鏡中人's Profile

去明愛醫院探病，個心已經唔係好安樂，探完病之後，心情更加低落，就好需要食嘢，但又唔想喺出面食，就去明愛醫院嗰間 Cafe 330, 外賣個飯盒返屋企食就算。聽講呢間 cafe 330 係社， 呢度嘅職員都 好友善，我呢個街外人問三問四，佢哋都好有耐心咁答我，唔會覺得我麻麻煩煩，完全係顧客至上嘅體驗！！原來都有好多食物可以選擇，有粉麵又有飯、又有蛋糕、三文治，不過我都係揀咗沙律嚟食。煙雞胸螺絲粉沙律，係我嘅選擇！ 我選擇咗芝麻醬，食落口嗰啲蕃茄仔、紅菜頭好新鮮，個雞蛋配個沙律醬好正，螺絲粉煙煙韌韌，仲有一啲菜咁樣，食落去好 fresh，完完全全係大餐廳嘅出品咁樣！…Read More

同細妹去睇戲之前，食返個甜品，開開心心再去睇戲。通常會去甜品舖食甜品，其實又奇在呢家「大街小館」呢個甜品舖唔係一間舖頭，係好似個檔口仔咁，仲有條長凳，好得意又過癮。睇下其實都有好多甜品食，又有好多果汁飲，我就覺得呢度有一個「開心果糊」 係我最喜歡嘅，我就叫咗個開心果糊嚟食。開心果糊，個味道好 raw，好， 好有質感，唔會好甜，食起上嚟仲食到少少開心果肉，唔係好水汪汪！係好真材實料嘅！ 真係香噴噴，係一個好好味嘅甜品。…Read More

家陣可以大膽吃了！(因為有消費券) 唔使慳住荷包，試下新嘢都好！今日出灣仔去食日本麵，不過唔係食拉麵，亦唔係食沾麵，而係食「Mazesoba 日本撈麵」。我食嘅係 Yuzu Shio Mazesoba 柚子鹽味撈麵 (冷)， 睇上去材料係好豐富，有紫菜、蔬菜粒、筍、雞肉片、雞蛋，先將所有食材同醬料撈勻，食少少之後就加黑胡椒粒，然後又再加秘製香醋再食，麵質爽口彈牙，雞肉軟滑，好有唔同層次嘅味覺享受，味道特別又好味得好緊要，有一種Big Bang咁震撼性嘅味覺享受！…Read More

你知我知，家陣夜晚，大家冇啖好食，收工收得夜，買唔到餸煮飯真係大劑。好彩仲有兩餸飯，呢啲基層食物來幫助一下，咁樣都未至於要捱罐頭。深水埗呢一間「廚煌美食」就係一間我幾喜歡嘅兩餸飯餐廳。不過我今日唔係叫兩餸飯，而係叫淨餸，揀咗我鍾意食嘅「蓮藕炆腩仔」蓮藕炆腩仔，味道夠傳統，蓮藕夠爽又勁入味，腩仔肥瘦均勻又淋又滑都係好入味，個汁撈飯都係一流，如果唔係自己親身去買，都以為會係大酒家出品。「廚煌美食」簡直就係疫情之下嘅救星！…Read More

表妹請食飯！佢就帶我嚟咗呢間好出名，好有人氣嘅「越男仔」我叫咗個 3-Course Dinner (牙車快沙律、手撕雞檺紙卷、鴛鴦雞飯)牙車快沙律，清新爽口， 未做酸酸甜甜，加埋啲綠林醬，醒胃又提神。手撕雞檺紙卷，包得整整齊齊 食落香口，煙煙韌韌，好好味！鴛鴦雞飯，即是冇骨海南雞&脆炸雞，話得係招牌菜梗係有料到；海南雞肉，雞有雞味，雞皮薄又滑 , 肉質夠熟夠嫩 ; 脆炸雞，真係好脆身，雞肉又入味又嫩滑；油飯 , 香口夠味 , 亦夠油潤 , 真係超級好味！加個特色飲品，鮮果茶，呢餐真係超級完美！…Read More

喺荃灣四圍行，見到呢間店子細細，又好有日本feel嘅拉麵店， 仲見到好多貓貓圖片同擺設喺裏面，好好feel，就入去試下啦，原來真係大隱隱於市！個拉麵好味到震！櫻花蝦拉麵 , 食材超豐富 , 有櫻花蝦、火炙豚肉 、味玉、蔥花、竹筍、海苔，我揀嘅拉麵係曲麵。湯底濃郁鮮甜，麵質爽口彈牙；火炙豚肉，夠香口，肥瘦均勻，肉質淋滑；味玉，超級入味而且一咬流心，真係堅好味。日式餃子，睇落好飽滿，煎得好香口，都好好味。One of the best Japanese Ramen, I ever had in my life.…Read More

我覺得係重慶大廈裡面最正嘅咖喱餐廳!重慶有好多咖喱餐廳，我都食過好多間，但呢一間係最掂! 除咗食物好味，環境仲好乾淨，而且店員可以講廣東話，溝通冇問題。Papadom 胡椒脆餅，又薄又脆，好香口。Tandoori Fish 印式烤魚, 原條烤，香料味好濃又香，魚肉好鮮味，唔係好喊又唔算好辣，勁有風味。Lamb Korma 杏仁汁燴羊肉，個汁好creamy又濃又滑，羊肉好嫩好夠味，唔係好辣嘅一種咖哩。Kashmiri Pullau 喀什米爾果仁蒸飯，甜甜地嘅一種飯，但係冇乜果仁，但就有好多什果，甜甜地特別得好緊要，好好味。…Read More

女人唔一定鍾意Sailormoon，同樣並唔喺所有女人鍾意去High Tea，fine dinning同去Staycation。我就係一個中意食碟頭飯，食燒味，大口大口食肉爬飯嘅女人。坊間稱我呢種人叫女漢子。我今日又去食燒味飯。叉燒拼燒肉飯，好足料! 好多餸! 叉燒肥瘦均稱有蜜甜又有肉味，肉質唔硬又容易咬，分分鐘有酒店級水準。燒肉皮脆肉嫩，唔會話太鹹，唔會太肥又唔會太瘦，簡直就係完美燒肉。呢一碗叉燒拼燒肉飯真係super。除左燒味飯正之外，杯凍檸檬茶都好掂。…Read More

Mcdonald 係平民，好似街坊bakery咁，day day the same，但都有時好有特破。就好似new burger 脆洋蔥安格斯漢堡 就好special好extraordinary。窮OL如我都可以負擔得起嘅高質漢堡包。脆洋蔥安格斯漢堡 Crispy Onion Angus burger，又厚又有肉香味又juicy嘅安格斯牛肉漢堡扒 + 煎香嘅厚雞蛋仔 + 味道新奇嘅脆口洋蔥 + 蔬菜 + 特色醬汁，tasted so special食得人好滿足，而且真係好好味!成為我最中意食嘅漢堡包。…Read More

之前講過我唔喺潮州人，唔知道潮州正統食物嘅味道，我喺比較膚淺，只能夠話好食同唔好食，啱我口味或者唔啱。呢個真係好味，唔去介紹下都唔得。豬什王(油麵)，餸係豬粉腸、豬肺、豬心、豬潤，樣樣都好入味又有鮮味，湯底係白胡椒＋豬骨湯底，味道又香又濃又鮮甜，油麵好爽口彈牙好味。呢間店嘅辣椒醬同埋菜甫，都係好正好好味，真係出乎意料得好緊要。檸檬茶都幾好飲。宜家喺香港食到豬什嘅地方越來越少，能夠有一間見到，我又啱時間，又有位食得到，更加係難能可貴。…Read More

我唔喺潮州人，又無去過潮州，但係就好中意食潮州嘢，久唔久都諗究竟正宗嘅潮州嘢食係乜嘢味呢? 平時我哋喺香港食到嘅又正唔正宗呢。有日我個同事話俾我聽，呢一間食到嘅潮州嘢食就夠曬正宗，同佢係鄉下食到嘅一樣味，所以佢就帶我來食。醬料辣醬都好正。特色潮汕腸粉，的確同日本係茶樓食到嘅腸粉係好唔同，可能喺香港好特別，但係其實喺潮州喺好普遍，哩嗰食落去夠爽夠滑夠嫩，我覺得最好味道仲係個豉油。魚皮餃拼魚扎米線，個湯底濃郁又鮮甜，好重胡椒味，魚皮餃細細粒，個皮好硬淨，肉好咸香; 魚扎好細條，唔知餡料係乜嘢，好似有芹菜，味道嘅複雜，但係食到好重魚味，兩樣野咬口感都唔錯; 米線就係一般米線嘅味道。…Read More

收工收到好夜，趕唔切賣餸，一出地鐵就去 Bento Express by Aeon，買外賣飯返屋企食。和風便當-蒲燒鰻魚便當，食得外賣飯盒 (仲要係即食嘅) 都唔會預期有乜嘢水準，只係但求味道正正常常唔會甩甩漏漏就收貨。呢盒便當都算唔錯，睇起上嚟都靚靚仔仔，而且前菜、蔬果、甜層都幾好食，味道都幾好。鰻魚都好厚肉冇乜骨，又香又滑又有魚味，食落味道都幾夠肥美，鰻魚的蒲燒汁甜甜地幾好味，唔太甜又唔太喊，即食便當呢講算係好好味，真係一啲都唔頹。…Read More

今日同另一個同事一齊去到將軍澳出差，lunch就係新都城二期嘅Asian Cooking薈亞廚房食。龍眼冰，味道甜甜地又夠清香，秋天飲好正泰式炒金邊粉 Pad Thai，炒得好夠鑊氣，好香口又好夠味道，食材有鮮嘏、豆乾、椰菜，味道都正宗，而且都算幾大碟。越式鮮茄牛腩飯，食材好豐富，個鮮茄汁甜甜酸酸好好味好開胃，牛腩好夠味道又淋，超級好送飯。唔單止主菜好食，小食都好特別。蔥油炸胡椒扎肉，味道好特別，油炸過扎肉同蔥油好夾，好香口。酸辣蟲草花凍醃豆腐，好特別嘅食法，味道好有泰式風情，咁大個女仲係第一次食，好正。真係無諗過會咁好食，真心正。…Read More

假日，約左朋友出去食嘢，我個朋友特別鍾意食辣，佢就約我去好出名嘅「十二味麻辣小當家」。講起就好笑，我唔喺好食得辣嘅人，但係我又成日想試下食辣，真係好矛盾。呢間餐廳係冇實體menu, 係用QR code嘅。食份午餐就跟杯餐飲，慾望酸梅唔洗加錢，但飲其他就要加錢。慾望酸梅，係店家特別製造嘅酸梅湯，味道酸酸甜甜，都好特別。麻婆豆腐(跟飯＋餐飲)午餐$52，同我平時喺茶餐廳或者酒樓食到嘅麻婆豆腐，味道係好唔同，黎到麻婆豆腐嘅辣味係好有層次，有啲麻香味，勁好食，超級好撈飯。牛肉麻辣香鍋(跟飯＋餐飲)午餐$68，好大兜，好有好多材料，有A菜，蓮藕片，薯仔條，牛肉片，好多香菜、辣椒，味道好複雜勁惹味，又香又辣又麻，越食越過癮。…Read More

今晚去邊pizza hut食飯，不過外賣自取有優惠，所以就外賣返屋企食。海鮮寬條麵 seafood fettuccine，每次去pizza hut食飯都一定嗌，個忌廉汁又香又滑，配合雜錦海鮮，好口感嘅寬條麵，由90年代食到而家都咁好食。珍寶雙料批 the jumbo double pizza，喺大啡菇拼大蝦薄餅，個pizza sauce喺好特別嘅黑松露味，我覺得成個配搭都好健康食落都覺得清新，而且而且食落個味道係好夾，好陰唔喺好想食太多肉類嘅人食，good呀。…Read More