Fionalamcod's Profile

平時都冇食開齋，今日難得入元朗約左個食素嘅舊同事，就跟佢來食啦。點左個二人餐，有湯，兩個餸，同埋糖水。兩個餸都好好食! 賣相都好靚! 比想像中有驚喜我地兩個女仔都食唔哂，好滿足…Read More

朋友在ig book jor 星期五枱，到我地攞枱嘅時候話冇我地record，又話已經滿坐。到我地show埋個booking conversation比佢之後，佢話係"marketing"冇通知佢，話會罵嗰啲同事，我地o哂咀，然後就加多張枱比我地。。。本來以為終於有飯食，點知落左單之後，等左成半個鐘先送到野飲，但我地明明叫左兩樽佢就出左四杯。。。。之後再等左十世先有野食，嗰兩樽野飲都未到，anyways肚餓，開始燒野先，我地見冇乜時間，其他枱有幾個鉗但我地得一個，咪問佢拎多個囉，然後又係得個等字，之後問佢經理攞，佢竟然話燒野食緊係用叉，叫我地攞燒烤叉燒，成場完全冇人用叉，泥得呢間緊係grilling 啦，真係火都泥，最後佢話枱枱都用鉗邊到比你地，好心佢，唔夠人手唔夠架餐就早啲出聲，我地最多去第二到架姐，食左成晚氣。就算地點好，服務禁差，都唔會介紹人去。…Read More

星期五啦終於，幾年冇食生蠔，見到呢間啲蠔做緊promotion $10一隻，就book位泥試下啦。首先叫左一打，入面有兩款蠔，有黑裙邊嗰種甜口，冇黑裙邊嗰種咸啲，兩種都好好食。加上太耐冇食，真係啖啖都係享受😍😍😍跟住叫左兩個mains:呢個豬扒煎得好香，但重點係啲配菜超好食!!龍蝦意粉就爭啲，同埋得幾粒好硬ge肉only, 個頭係純裝飾。食食下聽到隔離枱介紹緊生蠔，原來仲有好多non-10蚊品種，下次泥要試下其他蠔先得。…Read More

7月14大家都知咩事啦，anyways 同舊同事食yearly dinner, 揀左呢間僻靜啲socially distanced. 叫左個4人餐，我地兩男兩女食岩岩好。成set有沙津、雞翼、餐湯、一個飯、一個粉、兩個main, 跟20蚊內餐飲，同成餐個亮點，是日甜品，黃梅芝士蛋糕:真係好好味!!!main 我地叫左三成熟肉眼扒同七成熟羊架，塊扒認真麻麻，牛味冇乜，又難咬，返而個羊架仲入口即融又有羊味!! 成個場唔知係咪限聚令就開始所以都冇乜booking, 冇限時我地傾到十點幾見佢地想收舖先走。都算好坐。…Read More

呢晚同舊同學泥食飯，隔左疫情大半年先見，揀左我最中意嘅海膽丼泥開心下:一泥到見到有兩款海膽，下面嗰款原來唔係海膽丼都有，但上面嗰個香啲，下面嗰個食落去大大啖就開心啲，其他配料都好好味 有吞拿魚蓉，三文魚子，蝦，三文魚同油甘魚。最緊要係個飯量唔太多，岩岩好食哂就飽，唔會浪費。我個fd就揀左後面嗰個雜錦蟹丼。兩個丼個價錢一樣。佢都會好味ps: 我地兩個禁岩早放，起openrice book jor 6pm, 但6點泥到嗰陣，佢地仲係開緊舖，喺門口等左十分鐘先入得。…Read More

朋友生日，約左呢個星期五泥食飯。成個menu都好吸引，就算我地兩個爆哂瘡都叫左碟炸蝦炸雞，但原來搭左幾舊炸洋蒽。蝦有爽有唔爽，算係新鮮，雞就overcooked左少少變硬難咬，洋蔥就個粉太厚有啲油。跟住叫左個芝士蟹子玉子岩岩到熱嗰陣最正！凍左點醬食都okay!仲有叫左個海鮮煎餅，海鮮極少，淨係食到幾粒章魚/八爪魚？？呢個唔抵食。野飲就都係青葡萄啤酒，除左見到一粒青提，只係一杯普通啤酒lol最後補充少少，因為三碟野差唔多同時間出，凍得太快會冇禁好食，建議分開落單lolbtw佢有播生日歌服務，成日聽左四次囉lol…Read More

尋日約左舊生食飯，見Woody有live band個menu多款所以泥試下。睇食評個個都讚燒春雞，就叫左隻，叫之前擔心我地三個女仔會食唔哂，點知。。。隻雞得隻手掌禁大，食落去同超巿買個啲差唔多，兩個醬又冇咩特別，又唔係平，唔明點解禁多人推薦。另外，我地本來想食青口，六點半，都話冇哂lol 成個menu有四樣都係青口，但冇無供應。。。anyways 好辛苦先揀到個蝦蘆意粉同鰻魚石頭鍋飯，個樣唔靚冇影相。整體泥講食物偏淡性價比低。現場live band短，我地未食完就完左啦。…Read More

FB某小編講到三十蚊食船面好抵，前排我就同一個同事過去食lunch, 明顯兩回事🙄三十蚊個啲，得一碗好似大杯面size的紙碗面同四粒勁細的丸，都唔知有咩人夠食。我加多一樣餸（兩粒丸 ) 再叫左個加錢料，已經五十幾蚊，都係得魚片頭，丸，同丸。。。好明顯仲係唔夠食：我食過禁多車仔面，都應該好過呢碗野😐連我個細食同事都要食四十幾蚊。。。佢話好食囉，但我心諗同杯面加丸有咩分別。。。總括：勁唔抵食，可一不可再。…Read More

細妹見到匯豐做緊優惠，所以book 左枱，叫左個四人餐食，我地六個人，以防萬一，我食左個tea先泥。個餐包左一碟醉雞、一碟雲耳、一碟青瓜、一碟蝦球、一隻片皮鴨、六碗湯、四隻小籠包、六條菜芯、兩個冰皮月餅。雖然係四人餐，佢見我地六個人都比左六碗湯同六條菜我地真係唔話得。整體泥講，同其他中菜差唔多，但片皮鴨就的確好食，皮脆肉香又唔肥，走個陣仲可以拎埋片剩的番屋企，全家都食得飽，環境亦企理，最緊要係嘈得唔洗顧儀態，抵哂！最後埋單仲有三百蚊coupon比你，咪話唔正。…Read More

朋友約派手信，搞左成個月終於揀左呢到。未入門口個刻心諗: 哇，乜禁靚ge? 平時我一定唔敢入。我地五個女仔，叫左四樣野，冇諗過佢個portion 係正常size (以為西餐都係碟大料少的朋友lol), 我地都食到飽哂～ 利申：呢個女子團食量唔細的。Starter: 蟹肉 （清清地幾好）Main: 白酒青口 (1kg, 肉質鮮嫩，冇平時食開禁大粒，但粒粒都好creamy)海鮮扁面 (少少spicy, 平時唔食得🌶的我都入到口。呢碟都有青口，另一個煮法都係禁好食，口感再實在啲）豬手（個size好似平時吉之島賣個隻差唔多，入味，唔肥，但啲皮燒到太乾咬唔開lol)由於本女團太肚餓，加上燈光比較浪漫，影左一張相就冇影啦，所以呢個post冇相lol 但整體值得再試。…Read More

今日番半日，約埋fd食飯，佢揀左呢間好似就腳啲就泥啦。由地鐵站行過泥，行到過左龍都唔見，原來佢門口係冇招牌乜都冇lol 唔係openrice定應該都好難見到佢。舖頭細細，餐牌得四樣：梅、竹、x、x (最後兩個唔記得lol)Anyways我地都叫左梅：仲有兩片魚生，同最後會加湯比你當茶漬飯。餐牌建議留一塊魚生茶漬，但我覺魚生新鮮的話，生食好食啲，同埋佢有個麻醬跟，熟左硬係差啲。呢個丼的份量比女仔食岩岩好，但減緊肥的友人就略嫌飯多左少少，男仔食我覺得唔夠。…Read More

難得有fd轉新工有假，見到呢到promo tea set, 就book 位泥試。我地叫左個二人set, 揀左三文魚意粉，黑松露薯條，炸雞，黑松露南瓜，泡芙同一杯焦糖香蕉溫呢拿巴菲。另外包左每人一杯菠蘿疏打。三文魚意粉一個人食都略少，但之前Openrice人地啲comment話多，有啲失望。個三樣小食拎泥已經唔熱，味道極淡，黑松露唔講以為係燶左，第一次食禁「清淡」的炸物。巴菲最好食，甜度口感岩岩好perfect, 但唔明點解係成個tea set第一樣到的野食，令後面的炸物反差再大左。最後呢個泡芙都算好，又係個雪糕拉分。跟餐的菠蘿特飲又係好淡。比錢個陣先到有vip membership, 無聊問左要一餐食滿五百先入到。嗯。用餐時間九十分鐘，我遲左三十分鐘到先order, 出餐又慢，以為食唔切，但機於份量極小，唔急都食得切，我地個肚好似冇食過野咁。建議大家要食左lunch先好食呢個set。…Read More

尋日去大館，順道起附近食個lunch，見openrice食評唔差就泥左呢到。嗰個時段冇人，我地包哂場，雖然佢個場都幾細下，全部高凳位。我地叫左個炸魷魚圈同炸魚薯條，每樣一個汁，我地揀左泰式酸辣汁同芥末汁。薯條即炸，幾好食，但兩個汁都唔係好夠味，連我唔食得辣都覺得爭啲，炸魷魚還可以，但個粉離肉，份量都略為少左啲，炸魚就認真麻麻，一篤就散哂，又冇魚味，應該係雪左勁耐。整體泥講，唔係泥飲野個性價比較低。…Read More

今日難得有假，睇fb知呢到做半價，就約左個舊同事一齊食。起openrice book jor枱唔洗等即入。我地兩個都係叫左個角切魚生鮑魚丼：張相冇filter就係呢個色，睇得出啲魚生夠大粒新鮮，個飯都夠軟身好味。隻鮑魚就醃過咁，冇乜特別。順帶一提，個跟餐面史湯有菇有白蘿蔔有蜆，都足料，個味就冇平時個啲禁咸，重口味的人可能會覺淡。下次如果有機會可能會試下個海膽丼，不過聽到隔離枱叫都話冇哂，要試可能要早少少泥。…Read More

BOOK左枱放工約埋FD一人一個鍋朋友食臭臭鍋, 我就叫左個沙嗲鍋可以揀BB SPICY味道清唔多油, 食物唔差佢啲野飲都係十幾廿蚊左右, 我地一人叫左一杯$18香芋珍珠奶茶, 正~!…Read More