SULU_BULU's Profile

尼過太安樓幾次，因為好多花款既野食都有，多數都會同男朋友買完幾款食物同飲品就過去西灣河公園度開餐。今日就試下紫薯手抓餅啦！餡料既combination好多我揀左「芝士八爪魚火腿」，老闆之後會再問需唔需要加沙律醬八爪魚既份量亦都好多，睇任老闆大匙咁加上個餅度煎，但八爪魚就切得比較碎。兩塊切左半既火腿都煎香左。行到去公園食既時候D芝士完全融晒，正。除左八爪魚，仲有味付螺肉同帶子裙邊等挑選，好似自選冷面既配料咁，好有街坊小食特色。紫薯味都幾重，加埋餡料沙律醬就甜甜鹹鹹幾得意，如果下次再有機會encore, 我可能會揀原味既餅，因為紫薯餅要加3蚊，但一試無防。總括尼講係好味既！但食到最後一段就覺得鹹同味道有D亂XD 但這是好正常的-因為全部餡都偏重口味。其實如果想清清地，我諗就咁紫薯餅+肉鬆+蛋都應該夠好味。…Read More

特別想提呢度既芋泥，幾中意佢煙煙韌韌既口感，上面既銀杏亦都係十分chewy，但係淋響上面晚糖水略為太多，我都「不」走左好幾湯匙既份量。強烈建議兩個人一個，因為太材料太rich，食到一半就會覺得有D「漏」，如果個傑稀度可以軟滑多少少就更好，因為而家個傑度高到有小小似食緊月餅入面既餡lol但整體一定能夠滿足倒中意食芋頭甜品既fans. …Read More

見店員製作貌似北京片皮鴨卷既過程都幾吸引，而且唔係成日有，材料好足，除左有好大住既鴨肉絲，亦加入左泰式木瓜絲salad, 成個卷拎起尼好墜手，以為一定好好食點知...好鹹 @@個醬汁, 鴨肉, 同醃製過既木瓜絲等等, 所有東西組合堆真係太鹹,而且個餅皮係會愈食愈乾,食到差不多一半更會由底部漏D汁出尼,搞到好哩HEA~(下次都係食番質素有保證既牛角包好了)…Read More

鋪頭細細，無咩宣傳同廣告，食物種類亦不多，尊心做好炸雞。韓國老闆同本地既店員服務態度都好好，因為即叫即整 所以製作時間都需要一D時間，應該都等左10-15分鐘左右只要upload佢地既相上instagram就可以免費由細杯裝升到中杯裝嫁啦，即炸既雞粒混左蜜糖，再撒上花生碎熱辣辣香噴噴呢^^外皮炸得好脆但唔會乾爭爭，最重要係唔厚粉如果可以一半甜味一半辣味就更好啦，因為份量比較多，個人認為得一隻味有D悶，可以一次試兩種味就開心D啦。整體好味但比較熱氣，最好買定飲品。…Read More

平時去開士丹利街或北角同銅鑼灣既分店，今次第一次試呢間。春卷小鍋米線，雖然4條春卷難得地全部都炸得好直望落幾靚仔，但個湯底好明顯比以往食過既溝淡左好多，只有色水但係味道偏淡，無太大興趣飲多啖。豆漿更加係接近無味（亦唔可以以凍尼形容）呢間分店，應該就無下次。…Read More

繼續尋找紫薯食品。東海堂既紫薯厚切面包＄15有4片每片都非常厚身，度過有1吋厚~包身都算軟熟，雲石紋分佈既紫薯蓉比例平衡，令每一口都品嚐得到，做早餐不錯，女仔食一片已經夠飽肚。…Read More

每次都一定叫沙嗲汁撈油麵，餸通常都必叫包心魚肉卷，馬交魚肉同麻辣豬頸肉。有時就會叫青春魚肉腐皮卷同瑞士雞翼。我會比較少叫D本身多水份既餸例如係生菜同魷魚，因為唔想有太多水整淡左D美味既撈麵汁。附上一張相係同事叫既組合（生菜、魚蛋、冬菇撈茄汁米粉）跟據當時人既評語都感到佢覺得唔太好味。每次叫沙嗲汁因為覺得隻汁香得尼帶甜味，怕辣既朋友應該都食倒。試過一次加辣汁，雖然幾好味，但我個人食到馨晒，個心都熱埋，係好刺激的，我會推介鍾意食辣既朋友一試但我就食唔倒了。包心魚肉卷係類似切片日式魚蛋既樣子，不過係魚肉包住豬肉，口感同味道我都中意^^馬交魚肉就有點似打邊爐既魚滑（或生菜魚肉）咁既做法，形狀係不規則既條狀，絕對無魚腥味，口感竟還有些像墨魚丸（條）。麻辣豬頸肉其實無想像中咁辣，可能係因為俾甜甜既沙嗲汁中和左，但相當入味，而且肥瘦參半，屬好味之選。飲品方面，我會推介佢既無花果蜜，聽個名已經覺得特別，不過較甜。…Read More

畢左業之後都有一年無番過中大，今日番尼睇師兄妹既畢業展，中大實在太熱啦，要搵個有冷氣既地方休息下。就去大學站附近既cafe330啦！記得佢既煙三文魚三文治同意粉都好好食，今次帶朋友去飲下野先本身想飲烏龍茶沙冰，但店員話今日唔夠冰所以整唔例沙冰(可能星期六餐廳無預太多冰....?)於是就叫左ginger latte ($24)lol回想番都覺得個名其實有機會係伏但因為喜歡食薑味既糖同雪糕所以又想試...結果 真係好難飲呀X_X因為實在太苦，加左好多syrup先無咁難入口，但都飲唔晒 要買番支雪櫃入面既公平茉莉茶 ($18)沖番口入面既強烈辛辣&苦味奉勸大家唔好好似我咁貪得意亂試…Read More

還記得上次試過東海堂的宇治抹茶の王冠，那特濃的抹茶忌廉實在令人難忘，決定要多試試它的其他抹茶產品。這次就一試抹茶芝士杯。最上層的是半圓狀的抹茶啫喱，這風格令我想起東海堂的水果造型蛋糕也有類似的設計。好，先試試這個抹茶啫喱，質地是比較硬淨的，不像是大菜糕或平時吃到的寒天啫喱那樣的"削"，口感倒是不錯，但略嫌抹茶味不濃，是清新的感覺。但小妹會覺得如果可以是抹茶牛乳布丁或濃濃的抹茶忌廉會更吸引 下一層是鬆軟的抹茶蛋糕，濕潤度不錯，不會很乾也不會像有時吃到tiramisu中間那層過濕的咖啡蛋糕般（個人不太喜歡），之後是幼滑的cream cheese及原味海綿蛋糕，配合最底層的士多啤梨果凍就更像下層是strawberry cheese cake，上面則是matcha cheese，一味兩食。士多啤梨果凍本身也很rich，果酸味濃之餘更有粒粒的果核。這款甜品很有心思，不喜歡太甜的朋友也適合。…Read More

身為紫薯控既我當然唔可以唔試呢個限定版既紫薯puff啦!喺玻璃櫉窗外所觀察到有一puff既餡唧得無咁平均，於是請店員姐姐幫手揀件有多d紫薯蓉既成件泡芙既造型都好吸引 除左有幾粒深紫色既紫薯肉，上面既糖粉都係紫色架！切得細細粒既紫薯肉質地比較硬，可能係雪硬左同本身切得薄身既關係，如果係稔身同可以大粒D多一點咬口就更好^^ 粉紫色既未似期望中既純紫薯蓉，如果係的話質感會比較粗糙同有濃紫薯味，呢個係加左cream所以質地軟滑同甜味重一些，但入口都食倒淡淡既紫薯香味。如果泡芙底層無焗多過頭導致有一小部分有些微苦就更好。整體都唔錯，不過下次我會挑選食番北海度牛乳布丁味或原味，是我心目中的頭一二名呢。…Read More

細個喺正街學畫畫，爸爸成日會帶我尼呢個傳統糖水鋪食雞蛋糕，仲有熱辣辣既芝麻糊。諗番起都已經係10年既事，以前唔洗排隊，今日重遊舊地已經離遠見倒好長既人龍，可見大家都慕名而來。叫左杏仁露同合桃露，質地比較稀，好水，味道亦偏淡。雞蛋糕就仲keep倒水準，雞蛋味香噴噴同鬆軟，好食過糖水。覺得呢度主要都只係食嗰度既氣氛同環境，玻璃檯下zip左唔少報紙既好評，或者我應該叫呢度出名既芝麻糊，或桑寄生茶。杏仁露同合桃露都成30蚊碗，但感覺唔足料，mean d講超市買番尼既即食糖水都仲濃味過佢。…Read More

欣賞呢間小店既材料新鮮，三文魚有鮮甜味，唔似得好多其他地方既三文魚咁淡而無味。呢個三文魚魚生飯差不多次次都會叫，50幾蚊加埋飲品為1 set。三文魚厚身同切到大大粒，好有咬口。另外幾鐘意佢既香芒炸蝦卷，不過嗰日無得賣，所以叫左軟殼蟹手卷，平均10蚊件真無好抵，不過去左咁多次食，正如其他食評所講，d紫菜都係林就無真既，不過我就唔會因為呢一點而扣佢好多分。但個人會推介香芒炸蝦卷多過軟殼蟹手卷 另外一盒非自選壽司30蚊10件，好似爭鮮呀魚尚都係呢個價啦，所以係抗通脹之選！雖然店內既位唔多，但等位通常好快就會有。最欣賞佢平民價而又勝價比高。…Read More

沾麵，最近睇報紙得知明左用麵條沾湯呢一個新食法。我喜歡食沾麵既原因係佢既麵質比較粗同煙韌，更容易品嚐得到小麥既味道。店如其名，呢間店真係唔輕易搵到。大家注意係喺西九龍中心入面既蘋果商場，我地就喺food court行左幾次都搵唔倒。去到店外已經有條人龍，大概等左半個鐘多d啦，就到我地入去，等候既期間工作人員會先俾定order紙你剔定，當日我地兩個都想食濃味d，就揀左赤伝($88)同黑伝($98)，滿滿期待。(門外等候入座的情景)赤伝係濃番茄味，估唔倒同豬骨湯底係咁匹配，塊紫菜吸收晒湯既精華真係超級好味! 加入左番茄完全唔酸，只有醒胃同惹味，飲一口湯，係長時間熬煮既豐富層次味道。黑伝係黑蒜油豬骨湯，同樣濃郁，但鹹香比赤伝更重。另外麵質彈牙掛同湯度高，叉燒鬆化，溏心蛋半生熟都做得好唔錯。食完麵後可以請店員加入清湯，會係兩種截然不同既味道，感覺充滿魚板既香味。個人會推介赤伝，因為真係好特別，一試就覺得只有呢度先食倒呢一種味道。…Read More

喺中環想搵平民價既午餐真係要花多d心機，而士丹利街就有幾間，今日第一次試呢間日新鮮豆漿。有日式飯、咖喱、烏冬等便當，又有燒賣、腸粉、豆漿粢飯等，多種類夠晒港式小店風味。店內座位唔多，好彩一個人會易搵少少，唔係可以選擇叫外賣。叫左一個三色卷冷麵，卷物(小黃瓜、青瓜、蟹柳卷)係新鮮即做，有9件咁多。冷麵上鋪有紫菜絲同蔥花，雖然冷麵汁略嫌鹹左少少，咁當然喺呢一區可以有35蚊一set午餐相對要求就唔會太高啦。仲有自家製啫喱送，食個簡單甜點為是日工作天打打氣 …Read More

當日係下晝四點幾左右去,收銀姐姐話雪糕筒無晒貨,改為用杯裝住, 但照收番連cone既價錢,心諗變左會有少少唔抵,但因為係專登去食,所以照叫啦!選擇左要地牛牛因為想食個燒蕃薯同粟米味雪糕（N年前喺7仔食過一次好好味既限定版栗米味軟雪糕就好想再次食番）買完俾左張飛整雪糕個邊既counter,等左起碼15-20分鐘 先話俾的我知燒蕃薯未有住，咁無辦法啦唯有當自己唔好彩，想試既兩樣野都無。咁我就問可唔可以轉窩夫，佢地話唔可以，要成隻牛牛轉。（姐係唔可以食「地牛牛」啦...）但我真係對其他3款雪糕無興趣，問如果等蕃薯要等幾耐，但佢地都話唔知要等幾耐，其中一個女仔員店就隨口話30分鐘。之後就繼續整其他客人order。如果唔係俾左錢 ，我會選擇走。間鋪頭其實好細，收銀既位置同製作雪糕既open kitchen根本係連住既，既然你地某種topping突然無貨，而喺呢個情況下個combination又唔俾人轉，其實可以喺客人點野食既時候就通知一聲。同男朋友商量過，我寧願出去街行下， 30分鐘之後再番尼拎都好過夾硬轉一款自己完全無興趣既雪糕。店員話好。正當打算走之際佢地有個救兵喺街外拎住個食物盒番尼鋪頭而入面裝住一條條燒蕃薯。搞完一轉終於可以拎倒地牛牛了。個蕃薯係凍既，無味，得個硬字。粟米雪糕，粟米味假得尼好重奶油口感,好快溶唔覺得好食,仲有D點綴既椰子肉同牛油餅就正常。---------------------------講真呢間店係有自己既特色既,睇相見D雪糕筒染左顏色係幾靚, topping又得意先去試下, 但講到底如果連雪糕都整得唔好食  仲要收成45蚊既 我會覺得唔值得一試. …Read More