mahjongbb's Profile

食過咁多間蛇羹，除咗恒生博愛堂，暫時呢間係最好食，不枉我特登搭車過嚟，細蛇羹$48好多蛇肉，加上檸檬草香味更突出，食一碗都飽，秘方浸雞叫咗半隻超嫩滑$75，雞胸位置都吾鞋，加多個雙腸糯米飯，大滿足，地方唔大，座位不多，老闆有禮，街坊小店，價錢抵食，留意番只收現金。…Read More

美麗小廚，灣仔人氣新店，鋒膳/發達叉燒班底，六位以上才接受訂位，兩位Walk in等了20分鐘可以接受，裝修有點懷舊風，似乾淨企理既大排檔，點了四個餸全部都好味，臭豆腐夠臭👍辣酒煮花螺有點川式，夠辣夠惹味👍陳皮欖角田雞煲仔飯，勁大隻田雞髀，好足料👍三葱爆羊小切，香口嫩滑吾騷👍青檸粉紅石榴沙冰好解膩，中和以上菜式。整體來說，Menu好多菜式選擇，煲仔飯都好多款，菜式份量夠大碟，食得出用靚料，人手算充足服務都Ok，上菜速度算快，150分鐘用餐時間，唔會令客人太趕，值得讚，好過好多限時90分鐘，根本唔夠時間坐低同朋友傾吓偈聚吓，呢度仲要吾收加一，酒水價錢都好合理。…Read More

偶然路過點了豆腐花和芝麻雪糕，豆腐花好夠熱，好香豆味，超滑，可以揀薑汁，好食過好多地方，$10超值，芝麻雪糕普普通通，店員服務態度好好，地方細細位置有限可以買外賣，支持小店。…Read More

本身係華南忠粉多年，定時都一定要嚟食下，鍾意食魚蛋粉嘅我認為佢係頭幾位好味，好可惜今時今日嘅服務態度真係食到一肚氣，坐低叫咗碗魚蛋河已經索到冇乜湯，食左一陣已經冇曬湯，好客氣叫老闆娘可唔可以加一殼湯俾我，殊不知老闆娘好不屑話加湯要俾錢㗎喎！咁我咪話唔加，然後佢繼而同廚師大大聲話：自己食晒啲湯先話加湯，同廚師你一言我一語比說話我聽，請問一殼湯值幾錢？今時今日咁嘅服務態度真係黐線，冇生意真係唔好怨天尤人。…Read More

本人幫襯這間小店兩次，兩次都買外賣，第一次正常，無服務態度絕對明白，因為午餐繁忙時間；第二次先生去買外賣，先生口多多俾錢嘅時候對住老闆娘話吾該靚女，好明顯係講笑，點知阿老闆大發雷霆話以後唔做我哋生意。大家有去過都知老闆娘咩樣，唔通真係調戲佢咩？今日我又經過呢間小店，見到佢門口有啲幾得意嘅poster，就企咗響度打卡影幾幅相，點知老闆見我唔係幫襯即刻落閘，真心覺得呢間舖頭趕客，唔俾人影就唔好貼出嚟，坦白講睇吓幾時執笠，嘢食亦唔見得特別好食。…Read More