Mioooooo's Profile

其實今次已經係我第二次食呢間餐廳😆Post holiday mood想食餐好於是就book咗lunch佢有bar table同普通枱如果想enjoy omakase感覺記得訂枱時講清楚😉Menu選擇唔算多我就揀咗鮨$398有12貫壽司🍣喺銅鑼灣來講價錢算OK首先上咗沙律同茶碗蒸茶碗蒸有香濃嘅黑松露香味喚醒舌頭上嘅味蕾😋之後就開始上壽司啦次序由左上到右上跟住左中、右中、左下到右下今日掛住同朋友傾偈唔係好記得每款魚嘅名🤦🏻‍♀️第一款以蔥配魚作為第一道非常清新🔸第二款墨魚可以睇到師傅刀工同用心令到墨魚唔難咬之餘保留口感🔸第三款帆立貝簡單已竹炭鹽調味🔸第四款掛住傾偈唔記得咗🔸第五款用青檸汁調味再輕輕火炙帶出魚油🔸第六款係牡丹蝦配燒過嘅蝦膏入口非常濃烈蝦味無蝦不歡嘅我對呢味印象深刻之後都開始越嚟越濃味少許薑蔥配上池魚🔸第八款拖羅蓉加D芝麻係面OK🔸第九款岩鹽牙帶魚表面燒到香脆入口🔸第十款拖羅正正常常無咩特別🔸第十一款三文魚子配上柚子皮個人覺得調味稍為咸咗啲不過喜歡配上柚子皮嘅配搭🔸第十二款係海膽鮮味唔重苦味唔錯跟住上埋個熱烏冬仲有甜品(唔記得咗影相😅)美中不足係待應服務有改善空間例如上烏冬前會將枱面垃圾(例如用完濕紙巾)放上客人面前餐碟上再一次過收收拾枱面時唔似平時日本餐廳嘅質素不過都係小瑕疵對食物質素同師傅手勢非常滿足👍🏻…Read More

周末遊走西營盤🌞見到成條街都係食肆見到有間台式小店於是就入咗去試下🧐餐廳走簡潔路線位置唔算好多而且枱與枱之間都相隔一定空間坐得都幾舒服本身以為係台式餐廳但係Lunch竟然有all day breakfast揀我揀咗台式肉操新竹米粉湯朋友揀咗台式肉乾拌新竹米粉拼鹽酥雞扒同豬扒share飲品幾特別原來餐廳其中一個位係做賞茶唔知係咪同一個老闆開嘅呢加$15可以轉其他嘢飲無論本身咩價錢都係一律加$15朋友嗌咗黑糖奶蓋波霸奶茶首先講吓湯米粉同乾拌米粉嘅分別就係湯米粉少好多肉燥簡直係得1/4就算因為乾拌關係冇湯汁都唔應該差咁遠呀😅而鹽酥雞扒同豬扒雖然外皮係香脆表面好似好多椒鹽而且份量足夠但係肉係冇咩味非常淡🙁個飲品就唔錯👌🏻👌🏻係好飲嘅台式飲品專門店質素非常飽肚就算堂食都係用外賣杯上飲唔晒可以拎走個set$72+$15=$87其實有D貴不果如果扣番個波霸奶茶$36$51其實都可以接受👌🏻希望個鹽酥肉扒調味可以改善下我見OpenRice其他人都係試同讚蛋餅或者佢其他菜式會好啲…Read More

餐廳唔屬於銅鑼灣中心地帶附近亦唔多餐廳所以去親嘅人都係專成過去之前經過都見到好多人排隊🚶🏻🚶🏻🚶🏻今日得閒一於過去睇吓有冇位Lunch用餐時間75分鐘⏱12點去到餐廳入座率大概一成12:30到full house門口開始排隊Lunch無特別menu都係單點我地兩個女仔諗住嗌一個pizza加意大利粉share(點知最後飽到要拎走半個pizza😂)今日本身推介可以一半一半味道選擇不過因為佢好多款都係美式肉腸我麻麻地所以美式肉腸所以淨係揀左我的帕爾馬$248🍕另外揀咗香菌派對意粉$158🍝意粉同朋友分咗一半先記得影相本身份量都幾多而且好Creamy如果唔係share其實都幾”漏”不過淨係講味道係ok嘅🆗Pizza上菜時比我想像中大而且好貼心有個好多細窿嘅鐵盤係底用嚟透氣等啲餅底唔會好淋Pizza分左6塊配料好多好滋味😋而且餅底煙韌有口感推介大家都嗌(不過太多我地食淨兩塊拎走)如果兩個女仔建議唔洗叫多個意粉唔想齋食pizza咁寡可以考慮加個沙律🥗…Read More

呢間餐廳喺北角好出名Walk in基本上都唔會有位今日約咗朋友平日食晏早兩日已經打電話book定☎️ Lunch限時60分鐘今日第一次去位置有啲難搵係一條內巷裏面門口見到一堆人喺度等位侍應安排咗一間細房比我地不過人手好似唔係好充足經常冇人得閑落單Set lunch由$60-140不等有意粉,pizza,risotto, salad,burger揀包餐包及餐湯🥣同餐飲🥤餐湯係蘑菇湯🍄 餐包係竹炭麵包麵包唔錯有鬆軟口感🍞而且上菜嘅時候個包仲係暖嘅餐飲我嗌左夏日特飲巨峰提子梳打正正常常冇咩特別Main course 咗個明太子鮮蝦扁意粉🦐隻蝦幾大隻肉質都OK醬汁都調味都幾好醬汁份量都啱啱好👍🏻唔會食到好重負擔感覺不過上菜速度真係好慢🙈我哋隔離枱都催左好多次我哋其中一個人嘅主菜都遲咗好多先到而且本身嗌咗個黃金炸薯條食完主菜都未到同侍應反映左一次10分鐘後再催佢先話原來冇落單感覺佢哋無論樓面定廚房都唔夠人手而且頗多甩漏限時60分鐘但係上主菜已經係40分鐘後而且加埋漏單情況成餐飯就係不斷等🕣🕣🕣你想限時做多一輪明白嘅但都要廚房配合得到先得😞雖然味道唔錯而且係良心小店但未必會考慮晏晝嚟食可能下次夜晚得閑啲先會再試難得佢食物唔錯希望佢可以改善下服務質素因為見到隔離枱食完都因為好趕返工唔係好滿意😞😞😞…Read More

今日去開中環PMQ經過見到有間餐廳大排長龍🚶🏻🚶🏻🚶🏻原來又係一間過江龍拉麵店🇯🇵上網發現原來開業未夠一年而且係大阪極具人氣所以雖然見到條人龍都諗住一試究竟🤔我地大概夜晚7.30開始排🕣前面10個人到要排到入後巷最後排左45分鐘門口有部點餐機不過排到差不多職員先會幫你用機點比完錢先入座本身見個限定鯛沾麵好似幾吸引🤭不過今晚差不多8點就賣曬而另外兩款$138價錢相比其他日本拉麵都貴1-2成我就試左鯛白湯另外見佢嘅炸雞話係得到日本唐揚協會認可就叫左份睇下幾特別🤔而鯛魚薑飯因為其他拉麵店都無所以都叫左一份個麵唔似某D店可以揀麵質同配料全部已經定好麵條彈牙配料碎上魚肉同洋蔥粒同一塊叉燒魚湯的而且確好濃郁🐟🐟🐟但係因為餐廳好凍食咗幾分鐘拉麵開始凍魚湯凍左開始有啲腥而且越飲越有中式湯感覺個人覺得可以但無嘩嘅感覺炸雞有D失望😞份量雖然足夠太大舊而且個粉完全冇唐揚雞感覺可以點嘅咖喱粉都冇加分反而鯛魚薑飯有驚喜👏🏻飯粒粒粒都吸收曬調味薑味亦唔會太搶不過食完拉麵都好飽雖然同人share碗飯都係食唔晒身為飯桶非常啱我🤣推介大胃人士(笑)都試下…Read More

聽講間餐廳開業好多年之前曾經結業最近開返冇耐🔛就咁聽餐廳個名已經好特別於是提早一個禮拜預訂(據聞未搬之前係冇可能walk-in)去到首先門面同裝修係傳統潮州打冷店因為有兩層位置都幾多我諗都有20張2-4人枱牆壁貼滿晒招牌菜我哋大部份都係跟住牆壁招牌菜為主首先叫咗個墨魚片墨魚片底有啲類似酸菜墊底正正常常無咩特別🆗本身因為唔想食骨嗌鵝片點知落咗單侍應話賣晒🥲咁就轉左變滷水鵝但係過咗半個鐘後我見到啱啱黎個枱有得嗌😢😢😢鵝肉唔錯不過豆腐點左汁都無咩味本土風味梗係要嗌D有鑊氣嘅嘢啦蝦球大隻肉質爽脆瞓分量十足送飯一流另外都嗌左個男人的浪漫不過豆腐真係好容易出事Ummmm有得揀下次會試其他餸清清地嗌左個娃娃菜正常唔會有咩驚喜蠔仔粥唔錯非常足料Overall係一間唔錯嘅潮州打冷店但係可能搬舖之前好出名今日試又未去到覺得好驚喜值得一提收碟有D慢平均碟餸食完預10-15分鐘先有人收我見人手其實充足成日有侍應行嚟行去都唔會主動收碟而家四人限聚張枱細細其實嗌少少餸已經好易唔夠位最後埋單平均$250一個人大概9點走門口都仲有人等緊枱相信都幾多擁躉…Read More

近年西灣河終於多咗台式飲品店🧋呢間係香港都幾多分店相隔幾個鋪位本身有間老牌台式飲品店但係竟然呢間人流仲多😮Menu雖然都有珍珠奶茶不過都係以水果類型嘅茶為主🍑🥭🍓夏天好多水果都當造所以今日都打算飲水果茶又唔想太單調🆒就嗌左芝芝系列以前最出名芝芝系列嗰間要$40-50呢間竟然只係$30價錢差價都幾多一於嗌個芝芝芒芒試吓🥭本身見個價錢都諗會唔會好稀🤔點知出到嚟勁驚喜🤩標準size都好大杯而且睇張相都見到沙冰一啲都唔稀好實在有時有啲果汁店杯果汁因為溝左太多水放一陣就會見到水同水果分離呢杯放係枱10分鐘都唔會出現呢個情況因為真係幾充料芝士奶蓋質地唔錯👍🏻不過可能因為個沙冰真係太實在芝士同水果要花少少力搞先勻循佢嘅冰唔算打得好碎有好有唔好有口感不過夏天流流越飲越凍嗰日飲到我33度要着返件褸🥶$30性價比真係唔錯不過佢人多嘅時候都要等10至15分鐘可能落完單先入太安樓買其他小食會方便D…Read More

平日比較少食中菜不過今日好想揀餐廳可以送飯就諗起呢間好出名嘅蒸肉餅飯夜晚嘅大坑普遍都較為寧靜反而民聲都幾full house去到要等大概5分鐘先有位店舖環境老實講係做街坊生意得大概4-5張枱比較適合同朋友/屋企人食個Casual飯叫咗兩個餸加兩碗白飯($10碗)佢最出名嘅鹹蛋蒸肉餅外型蒸到好似座山咁🗻今日反而有啲似比薩斜塔🗼豉油係甜豉油送飯一流講返個肉餅真係好多肉我完全低估左佢嘅份量兩個人食個椒鹽豬扒未上我已經飽左肉餅鬆軟唔會好實的的加埋個汁不知不覺我已經食咗大半碗飯椒鹽豬扒又係好好食肉質鬆軟唔硬椒鹽惹味份量真係好多最後食咗兩舊飽得滯要外賣拎走如果唔係大食可能3個人都夠食下次都係唔好眼闊肚窄或者其中一個轉蒸蛋好D題外話老闆收錢好隨心幾個客都收少D齊頭數好有以前細個街坊生意感覺…Read More

終於都book到呢間Walk-in永遠都無位嘅餐廳🤭餐廳主打高級精緻中菜首先講吓環境裝修乾淨優雅為主🆗幾適合較為正式場合例如同工作夥伴或者長輩食飯不過餐廳好多位置都收唔到電話訊號🔉環境唔嘈服務都周到唯一問題係係門口填紙仔無箱收集個人資料問待應話就咁俾佢感覺唔太secure😞Menu有套餐亦有單點今日兩個人食唔知佢套餐份量多唔多所以決定單點我見餐廳接受Times Square coupon我地無coupon不過待應話單點恒生卡有8折首先叫咗個開胃素菜有淮山青瓜雲耳車厘茄配上黑醋汁同蒜蓉味道清新淮山好爽脆$98黎講份量真係好少豬仔腳鹵得好入味肉質好嫩滑值得推介$44 2隻小籠包真係好普通完全冇特別雖然味道可以但係唔會建議大家嗌反而花膠蟹肉蛋白有驚喜😳花膠份量終於對得住個價錢燉嘅蛋白都好還有亦都食到一絲絲蟹肉佢嗰碟好淺唔太多蛋白不過性價比都比其他菜好之後仲有嗌D點心包括黑蒜排骨蒸柚皮鮑汁鳳爪仲有幾味食完已經無左印象😂不過都冇影相柚皮因為墊係底吸晒油麻麻地而鮑汁鳳爪感覺炆得唔夠耐最後甜品本來想嗌佢嘅signature麒麟菓花膠凍點知待應話前一晚賣晒所以今日未整好有D失望Overall黎講味道中上(有7分)但以份量黎講對唔住個價錢份量未免太太太精緻🤏如果你話係用coupon黎食等於半價我覺得抵食但係如果正價食我覺得有更好選擇🤫埋單同係五星酒店飲茶差不多…Read More

落雨諗住買番去食個快餐就揀左kfc呢間開係地鐵站出口對面好方便不過要行一層樓梯上到去有幾部自助購買機同一條人手落單嘅counter落order個層有4個單人座位見佢有指示上一層有更多座位見佢Menu近排出咗個可可球美祿鬆餅$12(如果叫套餐+$10)好似好吸引🤔就左黎試今日唔係好肚餓就單點左D小食最後叫左一件雞一件葡撻同一個辣汁蘑菇香飯😆辣汁蘑菇香飯個汁就好signature味本身就係重味同重胡椒但同時惹味最鍾意用嚟送飯或者薯蓉💁🏻‍♀️炸雞件普通外皮都無話甩皮甩骨而葡撻就唔錯👍🏻焗到外皮鬆脆中間又唔會太lung太甜最後講講個鬆餅真係頗伏😅我本身都幾期望因為近期鬆餅好hit幾多店都要係ig預訂講番個鬆餅本身仲暖嘅淋咗啲朱古力醬同脆脆係面唔甜幾好不過鬆餅質感好差外皮好硬裏面完全係好似一堆未熟嘅麵團食左半個都頂唔住🙈掙扎咗一陣都抵比🆗定係🥲咁佢除咗鬆餅其他都OK覺得下次都係唔好亂試新野啦…Read More

夏天越熱就越唔想食得太heavy壽司🍣就最正而且又可以逐件嗌食到滿意為止呢間壽司店都幾出名之前有youtuber拍過片本身個日臨時想食都好驚full booking好好彩晏晝打電話夜晚早段時間仲有位我去個日都好爆所以既然有得book枱都建議大家早D book因為餐廳都唔係好大大概得7-8張4人枱餐廳位置離地鐵站大概5分鐘內雖然係內街不過都好易揾去到坐低想讚下人手幾充足大概8張枱有3個樓面所以成晚食飯幾本上杯茶一飲左1/4就即刻有人幫你添收碟速度好快有是日特別食材又會介紹好有禮貌佢有好多款野食有壽司、刺身、手卷、魚生飯、沙律、煮物、炸物、燒物等等當中最驚喜係活赤貝壽司好爽脆而另一驚喜係蔥呑拿魚腩卷驚喜在份量$48 4件但size好大差不多等於8件整體評價食材新鮮性價比高今晚開左豪食mode都係大概人均$250左右…Read More

寫左食評一段時間先發覺原來我一路都冇寫呢間小店不過其實佢已經唔算“小店”近年開到差不多區區都有算係做得幾成功其實疫情前都有幫襯過不過冇幫襯得咁頻密(依家差不多個個禮拜都食😂)因為佢都係只做外賣今日都係through OpenRice訂(因為成日有promo code)準時去到啱啱有得攞佢好似有大概5-8款熱狗揀不過我食親都係澳式風情熱狗🌭️因為本身好鍾意食夏威夷pizza🍕 除咗香腸外佢嘅配料芝士🧀煙肉🥓菠蘿🍍千島醬都同夏威夷pizza好似西灣河無咩pizza店揀所以食澳式風情熱狗就好似食緊一人份量夏威夷Pizza咁佢套餐+$12可以揀兩個小食通常我都唔會揀飲品因為都係罐裝汽水冇咩特別所以都係揀牛油粟米同埋細薯條佢嘅薯條🍟有茄汁同千島醬好惹味如果你唔鍾意醬汁記得落單時講因為佢唔係分開上不過如果小食可以多啲選擇就好啦成日得幾款揀開始有啲悶我見單獨嗌小食款式多好多真係差唔多個個禮拜都食水準一路都保持到店員好後生而且非常有禮貌…Read More

見到係近期新開良心小店前排有做義賣今日就諗住黎幫襯支持下大概8.30pm到前面無客等緊見佢個韓國狂熱熱狗有泡菜好似幾特別於是就叫咗另外加$19包嘢飲同小食以價錢黎講比起太安樓另一間熱狗店貴少少不過佢嘢飲比較花心機係手調飲品所以可以接受👌🏻排我後面大概有兩個客佢地等左大概10分鐘就攞得我等左成15分鐘...前面明明無人等緊亦都唔係繁忙時段睇唔到有咩理由要咁耐其實有啲失望另外都想講講個packing疫情期間薯條就咁擺落膠袋感覺唔太衛生:(食過其他熱狗店都係用有蓋紙盒包裝希望呢方面可以改善下講番食物本身芝士泡菜做配料係惹味嘅薯條係有薯仔皮個隻我鍾意🆗蕃茄醬反而好有心分開包裝唔會整淋薯條Overall味道正常無咩問題🆗但係等候時間同包裝希望改善下始終都想良心小店可以進步做大個餅…Read More

首先想講我揀呢間餐廳嘅原因就係無設定限食時間🤩疫情期間間間餐廳都要10點閂門大陪份都限時1.5小時有D得6點同8點揀明白餐廳都盡量想做多轉回本不過有時都想同朋友舒服食餐飯所以無限時真係好吸引😆(不過可能隨時會變，建議訂枱時問清楚)門面玩味濃好多舊式物品以懷舊為主📺🎞📠餐廳燈光都係好柔和好適合傾偈水係自助有個位自己斟水坦白講主菜選擇唔多有5款Set dinner 同單叫主菜一樣加~$50包頭盤甜品同$38以下飲品計番叫set會較抵食😛我地三個人叫左兩個setCarbonara份量正常醬汁做得唔錯因為平時出面餐廳嘅蛋黃醬好容易整到好“漏”通常都要同朋友share唔同款呢間我覺得一個人食都可以而豬髀比想像中大份有4件個sauce味道似gravy 有薯蓉墊底另外都嗌咗啲小食佢嘅蜜糖牛油雞翼有4隻表皮炸到香脆不過估唔到佢真係成Pat牛油加蜜糖喺面味道正常反而明太子薯條有驚喜🎖明太子醬唔辣焗得幾好食 套餐包杯$38以下飲品我哋補返差價叫左Matcha tofu latte個底有D豆腐花最驚喜個位係完全唔甜好啱我朋友叫左OREO smoothies佢覺得ok不過似朱古力soomthies多DOreo味無咁出甜品想試曬佢signature同是日款式Lemon tart非常值得推介👍🏻👍🏻👍🏻味道自然唔會得個甜/酸字質感都做得好好估唔到樓上cafe可以有咁嘅質素👏🏻另外待應服務唔錯…Read More

Hysan嘅foodcourt一向都好受歡迎就算大部份都係連鎖店不過都係有水準今日好掛住台灣所以就諗住食台式便當🍱感覺就好似去左個快閃旅行咁又係因為懶嘅關係一早就用openrice外賣自取訂定同朋友去到app寫已經可取不過職員又話未得不過野飲就已經準備好見到其他買外賣嘅人都好似等左好耐不斷問有未反而有啲遲黎嘅人有得拎先最後比預定時間等多左15分鐘先攞到😥其實台式便當配料大部份應該早已準備好今次真係耐左D而且外賣次序真係有啲混亂加埋行番去嘅時間飲品最後整好左半個鐘先飲得🙁圓圓嘅便當盒好似新年全盒充滿各種唔同配菜全部都好適合撈飯有粟米、粉絲、娃娃、菜脯、半隻滷水蛋中間有滷肉飲品有3款唔使加錢我就揀咗杯茉香綠茶不過我見佢台式飲品選擇頗多平時台式餐廳選擇最多只係得珍珠奶茶呢間選擇誇張到好似一間台式飲品店有芝士奶蓋、豆乳、小芋圓等等Overall味道不錯不過食物上菜時間要控制得好啲畢竟食foodcourt 都係為咗快…Read More