tastylife的個人專頁

WIRED CAFE 在鬧市中的風景算不錯了日頭讓你感到好開揚 晚上有點情調唯一美中不足是食物款式不夠多 但服務不錯每次幫襯 一定會試這個吞拿魚蓋飯這不熱飯 是凍飯來的 吞拿魚是免治 不是一塊塊夾著蛋汁 沙律醬 沙律菜 牛油果 和飯 我覺得配搭很多很多層次又能帶出吞拿魚的味道份量不多 但一碗已經夠了…查看更多

食物賣相靚 味道一般 已經是我對食物整個總結初睇menu 都覺得好驚喜 款式幾多 又幾有創意令我都幾期待 但我想個豉油+wasabi 已經唔及元氣好味wasabi 少少超攻鼻 完全蓋過食物的味道唔沾 老實講 其實無咩鮮味 (雖然個menu 建議你唔好沾)黃金焗蠔一隻 一個人食 好食過小忌廉餐廳個個 不過又係跟沙律醬 怪怪地三味賣相唔差 配搭都幾好嫁 但係味道一般啦軟殼蟹手卷個人覺得元氣好味d 料足過佢 炸過又脆過佢 加埋醬汁辣味三文魚又係覺得元氣既辣味三文魚好味d 惹味過佢  店員服務不錯因為點了其中一個燒魚 店長幫我們落單時告訴這款魚會好咸問我們係咪真係會點 其實我們都未試過 本來諗過照去個店長再提示我們要有心理準備 解釋點呢個魚既客人多用來送酒哦~ 明晒 即刻唔落了 好在有佢細心既提醒 值得一讚…查看更多

第一次遇到一間食店只有意粉食仲要入到去 坐落先知 真係O咀當我問店員有冇咩小食嫁 佢真係話無嫁一間店鋪只係賣意粉 真係要會一會 係咪真係咁勁環境 寬敞 少人 唔使等位店員 反應快 (因為都冇咩人)送的麵豉湯意粉選擇幾多 但都係換下醬咁呢個叫地中海海鮮意粉 睇圖都知係湯意粉來的都等左幾耐都到 差唔多十五分鐘一黎 真係好意外 個賣相真係好靚但係一食 嘩 好creamy 好奶 唔鐘意奶味的人要諗清楚奶到蓋過晒d茄味 唔係我杯茶 除非你係好鐘意奶味既人另一碟是硯肉意味 一般般一睇都感到油左d 好令 同埋都幾辣總結係普普通通 唔會再幫襯! 只係得意粉食 太單調!…查看更多

 金滿庭成人都好多人等位 即管去試試環境環境算大 不過枱與枱之間幾密 基本上無咩點隔呢點我麻麻地 因為金滿庭的定位不是茶餐廳食物茶錢當然要 推介人參烏茶 好香好甘前菜一定有 蝦 OK 細細隻 不過一黎就要剝穀 還是花生好不過碟前菜好大碟 我呢個係食剩兩隻先記得影相 唔好誤會小籠包 招牌菜 幾好味 個皮唔會太厚 不過個湯多少少就再正d白飯都有叫 唔算特別大碗 一人一碗剛剛好瑰香骨 見到真係有玫瑰花炒嫁 似咕嚕味/松子魚個d味都幾好 唔算太膩鹹肉小唐菜 中規中矩 有高湯浸著 金華火腿還有味 不錯!總括都幾好味 下次會再幫襯!…查看更多

個人認為齋唔等如DRY好似芋魚 齋腐皮卷 炒米粉等等都好好味今次呢間齋鋪好似幾大間 係大家樂的自助形式即有個公家大餐牌放起中間 睇完去排收銀點菜比錢比完錢自己拎餐埋位一個月有幾日唔開 平時行過又見到幾多人幫襯唔開幾日都可以做得住 真係要試下叫左碗麵 嘩 好似真既貢丸一樣好似有D怪 個賣相像要滿足心想食肉但唔食肉既人咁一食 真係好淡 質感好怪 唔彈牙 好似食緊一堆粉團唔知想點 咩味都無個札肉又係好淡 好糊 林吱吱咁 又係好怪一路食一路諗究竟係咩材料製造 湯底又係好淡 呢個就預左成餐齋只可以話有形無神豆漿淡淡地 還可以啦呢一餐齋=DRY。…查看更多

譚仔的米線真的是百吃不厭論環境 譚仔不算寬敞 但也至於銅鑼灣某些逼逼的茶餐廳不過我覺得佢都叫多餸'揀 有時食細細間既車仔麵有D餸話會買晒 好無癮而且佢湯底多 有清湯 酸辣 麻辣仲分好多種照顧晒唔同口味的客人我獨愛清湯 覺得清得黎又有味道係唔係味精我就唔知 我又唔會飲D湯也試過唔叫野飲都無問題咁多種餸我鐘意豬肉夠薄唔會"鞋"炸醬都好夠味道 墨丸都好好味少米線都好夠飽…查看更多

太興的定位是高級茶餐廳卡位也有梳化皮 冷氣大 不像傳統茶餐廳的空間狹窄餐牌也有些特別食物 如芥茉焗燒肉飯 但我還未敢試今次點的是星洲炒米 很普通的茶餐廳菜式星洲米夠味 略嫌有點辣 食落也有點油 如果能乾爽一點較好另一點是的台式燥肉飯 有重鹵水味 食到中間覺得鹹左D蛋不是全熟蛋 蛋黃會流的 呢個幾好味其實佢MENU入面都幾多選擇 只係結帳不收咭 只收現金 有點麻煩…查看更多

越式菜 離不開火車頭 牛肉麵 咖喱 馬拉盞今次點的菜有兩樣 一是咖喱魚咖喱是很辣 絶對不是日式咖喱那種是泰國咖喱那種味 因為有很重的香茅味就像平時飲冬蔭功那種味 對香茅味抗拒者(如我)真的要諗清楚另外點的是馬拉盞豬仔骨 馬拉盞的味不夠 有點失望反而有很濃的酥炸感 感覺很油膩 吃了幾舊感覺已經飽飽滯滯最怪是豬仔骨來了 吃了差不多半碟 個咖喱魚先來服務及環境中規中矩…查看更多

麻酸樂 玩食字「女麻孫樂」 幾有意思兩個人入去 可以好似食拉麵咁坐法 兩個並肩咁坐 對住塊板咁坐幾好喎 好似自成一角咁叫了海洋之光鮮茄湯米線 餸就唔係好多 因為這碗不是自選茄湯夠酸 不過唔似鮮茄味 似茄膏味幾重多D 所以怪怪地色水夠紅都覺得好似好唔天然咁餸 (鮮蝦球 魚腐 蟹棒 腐皮角)正正常常 無驚喜另一款清湯的海洋之光 湯底真係好清 無咩味 中規中矩食得米線都係想快 店員服務都幾快 唔錯…查看更多

貪ritz carlton的名氣 貪102的海景點知當天煙雨濛濛 雨是沒有 但超多雲 超大霧 能見度超低所以如果如果為了window seat而去的朋友們 遇上這樣的天氣一定一定要按住本來雀躍的心情 別去!去到window seat 其實是超舒服的 有梳化坐只是一看到窗外白濛濛 好心情減了一大截一坐低影了一陣相 心裏已想好叫兩set tea 侍應走過來 一是幫你鋪餐巾 二是問你落得order 未給我的感覺是催我落單 感覺不好high tea 的由來 有幾多個人真正了解過來了! 論外貌真係無得輸 好靚不過如果你追求傳統 唔係太愛朱古力的人 那這個未必適合你這set tea 能對我口味的 可能不過五件 愁!味道太極端 太濃 朱古力用上dark chocolate 櫻桃很重藥味 咖啡是很濃的炭燒咖啡 芝士很重 有些則好甜 用上的味道都是很極端 好搶 好膩鬆餅唔夠鬆 與半島的鬆餅一比 都比下去了反而蘋果花茶好香 好好飲!賣相一百分 但味道完全俘虜唔到我既心幸好半路中途 對岸的雲稍稍散去 能拍下一兩張有…查看更多

突然興起想打邊爐 但又不想打任食邊爐經朋友的朋友向朋友介紹 試下一間暗暗街角盡頭的火鍋店沿途行去真係幾暗下嫁 仲要有D鋪頭閉左 雖然條街多火鍋店 不過咁暗又靜 真係以為自己行錯路無諗過要行到街尾 膽粗粗行到盡頭 真係比我地見到喇遠處見到多好大個二奶架 見到「唔落味精」「健康」兩字都已經打動左我既芳心 入到去 地方好寬敞 每個角落都有電視機 好細心!沒有味精 源自一個味精敏感的故事menu真係好多野食 不過無火鍋料既紙比你畫 真係記唔晒自己想點咩 唯有叫個侍應黎 正諗住一輪咀讀晒要點既食物:肥牛 豚肉 花甲....個侍應即刻話: 你直接畫落去得嫁喇原來呢張過左膠既menu 用marker就咁畫就得 超環保呀 有諗頭!調味料任你落 好鐘意 方便又大方侍應反應好快 出單快 上火鍋料都好快 講下食物質素先-安格斯牛 寫明必試喎 好味 有牛味 無冰鮮味 仲要唔肥 又唔會好靱-手打雜丸(牛丸,蝦丸,墨魚丸) 粒粒都好大粒 正 不過要滾耐D 起碼兩個字以上 試過唔耐唔夠熟-帶子 花枝片 超正 帶子個侍應話七八秒拎上來食得 不過個人覺得一分鐘至兩分鐘最好 唔靭 超鮮甜 大隻 無縮埋細細粒花枝片片得爽口又夠薄--蜂巢豆腐 正正常常-- 花甲係是日推介 超正 又大隻大新鮮 好好味--黑豚肉片 啱晒唔牛既人 好薄又唔肥 好味 不過份量得8片 少左D(八十幾蚊)--皇帝菜 唔係到到地方都有 好味 想叫多一碟已經賣晒 早D 叫--雜餃 正呀 食得出唔係灣仔碼頭個D--響鈴 芋絲 芝士腸 正常 反而芝士腸我覺得無金妹牌咁好食喎叫左jar竹庶馬蹄水 好似好足料咁 但係馬蹄未刨又點出味呢 哈哈不過唔係鴻福堂個d 唔會好甜 都幾好飲既臨走仲要有椰汁糕送 椰汁綠茶味 好味嫁 記住食埋先好走…查看更多

位於文化中心旁邊的小角落 去過文化中心幾次總係見唔到佢 點解點解點解 唔通呢d就係叫「真眼大睇過籠」光顧當日是平日一點半 都幾FULL 要等位所以我同朋友過多十五分鐘先再入去 畢竟唔太慣企起CAFE入面等位 一入去 環境唔差喎 感覺係一間CAFE的半快餐店即係枱凳似CAFE 但買野食係要自己去收銀處直接買買完拎個號碼牌 過一陣會有人送餐過黎半自助模式 但又無收你加一 絶對可接受兩個人叫了兩個餐 不過送餐有D 亂第一次送左第二個餐黎 我地又唔為意 仲係咁影相 哈哈就係以下呢碟 都幾靚呀到第二個侍應再放低一碟 咦! 意粉我地叫左一碟咋喎即刻同侍應講 第一碟唔係我地既 但係個侍應就有D粗聲粗氣跟住我地想share 食 問個侍應有冇細碟 佢應我地:「有~~」但係就無拎過隻細碟比我地 結果我地要自己出去拎 怪!呢個真係我地叫既大蝦意粉 幾好味蝦爽得黎無咩雪味 唔錯龍蝦汁焗石斑意粉 好大塊魚 大件! 但係個汁似白汁多過龍蝦汁多d環境都幾好坐 唔使等位都係一個唔錯既選擇! …查看更多

九龍塘有些食店要親身等位　無飛仔拎rice paper 是其中一間 要親身排隊第一次去既時候完全無諗過排 再去既時候見到咁多人排又忍唔到去排了地方都叫幾大 枱亦盡可能唔靠得咁密 環境幾舒服而MENU 得前後兩頁 非常之環保但如果D食品有埋圖片會好好多 容易控制份量嘛呢個蕃茄蟹肉肉碎湯米線 我每次必吃必點因為湯底好味 夠濃 多蟹肉 多肉碎 足料 一試令我難忘第二樣好味是原個菠蘿海鮮炒飯 好足料帶子 魚 青口都好好味 係魷魚無咩味同埋諗住係雕空個菠蘿放D 飯入去 點知唔係…查看更多

早餐加塊牛扒 好似好豐富咁今次試的美心FOOD2 早餐炒蛋比麥當勞及SUPER SANDWICHES好味扒的味道不過不失吉列魚柳不會有厚粉漿還有厚多士和茄汁豆沒有影 但也不差這個早餐總算沒有失望…查看更多

成日聽黃珍珍但一直都無食過 知是無辣不歡的泰國菜但對於我唔食辣既人來說 真係想試下走進去但唔食辣除左唔食辣之外 我仲唔好香茅味 個人覺得香茅味好怪環璄 -- 好熱鬧有兩層 地方寬敞 唔使點等位 不過環境好嘈好似去左街市咁 同朋友講野都要大嗌先聽到服務 - 多侍應多對眼感覺上好多伙記 基本上一舉手就總有一個起你左近反應都幾快食物 - 不錯 但有地方要大扣分併盤 每樣兩件 蝦片好脆同有好蝦味 正!荷葉雞好大件 不過好油蝦餅 好正 唔會一層好厚既粉漿皮魚餅 都唔錯 好重既香茅味 (個人麻麻)串燒唔熟 串豬竟然唔熟 主要因為串燒好似扒咁厚但面頭都唔燶 一串好似扒咁厚既串燒要燒到燶都唔燶 要D難度呢個位真係扣分 因為燒串燒係好簡單 對於鋪頭應該駕輕就熟先係伙記都有跟進道歉 連埋一串雞再燒下 大家食既時候要小心D菠蘿炒飯原個菠蘿炒飯 都幾好味 仲要有臘腸 好得意黃咖喱豬雖然我不吃辣 但朋友吃 我也用麵包點少少吃不是太辣 但好勁香茅味…查看更多