燒燒果實's Profile

日本乒庫縣鮮蠔忌廉意粉 $188     野菌大蝦忌廉意大利飯 $188CINCIN ALL DAY BREAKFAST $158     魷魚圈千島醬薄餅 $138好少喺土瓜灣食嘢，上openrice搵到呢間🤣見環境幾靚就入咗去，侍應都幾好禮貌同好快就安排入座😊。選擇困難之下叫咗日本乒庫縣鮮蠔忌廉意粉$188, 野菌大蝦忌廉意大利飯$188, CINCIN ALL DAY BREAKFAST$158, 魷魚圈千島醬薄餅$138😋😋😋同朋友傾陣計，啲嘢食好快就嚟咗，望落都幾靚幾吸引👍特別係個意大利飯，未食就咁睇都覺得好creamy🤤又唔會淨係得兩三隻蝦，食完就知我一定會覆桌呢間餐廳🤣位置方面🤔依家有土瓜灣站都幾方便，地鐵站出嚟行幾分鐘就到，整體感覺都唔錯😊…Read More

以前從來都無諗過自己到呢個年紀仲會為公仔而瘋狂。原來當爸後，總會有點兒不一樣。 皆因小朋友會見到公仔高興。整間餐廳都係B Duck ，淨係睇都有夠小朋友睇好一陣子了。 餐墊有迷宮遊戲俾小朋友打發時間。 海膽蘋果沙律杯 78 哲夫太太喜歡海膽，當然要叫呢個啦~~ 無諗到中式茶樓會有呢。賣相精美，蘋果酸甜配上海膽鮮甜，多重味覺享受~ 馬拉盞蝦仁炒河 88 呢個帶點微辣，能增添食慾。蝦仁爽彈，河粉唔會淋曬，唔太油。味道算濃，但又唔會過鹹。 鬼馬墨魚72 原來係炸墨魚滑啊~~~~ 初初見到有汁淋上面就有啲唔開心啦~~ 因為覺得會浸淋曬呀。。。。但結果出乎意料呀~ 咬落去外脆內軟，墨魚滑彈牙，無腥味。配埋泰式醬就更好味啦~ 鮮蝦布拉腸粉 38 好精美的腸粉啊~~~蝦又夠大隻，腸粉夠薄夠滑。豉油係分開上架，鐘意鹹啲淡啲隨自己心意。 楊枝甘露 36 最後叫埋個甜品就完美啦~~~~ 初初諗住只係普通楊枝甘露無特別裝飾。原來內有精緻鴨仔~~鴨仔比較挺身有咬口，味道就會淡一啲。配埋楊枝甘露就絕配啦~ 芒果同棣子肉都算多。下次都想試埋其他點心呀~ B.Duck & Buffy 德記茶樓 旺角彌敦道575號Ladder Dundas 1樓…Read More

抓緊成長的步伐，不想錯過倍伴的時刻。今日唔駛OT 就嗱嗱聲叫哲夫太太有咩搞作。訂咗枱去親子餐廳，又食又玩，都不錯喎。 玩具設備齊全，滑梯，沙池，搖搖馬，戰車，化妝枱，超巿，廚房，lego, 繪本等等都未能盡錄。我家小姐就梗係最愛著公主裙啦～ 入沙池就記得最好著無袋既褲啦。。。。唔係就入曬入褲架啦！ 食嗰方面呢～初初啲細既掛住玩，真係玩飽架啦～都係大人食既多。點知兒童餐都有吸睛既地方所以佢地都坐定定食完再玩。 BBQ菠蘿咕咾肉 $98 份量都唔少，菠蘿烤過更甜。醬汁酸甜度剛好，肉質有咬口。 陳皮紅燒獅子頭套餐$168 套餐包括獅子頭，三色營養飯，養生湯和水果。獅子頭比平常見size 細，應該係專為小朋友而設。養生湯係大部份小朋友都愛的蕃茄薯仔湯。 兒童餐$128 包括時令水果，雲蛋蝦仁，馬島小企鵝，鮮茄磨菇燴麵，乾貝海鮮豆腐𡙡和果汁。豆腐羹最為小朋友鍾愛，豆腐切到細絲，入口綿滑，配上蝦等海鮮，鮮甜味足夠。 下次試下甜品先得啦！地址 九龍灣承豐道33號啟德郵輪碼頭B區北面平台…Read More

由細食到大的餅家，以前住九龍，長輩仲在生既時候，會係奇趣餅家既常客。奇趣餅家賣的都係懷舊小食，雞仔餅，牛耳，棋子餅，光酥餅，燒餅，西樵大餅等等。  而最鐘意既就係豆沙燒餅。煙韌𣇈口感，配上甜甜的紅豆沙，熱食滿有幸福感。怕紅豆太甜，都會有個無餡既淨燒餅俾大家揀，少少甜適合小朋友食。 通常我就會去開旺角做野必然會去買一轉，新鮮出爐就大約下午前點左右。唔好以為，好易買到，好多人都同你一齊等出爐架。仲有嗰度買野係要叫出來架，唔好等店員問你先講，你等得來就賣曬架啦~~~咁當然都係一個叫完到一個啦~~~唔係都唔知聽邊個講好啦~~~ 同埋要諗好買咩先，唔係既話會俾啲客眼望望架~~…Read More

茶餐廳俾人感覺係開得早收得晚，價錢相宜，又夠快~~~ 平日食開嗰間每日晨早就開，但係六點就收架啦~~~~之前既日子就唔知，但最少呢幾年都 係咁~~座位方面，茶餐廳都算濶架啦~~~當然你唔好拎佢來同西餐廳比啦~~ 員工，見到你帶小朋友就會主動俾個靚位你，等你方便啲。 食物價錢都自中規中距啦~~~午餐仲好快賣曬，想食就要早啲啦~~~  今日就去食番個早餐~~ 沙嗲牛肉通粉，配牛油方包，午餐肉，炒蛋。茶飲熱檸蜜潤一潤先~ 沙嗲牛肉會有辣椒絲，比起平常的辣少少。味香，通粉唔係大通粉，掛汁較多。炒蛋唔算油，還好啦~~…Read More

老婆嗜辣，基本上係無辣不歡。泡菜都屬於其中一行常食之一。但大圍都無咩韓式餐廳，大圍巿集開咗之後就唔駛下下去到尖沙咀買啦~~~大圍火車站過條馬路就到啦~~~ 絕對方便~~韓正屋，有泡菜湯飯，人蔘雞湯飯等等。 老婆每次都揀泡菜湯飯，有牛肉，海鮮等配搭。牛肉味最濃，海鮮味較甜。可以揀加辣， 唔駛擔心辣唔夠啦~~~ 內裡的餸都比想像中多。飯大約一碗左右，如果嗰日肚餓就未必夠啦~~ 不過佢地都仲有其他小食可以揀既。下次我就想試下人蔘雞湯同埋小食。老婆應該會繼續泡菜湯飯系列架啦~~~…Read More

青衣係久不久就會到既地方。探朋友或工作都久不久來青衣。但青衣邨無咩食店能聚一聚。唯獨一間酒樓，皇庭滙。只可以講呢間係唔驚無生意既酒樓。門口唔會有人帶位，你行到入去搵到位就係你架啦~~~~但有時仲會同你講呢張枱唔開，叫你去搵過第二張。佢地任何一個職員都唔會幫你架~ 分區十分清楚，唔係嗰區既係唔會幫你架。食物方面，點腸粉，牛肉球問豉油，喼汁可唔可以分開上，會即時黑住面做俾你，仲送你一句麻煩。有優惠套餐，點套餐會比較抵。總結，呢度係服務係無既，食物普通。…Read More

大圍手撕雞之前紅極一時，搬舖後仍然有一定的粉絲支持，雖然增設了坐位，但。。。。。感覺都係以前只有外賣的好。原因係完全無禮貌可言。員工應該比之前做多了吧~坐位無人執枱抹台，全靠食客自己互助啦~ 落單的姐姐又長期燥底，邊個要辣，邊個唔要辣亂曬。。。。 辣既跟魚旦定跟燒賣重複幾次都錯。。。員工之間互罵不斷，當日應該大家都要飲多兩樽夏枯草啦~~~腸粉都仍然滑，但都無之前既絲滑啦~~~醬汁，因為亂曬既關係真係唔知係咪保持水準。 總結都係外賣好，最少耳根清淨。。。。…Read More

勝利牛丸都有好一 段日子無食過啦~~~~ 以前就一星期總會有一兩次食。而家兩三個月先一次啦~~原因呢~~~自身環境轉變啦~ 價錢既轉變啦~~~ 胃口既轉變啦~~ 都帶啲影響。價錢上都唔單止勝利牛丸，基本樣樣都只係越來越貴。但份量仍然一樣，依個都係少咗去既原因。坐位枱與枱之間比較近，所以都唔會坐得特別舒服。食物依舊腩汁濃厚，油麪掛湯，味道更回味~~全店只有牛腩，牛筋，牛丸，幾十年如一~ 係鐘意食牛同埋會食牛先好入去，唔係既話你只可以有油菜。仲會有一啲三文治你揀下既~~~哈哈哈…Read More

見到有新店就走入去試下啦！順便買埋俾屋企人飲。翡翠檸檬 無 WD 40既味道，應該係飲咁多間最接受到既味道。酸甜道剛剛好。冬瓜檸檬 呢個唔係好試到有冬瓜味，但出乎意料之外飲到檸檬肉。偏酸一點，甜較少。布丁鮮豆乳加珍珠 老婆唔飲得奶，就點個豆乳俾佢啦。以外觀三杯係層次最靚既。白色黃色黑色三層顏色鮮明。布丁唔會好甜跟豆乳一齊飲就甜度剛好啦！加上珍珠既 Q 彈口感，多種口感一次過品嚐。店員有禮，唔需要等好耐就可以拎走。整體感覺不錯，下次再試下其他飲品…Read More

上次食過招牌龍蝦，今次諗住試下非龍蝦項目啦~ 非龍蝦項目都唔少，有海膽，吉列牛等等。 最後就揀咗 吉列牛排配忌廉蘋果咖喱烏冬 呢個名就真係有夠長。落單嗰陣對住讀都甩甩漏漏~~哈哈哈 烏冬唔會過淋，但如果你當日唔太肚餓就真係唔好叫啦。。。。因為都會相對飽肚既。忌廉厚身絕不欺場，蘋果味道較淡，咖哩唔辣口，帶少少甜。唯獨有樣唔好就係越食越濃味。 吉列牛外脆，但內裡都唔會全熟，僅僅熟。牛肉帶有少少根會有咬口。最後都點了飲品~ 西柚百香果茶~  如果有埋百香果肉就好啦~飲品比想像中大杯。西柚味比較重，正好為美好的一餐消消膩。…Read More

近期番工咁辛苦，梗係要好好慰勞一下自己先至得，順便約埋朋友一齊出來吐下苦水。左揀下右揀下就揀咗Master Kama。 唔理啦~~醫肚先~~~ 龍蝦包 呢個雖然睇落份量好細。但食落都唔會話好唔夠。包就帶點油，龍蝦都鮮味，唔會有太多味道去蓋過本身海鮮的鮮甜。沙律菜的醬，估計係乳酪，味道比較淡，如果可以濃番少少會更好。個人就比較喜歡蕃薯條多一點。薯條唔係唔好，呢係平時都比較多食到，所以就無咩特別啦~ 龍蝦湯 呢個值得一讚。暫時都未飲到一個比呢個龍蝦味更濃的湯。 入口順滑，唔會有顆粒。 配飲的包，有車厘茄，美美的配搭。下次再試下其他先~~…Read More

雖然寫就寫BRUNCH 但其實係人地既LUCNH 哈哈哈哈~~~叫一個MAIN COURSE 就可以食自助SALAD BAR 有小食,有甜品MAIN COURSE 變咗不是重點呢~~~哈哈哈 因為淨係SALAD BAR 都好好食啦~~~~ 大家都不斷食, 半自助形式確實吸引 有各式新鮮生果, 唔會出曬水, 件件大細都平均既~~~~ 仲有幾色啫喱糖,椰絲撒面更帶香氣煙三文魚唔會好鹹, 微微鹹, 沙律菜無苦澀味,混上少少醬汁,可以更開胃 亦都有燒蔬菜選擇 MAIN COURSE 意粉都唔會好細碟 海鮮足料 最後當然食埋甜品啦 甜品有好幾款選擇 奶凍就最得小朋友歡心 順帶一提SALAD BAR 有幾款不同既醬汁 味道不錯 對醬汁有要求的都要試下啊~~~…Read More

選合興的原因, 好明顯係辣~~ 當中既辣醬,辣得來有胡椒香, 又帶有鹹味, 唔會死辣乜味都無 而辣味帶有幾種不同的味道, 但不帶麻, 所以屋企人都會鐘意食咁大家諗唔到食乜既時候, 就會合興囉~~~~ 又或者~~ 好似好耐無食合興啦喎~~(其實上星期先食完) 咁食合興囉~~哈哈~~~當中有豬耳,豬大腸就成日被ENCORE 辣味豬紅都係值得一試之選 蘿蔔清甜,配上辣汁更一絕 湯底有得揀, 滷水,腩汁,清湯等 我通常都揀腩汁 味濃又唔會搶去辣味 而辣呢.............好明顯係係老婆既大辣度拎少少過來就算啦~~~哈哈哈~~~麵底有米粉,油麵,粗麵,幼麵,等 粗麵,幼麵都試過 即使外賣, 麵浸湯一段時間都唔會淋曬無曬湯.…Read More

韓舍都算係常去既店之一 放題形式, 一個價錢就任飲任食 唔駛因為價錢而就住食, 大家都可以放盡咁去食. 仲有各式食物, 鐘意食邊款就食邊款, 燒肉類多元化,辣唔辣都可以揀. 老婆就最鐘意食魚塊 燒得好就會鮮嫰多汁 我就鐘意食雞翼類~~~~ 除咗肉都會有各款蔬菜任你燒太肚餓等唔切都仲可以有熟食提供, 湯類,甜品,小食, 老婆係最鐘意麻辣小食 辣得過癮咁話 春卷同咖哩角都唔會太鹹太油 味道適中下午去食相對無咁多人, 唔駛訂位都可以食得到…Read More