fannyip0211's Profile

見到網上hit咗咁耐，有咩米芝蓮又盛，喺wish list好耐，一直想嚟試。結果係超級無敵失望😖🤯首先講個最最最離譜嘅，就係佢話今日嘅Special，「白酒煮青口」！我自問食過咁多好嘢，呢個白酒青口佢真係整到超級勁求其，普通好似水咁樣嘅白酒汁零裝飾零配菜，然後青口超級細仲有好多未開口，我人生真係未食過超過$200嘅超普通白酒煮青口，真的從來冇諗過青口係咩高級食材。所以我哋都一時疏忽，落單嘅時候冇特別問呢個「special」 白酒青口幾錢。最後埋單竟然呢個普通到不得之了而且我從未食過咁細咁唔靚嘅青口竟然收我哋528！！！ 我真係非常之咁驚訝下巴跌咗落嚟。從未食過甘貴又甘差既青口！另外再試咗兩個手工意粉非常之咁普通，無啦啦攞張牛油紙包住個龍蝦意粉，非常普通，個汁冇啊又好濃嘅蕃茄味或者任何海鮮味，龍蝦亦唔算非常新鮮，又盛惠$300🤬然後仲有另一個黑松露意粉，除咗上面咗啲芝士好漏之外，非常之一文不值。唔知道米芝蓮來之何處。最後亦係之前好期待嘅Tiramisu，我覺得亦都非常普通，冇之前主菜嗰啲咁誇張嘅差，但係整體上都係偏甜，同埋冇咩特別又盛惠一百幾蚊嘅Tiramisu，買單真係成餐飯最驚訝，差唔多$1400兩個人，由頭到尾都趕我哋食、趕我哋點菜，0服務可言，咁嘅服務質素食物質素都要差唔多$700一個人，真係非常恐怖！大家千祈千祈唔好跟風黎，你會非常之咁失望！…Read More

成日路過打算試下個pancake 豬柳蛋，入到等冇人等位，叫左個pancake 包一杯咖啡。俾完錢3分鐘包就上，明顯pancake 煎定好多塊唔新鮮。之後影左幾張相，等左十分鐘，咖啡仲未到。好似個老闆娘掛住整飲品送俾自己朋友飲，非常待慢客人。我行左出去追，然後職員都好唔想理我。我都好無奈，大佬你上左個包十幾分鐘仲唔整杯coffee黎，我係咪乾口咬個包呢？ 個包凍哂都唔黎咖啡，原因係入左幾個客黎買外賣咖啡，佢地招呼左外賣客先，外賣客一分鐘就有咖啡，而我個包黎左，追左兩腐先有。職員眼神態度非常不友好，遲左20分鐘，沖哂俾其他人先沖俾我，結果上果時一句唔好意思都冇。其實香港飲食業，服務態度真係好差好唔合理，堂食客係咪唔係你客人？你送俾朋友杯咖啡慢慢拉花就有時間？ 憑咩要浪費我20分鐘等你1分鐘可以整好既咖啡？而我係早過果幾個外賣客落order!!! 😑😡😡Blacklist 呢間野，仲一定要話俾人知佢地既待客之道。唔歡迎外來唔係你既朋友來堂食既，就貼大字係門口嗎，等你20分鐘仲要黑我面。大家想試下黑面神超慢咖啡，俾人唔尊重，可以黎體諒下，真係好離譜…Read More

非常求其，以及質素差到離譜的下午茶！平時完全沒有寫食評，特意希望其他人看到這post不要中伏。馬卡龍、可麗露、scone等甜品，這裡的師傅根本完全唔知道所有食物的正確做法，亂整一通！馬卡龍居然是蛋糕質地，可麗露、馬德蓮都是一拎上手變黐手、一咬入口便痴口。差得太誇張原來還想給一些feedback給酒店，但服務差到完全無人問津，吃了沒有三分之一，便叫酒店職員拿走餘下的食物。但沒有人關注過一句，比如食物質素如何。職員收了東西後，也沒有出現過，不要說在不在意食物質素，哪怕連你們客人是否再來也完全不care！其實看到酒店裝修也不錯，有啲無印良品風，硬件其實還可以，但食物質素以及服務都非常不知所謂，請各位絕對不要浪費一毫子在這店身上。如果有任何這店的管理人員看到，很希望能主動聯絡我，吃到難食到10分不能拿到1分完全不合格得非常離譜的甜品，很想與酒店方溝通一下，怎麼可能拿到這樣低劣連街邊店質素都不如的食物serve 客人？真心覺得非常呃錢！如此質素低劣的食物送給我，也不要吃！…Read More

朋友極力推介我去試一哥，因為岩岩新開張，先至仲係咁抵食到咁正既海鮮放題!見天氣仲未熱，拿拿聲去試下。原來私房菜冒意思就係要提前預約~見我地幾多個人黎~就預返個份量當日訂海鮮~目的就係保証新鮮! 而家都好少咁有心機營運既食店上去已經見到好多人，成間野好香，不斷湧黎啲海鮮味 好期待啊一門四個人有間私人房，原來因為呢度前身係雀會，幾個人就自己有間房食飯~正啊 !我地點左中辣，辣辣地愈食愈滋味 由於呢度海鮮任食，本身諗住唔食咁多雞煲，留肚食海鮮回本，點知食食下都食左好多舊雞! 老細一哥話佢同廚師研究左好耐先調較到而家呢個味~所以幾野味~好多客都食到一舊冇淨!好正啊雞煲之後可以打邊爐，仲係成個煲會換左佢先上花甲蟹煲，平時出面食有幾可會甘湯底入面仲要係成隻蟹👍夠曬鮮味，配料有好多 有啲再點要加少少錢，但大部份都係任食。生蠔 鮑魚仔 蜆 蝦 魚等等 全部都一流👏食得出好新鮮。D肉係安格斯靚牛~食得出係靚料老細推介我地試埋生蝦刺身，刺身點既泰式青檸汁係入廚廿幾年既一哥秘製，果然又fresh又正埋單$二百幾一位，但依個價錢食到甘既質素都覺得算好抵，就算好忙服務態度都吾錯，仲問我地夠吾夠飽，仲要送甜品俾我地食~食到捧住個肚走~下次一定再黎食過!…Read More