yly2412's Profile

為左滿足日本胃，而且好耐無食沾麵，所以搵左間有沾麵既拉麵店，同先生去撐下枱腳。入到鋪頭有濃厚嘅日式風格，仿佛自己去左日本當地小鋪，入面唔大，但係感覺幾溫馨我地1點左右入座個陣唔洗排隊，一路食一路開始多人黎光顧啦。我同先生分別叫左一個拉麵，一個沾麵。拉麵揀左招牌三色拉麵，沾麵揀左慢煮安格斯牛小排沾麵。先講招牌三色拉麵，揀左香蔥醬油湯。拉麵一上枱已經聞到好香既香蔥味，望到拉麵上面鋪咗雞肉、燒豚肉、A4和牛同埋糖心蛋，好豐富急不及待要拎起筷子開動了。湯底超濃厚同埋好勁蔥味，鐘意香蔥嘅人一定唔可以錯過哩個湯。肉方面，雞肉，燒豚肉同和牛嘅肉質都好嫩同好有入口即溶嘅感覺，特別係個燒豚肉，都做到入口即溶，油香在口，即刻滿足左。麵屬於幼身麵，麵質彈牙，流心蛋都做到流心效果仲要拉麵份量比起係出面食既多，先生表示都好飽。之後到慢煮安格斯牛小排沾麵，我揀左香濃海老湯。超級有驚喜。一上到枱你已經聞到好濃既海老湯味，而且你見到碗沾麵湯係一路起泡， 卜卜卜卜好有視覺同埋味覺既享受。慢煮牛小排既肉又係好嫩，對於又鐘意食沾麵，又鐘意食牛肉既我表示好滿足麵屬粗麵，咬口彈牙，而且非常掛湯食沾麵其中一樣最重要嘅野就係個麵掛湯，所以覺得唔錯麵上面同湯內都有櫻花蝦，所以湯嘅蝦味更突出。食完麵之後，可以根據卡片指示叫店員幫忙加湯，飲埋個湯佢。所以我都示意左要加湯，而店員好快就叫師傅拎左個豚骨湯幫我加入去個海老湯到，會叫你試下味先睇下再洗唔洗加多啲。睇到個豚骨湯好濃好白，加左入去先後，真係好似飲左碗香濃海鮮湯咁，飲埋碗湯，真係捧住個肚腩走下次再黎會想試下其他湯底，同埋試下都見好多人叫既餃子另外，店員超級有禮貌…Read More

朋友係附近做野，我地相約去左間好評如潮的餐廳。12點幾去到唔算好多人，餐廳環境係以唱碟為特色主題，座位舒適。我地叫左個6-Course chef's tasting lunch menu同埋散叫左啲野食。首先係老海灣粟米周打湯，味道唔錯，唔算稀，蒜蓉包熱辣香脆之後係海鮮拼盤（蒜蓉牛油），估唔到咁大份。香蒜牛油汁濃厚惹味。然後係澳洲肉眼牛扒，我哋叫咗７成熟，整得啱啱好，所以唔會鞋口同唔會un。再之後係黑松露意大利雲吞，黑松露味非常濃郁，係我最愛呀，一口一粒啱啱好，但係越食越想再食，唔受喉~甜品係法式焦糖燉蛋，焦糖面脆脆，燉蛋質感非常Creamy，蛋味濃郁，拍得住出面法式甜品鋪既Creme Brulee。散叫方面 ，我地叫左芝士5重奏Pizza， 哩個真係不得了，係今日全餐入面最好食既野，我地接住接住咁食，鐘意食blue cheese 既人一定要叫返份。仲有炸洋蔥圈同埋叫多左件cheese cake，味道都唔錯架， 叫埋野食，最後我地食唔哂捧住個肚走。唔怪得咁多人黎食啦，性價比高，嘢食份量又大。…Read More

喜來稀肉一直以燒肉聞名,之前我也主要都是去吃他們的燒肉。但有一次經過,發現他們的午餐菜單也很吸引！這次終於有機會去吃啦，發現他們的午市套餐性價比超高，選擇也很豐富。如果你想在午餐時間快速解決食肉的需求，這絕對值得一試。這次我們點了 Jung-Chan Box 辣炒豬肉套餐和烤肉水冷麵，再加了兩杯飲料，平均每人消費約107元。Jung-Chan Box 選擇很豐富,有5種肉類如BBQ豬肉、牛肉和雞肉,還有6款拌菜、生菜、白飯和湯。肉質鮮嫩,配上美味的辣醬汁。最特別的是可以用生菜包著肉類，再加上喜歡的拌菜和醬料，不用自己燒烤，既方便又美味。烤肉水冷麵絕對是夏日必點！香港的冷麵通常都很平淡，但保他們的湯底清爽但又夠味，完全沒有淡而無味的感覺，就像在韓國吃到的一樣！麵條煙韌爽口，吃起來清涼舒爽。配上烤肉(可選豬肉或牛肉)，更提升了水冷麵的風味。除了水冷麵和Jung-Chan Box套餐，他們的午市菜單還有很多其他選擇，如湯飯、烏冬、石窩拌飯和小食等，滿足不同口味的人。最重要的是餐廳環境舒適，可以輕鬆享受午餐時刻。…Read More

平時返工附近，哩間茶餐廳都好多人係到食。今日我早左返公司附近，所以都去左食個好飽既早餐，我點咗佢哋嘅全日早餐，真係覺得超值。佢哋嘅火腿又厚，炸魚個魚肉滑嫩，而且醬料炸得特別薄，口感超讚。滑蛋炒得又滑又嫩，仲有個黑松露醬係上面，真係好搭。沙律係煙三文魚同菜黎，開頭以為係紅蘿蔔絲。佢哋嘅紅豆冰都唔會太甜，口感好好。我仲留意到隔壁同對面嘅枱有人點咗菠蘿油，好大個，好吸引！同埋都好多人叫丁麵，下次一定要再黎食！…Read More

見落雨近近地食下晏。本身諗緊食魚香茄子定係炒贵刁好。最後都係食下炒野算。因為食飯時間餐廳好多人，所以要搵人落單都已經要等一段時間，點人知等野食仲要等咁耐，都算啦。黎到個樣真係我預期之外！由落單到後尾等到有得食等左差唔多半個鐘，佢既炒贵刁啲配料少到我以為自己食緊淨麵。佢既蝦仁同叉燒絲又少又細粒，雞蛋都已經唔係一啲高成本既野，但係都係唔係好覺有。芽菜都係少得可鄰，韭黄都無一條。哩個價錢性價比真係極低。粉既口感都係一般。唯一可以讚既係，你會食得出佢個粉係有用黃薑粉及咖哩粉炒一炒。曾經有食過佢既魚香茄子飯，佢既魚香茄子係比哩個好食好多，如果咁樣對比之下。希望佢地既炒野可以改善一下！…Read More

今日去左香港仔搵一搵個朋友拎野，拎完之後見有啲肚餓，所以諗住食埋野先返出黎。經過見到哩間好似係新開，連門口地下好似都係到翻新緊，所以就入去試下。見到佢哋個餐牌幾豐富，又有雞煲又有咖哩又有酸菜魚，簡直係我杯茶最後我都係揀左個咖啡牛腩黎食一黎到個陣聞到已經覺得好好食啦，因為佢地個咖喱幾香，個香味已經令到我食指大動，同埋因為好肚餓所以聞到個陣味已經流哂口水。佢地既牛腩大大舊，唔似出面一啲餐廳咁啲牛腩會好零零碎碎。當咬落去第一啖既時候，肉質出奇地柔軟開頭擔心牛腩咁大舊會好韌，但係佢地既牛腩又大舊又軟，配埋佢地濃郁既咖哩汁，撈飯真係一流。佢地餐廳既咖哩食落口係幾香濃，但係又唔會濃得好過份，配合返我地平時香港人食開咖哩牛腩飯既咖哩味。食落去唔會好似有啲餐廳咁，一食就覺得好似平時係超市買個啲即食咖喱醬或者咖喱磚開出黎既味道。而佢地個飯又唔會太濕又唔會過硬，所以撈埋一齊食係真係唔錯。整體黎講佢地哩個咖哩牛腩都幾推薦食下。可惜本身住得唔近， 如果唔係我都想再食下佢地個雞煲，因為朋友住香港仔，佢食過個雞煲話幾正，唯有下次再經過既時間先再試下佢地其他既野食啦。讓人吃得非常愉悅。此外，米飯的口感非常Q彈，完美地吸收了咖哩的味道，讓整道菜更加美味。總之，這道咖哩牛腩飯絕對是一道值得推薦的美食，它的色、香、味都非常出色！…Read More

放假襯住天氣好帶埋個女去西貢行下。搭車個陣搵到哩間餐廳好似好好食，但係見到啲人話要排好耐隊，所以都係諗住去到嘅時候睇下情況係點。去到門口見唔係好多人，所以就排下。大概15-20mins 左右就入左去啦。侍員好好，見我地有bb，都問我地需唔需要bb凳。等既過程已經諗好左食咩，最後我地叫左一個牛肩肉番茄醬闊條麵，蕎麥果仁穀物早餐，French ToastFrench Toast - 有驚喜，外觀已經夠殺食，點知味道都好正。好香鬆既多士。滿足視覺同味覺享受。蕎麥果仁穀物早餐 - 一般正常乳酪既味道，擺盤靚。牛肩肉番茄醬闊條麵 - 有點失望，麵既質感可以再厚身少少同埋彈牙少少。牛肩肉係肉絲，而佢嘅蕃茄醬喺偏酸型嘅醬。飲品方便都係無特別驚喜。不過整體來講室內環境同埋職員態度都好好。而且食物質素嚟講都算係可以。未食過嘅話都可以推介大家想試吓佢嘅多士或者其他包類嘅食物…Read More

甜品控必到既cafe shop🥰同朋友仔係屋企附近搵好食Tiramisu嘅餐廳，最後決定左黎試下😌整體嘢食都唔錯喎:)仲要原來有貓店長係到😍炸軟殼蟹伴蟹肉 配麵豉湯, 醃蘿蔔同埋哈密瓜🍈- 哈蜜瓜甜甜的～ 好鐘意- 炸軟殼蟹伴蟹肉飯嘅飯粒分明濕度適中配埋蛋黃醬同日式味料, 青瓜絲撈埋一齊好好食個飯❤️炸軟殼蟹就一般無驚喜燒春雞沙律配甜薯條- 春雞肉質算嫩口- 最有驚喜係甜薯條呀!!!!Tiramisu🥰- 咖啡味同酒味濃郁, 之前睇食評有人覺得太甜, 我都有啲擔心, 但係今次食落去又唔會覺得真係太甜, 鐘意食甜品可以試下😍…Read More

同事從內地來港工作，大家也是吃辣之人，左揀右揀之後就選擇左哩間水煮魚我們叫小辣，不辣，魚肉質感不錯👍🏻但湯只有辣味，沒有辣椒的香味，所以與大陸吃到的水煮魚相比之下欠缺香重慶黑糖糍粑，黑糖太少了吧整體來說是不過不失，環境舒服，可以再次光顧…Read More

疫情之前，每逢週末假期，我也會與朋友一起去深圳吃東西，因為我特別懷念那裡的辣跟不同的選擇。其中一個我也很愛吃的就你串串鍋，所以當知道香港也有串串鍋的時候就急不及待的相約朋友來吃。來到Fun Fun 串串鍋，服務員也很親切地問我們想要什麼湯底，我本來想吃麻辣的，但是最後因為我朋友怕吃太辣會拉肚子，所以我們點了一個沙嗲湯底，wow一看到它湯底的顏色就知道味道不是淡淡的那一種，對比其他吃火鍋的店，這裡的湯底很有誠意。沙嗲帶一點微辣，已經可以滿足我了。已經他們從食物、飲料及甜點也有不同的選擇，全部也時自助形式的，除了海鮮、肥牛肉、豆腐等等的需要在紙上寫上數量之外，有任點的，也有另外付款的。那一天我吃了最多的是他們的蟹棒，因為它真的超級好吃，吸收了沙嗲湯， 超香口而且彈牙。另外，他們家的九菜牛肉也很好吃，我也不斷地拿這個回來。他們的粟米也很鮮甜。另外，服務員如果看到你鍋裡沒有湯了，就會幫忙加水，但是無論加了多少次水，他們的湯也是那裡濃，所以真的超愛過一家。飲料方面，有茶，可樂，不同的韓式飲品，以至付費的啤酒也有。甜品的話，有雪糕，泰式的糕甜及雪條。我最欣賞的是他們有很多不同種類的方便麵可以選擇，因為平常也只有1-2種，他們是把所有人的喜好也照顧了。下一次再來吃，我一定要吃他們的麻辣。…Read More

之前係social media 見到有介紹，而最近因為工作既原因又想令自己放鬆下，所以一見到就即刻book 左上到去環境唔錯，可能因為餐廳燈光既原因，所以令到一上去既時候氣氛都覺得唔同啲。見到好多野食賣相都好吸引，所以最後都叫左幾樣野黎試下，全部都好正無伏味個人黎講最鐘意威靈頓三文魚，因為佢三文魚唔會overcook，而出面酥皮外層鬆脆～overall 黎講每個菜式都有點少驚喜唯一美中不足既係，飲品既口感可以豐富少少，依家口感有少少稀。…Read More

今日要去尖沙咀拎啲野， 順便一個人去搵下野食。行到去ISquare 個陣有個識講流利廣東話既印度人係到介紹印度餐廳，最後把心一橫就去左試吓啦。上到去，發現都原來幾多香港人去食，當然唔小得有啲印度家庭成家黎食野啦，老闆（呀哥）廣東話流利到不得了（土生土長香港人），好熱情咁問你食咩同埋介紹你食咩。最後我叫左個印度奶茶，鷹嘴豆咖喱，芝士薄餅。印度奶茶，飲落口好滑身，飲到一陣陣薑味同肉桂味，幾好飲，一個新既體驗。到鷹嘴豆同芝士薄餅，芝士薄餅好好食😋佢外脆內軟，中間食到微芝士而且入面唔會太乾身，配埋咖喱簡直一流，佢個鷹嘴豆咖喱好濃味落咗好多料，一個人嘅我已經食晒4塊薄餅😂下次會帶埋啲朋友黎食， 見到隔離枱佢地叫既野食都好吸引，多啲人食可以叫唔同款既野食走個陣老闆問我啲野岩唔岩食呀，睇得出佢都好用心係間鋪到，而且佢地餐廳好乾淨，見到返枱既時候佢地抹枱係用清潔劑抹，唔係就咁一條布抹一抹就算。…Read More

我係個好鐘意食日本野既人，左搵右搵最後選擇左岩鹽日本料理，其中一個吸引我既原因係因為睇到佢個半價購6隻生蠔既poster，對於鐘意食生野既我真係無得輸（可惜最後無哂）入到去最後我叫左個鵝肝牛小排釜飯，三文魚腩壽司，牛油帶子壽司，牛舌同埋椰子雪芭。鵝肝牛小排釜飯，侍應會連埋個小漏斗一齊上，同你講焗一分鐘之後就食得，同有壺茶俾你做茶漬飯。牛肉對我黎講唔吸引，肉質唔係我睇圖幻想中咁入口肥美，鵝肝都係普通不過不失，如果煎香佢應該會更好味，倒入茶後做茶漬飯，出奇地好食，另外飯入面有栗子，口感夠淋好配合個茶漬飯。三文魚腩壽司同燒牛油帶子壽司都好好食，好肥美，三文魚腩油脂食落口好香，而牛油帶子，燒牛油令到個帶子既味道更豐富。牛舌串既熟度好適中，沒有過火另到肉質變韌變硬，而且燒個陣個汁唔濃，唔會搶左本身食物既味道。椰子雪芭，正正常常，無特別驚喜。整體黎講，我比較鐘意食哩到既壽局同埋串燒，下次再黎會想試下食多啲其他既壽司串燒…Read More

最近因為疫情都好少出去食飯，但係終於忍唔住，想出去食餐好既，所以決定左收工返元朗近近地食韓燒。之前上網搵過哩間韓燒有流水蝦食，所以記憶在腦海中，想搵次黎試下。入到去放低左個袋之後出去睇下有咩食，先發覺原來佢好似食自助餐咁好多選擇，由前菜沙律到甜品蛋糕等等都好多野俾你選擇佢有沙律吧，壽司吧，刺身吧，鐘意食既朋友可以食下，因為我先食燒肉後食熟食，所以食唔落啦。燒肉方面，款式要有都有，由菜到肉，甚王海鮮都有。肉方面，佢系都醃得個味好好食，唔會太咸，而且肉質好好，任食仲要哩個價位，真係唔錯好鍾意依佢既牛同埋雞。熟食個方面，我地食左水煮魚，芝士焗蕃茄，炸薯條，炸春卷，真係出料意料，同平時係酒店食半自助餐既質素差唔多，特別想推薦佢地既水煮魚同埋炸薯條。水煮魚佢既辣度做到四川麻辣水煮魚，魚質好＂林＂好滑。而個炸薯條好脆口有少少微辣好好食，令我愛不擇手。到最後食甜品，甜品既種類同酒店自己餐一樣咁多，而且好好食，我食左佢地既葡撻，蒸蛋，好多蛋糕，牛奶布丁，全部都好好食:)野飲方面，由機沖可樂，花茶同罐裝啤酒都有，所以野飲都算足夠整體黎，食物質素唔錯，而且款式選擇好多，位座舒服，而且侍應都好好，行過見到油紙要換都會主動出聲，下次都會再黎，下次既話會想加埋蝦試下…Read More

為左幫朋友慶祝下生日，我地見到啲相好似唔錯就訂左哩間食啦，我地一行6人叫左3個2人餐餐廳入面唔算大，不過真係坐滿哂啲朋友黎聚下食飯首先係個湯同沙律，湯既味道普普通通，反而個沙律幾好食，個醬既味道，同埋啲菜都好新鮮之後去到意粉，意粉黎講都幾出息，三文魚果個個醬好正呀，個汁好creamy，有帶子果個係個好清新既味道，食落口清清地搭口錯Pizza都係個唔錯既選擇，個底做得薄而且個料都足夠但係，肉類真係好一般，雞係西式烤雞，所以肉質好‘鞋’同埋乾，唔係我地食開既滑肉同埋鎖汁既焗雞牛扒都係一個幾失望既菜式，肉質同雞一樣都係好‘鞋’，無諗過會係咁，仲要等左好耐，係我地食哂所有野先黎既水牛城雞翼唔錯，而且夠哂酸辣燒骨都係味道唔錯肉質好食同埋個醬都好好…Read More