, 亦都可以當係一個甜品, 甜甜地又飲到椰子嘅香味蟹肉炒飯, 呢個炒飯有蟹肉同埋有魚子呀餐廳嘅環境由於佢喺海港城嘅商場裏面, 所以係走一啲比較高檔少少嘅路線, 餐廳嗰啲燈係暗暗哋嘅, 比較有情調少少…Read More

呢間餐廳嘅位置就係喺兆萬商場對面。由於餐廳位於樓上舖，所以啲枱唔會太迫夾，我哋兩個人可以坐張四人枱。鹽燒三文魚頭，呢個三文魚頭分開咗兩嚿，下面嗰嚿都真係幾多肉，上面嗰嚿就係三文魚頭來的，燒得都幾香口。價錢58元。香草雞中翼，呢個雞中翼有三隻，雞翼上面會有啲香草粉，所以會有香草味。價錢28元。北海道芝士蛋糕，呢個芝士蛋糕雖然細細件，但係有好香濃嘅芝士味，呢個係必食推介。價錢28元。豚肉湯手打烏冬，78元。…Read More

今日去到大埔食泰國菜芝士焗肉醬意粉, 呢個意粉係即叫即刻焗出嚟, 等大約十五分鐘到就會有得食, 呢個意粉的芝士同埋蕃茄醬好足夠, 由於係焗出嚟所以比較香口和美味價錢係54元招牌燒豚肉飯, 呢個豚肉係燒出嚟, 豚肉上面有啲燒汁甜甜地, 豚肉燒得幾香口, 另外會包個冬陰功湯辣辣地的, 另外包咗少少沙律同埋一件細細哋嘅朱古力蛋糕, 泰式奶茶跟餐加10元就可以有得飲凍咖啡跟餐加5蚊就可以啦, 凍咖啡幾香濃兩杯野飲嘅份量都算係幾大杯…Read More

今次係第二次來呢間餐廳食放題，因為覺得佢價錢又唔算太貴188元，但係食的時間就可以有三個鐘頭，我同我朋友食完之後仲可以慢慢喺度傾下偈，時間係由12點去到3點鐘，星期一至五就188元，如果星期六日嚟就198蚊。呢度食物嘅款式都唔少，有幾樣係必食推介，鹽燒海蝦，刺身，鰻魚等等。甜品方面呢度會有雪糕，雪條，另外有雪糕機，糯米糍等等。座位方便如果三至四個人可以坐卡位。由於呢間餐廳比較大，所以空間感會比較好。出面會有啲熱櫃可以攞啲熱嘢食，同埋有沙律吧可以攞啲沙律食。…Read More